Skip to main content

குவைத் தீ விபத்து; பலி எண்ணிக்கை உயர்வு!

Published on 12/06/2024 | Edited on 12/06/2024
news about fire incident kuwait city

குவைத்தில் மங்காப் நகரத்தில் கேரளாவைச் சேர்ந்த ஆபிரகாம் என்கிற தொழிலதிபருக்கு சொந்தமான 6 அடுக்குமாடி கட்டிடம் உள்ளது. இதில் 195 தொழிலாளர்கள் தங்கி இருந்தனர். இவர்கள் அனைவரும் இந்தியாவின் கேரளா, தமிழ்நாடு, ஆந்திரா மற்றும் வடமாநிலங்களை சேர்ந்தவர்கள் எனக் கூறப்படுகிறது. தொழிலாளர்கள் தங்கியுள்ள கட்டிடத்தில் இன்று (12.06.2024) அதிகாலை நான்கு மணியளவில் மங்காஃப் பிளாக் 4 இல் தீ விபத்து ஏற்பட்டது.

இந்த தீ விபத்தில் சிக்கி  உயிரிழந்தவர்களின் எண்ணிக்கை 40ஐ தாண்டியுள்ளது. கட்டிடத்தில் தீ பரவுவதைக் கண்டு கீழே இறங்க வழி இல்லாததால் பலர் மேலே இருந்து கீழே குதித்ததால் சிலர் காயமடைந்தனர். தீயணைப்பு மற்றும் மீட்பு படையினர் விரைந்து வந்து தீ விபத்தில் சிக்கிய 50க்கும் மேற்பட்டவர்களை மீட்டு  மருத்துவமனையில் சேர்த்து சிகிச்சை பெற்று வருகின்றனர். அதே சமயம் தீயணைப்பு படையினர் தீயை அணைத்தனர். 

news about fire incident kuwait city

இந்த தீ விபத்தில் காயமடைந்த 21 பேர் அதான் மருத்துவமனையிலும், 11 பேர் முபாரக் அல் கபீர் மருத்துவமனையிலும், 4 பேர் ஜாபிர் மருத்துவமனையிலும், 6 பேர் ஃபர்வானியா மருத்துவமனைகளிலும் அனுமதிக்கப்பட்டுள்ளனர். இறந்தவர்களின் பெயர் விவரம் இன்னும் முழுமையாக வெளியாக இன்னும் சில மணிநேரமாகும் என கூறப்படுகிறது.

இந்தியர்களுக்கு சொந்தமான நிறுவனத்தின் ஊழியர்கள் வசிக்கும் இந்தக் கட்டிடத்தில் இறந்தவர்கள் காயம்பட்டவர்கள் பெரும்பாலானவர்கள் இந்தியர்கள் என்பதால் இந்திய தூதரகத்தின் அதிகாரிகளில் ஒருவரான ஆதார் ஸ்வேதா என்பவர் சம்பவம் நடந்த இடத்துக்கு நேரில் சென்று விசாரணை நடத்தியுள்ளார். மேலும் மருத்துவமனைக்குச் சென்று தீவிர சிகிச்சை பெற்று வருகிறவர்களை சந்தித்து பேசியுள்ளார். 

news about fire incident kuwait city

தொழிலாளர்களுக்கான அனைத்து உதவிகளையும் இந்திய தூதரகத்தின் மூலம் செய்யப்படும் என வாக்குறுதி தரப்பட்டுள்ளது. இந்தியாவில் உள்ள உறவினர்கள் தொடர்பு கொண்டு நலம் விசாரிக்க தகவல் அறிந்து கொள்ள சில தொலைபேசி எண்களும் இந்திய தூதரகம் வெளியிட்டுள்ளன. கட்டடத்தின் கீழ் தளத்தில் பதுக்கி வைக்கப்பட்டிருந்த கேஸ் சிலிண்டர்களால் இந்த தீ விபத்து ஏற்பட்டதாக தெரிகிறது. குவைத் நாட்டின் துணை பிரதமர் ஷேக் அஹமத் யூசுப் ரியல் எஸ்டேட் துறையினர் இது போன்ற விபத்துகளுக்கு காரணம் அவர்கள் விதிமுறைகளை சரியாக கடைப்பிடிப்பதில்லை இந்த விபத்துக்கு காரணமான கட்டடத்தின் உரிமையாளர் மீது நடவடிக்கை எடுக்கப்படும் அவர் கைது செய்யப்படுவார் என தெரிவித்துள்ளார். 

