Skip to main content

லிக்விட் டயட் உடலுக்கு பாதிப்பா?  - ஊட்டச்சத்து நிபுணர் கிருத்திகா தரண் விளக்கம்

Published on 07/08/2023 | Edited on 07/08/2023

 

 kirthikatharan  - Liquid Diet 

 

லிக்விட் டயட் எனப்படும் திரவ உணவுகளை நான் பரிந்துரைக்க மாட்டேன். ஆபரேஷன் செய்து, உடல் எடையைக் குறைக்க வேண்டிய நிலையில் இருப்பவர்களுக்கு திரவ உணவு என்பது கட்டாயமாகிறது. அவர்களுக்கு சரியான அளவில் புரோட்டின் உள்ளிட்ட சத்துக்களை வழங்க வேண்டும். காலையில் பாதாம், நட்ஸ் ஆகியவற்றை வழங்கலாம். மதிய நேரங்களில் சூப், ஜுஸ், காய்கறிகள் ஆகியவற்றை எடுத்துக்கொள்ளலாம். இரவு நேரங்களில் சூப் எடுத்துக்கொள்ளலாம். எந்தெந்த உணவுகளை திரவமாக எடுத்துக்கொள்ள முடியுமோ அவற்றை அவ்வாறு எடுத்துக்கொள்ள வேண்டும். 

 

குடலை சுத்தம் செய்வதற்காக சிலர் திரவ உணவுகளை மட்டுமே எடுத்துக்கொள்வார்கள். இனிமா போன்றவற்றையும் கொடுத்து குடலை சுத்தம் செய்வார்கள். லிக்விட் டயட் எனப்படும் திரவ உணவு முறை மருத்துவத்துறையில் நிரூபிக்கப்பட்ட ஒன்றல்ல. திரவ உணவுகளால் தவறான பக்கவிளைவுகள் ஏற்படவில்லை என்றாலும், திட உணவுகளை முற்றிலும் தவிர்த்துவிட்டு திரவ உணவுகளை மட்டுமே எடுத்துக்கொள்ளும் முறையை மருத்துவர்கள் பரிந்துரைப்பதில்லை. திரவ உணவு முறைக்கான ஆதரவாளர்கள் பலர் இருக்கின்றனர். 

 

ஆனால் இதில் சிக்கல்களும் இருக்கின்றன. மருத்துவரின் பரிந்துரைப்படி மட்டுமே இவற்றை நாம் எடுத்துக்கொள்ள வேண்டும். குறிப்பிட்ட காலத்துக்கு மட்டும் திரவ உணவுகளை எடுத்துக்கொள்ளலாமே தவிர, வாழ்க்கை முழுவதும் இவ்வாறு செய்வது தவறு. ஒவ்வொரு வாரத்துக்கும் ஒவ்வொரு விதமான டயட்டை பின்பற்றுவது உடல் ஆரோக்கியத்துக்கு பாதிப்பை ஏற்படுத்தும். உடல் இளைப்பதற்காக சிலர் இதைச் செய்கின்றனர். அது தவறு. திரவ உணவு குறித்த ஆராய்ச்சியை மேற்கொண்டபோது, அதில் பங்குகொண்டவர்களுக்கு உடலில் கொழுப்பு குறைந்துள்ளது. 

 

உடல் இளைப்பு என்பதும் ஓரளவுக்கு நடந்திருக்கிறது. ஆனால் அவர்கள் தொடர் மருத்துவ கண்காணிப்பில் இருந்தனர். நாமாக இவற்றை எடுத்துக்கொள்வது தவறு. ஏனெனில் எந்த உணவில் எவ்வளவு சத்து இருக்கிறது என்பது நமக்குத் தெரியாது. உணவுக்குழாய் மூலம் கொஞ்சம் கொஞ்சமாகவே வயிறு வரை உணவு பயணிக்கும். சரியான அளவில் உணவு உள்ளே செல்லாமல் இருந்தால், இந்த செயல்பாட்டில் பாதிப்பு ஏற்படும். எனவே உடல் இளைப்பதற்காகவோ மற்ற காரணங்களுக்காகவோ திரவ உணவு முறையை நான் யாருக்கும் பரிந்துரைப்பதில்லை.
 

 

 

 

Next Story

மன அழுத்தம் குடல் எரிச்சலை உண்டாக்குமா? - ஊட்டச்சத்து நிபுணர் கிருத்திகா தரண் விளக்கம்

Published on 27/03/2024 | Edited on 27/03/2024
Kiruthika tharan - Irritable Bowel Syndrome -  Explained 

ஐ.பி.ஸ் எனப்படும் Irritable Bowel Syndrome நோயைப் பற்றி ஊட்டச்சத்து நிபுணர் கிருத்திகா தரண் விளக்குகிறார்.

