Skip to main content

"நாடு நம் கண்களுக்கு முன்பே அழிகிறது" - ட்ரம்ப் வேதனை!

Published on 07/06/2021 | Edited on 07/06/2021

 

donald trump

 

அமெரிக்காவில் பிரதிநிதிகள் சபைக்கான இடைத்தேர்தல் அடுத்தாண்டு நடைபெறவுள்ளது. இதனைத்தொடர்ந்து குடியரசுக் கட்சி அத்தேர்தலுக்கான பணிகளில் இறங்கியுள்ளது. இந்தநிலையில் குடியரசு கட்சியின் சார்பாக அதிபர் தேர்தலில் போட்டியிட்டுத் தோல்வியடைந்த முன்னாள் அதிபர் டொனால்ட் ட்ரம்ப், வடக்கு கலிபோர்னியாவில் நடைபெற்ற கட்சி மாநாட்டில் உரையாற்றினார். அப்போது அவர், ஜோ பைடனின் நிர்வாகத்தைக் கடுமையாக விமர்சித்தார்.

 

இதுதொடர்பாக அவர், "நம் நாடு நம் கண்களுக்கு முன்பே அழிக்கப்படுகிறது. குற்றங்கள் அதிகரித்து வருகிறது. காவல் துறை சீர்குலைக்கப்படுகிறது" எனத் தெரிவித்தார். அமெரிக்க எல்லைகளில் சட்டவிரோத குடியேற்றங்கள் அதிகரிப்பதாகக் கூறிய ட்ரம்ப், இது 'பைடன் பேரழிவுகளின் தொடக்கம்' என விமர்சித்தார். மேலும், "அமெரிக்காவில் போதை மருந்துகள் அதிகரித்து வருகிறது. எரிவாயு விலை உயர்ந்து கொண்டிருக்கின்றன. நமது தொழில்கள் வெளிநாட்டு சைபர் தாக்குதல்களால்  கொள்ளையடிக்கப்படுகின்றன" எனக் கூறினார். 

 

பாரிஸ் கால ஒப்பந்தத்தில் மீண்டும் இணைந்ததற்காகவும், பெருநிறுவன வரியை உயர்த்துவதற்கான முன்மொழிவுக்காகவும் ட்ரம்ப் பைடனை விமர்சித்தார். தொடர்ந்து அவர், சீனா கரோனா பெருந்தொற்றுக்காக இழப்பீடு தரவேண்டும் எனவும் அக்கூட்டத்தில் பேசினார். இதுதொடர்பாக அவர், "அமெரிக்கா மற்றும் உலகநாடுகள் கரோனா பரவலுக்குச் சீன கம்யூனிஸ்ட் கட்சியைப் பொறுப்பேற்கச் சொல்வதற்கும், அதனிடமிருந்து இழப்பீடு கேட்பதற்கும் நேரம் வந்துவிட்டது. நாம் அனைவரும் ஒற்றைக்குரலில், சீனா கண்டிப்பாக இழப்பீடு செலுத்தவேண்டும் என அறிவிக்கவேண்டும். அவர்கள் கண்டிப்பாகச் செலுத்த வேண்டும்" எனத் தெரிவித்தார். இதற்காக சீனா 10 ட்ரில்லியன் அமெரிக்க டாலர்களை கூடுதல் வரியோடு தரவேண்டும் எனவும் ட்ரம்ப் குறிப்பிட்டார். 

 

 

சார்ந்த செய்திகள்

 

Next Story

‘அமெரிக்க அதிபர் ஜோ பைடனின் மகன் குற்றவாளி’ - நீதிமன்றம் பரபரப்பு தீர்ப்பு!

Published on 11/06/2024 | Edited on 11/06/2024
US President Joe Biden's son case related verdict

அமெரிக்க அதிபர் ஜோ பைடன் மகன் குற்றவாளி என நீதிமன்றம் பரபரப்பு தீர்ப்பு வழங்கியுள்ளது.

அமெரிக்காவின் 46 வது அதிபராக 2021 ஆம் ஆண்டு முதல் பதவி வகித்து வருபவர் ஜோ பைடன். இவரது மூத்த மகன் ஹண்டர் பைடன் கடந்த 2018 ஆம் ஆண்டு சட்டவிரோதமாக துப்பாக்கி வாங்கியதாக குற்றம் சாட்டப்பட்டது. இது தொடர்பான வழக்கு நீதிமன்றத்தில் நடைபெற்று வந்தது.

