Skip to main content

கரோனா காலகட்டத்தில் ஃபேஷனில் மூழ்கிய நவீன மக்கள்!

Published on 30/12/2020 | Edited on 30/12/2020

 

shakira

 

 

உலகமே கரோனா என்கின்ற கொடிய நோய்க்கு எதிராக போராடி வரும் இந்த சுழலில், சில வேடிக்கையான, விதித்திரமான, சுவாரஸ்யமாக  நிகழ்வுகளும் அவ்வப்போது அரங்கேறி கொண்டு தான் இருக்கிறது. இன்றைய நவீன கால கட்டத்தில் கரோனா என்கின்ற கொடிய வைரஸ் ஏற்படுத்திய தாக்கம் காரணமாக மக்கள் பலர் தங்களது வீட்டில் இருக்கும் சூழ்நிலைக்கு தள்ளப்பட்டுள்ளனர் என்பது அனைவராலும் மறுக்க முடியாத உண்மை.

 

வெளிநாட்டில் பணிபுரிய சென்றோர் தங்களது வேலைகளை இழந்து சொந்த நாடு திரும்பினர். உள்நாடுகளின் பணிபுரிவோர் தங்களது வேலைகளை வீட்டிலேயே பணிபுரியும் சூழ்நிலை அமைந்தது. இந்த சூழலில், வீட்டில் இருக்கும் பெரும்பாலான மக்கள் தங்களது ஓய்வு நேரத்தினை இணையத்தில் செலவிடுகின்றனர். அவ்வப்போது, சமூக வலைதளங்களில் கூட பெரும்பாலான வீடுகளில் பெண்கள் ஆண்களின் முடியை வெட்டுவது போன்ற ஏராளமான வீடியோக்கள் வைரலாகின.

 

அவற்றுள் பெருவாரியான மக்கள் சமூக வலைதளங்களில், அழகு குறிப்புகளை தேடுவதில் அதிக நாட்டம் உடையவர்களாக இருக்கிறார்கள். இந்த ஆண்டு கூகுளில் மக்கள் தேடிய தலைப்புகளின் மூலம் இது தெளிவாகத் புரிந்து கொள்ள முடிந்தது. இது தொடர்பாக ஃபேஷன்ஸ்டா காமில் நிறுவனம் ஒவ்வொரு ஆண்டும் போலவே  இந்த 2020 ஆண்டும் கூகுள் தேடலில் முதலிடம் பிடித்த தலைப்புகளின் பட்டியலை வெளியிட்டுள்ளது.

 

இந்த பட்டியலில் பயனர்கள் கூகுளில் அதிகம் தேடிய தலைப்புகளில் பேஷன்-அழகு-ஷாப்பிங் தொடர்பான  தேடல்கள் அதிக அளவில் இடம்பெற்றிருந்தன அனைவரையும் ஆச்சரியத்தில் ஆழ்த்தியது. இது கடந்த ஆண்டை ஒப்பிடும்போது அதிக எண்ணிக்கையில் உள்ளன.

 

அழகு குறிப்புகளில் அதிகம் தேடப்பட்டவையாக, வீட்டில் முடி வெட்டுவது எப்படி, குறிப்பாக வீட்டில் ஆண்களின் முடியை வெட்டுவது எப்படி, முகப்பரு போன்றவற்றை எவ்வாறு அகற்றுவது, முகக் கவசம் எங்கு வாங்குவது, வீட்டில் உங்கள் தலைமுடிக்கு எப்படி வண்ணம் பூசுவது, கைகளை எப்படி கழுவ வேண்டும். சானிடைசர் (sanitizer) எங்கு வாங்குவது தொடர்பான தேடல்கள் முதலிடத்தில் இருப்பதாக அறிக்கை கூறுகிறது.

 

மேலும், தோல் பராமரிப்பு தொடர்பான பல்வேறு கேள்விகள் இருந்தன, குறிப்பாக வைட்டமின் சி மற்றும் ஹைலூரோனிக் அமிலம் பற்றி பல கேள்விகள் இருந்தன.