ஐ.பி.எஸ்  என்று Irritable Bowel Syndrome என்பது அல்சர் வழியில் வரும். இந்த ஐ.பி.எஸ் அலசரேட்டிவே கொலட்டிஸ் (ulcerative colitis) அண்ட் குரோன் (Crohn's disease) என இரண்டு விதமாக இருக்கிறது. தாங்க முடியாத அல்சருடன் ஒரு கிளையண்ட் வந்தார். எந்த நோயாக இருந்தாலும் முதலில் ஸிட்ரெஸ் அளவு தான் பார்க்கப்படும். சைக்கோ மெட்ரிக் டெஸ்ட் என்று ஒன்று ஸ்டிரெஸ் ஃபேக்டரை கண்டுபிடிக்க இருக்கிறது. அது பெரும்பாலும் ஒரு 20க்கு 14 முதல் 18 வரை தான் இருக்கும். அப்படி இருக்க அவர்களை ஸ்ட்ரெஸில் இருந்து வெளியில் கொண்டுவர சைக்கோ தெரப்பி கொடுத்து மாற்ற வேண்டும்.

அல்சரினால் வயிறு பகுதி மட்டும் புண்ணாக இல்லாமல் ஐபிடியை பொறுத்தவரைக்கும் மலக்குடலிலும் காயமாக இருக்கும். சில இடங்களில் புண்ணாகி தொற்றாக மாறிவிடும். சில சமயம்  h. Pylori என்ற ஒரு இன்ஃபெக்ஷன் கூட இருக்கும். சர்ஜரி அளவிற்கு செல்லாமல் ஆரம்ப கட்டத்தில் தெரிந்து கொண்டு உடனேயே சரி பார்த்துவிட வேண்டும். நாமாக மருந்து மற்றும் டயட் என்று போவதை விட மருத்துவரை அணுகுவது மிக சிறந்ததாக இருக்கும். இந்த கிளையண்ட் தன்னால் பரபரப்பாக இல்லாமல் இருக்க முடியவில்லை என்று அவரே சொன்னார். இவர் அரசு அதிகாரியாக முக்கிய பொறுப்பில் இருக்கிறார். நிறைய சிக்கல்களினால் அலுவலில் தினசரி ஸ்ட்ரெஸ் என்றார். எனவே அவருக்கு ஸ்லோ சைக்கிளிக் போன்ற எக்ஸர்சைஸ் கொடுக்கப்பட்டது. வயிறு உப்புசம், புண் இருந்தால் இரவு தூங்குவதற்கும் சிரமமாக இருக்கும். உடனடியாக மோஷன் போவார்கள். எதையும் உடனே சாப்பிட முடியாது. அடிக்கடி வயிறு அதிகமாக வலிக்கும். மேலும் சில சமயம் மோஷனில் ரத்தம் கூட இருக்கும். அவருக்கு வாழ்வியல் மாற்றம் தான் முதலில் அளிக்கப்பட்டது. புரோ பயோடிக் உணவை கொடுத்து அவருக்கு ஐ.பி.டியை தூண்டும் உணவுகள் தடை செய்யப்பட்டது. சூப்பில் இருந்து எந்தெந்த காய்கள் ஒத்துக் கொள்ளுமோ அதை மட்டும் கொடுத்தோம். ரீபைன்ட் ஆயில் பயன்படுத்துவது தவிர்க்கப்பட்டது.

மேலும் பழத்தில் இருக்கும் பிரக்டோஸ் என்ற கெமிக்கல் கூட பிரச்சினை கொடுக்கும் என்பதால் சில பழங்களும் தவிர்த்தே டயட் கொடுக்கப்பட்டது. வயிறு புண்ணாகி வலி இருந்ததினால் வெயிட் லிப்டிங் செய்து குறிப்பாக அப்ஸ் வொர்க் அவுட் செய்து அதன் பிறகு அவர் உடலிற்கு ஏற்ப ப்ரோட்டினை கொடுத்தோம். சிலருக்கு முளை கட்டிய பயிறுகள் கூட ஒத்துக் கொள்ளாது. அதனால் வேக வைத்த சிக்கன் பீஸ் கூட எடுக்கலாம். 

இப்படி டயட் மாற்றம் செய்து தூக்கத்தை முதலில் சரிப்படுத்தினோம். தூக்கத்தை நெறிப்படுத்த மொபைல் போனை குறைப்பது தான் முதற்கட்ட வழி. அதிலும் தூங்குவதற்கு முன்பு எந்த மறுநாள் குறித்த கவலை எதுவும் இல்லாமல் நிம்மதியாக தூங்க வேண்டும். சிலர் நடக்கப்போகும் விஷயத்தை யோசித்து யோசித்து தூங்காமல் இருப்பர். ஆனால் நன்றாக தூங்கினாலே மூளை நன்றாக வேலை செய்து அந்த பிரச்சனைக்கு தீர்வை தானாக கொடுக்க முடியும். இதே பிரச்சனை குழந்தைகளுக்கு வரும்போது கொடுக்க கூடாத உணவை கொஞ்சம் கொஞ்சமாக குறைக்க வேண்டும். இதுவே பெரியவர்களுக்கு வரும்போது முழுமையாக சாப்பிடக்கூடாததை தவிர்த்து விட்டு புது உணவுகளை அப்பொழுதே அறிமுகப்படுத்த வேண்டும். இப்படி அந்த கிளைண்டுக்கு நிறைய வாழ்வியல் மாற்றத்தை கொடுக்க ஒரு 60லிருந்து 70% ஓரளவுக்கு சரியாகி வந்தார். மோசமான தொந்தரவு இல்லாமல் ஓரளவுக்கு அவரால் சமாளிக்க முடிகிறது. 

