Skip to main content

அரபு உலகின் முதல் செவ்வாய் கிரக பயணம்... சாதித்து காட்டிய சாரா அல் அமிரி...

Published on 20/07/2020 | Edited on 20/07/2020

 

uae sents its first rocket to mars succesfully

 

 

முதன்முறையாக ஐக்கிய அரபு அமீரகம் செவ்வாய் கிரகத்திற்கு ஆராய்ச்சிக்காக விண்கலம் ஒன்றை அனுப்பி சாதனை புரிந்துள்ளது.

 

அமெரிக்கா, ரஷ்யா, ஐரோப்பிய ஒன்றியம் மற்றும் இந்தியா ஆகிய நாடுகள் மட்டுமே இதுவரை செவ்வாய் கிரகத்தை ஆராயும் நோக்கிலான விண்கலங்களை வெற்றிகரமாக விண்ணில் செலுத்தியுள்ளன. இந்நிலையில், இன்று, ஐக்கிய அரபு எமிரேட்ஸின் செவ்வாய் கிரக ஆராய்ச்சிக்கான முதல் விண்கலம் ஜப்பானிலிருந்து வெற்றிகரமாக ஏவப்பட்டது. ஒரு காரின் அளவிலான இந்த விண்கலம் அடுத்த ஏழு மாதங்கள் விண்வெளியில் பயணித்து அடுத்த ஆண்டு பிப்ரவரி மாதம் செவ்வாய்க் கிரகத்தின் சுற்று வட்டப் பாதையைச் சென்றடையும். இது செவ்வாய்க் கிரகத்தின் வானிலை மாற்றங்களை ஆய்வு செய்வதை நோக்கமாக கொண்டதாகும். ஏவுதல் வெற்றிகரமாக அமைந்ததையடுத்து, அமீரகத்தின் இந்த மிகப்பெரிய கனவுத்திட்டத்தை தலைமையேற்று நடத்திய சாரா அல் அமிரிக்கு பல்வேறு தரப்பிலிருந்தும் பாராட்டுகள் குவிந்து வருகின்றன. 

 

 

சார்ந்த செய்திகள்

 

Next Story

ரஜினியைக் கௌரவித்த ஐக்கிய அரபு அமீரகம்

Published on 23/05/2024 | Edited on 23/05/2024
rajini gets golden visa of uae

ஐக்கிய அரபு அமீரகம் பல்வேறு துறைகளில் சிறந்து விளங்கும் சாதனையாளர்களைக் கௌரவிக்கும் வகையில் கோல்டன் விசா வழங்கி வருகிறது. இதில் தொழில் முனைவோர், ஆராய்ச்சி மற்றும் அறிவியல் துறை, திரைத் துறை, விளையாட்டுத் துறை உள்ளிட்ட பல துறைகள் உள்ளடங்கும். இந்த கோல்டன் விசாவைப் பெறுபவர்கள் 10 வருடங்களுக்கு அந்நாட்டின் குடிமகன்களாகக் கருதப்படுவர். 

இந்த கோல்டன் விசாவை இந்தியத் திரைத்துறையைச் சார்ந்த பல முன்னணி பிரபலங்கள் வாங்கியுள்ளார்கள். இந்தியில் ஷாருக்கான், அமிதாப் பச்சன் உள்ளிட்ட பலரும், மலையாளத்தில் மோகன்லால், மம்முட்டி, துல்கர் சல்மான் உள்ளிட்ட பலரும், தமிழில் கமல்ஹாசன், விக்ரம், பார்த்திபன், சிம்பு, விஜய் சேதுபதி, யுவன் ஷங்கர் ராஜா, த்ரிஷா, ஆண்ட்ரியா, மீனா உள்ளிட்ட பலரும் பெற்றுள்ளார்கள். 