 

இவற்றினுள் ஒரு பகுதி மக்கள் பிரபல ஆடைகளை இணையத்தில் தேடுவதில் அதிக நாட்டம் உடையவர்களாக காணப்பட்டனர். அவற்றினுள், மிக சிறப்பு வாய்ந்த மெலனியா டிரம்ப் ஆடை (Melania Trump outfit), ஹாரி ஸ்டைல்ஸ் ஆடைகள் (Harry Styles outfits), ஷகிரா சூப்பர் பவுல் ஆடை (shakira Super Bowl outfit),நோவா சைரஸ் ஆடை (Noah Cyrus outfit),மரியா டெய்லர் ஆடை (Maria Taylor outfit),லில் நாஸ் எக்ஸ் கிராமி ஆடை ( Lil Nas X Grammy outfit),பில்லி எலிஷ் கிராமி ஆடை ( Billie Eilish Grammy outfit), பாடகி லிசோ கூடைப்பந்து விளையாட்டு ஆடை (Lizzo basketball game outfit), ஜெனிபர் லோபஸ் சூப்பர் பவுல் ஆடை, டிராவிஸ் ஸ்காட் நாட்மேன் (Travis Scott Natman outfit) ஆடை போன்றவை சிறப்பு வாய்ந்தவை.

 

இன்னும், சிலர் பேஷன் தொடர்பான கேள்விகளுக்கு அதிக முக்கியத்துவம் கொடுத்திருத்திருந்தனர். இண்டி ஸ்டைல் (Indie style), அர்பன்  ஸ்டைல் (Urban style), ஸ்ட்ரீட் வியர் ஸ்டைல் (Streetwear style), 90s கிட்ஸ் ஸ்டைல் (80s style clothing), 2k கிட்ஸ் ஸ்டைல் (Y2K style), ரெட்ரோ ஸ்டைல் (Retro style), போஹோ ஸ்டைல் (Boho style) போன்றவை அதிக அளவில் தேடப்பட்டவை.

 


 

Next Story

ஊழியர்களுக்கு அதிர்ச்சி அறிவிப்பு தந்த கூகுள் சி.இ.ஓ சுந்தர் பிச்சை!

Published on 19/01/2024 | Edited on 19/01/2024
Google CEO Sundar Pichai gave a shocking announcement to the employees!

உலகின் முன்னனி பன்னாட்டு இணையதள மென்பொருள் தொழில்நுட்ப நிறுவனம் தான் கூகுள் நிறுவனம். கலிபோர்னியாவை தலைமையகமாக கொண்டு இயங்கி வரும் இந்நிறுவனத்தின் தலைமை செயல் அதிகாரியாக இந்தியாவைச் சேர்ந்த சுந்தர் பிச்சை பொறுப்பு வகித்து வருகிறார். 

இதற்கிடையில், கடந்த 2023ஆம் ஆண்டு ஜனவரி மாதம், கூகுள் நிறுவனம் சர்வதேச அளவில் தனது ஊழியர்களில் 6 சதவீதம் பேரை பணிநீக்கம் செய்தது. அப்போது, இது பேசுபொருளாக அமைந்தது. இந்த பணிநீக்க நடவடிக்கையை தொடர்ந்து, 2024ஆம் ஆண்டிற்கான திட்டங்கள் குறித்து,  கூகுள் தலைமை செயல் அதிகாரி சுந்தர் பிச்சை தனது ஊழியர்களுக்கு சுற்றறிக்கை ஒன்றை அனுப்பியுள்ளார்.

அதில் அவர் கூறியிருப்பதாவது, ‘நிறுவனத்தின் செயல்பாட்டை எளிதாக்குவதற்கான சில அடுக்குகளை நீக்க வேண்டியது காலத்தின் அவசியம். அதனால், இந்த ஆண்டும் பணி நீக்கங்கள் தொடரும். இந்த பணி நீக்க நடவடிக்கைகள் நிறுவனத்தின் செயல்பாட்டை அதிகரிக்கும் வகையில் பல்வேறு துறைகளின் அடுக்குகளை நீக்குவதாக இருக்கும். ஆனால், இந்த பணி நீக்கம் கடந்தாண்டின் அளவிற்கு இருக்காது. அதே போல், இது அனைத்து துறையிலும் இருக்காது” என்று தெரிவித்தார். 

