“வல்லரசு நாடுகள் பட்டியலில் இடம்பெற இந்தியாவுக்கு தகுதி இருக்கிறது” - ரஷ்ய அதிபர் கருத்து!

ரஷ்யா நாட்டின் மாஸ்கோவில் உள்ள சோச்சி பகுதியில் நிகழ்ச்சி ஒன்று நடத்தப்பட்டது. இந்த நிகழ்ச்சியில் அந்நாட்டு அதிபர் விளாடிமிர் புடின் கலந்து கொண்டு பேசினார். அப்போது அவர், “அதிக மக்கள் தொகை, அதிவேக வளர்ச்சி, பண்டைய கலாச்சாரம், வளர்ச்சிக்கான வாய்ப்பு ஆகியவற்றில் இந்தியா முன்னிலையில் உள்ளது. அதனால், இந்தியாவை சந்தேகத்திற்கு இடமின்றி வல்லரசு நாடுகளின் பட்டியலில் சேர்க்க வேண்டும்.

இந்தியாவுடன் அனைத்துத் வழிகளிலும் உறவுகளை வளர்த்து வருகிறோம். இந்தியா ஒரு சிறந்த நாடு. இப்போது மக்கள்தொகை அடிப்படையில் மிகப்பெரியது. ஒவ்வொரு ஆண்டும், 1.5 பில்லியன் மற்றும் 10 மில்லியன் மக்கள் அதிகரித்து வருகிறார்கள்.

உலகின் அனைத்துப் பொருளாதாரங்களுக்கிடையில், இந்தியா அதிவேகமாக வளர்ந்து வருகிறது. இந்தியா-ரஷ்யா உறவுகள் எங்கு, எந்த வேகத்தில் வளரும் என்பது பற்றிய நமது பார்வையானது, இன்றைய யதார்த்தங்களை அடிப்படையாகக் கொண்டது. நமது ஒத்துழைப்பின் அளவு ஒவ்வொரு ஆண்டும் பல மடங்கு அதிகரித்து வருகிறது.

இந்திய ஆயுதப் படைகளுடன் எத்தனை வகையான ரஷ்ய இராணுவ உபகரணங்கள் சேவையில் உள்ளன என்பதைப் பாருங்கள். இந்த உறவில் ஒரு பெரிய அளவு நம்பிக்கை உள்ளது. நாங்கள் எங்கள் ஆயுதங்களை இந்தியாவுக்கு மட்டும் விற்கவில்லை; நாங்கள் அவற்றை கூட்டாக இணைந்து வடிவமைக்கிறோம். எடுத்துக்காட்டாக பிரம்மோஸ் ஏவுகணை கப்பல் திட்டத்தை எடுத்துக்கொள்ளலாம். இந்த திட்டங்கள் பரஸ்பர நம்பிக்கை மற்றும் ஒத்துழைப்பின் உயர் மட்டத்தை நிரூபிக்கின்றன. இதைத்தான் நாம் சமீப காலத்தில் தொடர்ந்து செய்கிறோம். தொலைதூர எதிர்காலத்தில் தொடர்ந்து பணியாற்றுவோம் என்று நம்புகிறேன்” என்று கூறினார்.