Skip to main content

அமெரிக்க அதிபர் ஜோ பைடனின் பின்னணி...

Published on 21/01/2021 | Edited on 21/01/2021

 

US PRESIDENT JOE BIDEN HISTORY


அமெரிக்காவின் 46 ஆவது அதிபராக ஜோ பைடன் பதவியேற்றார். அதேபோல் அமெரிக்காவின் 49 ஆவது துணை அதிபராக இந்திய வம்சாவளியைச் சேர்ந்த கமலா ஹாரிஸும் பதவியேற்றுக் கொண்டார்.

 

வாஷிங்டனில் உள்ள நாடாளுமன்றத்தில் நடைபெற்ற பதவியேற்பு விழாவில் முன்னாள் அதிபர்கள் பில் கிளிண்டன், ஒபாமா, முன்னாள் துணை அதிபர் மைக் பென்ஸ் மற்றும் முன்னாள் அமைச்சர்கள் உள்ளிட்டோர் கலந்துகொண்டனர்.

 

பதவியேற்பு விழாவையொட்டி வாஷிங்டனில் 7 அடுக்கு பாதுகாப்பு போடப்பட்டிருந்தது. தேசிய பாதுகாப்புப் படையைச் சேர்ந்த 25,000 வீரர்களும், ஆயிரக்கணக்கான போலீசாரும் பாதுகாப்பு பணியில் ஈடுபட்டிருந்தனர்.  

 

அமெரிக்க அதிபர் ஜோ பைடனின் பின்னணி...


1942- ஆம் ஆண்டு பென்சில்வேனியாவில் எளிய குடும்பத்தில் மூத்த பிள்ளையாகப் பிறந்தார் ஜோ பைடன். சிறு வயதில் திக்கிப் பேசக்கூடியவராக இருந்த பைடன், நீண்ட கவிதைகள், கட்டுரைகள் ஆகியவற்றைப் படித்து அந்த இயல்பை மாற்றிக்கொண்டார். பள்ளிக் காலத்தில் சிறு சிறு பணிகளைச் செய்து அதன் மூலம் கிடைத்தப் பணத்தை தன் கல்விக்காகச் செலவிட்டார். 1972- ஆம் ஆண்டு ஜனநாயக கட்சி சார்பில் போட்டியிட்டு, மிக இளம் வயதிலேயே செனட் உறுப்பினரானார் பைடன். 36 ஆண்டு காலம் செனட் உறுப்பினராக இருந்தவர், ஆம்ட்ராக் ரயில் மூலம் வாஷிங்டனுக்குச் சென்று வந்தார். ஒபாமா அதிபராக இருந்தபோது துணை அதிபராகவும், அரசியல் ஆலோசகராகவும் ஜோ பைடன் செயல்பட்டார்.    

 

சார்ந்த செய்திகள்

 

Next Story

'இதுவே கட்சிக்கும் நாட்டுக்கும் நல்லது'-அதிர்ச்சி கொடுத்த ஜோ பைடன்

Published on 21/07/2024 | Edited on 21/07/2024
 'I hope this is good for the party and the country' - shocked Joe Biden

இந்தாண்டு நவம்பர் மாதத்தில் அமெரிக்க அதிபர் தேர்தல் நடைபெற உள்ள நிலையில், இந்தத் தேர்தலில் ஜனநாயகக் கட்சியைச் சேர்ந்த தற்போதைய அதிபர் ஜோ பைடனும், அவரை எதிர்த்து குடியரசுக் கட்சியைச் சேர்ந்தவரும், முன்னாள் அதிபருமான டொனால்ட் டிரம்ப் போட்டியிட உள்ளதாக இருந்தது. இந்நிலையில் அதிபர் தேர்தலிலிருந்து விலகுவதாக அமெரிக்க அதிபர் ஜோ பைடன் தற்போது அறிவிப்பு வெளியிட்டுள்ளார்.

அமெரிக்காவில் அதிபர் தேர்தலுக்கான பரப்புரைகள் தீவிரமாக நடைபெற்று வரும் நிலையில் அமெரிக்க அதிபர் தேர்தலிலிருந்து விலகுவதாகவும், மீண்டும் தேர்தலில் போட்டியிட மாட்டேன் எனவும் அமெரிக்க அதிபர் ஜோ பைடன் தெரிவித்துள்ளார். 'மிஞ்சியிருக்கும் தனது பதவி காலம் முழுவதும் அதிபராக எனது கடமைகளை நிறைவேற்றுவேன்; இதுவே எனது கட்சிக்கும் நாட்டுக்கும் நல்லது என நம்புகிறேன்' என அறிக்கை வாயிலாக ஜோ பைடன் தெரிவித்துள்ளார்.

Next Story

‘அமெரிக்க அதிபர் ஜோ பைடனின் மகன் குற்றவாளி’ - நீதிமன்றம் பரபரப்பு தீர்ப்பு!

Published on 11/06/2024 | Edited on 11/06/2024
US President Joe Biden's son case related verdict

அமெரிக்க அதிபர் ஜோ பைடன் மகன் குற்றவாளி என நீதிமன்றம் பரபரப்பு தீர்ப்பு வழங்கியுள்ளது.

அமெரிக்காவின் 46 வது அதிபராக 2021 ஆம் ஆண்டு முதல் பதவி வகித்து வருபவர் ஜோ பைடன். இவரது மூத்த மகன் ஹண்டர் பைடன் கடந்த 2018 ஆம் ஆண்டு சட்டவிரோதமாக துப்பாக்கி வாங்கியதாக குற்றம் சாட்டப்பட்டது. இது தொடர்பான வழக்கு நீதிமன்றத்தில் நடைபெற்று வந்தது.

இந்நிலையில் சட்டவிரோதமாக துப்பாக்கி வாங்கிய குற்றச்சாட்டில் அமெரிக்க அதிபர் ஜோ பைடன் மகன் ஹண்டர் பைடன் குற்றவாளி என நீதிமன்றம் தீர்ப்பு அளித்துள்ளது. முன்னதாக இந்த வழக்கு தொடர்பாக ஜோ பைடன் கருத்து தெரிவிக்கையில், “எனது மகன் ஹண்டர் பைடன் குற்றவாளி என நீதிமன்றத்தால் உறுதிசெய்யப்பட்டால் அவரை மன்னிக்கப் போவதில்லை” என்று தெரிவித்திருந்தது குறிப்பிடத்தக்கது.