Skip to main content

தொப்பை வர என்ன காரணம்? - சித்த மருத்துவர் அருண் 

Published on 26/09/2023 | Edited on 26/09/2023

 

What causes the belly? - Siddha doctor Arun

 

தொப்பை வருவதற்கான காரணம் குறித்தும் இயற்கை உபாதை சிக்கல் குறித்தும் சித்த மருத்துவர் அருண் தெரிவித்ததாவது;

 

நிறைய பேருக்கு தொப்பை இருக்கிறது. இதனால், வயிற்றில் வெறும் கொழுப்பு தான் இருக்கும் என்றில்லை. மாறாக நாம் சாப்பிடும் உணவுகளால் கேஸ் கூட உண்டாகியிருக்கும். மேலும், மது அருந்துவது, பிட்சா, குளிர்பானங்கள் போன்றவற்றாலும் உடல் உழைப்பு குறைந்ததும் தொப்பை வருவதற்கு காரணமாகலாம். 

 

சமையலில் விளக்கெண்ணெய்யைப் பயன்படுத்துவதன் மூலம் மலச் சிக்கலை குறைக்க உதவும். குழந்தைகளுக்கும் மலச்சிக்கல் பிரச்சினை வருவதுண்டு. துவரம் பருப்பை வேகவைக்க, தோசை சுடவும் விளக்கு எண்ணெய்யை பயன்படுத்துவதால் இயற்கையாக மலம் கழிய வாய்ப்புள்ளது. மலச் சிக்கல் பலசிக்கல் என்ற வார்த்தையை கேள்விப்பட்டிருப்போம். 

 

இயற்கை உபாதையை கழிப்பதை அருவருப்பாக கருத வேண்டாம். தினமும் எப்படி சாப்பிட்டு, தண்ணீர் குடித்து, உறங்குகிறோமோ அதுபோல இயற்கை உபாதையையும் தினமும் கழிக்க வேண்டும். இதில் ஏதாவது சிக்கல் ஏற்பட்டால் உடலில் நோய் இருக்கிறது என்று அர்த்தம். தினமும் ஒரு முறையாவது இயற்கை உபாதையை கழிக்க வேண்டும். அப்படி நடந்தால் தான் உடலில் உள்ள கழிவுகள் நீங்கி விட்டதற்கான அறிகுறி. 

 

இதில் சிக்கல்கள் ஏற்படாமல் இருக்க நார்ச் சத்துள்ள கீரை வகைகள், காய்கறிகள், கொய்யாப் பழம், மாதுளை, சப்போட்டா, திராட்சை, உலர் திராட்சை உள்ளிட்டவற்றை உணவில் சேர்த்துக்கொள்ள வேண்டும். இதன்பிறகும் சரியாகவில்லை என்றால் உங்கள் குடும்ப சித்த மருத்துவரை அணுகலாம். மாறாக, நீங்களே முடிவெடுத்து வைத்தியம் பார்க்காதீர்கள். 

 

சிலருக்கு உடல் சூட்டினால் இயற்கை உபாதை கழிப்பதில் பிரச்சனை ஏற்படும். அப்போது அவர்கள் விளக்கெண்ணெய் பயன்படுத்தலாம். 

 

 

 

Next Story

தாய்ப்பால் பவுடர் விற்பனை; அரும்பாக்கத்தில் அதிகாரிகள் ஆய்வு

Published on 03/06/2024 | Edited on 03/06/2024
sale of breast milk powder; Officials inspect Arumbakkam

பிளாஸ்டிக் பாட்டில்களில் தாய்ப்பாலை அடைத்து சட்டவிரோதமாக விற்பனை நடத்தியதாக வெளியான சம்பவம் சென்னை மாதவரத்தில் பரபரப்பு ஏற்படுத்தி இருந்த நிலையில் தாய்ப்பால் விற்பனை குறித்து ஆய்வு செய்வதற்காக சென்னை மாவட்டத்தில் 18 குழுக்கள் அமைக்கப்பட்டுள்ள நிலையில் பல இடங்களில் சோதனை நடைபெற்று வருகிறது.

சென்னை மாதவரம் பகுதியில் தாய்ப்பாலை பிளாஸ்டிக் பாட்டில்களில் அடைத்து சட்டவிரோதமாக ரூபாய் 500க்கு விற்பனை செய்யப்பட்டு வந்தது தெரிய வந்து அதிர்ச்சியை ஏற்படுத்தி இருந்தது. அதனைத் தொடர்ந்து அந்த நிறுவனத்திற்கு சீல் வைக்கப்பட்டது. இந்தநிலையில் மாநிலம் முழுவதும் அரசு மருத்துவமனை மற்றும் ஆரம்ப சுகாதார நிலையங்களின் தகவல் அடிப்படையில் தாய்ப்பால் விற்பனை மையங்களைக் கண்டுபிடித்து நடவடிக்கை எடுக்க உத்தரவிடப்பட்டது.

