Skip to main content

டி.பி.யை தெரிந்துகொள்ளுங்கள்...

Published on 24/03/2018 | Edited on 24/03/2018
World TB Day1

 

மார்ச் 24 - உலக காசநோய் தினம்  

காசநோய் என்றால் சட்டென ஞாபகத்துக்கு வராது, டிபி என்றால் நிச்சயம் அனைவருக்கும் தெரியும். டிபி என்பது டியூபர்குளோசிஸ் பாக்டீரியா என்கிற பெயரின் சுருக்கம். அது ஒரு நோய்க்கிருமி. இந்த நோயால் இறப்பவர்கள் உலகளவில் அதிகம்.

காற்றின் வழியாக டியூபர்குளோசிஸ் பாக்டீரியா என்கிற கிருமி மனித உடலில் புகுந்து காசநோயை உருவாக்குகிறது. இந்நோயை பரிசோதனைகள் வழியாகத்தான் கண்டறிய முடியும். தொடர்ச்சியாக சளி இருப்பது, எடை குறைவு, காய்ச்சல், மார்புவலி, இரவில் வியர்த்தல், கை, கால்கள் பலம் குன்றுதல் போன்றவை இதன் அறிகுறிகளாகும். இந்த அறிகுறிகள் இருந்தால் பரிசோதனை செய்து காசநோயா என்பதை அறிந்துக்கொண்டு அதன்பின்பு சிகிச்சை பெறவேண்டும்.

இந்நோய் வந்தால் மனிதனின் நுரையீரலை தான் முதலில் பாதிக்கும். அடுத்ததாக மூளை, கிட்னி, முதுகெலும்பு போன்ற அனைத்தையும் பாதிப்படைய செய்யும். முறையான தொடர் சிகிச்சை பெறவில்லையெனில் உடலை உருக்கிவிடும். அது கொடுக்கும் வலிக்கு இறந்துவிடலாம் என அலறவைக்கும். காசநோயின் இறுதிக்கட்டத்திலும் கூட கடுமையான சிகிச்சை முறைகளைப்  பெற்றால் இறப்பில் இருந்து தப்பிக்கலாம் என்கிறார்கள் மருத்துவர்கள்.

காற்றின் வழியாக காசநோய் கிருமிகள் பரவி மனிதர்களை நோயாளியாக்குகின்றன. இந்நோய் வந்தவர்கள் இருமினால் அதன்வழியாக வெளியேறும் நோய் கிருமிகள் மற்றவர்களுக்கும் பரவச்செய்யும். மூன்று விதமான சிகிச்சைகள் வழியாக காசநோய் தாக்கியவர்களை மருத்துவர்கள் குணப்படுத்துகின்றனர்.

உலக அளவில் 2016 ல் மட்டும் புதியதாக 1 கோடியே 6 லட்சம் மக்களுக்கு காசநோய் உருவாகியுள்ளதாக கண்டறியப்பட்டுள்ளது. சில நோய்கள் வந்தால் நிச்சயம் இறப்பார்கள் என்கிறது மருத்துவ உலகம். அப்படிப்பட்ட நோய்கள் பட்டியலில் காசநோய் 9வது இடத்தில் உள்ளது. இந்த நோயால் உலகஅளவில் ஆண்டுக்கு சுமார் 15 லட்சம் மக்கள் இறக்கின்றனர். இந்த நோய் அதிக அளவில் இந்தியா, வங்கதேசம், பாகிஸ்தான், இலங்கை, சீனா, தென்னாப்பிரிக்கா போன்ற தேசங்களிலேயே உள்ளது. அதுவும் 50 சதவிதம் என்கிறது மருத்துவ உலகம்.

1996 மார்ச் 24 முதல் உலக காசநோய் தினம் அனுசரிக்கப்படுகிறது. இந்த நாளில் மக்களுக்கு காசநோய் பற்றிய விழிப்புணர்வு ஏற்படுத்தப்பட்டு வருகிறது. 1882 மார்ச் 24ந்தேதி ராபர்ட் காச் என்பவர் தான் முதன் முதலில் காசநோய் குறித்த நோய் காரணிகளை கண்டறிந்தார். அந்த நாளையே உலக காசநோய் நாளாக அறிவித்தது உலக சுகாதார நிறுவனம் அறிவித்தது.

