இங்கிலாந்துக்கு எதிரான டெஸ்ட்; அணிக்குத் திரும்பிய முக்கிய வீரர்கள்!

இந்தியா - இங்கிலாந்து இடையேயான டெஸ்ட் தொடர் தற்போது நடைபெற்றுவருகிறது. இந்த தொடரின் முதல் போட்டியில், இங்கிலாந்து வென்றது. இரண்டாவது டெஸ்ட் போட்டியில் இந்தியா, இங்கிலாந்தை வீழ்த்தி முதல் டெஸ்டில் அடைந்த தோல்விக்குப் பதிலடி கொடுத்தது. இந்த நிலையில், இங்கிலாந்து அணிக்கு எதிராகக் கடைசி இரு டெஸ்டுகளில் விளையாடும் 17 பேர்கொண்ட அணியை இந்திய கிரிக்கெட் வாரியம் இன்று அறிவித்துள்ளது.

இந்த அணியில் ஹர்திக் பாண்டியா இடம்பெற்றுள்ளார். நீண்ட இடைவெளிக்குப் பிறகு அவர் டெஸ்ட் அணிக்குத் திரும்புகிறார். ஷர்துள் தாக்குர் அணியில் இருந்து நீக்கப்பட்டுள்ளார். அவருக்குப் பதிலாக ஆஸ்திரேலிய தொடரின்போது காயமடைந்த உமேஷ் யாதவ் அணிக்குத் திரும்பியுள்ளார். அதேபோல் அந்த தொடரில் காயமடைந்த கே.எல்.ராகுலும் அணியில் இடம்பெற்றுள்ளார். மேலும் ஷபாஸ் நதீம் அணியிலிருந்து நீக்கப்பட்டுள்ளார். 

இங்கிலாந்திற்கு எதிரான கடைசி இரண்டு டெஸ்டிற்கான இந்திய அணி வருமாறு:

விராட் கோலி (கேப்டன்), ரோஹித் சர்மா, மாயங்க் அகர்வால், சுப்மன் கில், புஜாரா, அஜிங்க்யா ரஹானே (துணை கேப்டன்), கே.எல்.ராகுல், ஹர்திக் பாண்டியா, ரிஷப் பந்த் (விக்கெட் கீப்பர்), விருத்திமான் சஹா (விக்கெட் கீப்பர்), அஸ்வின், குல்தீப் யாதவ், அக்ஸர் படேல், வாஷிங்டன் சுந்தர், இஷாந்த் சர்மா, ஜஸ்பிரித் பும்ரா, சிராஜ்.