சார்ந்த செய்திகள்

 

Next Story

சாமி படத்திற்கு போட்ட அகல் விளக்கு; குடிசைகள் எரிந்து நாசம்

Published on 26/06/2024 | Edited on 26/06/2024
Akal lamp for Sami photo; The huts were destroyed by fire

குடிசை வீட்டில் சாமி படத்திற்கு முன் ஏற்றப்பட்ட அகல் விளக்கிலிருந்து தீ பரவி 2 குடிசை வீடுகள் எரிந்து நாசமான சம்பவம் ஈரோட்டில்  பரபரப்பை ஏற்படுத்தியுள்ளது.

ஈரோடு மாவட்டம் நம்பியூர் அருகே காந்திபுரத்தில் இன்று நள்ளிரவில் 2 குடிசை வீடுகள் திடீரென தீப்பிடித்து எரிந்தது. இதனைக் கண்டு அதிர்ச்சியடைந்த அக்கம்பக்கத்தினர் இதுகுறித்து உடனடியாக நம்பியூர் தீயணைப்புத்துறைக்கு தகவல் கொடுத்தனர். சம்பவ இடத்திற்கு விரைந்து வந்த தீயணைப்புத் துறையினர் தண்ணீரை பீய்ச்சியடித்து நீண்ட போராட்டத்திற்கு பிறகு தீயை அணைத்தனர். எனினும் இந்த தீவிபத்தில் இரண்டு குடிசைகளும் முற்றிலும் எரிந்து சேதமடைந்தன.  

இதுகுறித்து நம்பியூர் போலீசார் விசாரணை நடத்தியதில் காந்திபுரம் மேடு பகுதியில், கண்ணையன் (65) என்பவர் தனது குடிசையில் சாமி படத்தின் முன்பு அகல் விளக்கில் தீபம் போட்டுள்ளார். அது காற்றின் வேகத்தால் தீப்பிடித்து விபத்து ஏற்பட்டுள்ளது. இவர் வீடு அருகே அங்கமுத்து (77) என்பவர் குடிசை வீடு உள்ளதால் இந்த தீ விபத்தில் அவர் வீடும் முற்றிலும் எரிந்து சேதமடைந்தது. தீ விபத்து நடந்த போது கண்ணையன் மற்றும் அங்கமுத்து ஆகியோர் அவரவர் வீட்டில் இருந்தனர். தீ விபத்து நடந்ததும் அவர்கள் குடிசையை விட்டு வெளியே வந்ததால் அதிர்ஷ்டவசமாக உயிர்த்தப்பினர். எனினும் இந்த விபத்தில் இருசக்கர வாகனம், தள்ளுவண்டி, துணிகள், மரக்கட்டில்கள், மிதிவண்டி ஆகிவையும் எரிந்து சேதமானது. இதுகுறித்து நம்பியூர் போலீசார் விசாரணை நடத்தி வருகின்றனர்.

Next Story

வெடிவிபத்தில் இளைஞர் உயிரிழப்பு; முதல்வர் மு.க. ஸ்டாலின் இரங்கல்!