காசநோய் வந்தவர்கள் எனத்தெரிந்தால் அரசாங்கமே ஆயிரக்கணக்கான ரூபாய் செலவில் மருந்து, மாத்திரைகள் தந்து உயிரை காக்கின்றது. 2025க்குள் இந்த நோயை முற்றிலும் ஒழிக்கும் நடவடிக்கையில் இந்தியா போன்ற சர்வதேச நாடுகள் பல இறங்கியுள்ளன. அதற்காக தனியார் துறையை இதில் ஈடுப்படுத்துதல், புதிய மருந்துகள் தருதல், காசநோயாளிகள் நோய் குணமாக்கிக்கொள்ள ஊக்கத்தொகை வழங்குவது என்கிற முடிவில் காசநோய் பிரிவு உள்ளன.

 

Next Story

விண்டோஸ் மென்பொருள் முடங்கியது!

Published on 19/07/2024 | Edited on 19/07/2024
Windows software error

உலகம் முழுவதிலும் உள்ள பல்வேறு பகுதிகளில் விண்டோஸ் (Windows) மென்பொருள் முடங்கியுள்ளது. இதனால் தகவல் தொழில்நுட்பத்துறை, வங்கி, விமானம், ரயில், மீடியா உள்ளிட்ட பல்வேறு துறைகளின் சேவைகளில் கடும் பாதிப்பு ஏற்பட்டுள்ளது. இதனையடுத்து கிரவுட்ஸ்ட்ரைக் (CrowdStrike) என்ற அப்டேட்டில் ஏற்பட்டுள்ள மாறுதல்களால் மைக்ரோசாஃப்ட் சேவைகள் முடங்கியுள்ளன என்றும் தகவல் வெளியாகியுள்ளது. அதேசமயம் விண்டோஸை புதிதாக அப்டேட் செய்தவர்களின் கணினியில் ப்ளு ஸ்கிரின் எரர் ( Blue Screen Error) ஏற்பட்டுள்ளதால் பயனாளர்கள் குழப்பமடைந்துள்ளனர்.

இதன் காரணமாக சென்னை, டெல்லி, மும்பை உள்ளிட்ட உலகம் முழுவதும் விமான சேவைகள் பெரிதும் பாதிக்கப்பட்டுள்ளன. இண்டிகோ, ஸ்பைஸ் ஜெட், அமெரிக்கன் ஏர்லைன்ஸ், டெல்டா, யுனைடட் உள்ளிட்ட விமான சேவைகள் நிறுத்தப்பட்டுள்ளன. மேலும் பல்வேறு விமான சேவைகள் தாமதமாகும் என விமான நிறுவனங்கள் அறிவித்துள்ளன.

இது தொடர்பாக மத்திய ரயில்வே, தகவல் மற்றும் ஒலிபரப்பு, மின்னணுவியல் மற்றும் தகவல் தொழில்நுட்ப அமைச்சர் அஸ்வினி வைஷ்ணவ் தனது எக்ஸ் சமூக வலைத்தளப்பதிவில், “மத்திய மின்னணு மற்றும் தகவல் தொழில்நுட்ப அமைச்சகம் உலகளாவிய விண்டோஸ்  செயலிழப்பு தொடர்பாக மைக்ரோசாப்ட் மற்றும் அதன் துணை நிறுவனங்களுடன்  தொடர்பில் உள்ளது. இந்த செயலிழப்புக்கான காரணம் கண்டறியப்பட்டு, சிக்கலைத் தீர்க்க நடவடிக்கை எடுக்கப்பட்டு வருகின்றன” எனத் தெரிவித்துள்ளார். 

Next Story

IND vs ZIM : 4 - 1 என்ற கணக்கில் தொடரை கைப்பற்றி அசத்திய இந்தியா! 