Next Story

சிறு வயதில் வரும் ஃபேட்டிலிவர் பிரச்சனைக்கு தீர்வு? - ஊட்டச்சத்து நிபுணர் கிருத்திகா தரண் விளக்கம்

Published on 21/03/2024 | Edited on 21/03/2024
 Kirthika Tharan | Nonalcoholicfatty |

17 வயது பையனுக்கு உடல் எடையோடு இருந்த நான் - ஆல்கஹாலிக் ஃபேட்டி லிவர் அளவைக் குறைத்தது பற்றி ஊட்டச்சத்து நிபுணர் கிருத்திகா தரண் விளக்குகிறார்.

வெளிநாட்டில் இருக்கும்  17 வயது பையனுக்கு உடல் எடை அதிகமாகி கூடவே நான்-ஆல்கஹாலிக் ஃபேட்டி லிவர் இருந்தது. அதிக உடல் எடை அவனுடைய லிவரில் போய் கொழுப்பாக தங்கி இருந்தது. இதுவே சிம்பிள் லிவர் பேட்டி என்றால் லிவர் கெட்டுப் போகாது. நான்-ஆல்கஹாலிக் ஃபேட்டி லிவர் எனும்போது அது லிவரை பாதிக்கும். இந்த ஃபேட்டி லிவரை எந்த ஸ்டேஜ்ஜில் உள்ளது என்று பிளட் ரிப்போர்ட் மூலமும், லிவர் என்சைம் மாறுபாட்டை அல்ட்ரா சவுண்ட் வைத்து உணரலாம். நிறைய உடல் எடை அதிகம் உள்ள நோயாளிகள் ஏற்கனவே 20 சதவீதம் லிவர் பாதிப்புடன் தான் இருப்பார்கள்.

முதலில் குழந்தைகளுக்கு ஸ்டிரெஸ் அதிகமாக பெற்றோர்களும் முக்கிய காரணமாக இருக்கின்றனர். சர்க்கரை சாப்பிடக்கூடாது என்றால் உடனே பெற்றோர்கள் எந்த சுகரும் பழங்களும் கொடுக்காமல் நிறுத்தி அவர்களுக்கு கிரேவிங்கை தான் அதிகப்படுத்துகின்றனர். அந்த பையன் அதிகமாக சாக்லேட் வகைகள், சாதம் , பலகாரம் போன்றவை அதிகம் எடுத்திருக்கிறான். முதலில் ஃபேட்டி லிவருக்கு சாக்லேட் தான் அதிக பாதிப்பை கொடுக்கும்.  அந்த பையன் இருந்தது மிடில் ஈஸ்டர்ன் பக்கம். வெதர் சரியாக இல்லாததால் வீட்டில் சரியான உடற்பயிற்சி நிபுணர் வைத்து வீட்டிலேயே ஆக்டிவிட்டீஸ் கொடுக்கப்பட்டது. பேக்கரி ஐட்டம் சாக்லேட் என்று கொஞ்சம் கொஞ்சமாக குறைக்கப்பட்டு டிடாக்ஸ் டிரிங், வாட்டர் தெரபி உட்பயிற்சிகளையும் கொடுக்கும் போது ஆரம்ப நிலையிலே நன்றாக அந்த ஃபேட்டி லிவர் பாதிப்பு குறைவதை பார்க்க முடிந்தது. 

இந்த ஃபேட்டி லிவர் ஓரளவு தான் ரிவேர்சபில். நான்-ஆல்கஹாலிக் ஃபேட்டி லிவருக்கு நம் லைஃப் ஸ்டைல், தூக்கம், உணவு முறை மூலமாக ஓரளவு குறைக்க முடியும். இதுவே ஆல்கஹாலிக் வகை என்றால் கண்டிப்பாக மது பழக்கத்தை நிறுத்த வேண்டும். அதுவே வெறும் சாதாரண ஃபேட்டி லிவர் என்றால் கொழுப்பு நிறைந்த உணவுகளை குறைக்க வேண்டும். கொழுப்பை நேரடியாக எடுக்காவிட்டாலும் நம் சாப்பிடும் கார்போஹைட்ரேட் தான் கொழுப்பாகவும் மாறும். எனவே கார்போஹைட்ரேட்டும் குறைவாக இருக்க வேண்டும். சர்க்கரையும் குறைத்து அதிகமாக தண்ணீரை எடுக்க வேண்டும். அதன் மூலமாக உடலில் உள்ள கழிவுகளை வெளியேற்றும். இதை முறையாக கடைப்பிடித்ததன் மூலம் அந்த சிறுவன் நன்றாக உடலையும் குறைத்து ஒபிசிட்டி தொந்தரவில் இருந்தும் வெளிவந்து ஃபேட்டி லிவர் தொந்தரவு நீங்கி நன்றாக சரியானது.

The website encountered an unexpected error. Please try again later.