இந்நிலையில் சட்டவிரோதமாக துப்பாக்கி வாங்கிய குற்றச்சாட்டில் அமெரிக்க அதிபர் ஜோ பைடன் மகன் ஹண்டர் பைடன் குற்றவாளி என நீதிமன்றம் தீர்ப்பு அளித்துள்ளது. முன்னதாக இந்த வழக்கு தொடர்பாக ஜோ பைடன் கருத்து தெரிவிக்கையில், “எனது மகன் ஹண்டர் பைடன் குற்றவாளி என நீதிமன்றத்தால் உறுதிசெய்யப்பட்டால் அவரை மன்னிக்கப் போவதில்லை” என்று தெரிவித்திருந்தது குறிப்பிடத்தக்கது. 

Next Story

தைவான் அதிபரின் வாழ்த்துக்குப் பதிலளித்த மோடி; எதிர்க்கும் சீனா!

Published on 06/06/2024 | Edited on 06/06/2024
Opposing China for Modi responded to Taiwan President's greeting

ஏழு கட்டங்களாக நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றுள்ளது. இதில் தேசிய ஜனநாயகக் கூட்டணியில் உள்ள பா.ஜ.க தனித்து 240 தொகுதிகளை மட்டுமே கைப்பற்றியிருந்தது.

ஆட்சி அமைக்க தனிப்பெம்ருபான்மை இல்லாத பா.ஜ.கவுக்கு, தேசிய ஜனநாயகக் கூட்டணியில் உள்ள தெலுங்கு தேசம் கட்சியைச் சேர்ந்த சந்திரபாபு நாயுடுவும், ஐக்கிய ஜனதா தளம் கட்சியைச் சேர்ந்த நிதிஷ்குமாரும் ஆதரவு தருவதாக உறுதி அளித்தனர். இதனையடுத்து தேசிய ஜனநாயகக் கூட்டணி தலைமையில் பிரதமர் மோடி மூன்றாவது முறையாக ஆட்சி அமைக்கவுள்ளார். 

மூன்றாவது முறையாகப் பிரதமராக பொறுப்பேற்கும் நரேந்திர மோடிக்கு 75க்கும் மேற்பட்ட உலக தலைவர்கள் வாழ்த்து தெரிவித்துள்ளனர். அந்த வகையில், தைவான் அதிபர் லாய் சிங்-டே தனது எக்ஸ் பக்கத்தில் தெரிவித்துள்ளதாவது, ‘தேர்தல் வெற்றி பெற்ற பிரதமர் நரேந்திர மோடிக்கு எனது மனமார்ந்த வாழ்த்துக்கள். வேகமாக வளர்ந்து வரும் தைவான்- இந்தியா கூட்டாண்மையை மேம்படுத்தவும், இந்தோ-பசிபிக் பகுதியில் அமைதி மற்றும் செழிப்பு, வர்த்தகம், தொழில்நுட்பம் மற்றும் பிற துறைகளில் எங்களது ஒத்துழைப்பை விரிவுபடுத்தவும் நாங்கள் எதிர்நோக்குகிறோம்’ என்று பதிவிட்டிருந்தார். 

அதற்குப் பதிலளித்த பிரதமர் மோடி, ‘உங்கள் அன்பான வாழ்த்து செய்திக்கு நன்றி. பரஸ்பர நன்மை பயக்கும் பொருளாதார மற்றும் தொழில்நுட்பக் கூட்டாண்மையை நோக்கி நாம் பணியாற்றும்போது, நெருக்கமான உறவுகளை எதிர்பார்க்கிறேன்.’ என்று பதிவிட்டிருந்தார். இந்த நிலையில் பிரதமர் மோடியின் பதிலுக்கு சீனா எதிர்ப்பு தெரிவித்துள்ளது. இது குறித்து சீன வெளியுறவுத்துறை அமைச்சர் மாவோ நிங் செய்தியாளர்களைச் சந்தித்து பேசினார்.

அப்போது அவர், “தைவான் பிராந்திய அதிகாரிகள் மற்றும் சீனாவுடன் இராஜதந்திர உறவுகளைக் கொண்ட நாடுகளுக்கு இடையேயான தொடர்புகளை சீனா எப்போதும் உறுதியாக எதிர்க்கிறது. உலகில் ஒரே ஒரு சீனா மட்டுமே உள்ளது. ‘ஒரே சீனா கொள்கை’ தொடர்பாக, இந்தியா தீவிர அரசியல் அர்ப்பணிப்புகளை செய்துள்ளது. தைவான் அதிகாரிகளின் அரசியல் திட்டங்களுக்கு எதிராக இந்தியா விழிப்புடன் இருக்க வேண்டும். ஒரு சீனா கொள்கையை மீறும் செயல்களில் இருந்து விலகி இருக்க வேண்டும்” எனத் தெரிவித்தார்.