Published on 14/07/2024 | Edited on 14/07/2024
IND vs ZIM: India won the series 4 - 1

கேப்டன் சுப்மன் கில் தமையிலான இந்திய அணி ஜிம்பாப்வேவிற்கு சுற்றுப்பயணம் மேற்கொண்டது. இதனையொட்டி இந்தியா - ஜிம்பாப்வே அணிகளுக்கு இடையே 5 போட்டிகள் டி20 தொடர் நடைபெற்றது. அதன்படி நடைபெற்ற முதல் போட்டியில் ஜிம்பாப்வே அணி வெற்றி பெற்றது. அதன் பின்னர் நடந்த மூன்று போட்டிகளிலும் இந்திய அணி வெற்றி பெற்றது. இதனால் 5 போட்டிகள் கொண்ட டி20 தொடரை இந்திய அணி 3 - 1 என்ற கணக்கில் ஏற்கெனவே கைப்பற்றி இருந்தது.

இந்நிலையில் ஜிம்பாப்வே - இந்திய அணிகளுக்கு இடையேயான 5வது மற்றும் கடைசி டி20 போட்டி இன்று (14.07.2024) நடைபெற்றது. இந்த போட்டியில் இந்திய வீரர் ருதுராஜ் கெய்க்வாட்டுக்கு ஓய்வு அளிக்கப்பட்டு அவருக்குப் பதிலாக ரியான் பராக்கிற்கு வாய்ப்பு வழங்கப்பட்டது. இப்போட்டியில் டாஸ் வென்ற ஜிம்பாப்வே அணி முதலில் பவுலிங்கை தேர்வு செய்தது. அந்த வகையில் இந்திய அணியின் சார்பாக தொடக்க ஆட்டக்காரர்களாக ஜெய்ஸ்வால் மற்றும் சுப்மன் கில் களமிறங்கினர். ஜிம்பாப்வே அணியின் சார்பில் முதல் ஓவரை கேப்டன் சிக்கந்தர் ராஷா வீசினார். 

IND vs ZIM: India won the series 4 - 1

இந்த பந்தை எதிர்கொண்ட ஜெய்ஸ்வால் சிக்சர் அடித்து அசத்தினார். இருப்பினும் அந்த பந்து நோ பாலாக அறிவிக்கப்பட்டு மேலும் ஒரு வாய்ப்பு வழங்கப்பட்டது. ப்ரீ ஹிட்டாக வீசப்பட்ட முதல் பந்தை மறுபடியும் எதிர்கொண்ட ஜெய்ஸ்வால் அந்த பந்தை சிக்சருக்கு பறக்கவிட்டார். இதன் மூலம் சர்வதேச டி20 போட்டியில் முதல் பந்திலேயே 12 ரன்களை அடித்த முதல் வீரராக யஷஸ்வி ஜெய்ஸ்வால் புதிய உலக சாதனை படைத்தார்.

இதனையடுத்து முதலில் விளையாடிய இந்திய அணி 20 ஓவர்களில் 6 விக்கெட்டுகள் இழப்பிற்கு 167 ரன்கள் எடுத்தது. இந்திய அணியில் அதிகபட்சமாக சஞ்சு சாம்சன் 58 ரன்கள் விளாசினார். இதன் மூலம் இந்திய அணி ஜிம்பாப்வே அணிக்கு 168 ரன்களை வெற்றி இலக்காக நிர்ணயித்தது. 168 ரன்கள் எடுத்தால் வெற்றி என்ற இலக்குடன் ஜிம்பாப்வே அணி களமிறங்கியது. இருப்பினும் ஜிம்பாப்வே அணி, 18.3 ஓவர்களில் அனைத்து விக்கெட்டுகளையும் இழந்து 125 ரன்கள் மட்டுமே எடுத்து தோல்வியடைந்தது. இந்த வெற்றியின் மூலம் இந்தியா 4 - 1 என்ற கணக்கில் தொடரையும் கைப்பற்றியுள்ளது. இந்த டி20 தொடரின் தொடர் நாயகன் விருதை வாஷிங்டன் சுந்தர் வென்றார்.