தாய்ப்பாலை விற்பது சட்டப்படி குற்றம் என்பதால் வேறு சத்துணவு பொருட்களை விற்பனை செய்ய அனுமதிகோரி அனுமதி வாங்கிவிட்டு அதற்கான லைசென்ஸை வைத்து சட்டவிரோதமாக தாய்ப்பால் விற்பனையில் ஈடுபடுவது தொடர்பாக புகார்கள் எழுந்துள்ளது.  இதுகுறித்து சென்னையில் ஆய்வுகள் மேற்கொள்ள 18 குழுக்கள் அமைக்கப்பட்டது.தாய்ப்பால் விற்பனை குறித்து தகவல் தெரிந்தால் மக்கள் 9444042322 என்ற எண்ணுக்கு தொடர்பு கொண்டு புகார் அளிக்கலாம் எனவும் தெரிவிக்கப்பட்டிருந்தது

sale of breast milk powder; Officials inspect Arumbakkam

இந்நிலையில் சென்னை அரும்பாக்கத்தில் சட்டத்திற்கு புறம்பாக தாய்ப்பால் விற்பனை செய்யப்படுவதாக புகார் எழுந்த நிலையில் அங்கு உணவு பாதுகாப்புத்துறை அதிகாரிகள் சோதனை நடத்தி வருகின்றனர். அரும்பாக்கத்தில் உள்ள ஆர்.கே மருந்து கடையில் பதப்படுத்தப்பட்ட தாய்ப்பால் சட்டவிரோதமாக விற்கப்படுவதாக புகார் எழுந்தது. அதனைத் தொடர்ந்து உணவு பாதுகாப்புத்துறை அதிகாரி சதீஷ்குமார் தலைமையில் வந்த அதிகாரிகள் நேரடியாக வந்து ஆய்வு நடத்தி வருகின்றனர்.

சோதனையில் பதப்படுத்தப்பட்ட தாய்ப்பால் விற்கப்படுவது தெரிய வந்துள்ளது. 50 மில்லி கிராம் அளவுள்ள தாய்ப்பாலின் விலை 500 ரூபாய் என விற்கப்படுவது தெரியவந்துள்ளது. மேலும் பவுடர் வடிவில் தாய்ப்பாலை குளிர்ச்சியாக்கி விற்பனை செய்வதும் தெரியவந்துள்ளது. தாய்ப்பால் பவுடரை கைப்பற்றிய அதிகாரிகள் விசாரணை மேற்கொண்டு வருகின்றனர். இவை 'கிங்க் இன்ஸ்டியூட்' ஆய்வகத்திற்கு பரிசோதனைக்காக அனுப்பப்பட்டுள்ளதாகவும் உணவு பாதுகாப்புத்துறை சார்பில் தெரிவிக்கப்பட்டுள்ளது.

Next Story

வெளிச்சத்திற்கு வந்த தாய்ப்பால் விற்பனை; 18 குழுக்கள் அமைப்பு

Published on 01/06/2024 | Edited on 01/06/2024
Breast milk sales exposed; 18 groups system

பிளாஸ்டிக் பாட்டில்களில் தாய்ப்பாலை அடைத்து சட்டவிரோதமாக விற்பனை நடத்தியதாக வெளியான சம்பவம் சென்னை மாதவரத்தில் பரபரப்பு ஏற்படுத்தி இருந்த நிலையில் தாய்ப்பால் விற்பனை குறித்து ஆய்வு செய்வதற்காக சென்னை மாவட்டத்தில் 18 குழுக்கள் அமைக்கப்பட்டுள்ளது.

சென்னை மாதவரம் பகுதியில் தாய்ப்பாலை பிளாஸ்டிக் பாட்டில்களில் அடைத்து சட்டவிரோதமாக ரூபாய் 500க்கு விற்பனை செய்யப்பட்டு வந்தது தெரிய வந்து அதிர்ச்சியை ஏற்படுத்தி இருந்தது. அதனைத் தொடர்ந்து அந்த நிறுவனத்திற்கு சீல் வைக்கப்பட்டது. இந்தநிலையில் மாநிலம் முழுவதும் அரசு மருத்துவமனை மற்றும் ஆரம்ப சுகாதார நிலையங்களின் தகவல் அடிப்படையில் தாய்ப்பால் விற்பனை மையங்களைக் கண்டுபிடித்து நடவடிக்கை எடுக்க உத்தரவிடப்பட்டுள்ளது.

தாய்ப்பாலை விற்பது சட்டப்படி குற்றம் என்பதால் வேறு சத்துணவு பொருட்களை விற்பனை செய்ய அனுமதிகோரி அனுமதி வாங்கிவிட்டு அதற்கான லைசென்ஸை வைத்து சட்டவிரோதமாக தாய்ப்பால் விற்பனையில் ஈடுபடுவது தொடர்பாக புகார்கள் எழுந்துள்ளது. இந்நிலையில் இதுகுறித்து சென்னையில் ஆய்வுகள் மேற்கொள்ள 18 குழுக்கள் அமைக்கப்பட்டுள்ளது. தமிழகம் முழுவதும் தாய்ப்பால் விற்பனை குறித்து கண்காணிக்க நடவடிக்கைகள் மேற்கொள்ளப்பட்டு வருகிறது. தாய்ப்பால் விற்பனை குறித்து தகவல் தெரிந்தால் மக்கள் 9444042322 என்ற எண்ணுக்கு தொடர்பு கொண்டு புகார் அளிக்கலாம் எனவும் தெரிவிக்கப்பட்டுள்ளது.