Skip to main content

பயணத்தின்போது டிரைவர்கள் தூங்குவது ஏன் தெரியுமா? 

Published on 09/07/2018 | Edited on 09/07/2018

2016ஆம் ஆண்டு சாலைவிபத்து குறித்து நடத்தப்பட்ட ஆய்வு ஒன்று இந்தியாவில் ஒவ்வொரு மணிநேரத்திற்கும் 17 பேர் விபத்துகளில் சிக்கி உயிரிழப்பதாக தெரிவிக்கிறது. சென்ற ஆண்டு மட்டும் 1.46 லட்சம் பேர் சாலை விபத்துகளில் உயிரிழந்ததாக ஒரு தகவல் சொல்கிறது. 
 

road

 

 

 

விதிகளை கடுமையாக்கியும், பல்வேறு ஆய்வுகளை நடத்தியும் இந்த சாலைவிபத்துகளைக் கட்டுப்படுத்தும் முயற்சிகள் மேற்கொள்ளப்பட்டு வருகின்றன. அந்தவகையில், ஆஸ்திரேலியாவைச் சேர்ந்த ஆர்.எம்.ஐ.டி. பல்கலைக்கழகம் சாலைவிபத்து ஏற்படுவதற்கான ஆராய்ச்சி ஒன்றை நடத்தி, அதற்கான விடையையும் கண்டுபிடித்திருக்கிறது. 
 

பொதுவாக மோசமான சாலைவிபத்துகளில் 20% டிரைவரின் சோர்வே காரணம் என்பது பரவலாக சொல்லப்படும் கருத்து. அந்த வகையில், டிரைவின் வாகனம்தான் விபத்து ஏற்பட முக்கியக் காரணமாக இருப்பதாக இந்த ஆய்வில் சொல்லப்பட்டுள்ளது. வாகனத்தில் இருந்து உருவாகும் அதிர்வலைகள் அல்லது வைப்ரேஷன் வெறும் 15 நிமிடங்களில் ஓட்டுநரை உறக்கநிலைக்கும், கவனச்சிதறல் நிலைக்கும் தள்ளிவிடுகிறது. குறைந்த அதிர்வலைகள் குறிப்பாக ஓட்டுநரின் மூளையை மந்தமாக்கி விடுகிறது. குறிப்பாக, ஓட்டுபவர் நல்ல ஓய்வில், நல்ல உடல்நலத்துடன் இருந்தாலும் இது நடப்பதாக அந்த ஆய்வு சொல்கிறது. 

 

 

வாகன உற்பத்தியாளர்கள் இந்த வைப்ரேஷன்களைக் கட்டுப்படுத்த ஆய்வு நடத்தி வருகிறார்களாம். என்னதான் இருந்தாலும், வாகன ஓட்டிகள் உறக்கம் வந்தால் சிறிது ஓய்வு எடுத்துக்கொண்டு பயணத்தைத் தொடர்வதே பாதுகாப்பைத் தரும் என்றும் அந்த ஆய்வு வலியுறுத்துகிறது. 


 

 

Next Story

நடு சாலையில் காரை வழிமறித்து தாக்குதல்; கொள்ளை முயற்சி தொடர்பான பகீர் வீடியோ

Published on 16/06/2024 | Edited on 16/06/2024
Attack by overtaking a car in the middle of the road; Bagheer video related to robbery attempt

கோவையில் நடு சாலையில் காரை மறித்து பயங்கர ஆயுதங்களுடன் மர்ம நபர்கள் தாக்குதல் நடத்தும் வீடியோ காட்சிகள் இணையத்தில் வைரலாகி வருகிறது.

கோவை மாவட்டம் மதுக்கரை எல்என்டி பைபாஸ் அருகே இரவு நேரத்தில் கேரள பதிவெண் கொண்ட காரை நடுசாலையிலேயே கார் ஒன்று வழிமறித்து நின்றது. திடீரென அந்த காரில் இருந்து இறங்கிய முகமூடி அணிந்த நபர்கள் சிலர் வழிமறிக்கப்பட்டு நின்ற வானகத்தில் இருந்தவர்களை கையில் வைத்திருந்த பயங்கர ஆயுதங்களால் தாக்க முயன்றனர்.

மர்ம நபர்கள்  தாக்குதல் நடத்திய சம்பவம் தொடர்பான காட்சிகள் காரில் பொருத்தப்பட்டிருந்த சிசிடிவி கேமராவில் பதிவானது. இந்த காட்சிகள் தற்போது இணையத்தில் வைரலாகி  வருகிறது. கார் டிரைவர் துணிச்சலாக செயல்பட்டதால் கொள்ளையர்களின் கொள்ளை முயற்சி தோல்வி அடைந்ததாகத் தகவல்கள் வெளியாகி உள்ளது. இந்த சம்பவம் தொடர்பாக போலீசார் வழக்குப்பதிவு செய்து விசாரணை மேற்கொண்டு வருகின்றனர். வடமாநிலங்களில் நடக்கும் சம்பவம் போன்றே கோவையில் நிகழ்ந்த சம்பவம் வாகன ஓட்டிகளை அதிர்ச்சிக்கு உள்ளாக்கியுள்ளது.

Next Story

திடீர் பள்ளம்; வாகன ஓட்டிகள் அவதி

Published on 01/06/2024 | Edited on 01/06/2024
pit; Motorists suffer

கோடம்பாக்கத்தில் சாலை நடுவே திடீரென ஏற்பட்ட பள்ளம் பரபரப்பபை ஏற்படுத்திய நிலையில் போக்குவரத்து நெரிசல் ஏற்பட்டுள்ளது.

சென்னை கோடம்பாக்கம் பவர்ஹவுஸ் அருகே திடீரென சாலையில் பள்ளம் ஏற்பட்டுள்ளது. இதனால் வாகன ஓட்டிகள் மிகுந்த சிரமத்திற்கு ஆளாகினர். இன்று அதிகாலை திடீரென ஒன்பது அடி நீளத்திற்கு இந்த பள்ளம் ஏற்பட்டுள்ளது. தகவலறிந்து சம்பவ இடத்திற்கு வந்த போக்குவரத்து காவல்துறையினர் சாலை தடுப்புகளை வைத்து வாகனங்களை திருப்பிவிடும் பணிகளில் ஈடுபட்டு வருகின்றனர்.

இரவு நேரங்களில் ராட்சத இயந்திரங்களைக் கொண்டு மெட்ரோ பணிகள் நடைபெற்று வரும் நிலையில் இயந்திரத்தின் அதிர்வு காரணமாக இந்த பள்ளன்  ஏற்பட்டிருக்கலாம் என்ற சந்தேகம் எழுந்துள்ளது. இந்த சம்பவம் அந்த பகுதி மக்களுக்கு பரபரப்பை கொடுத்துள்ளது.