Skip to main content

நாய் என நினைத்து வீட்டில் கரடிக்குட்டியை வளர்த்த பிரபல பாடகி...

Published on 15/06/2019 | Edited on 15/06/2019

நாய் என நினைத்து தனது வீட்டில் கரடிக்குட்டியை வளர்த்து வந்த மலேசியாவின் பிரபல பாடாகி ஸரித் சோபியா யாசின் பொலிஸாரால் கைது செய்யப்பட்டுள்ளார்.

 

malaysian pop singer zarith arrested for keeping bear as pet

 

 

சில மாதங்களுக்கு முன்பு ஒருநாள் இரவில் பணியை முடித்து வீட்டிற்கு வந்து கொண்டிருந்தபோது சாலையோரம் ஏதோ குட்டி ஒன்று அடிபட்டு கிடப்பதை கண்டுள்ளார் சோபியா. அதன் அருகில் சென்றபோது அது நாய்க் குட்டி என நினைத்து அதனை வீட்டிற்கு கொண்டு வந்துள்ளார். மருத்துவ சிகிச்சை அளித்து அதனை பராமரித்து சில நாட்கள் வளர்ந்த பிறகே அது ஒரு வகை கரடி குட்டி என அவருக்கு தெரிய வந்துள்ளது.

ஆனால் அதன் பின்னரும் அதனை அதிகாரிகளிடம் ஒப்படைக்காமல் வீட்டிலேயே வைத்து வளர்த்துள்ளார். அது அவரின் பேச்சை கேட்டு, சாதுவாக நடந்துகொண்டதால் அதனை வீட்டிலேயே அவர் செல்லப்பிராணியாக வளர்த்ததாக அவரது நண்பர் தெரிவித்துள்ளார்.

கடந்த சில நாட்களுக்கு  முன்னர் அந்தக் கரடி வீட்டின் ஜன்னல் வழியே எட்டிப்பார்த்துள்ளது. அதைக் கண்ட இருவர் வீடியோ எடுத்து சமூக வலைத்தளத்தில் பகிர்ந்துள்ளனர். அது இணையத்தில் வைரலாக நிலையில் வனத்துறையினர்  தகவல் அறிந்து அவரது வீட்டிற்கு வந்துள்ளனர். அப்போது அங்கிருந்த கரடியை மீட்டதுடன் காவலர்கள் சோபியாவையும் கைது செய்தனர். 

 

 

சார்ந்த செய்திகள்

 

Next Story

பாடகி உமா ரமணன் மறைவு - வீடியோ வெளியிட்டு கணவர் வேண்டுகோள்

Published on 02/05/2024 | Edited on 02/05/2024
request from paased away actress uma ramanan

பிரபல திரைப்பட பின்னணி பாடகி உமா ரமணன்(72) உடல்நலக்குறைவால் நேற்று இரவு காலமானார். 1980 ஆம் ஆண்டு வெளியான நிழல்கள் திரைப்படத்தில் இடம்பெற்ற ‘பூங்கதவே தாழ் திறவாய்..’ என்ற பாடல் மூலம் திரையுலகில் அறிமுகமானார். இந்தப் பாடல் பட்டிதொட்டி எங்கும் ஹிட் அடிக்க, 1981 ஆம் ஆண்டில் வெளியான பன்னீர் புஷ்பங்கள் படத்தில் ‘ஆனந்த ராகம் கேட்கும் நேரம்’ பாடல் இன்றளவும் பலரின் கவனத்தைப் பெற்று வருகிறது.

இளையராஜாவின் இசையில் மூடுபனி, கர்ஜனை எனத் தொடர்ந்து பல படங்களில் பாடல்களை பாடியுள்ளார். மேலும்,  எம்.எஸ்.விஸ்வநாதன், டி.ராஜேந்தர், தேவா, சிற்பி, வித்யாசாகர், மணி ஷர்மா உள்ளிட்ட பல இசைமைப்பாளர்களின் இசையிலும் உமா ரமணன் ஏராளமான பாடல்கள் பாடியுள்ளார். இந்த நிலையில் சென்னை அடையாறு காந்தி நகரில் உள்ள இல்லத்தில் கணவருடன் உமா ரமணன் வசித்து வந்தார். சமீபகாலமாக உடல்நலக் குறைவால் பாதிக்கப்பட்டு வந்த உமா ரமணன் நேற்று உடல்நலக்குறைவால் உயிரிழந்தது, திரையுலகினர் மத்தியில் சோகத்தை ஏற்படுத்தியுள்ளது.

இதையடுத்து உமா ரமணன் கணவரான ஏ.வி.ரமணன், இறுதி சடங்கின் போது, ஊடக நண்பர்கள் மற்றும் பத்திரிகை செய்தியாளர்கள், பிரைவேசி காரணமாக வீட்டிற்கு வருவதை தவிர்க்குமாறு கேட்டுக்கொண்டுள்ளார். மேலும் இந்த முடிவு உமா ரமணனின் விருப்பம் என்றும் தெரிவித்துள்ளார்.

Next Story

12 வயது நவ்யா உமேஷ் பாடியுள்ள இறைவி பாடல்

Published on 09/03/2024 | Edited on 09/03/2024
12 year old Navya Umesh sung iraivi album

சர்வதேச செஸ் ஒலிம்பியாட், குளோபல் இன்வெஸ்டர்ஸ் மீட், கேலோ இந்தியா என குறிப்பிடத்தக்க நிகழ்வுகள் மட்டுமல்லாது மாவீரன், ஜெயிலர், ஜவான் மற்றும் லால் சலாம் படங்களின் ஆடியோ லான்ச், எனப் பல நிகழ்வுகளை வெற்றிகரமாக நிகழ்த்திய கலை இயக்குநரும் நிகழ்வு மேலாளருமான உமேஷ் ஜே குமார் மற்றும் நிகழ்வு மேலாளர் ராகிணி முரளிதரன் ஆகியோரின் மகள் நவ்யா உமேஷ்.

ஏழாம் வகுப்பு படித்து வரக்கூடிய இவர், பாடி நடித்த ‘இறைவி’ பாடல் மகளிர் தின கொண்டாட்டமாக வெளியாகியுள்ளது. வெங்கடேசன் இயக்கியுள்ள இப்பாடலை நவ்நீத் சுந்தர் இசையமைத்துள்ளார். சமூக தொழில் முனைவோர் தீப்தி வரிகளை எழுதியுள்ளார். ‘என்ஜாய் எஞ்சாமி’ மற்றும் ‘கட்சி சேரா’ போன்ற வைரல் வீடியோக்களுக்கு நடனம் அமைத்த ‘தி டான்சர்ஸ் கிளப்’ இந்தப் பாடலுக்கான நடனம் அமைத்துள்ளனர். சோனி மியூசிக்கில் மகளிர் தினத்தன்று வெளியாகியுள்ள இந்தப் பாடலை, இயக்குநர் விக்னேஷ் சிவன் வெளியிட்டார்.