Published on 17/06/2024 | Edited on 17/06/2024
Mannargudi tk Bamani Village Velanguzhi incident CM MK Stalin obituary

திருவாரூர் மாவட்டம் மன்னார்குடி அருகே உள்ள கருத்தநாகபுரத்தில் தனியாருக்குச் சொந்தமான நாட்டு வெடி தயாரிக்கும் ஆலை ஒன்று செயல்பட்டு வந்தது. இந்த ஆலை விஜய செல்வகுமார் என்பவருக்கு சொந்தமானதாகும். இத்தகைய சூழலில் தான் வழக்கம் போல் இங்கு நாட்டு வெடிகள் தயாரிக்கும் பணி நடைபெற்று வந்தது. அப்போது எதிர்பாராத விதமாக திடீரென இந்த ஆலையில் நேற்று (16.06.2024) மதியம் வெடி விபத்து ஏற்பட்டது. இந்த வெடி விபத்து ஏற்பட்டபோது ஆலையில் மூன்று பேர் வெடிகள் தயாரிக்கும் பணியில் ஈடுபட்டிருந்தனர் எனத் தகவல் வெளியாகி இருந்தது.

வெடிச் சத்தம் கேட்டு அக்கம் பக்கத்தில் உள்ளவர்கள் சம்பவ இடத்திற்கு விரைந்து வந்து மீட்புப் பணியில் ஈடுபட்டனர். விபத்து ஏற்பட்ட சமயத்தில் ஆலையில் பணியில் ஈடுபட்டு சதீஷ்குமார் என்பவர் படுகாயம் அடைந்தார். மேலும் இந்த வெடி விபத்தில் காயம் அடைந்த இரண்டு பேர் மன்னார்குடி அரசு மருத்துவமனையில் சிகிச்சைக்காக அனுமதிக்கப்பட்டனர். இந்த விபத்து குறித்து தகவல் அறிந்த மன்னார்குடி தீயணைப்புத் துறை அதிகாரிகள் சம்பவ இடத்திற்கு விரைந்து வந்து தீயை அணைத்தனர். இந்தச் சம்பவம் குறித்து காவல்துறை அதிகாரிகள் உரிய விசாரணை நடத்தி வருகின்றனர்.

Mannargudi tk Bamani Village Velanguzhi incident CM MK Stalin obituary

இந்நிலையில் பட்டாசு ஆலையில் ஏற்பட்ட வெடிவிபத்தில் உயிரிழந்தவரின் குடும்பத்தினருக்கு ஆறுதல் தெரிவித்து தமிழக முதலமைச்சர் மு.க.ஸ்டாலின் நிதியுதவி அறிவித்துள்ளார். இது தொடர்பாக வெளியிட்டுள்ள இரங்கல் செய்தியில், “திருவாரூர் மாவட்டம், மன்னார்குடி வட்டம், பாமணி வருவாய் கிராமம், வெள்ளங்குழி (தேவேந்திரபுரம்) என்ற இடத்தில் இயங்கிவந்த தனியாருக்குச் சொந்தமான பட்டாசு ஆலையில் நேற்று (16-06-2024) பிற்பகல் 1.45 மணியளவில் எதிர்பாராதவிதமாக வெடிவிபத்து ஏற்பட்டது. இதில் மனோகரன் என்பவர் மகன் சதீஷ்குமார் (வயது 34) பலத்த தீக்காயங்களுடன் மன்னார்குடி மாவட்ட அரசு தலைமை மருத்துவமனையில் சிகிச்சைக்காக அனுமதிக்கப்பட்டு சிகிச்சை பலனின்றி உயிரிழந்தார். இந்தத் துயரமான செய்தியைக் கேட்டு மிகுந்த வருத்தமும், வேதனையும் அடைந்தேன்.

மேலும், இவ்விபத்தில் உயிரிழந்தவரின் குடும்பத்தினருக்கும் அவர்களது உறவினர்களுக்கும் எனது ஆழ்ந்த இரங்கலையும், ஆறுதலையும் தெரிவித்துக் கொள்வதோடு, அவரது குடும்பத்தினருக்கு மூன்று இலட்சம் ரூபாய் முதலமைச்சரின் பொது நிவாரண நிதியிலிருந்து வழங்கிடவும் உத்தரவிட்டுள்ளேன்” எனத் தெரிவித்துள்ளார்.