கூகுள் நிறுவனங்களில் கடந்தாண்டு சுமார் 12,000 பேர் பணி நீக்கம் செய்யப்பட்ட நிலையில், இந்த ஆண்டும் பணிநீக்க நடவடிக்கை தொடரும் என்று கூகுள் சி.இ.ஓ சுந்தர் பிச்சை கூறியிருப்பது ஊழியர்கள் மத்தியில் பெரும் அதிர்ச்சியை ஏற்படுத்தியுள்ளது. 

Next Story

தீபாவளிக்கு மக்கள் கூகுளில் தேடியது என்ன? 

Published on 14/11/2023 | Edited on 14/11/2023

 

What did people search on Google for Diwali?

 

இந்தியா முழுவதும் தீபாவளி பண்டிகை கடந்த 12 மற்றும் 13ம் தேதி வெகு விமரிசையாகக் கொண்டாடப்பட்டது. மக்கள் ஒருவருக்கு ஒருவர் இனிப்பு வழங்கி, புத்தாடைகள் உடுத்தி, பட்டாசுகளை கொளுத்தி தீபாவளியைக் கொண்டாடினர். அதேசமயம், உ.பி. மாநிலம் அயோத்தியில் சுமார் 24 இலட்சம் அகல் விளக்கை ஒரே சமயத்தில் ஒளிரவிட்டு, கின்னஸ் சாதனை நடத்தப்பட்ட நிகழ்ச்சியில் அங்கு ஏழ்மை நிலையில் இருக்கும் சிறுவர்கள் அந்த விளக்கில் இருந்து எண்ணெய்களை எடுத்துச் சென்றனர். இது தொடர்பான வீடியோவும் சமூக வலைத்தளத்தில் அதிகளவில் பகிரப்பட்டு வருகிறது. இது உ.பி. மட்டுமின்றி இதே ஏழ்மை நிலையில் நாடு முழுக்க பலர் தங்கள் தீபாவளியைக் கழித்தனர் என்பதும் குறிப்பிடத்தக்கது. 

 

இது ஒருபுறம் இருக்க, பண்டிகை அல்லது ஏதாவது ஒரு முக்கிய நிகழ்வுகள் நடக்கும்போதும் நமது மக்கள் கூகுளை நாடுவது மரபாகவே மாறிவிட்டது. இந்நிலையில், இந்த தீபாவளிக்கு மக்கள் அதிகளவில் கூகுளில் என்ன தேடினர் என்பதை கூகுள் நிறுவனத்தின் சி.இ.ஓ. சுந்தர்பிச்சை வெளியிட்டுள்ளார். 

 

What did people search on Google for Diwali?

 

கூகுளில் அதிகம் தேடப்பட்டத்தில் முதல் 5 இடத்தைப் பிடித்த தேடலை அவர் வெளியிட்டுள்ளார். அதிலும், ஏன் எனும் கேள்வியுடன் தேடப்பட்டதை அவர் வெளியிட்டுள்ளார். அதன்படி, கூகுளில் இந்த தீபாவளிக்கு மக்களால் அதிகம் தேடப்பட்டவை; 

 

1. இந்தியர்கள் ஏன் தீபாவளியைக் கொண்டாடுகிறார்கள்?


2. தீபாவளிக்கு ஏன் ரங்கோலி வரைகிறோம்?


3. தீபாவளி அன்று ஏன் விளக்கு ஏற்றுகிறோம்?


4. தீபாவளி அன்று ஏன் இலட்சுமி பூஜை செய்கிறோம்?


5. தீபாவளி அன்று ஏன் எண்ணெய் குளியில் எடுக்கிறோம்?


எனும் ஐந்து விஷயங்களை மக்கள் அதிகளவில் தேடியுள்ளனர்.