இந்நிலையில், ரஜினிகாந்துக்கு கோல்டன் விசா வழங்கி கௌரவித்துள்ளது ஐக்கிய அரபு அமீரகம். இது தொடர்பாக பேசிய ரஜினி, “யு.ஏ.இ அரசாங்கத்திற்கு எனது நன்றி. பின்பு என்னுடைய நண்பர், லூலு குரூப் தலைவர் மற்றும் நிர்வாக இயக்குநர் யூசப் அலி. அவர் இல்லாமல் இந்த கௌவரம் கிடைத்திருக்காது” என்றார். சமீபத்தில் யூசப் அலியுடன் ரஜினி சந்திக்கும் வீடியோ சமூக வலைத்தளங்களில் வைரலானது குறிப்பிடத்தக்கது. ரஜினிகாந்த் தற்போது த.சே.ஞானவேல் இயக்கும் வேட்டையன் படத்தில் நடித்து முடித்துள்ளார். அடுத்ததாக லோகேஷ் கனகரஜ் இயக்கத்தில் கூலி படத்தில் நடிக்கவுள்ளார். 

Next Story

“8 ஆண்டுகளில் நாம் செவ்வாய்க் கிரகத்தில் இறங்கியிருப்போம்” - எலான் மஸ்க்

Published on 14/01/2024 | Edited on 14/01/2024
elon musk about space x attempt 3rd time

எலான் மஸ்கின் ஸ்பேஸ் எக்ஸ் நிறுவனம் பல்வேறு விண்வெளி ஆராய்ச்சி பணிகளில் ஈடுபட்டு வருகிறது. அதன் ஒரு பகுதியாக நிலவிற்கும், செவ்வாய் கோளிற்கும் மனிதர்களை அனுப்பும் முயற்சியில் ஸ்டார்ஷிப் ராக்கெட் ஒன்றை உருவாக்கி, அதை செயல்படுத்தும் முயற்சியில் சோதனைகளை மேற்கொண்டு வருகிறது. இந்த ராக்கெட், 33 என்ஜின்களுடன் 400 அடி உயரத்தில், உலகின் மிகப்பெரிய ராக்கெட் என்ற சிறப்பம்சத்துடன் தயாரானது. 

இந்த ராக்கெட்டின் முதற்கட்ட சோதனை கடந்த ஆண்டு ஏப்ரலில் நடந்த நிலையில், ராக்கெட்டின் ஒரு பகுதியான பூஸ்டர் ராக்கெட் செயல்படாததால் ஏவப்பட்ட 4 நிமிடங்களிலே வெடித்துச் சிதறியது. பின்பு பிரச்சனைகள் சரி செய்யப்பட்டு மீண்டும் கடந்த நவம்பர் மாதம் இரண்டாவது சோதனை முயற்சி நடத்தப்பட்டது. அப்போது, ராக்கெட்டிலிருந்து விண்கலம் தனியாகப் பிரிந்த பிறகு பூஸ்டர் வெடித்துச் சிதறியது. 

இந்த நிலையில் மூன்றாவது சோதனை முயற்சி, அடுத்த மாதமான பிப்ரவரியில் நடத்த திட்டமிடப்பட்டுள்ளது. அமெரிக்காவின் மத்திய விமானப் போக்குவரத்து நிர்வாகத்திடம் அனுமதி பெற்றதும் மூன்றாவது சோதனை நடத்தப்படும் என கூறப்படுகிறது. இது குறித்து செய்தியாளர்களிடம் பேசிய எலான் மஸ்க், “இன்றிலிருந்து அடுத்த 8 ஆண்டுகளில் நாம், செவ்வாய்க் கிரகத்தில் தரையிறங்கி இருப்போம். நிலவுக்கும் மனிதர்களை அனுப்பியிருப்போம். செவ்வாய்க் கிரகத்தில் வாழ நிறைய வேலைகள் இருக்கிறது. மூன்றாவது ஸ்டார்ஷிப் ராக்கெட்டின் சோதனை இந்த ஆண்டு வெற்றி பெறும் என்று நம்புகிறேன்” என்றார்.