Skip to main content

பாதிப்பை ஏற்படுத்தும் இரண்டாவது டோஸ் தடுப்பூசி? - இஸ்ரேல் ஆய்வு முடிவு குறித்து பைசர் விளக்கம்!

Published on 02/06/2021 | Edited on 02/06/2021

 

pfizer vaccine

 

இஸ்ரேல் நாட்டில் பைசர் கரோனா தடுப்பூசி மக்களுக்கு செலுத்தப்பட்டுவரும் நிலையில், அந்த நாட்டில் கடந்த வருடம் டிசம்பர் முதல் இந்த வருடம் மார்ச் மாதம்வரை பைசர் தடுப்பூசி செலுத்திக்கொண்ட 5 மில்லியன் பேரில், 275 பேருக்கு இதயத்தில் வீக்கம் ஏற்பட்டது. இதனையடுத்து இதுகுறித்து விசாரிக்க இஸ்ரேலிய சுகாதாரத்துறை மூன்று நிபுணர்கள் கொண்ட குழுவை அமைத்தது. இந்தநிலையில், இந்தக் குழுவின் ஆய்வு முடிவுகளை இஸ்ரேல் சுகாதாரத்துறை அமைச்சகம் தற்போது வெளியிட்டுள்ளது.

 

நிபுணர்கள் நடத்திய ஆய்வில், பைசர் தடுப்பூசியின் இரண்டாவது டோஸை செலுத்திக்கொள்வதற்கும், 16 முதல் 30 வயதான இளைஞர்களுக்கு இதயத்தில் வீக்கம் ஏற்படுவதற்கும் தொடர்பு இருக்கலாம் என தெரியவந்துள்ளதாக இஸ்ரேலிய சுகாதாரத்துறை கூறியுள்ளது. மேலும் 16 முதல் 19 வயதான இளைஞர்களிடையே இந்த பாதிப்பு அதிகம் ஏற்பட்டுள்ளதாகவும் அந்த ஆய்வு கூறுவதாக தெரிவித்துள்ள இஸ்ரேலிய சுகாதாரத்துறை, 95 சதவீதம் பேருக்கு மிதமான அளவிலேயே இந்த பாதிப்பு ஏற்பட்டதாகவும், இந்த பாதிப்புக்குள்ளான பெரும்பாலானவர்கள் நான்கு நாட்களுக்குள் குணமடைந்துள்ளதாக தெரிவித்துள்ளது. இஸ்ரேலில் இவ்வருட தொடக்கம் முதல் 16 வயது மற்றும் அதற்கும் மேற்பட்டவர்களுக்குத் தடுப்பூசி செலுத்தப்படுவது குறிப்பிடத்தக்கது. 

 

இஸ்ரேலில் 12 வயதுக்கும் மேற்பட்டவர்களுக்குத் தடுப்பூசி செலுத்துவது தொடர்பான அறிவிப்பு வெளியாகவிருந்த நிலையில், இந்த ஆய்வு முடிவுகள் வெளியிடப்பட்டுள்ள நிலையில், இதுதொடர்பாக இஸ்ரேல் சுகாதாரத்துறை, இதயத்தில் வீக்கம் ஏற்படும் விவகாரத்தை நிபுணர் குழு ஆராய்ந்து வருவதாகவும், 12 வயதுக்கு மேற்பட்டவர்களுக்குத் தடுப்பூசி செலுத்துவது குறித்து அந்தக் குழு பரிந்துரைக்கும் என கூறியுள்ளது. இதனால் அந்த நாட்டில் 12 வயதுக்கும் மேற்பட்டவர்களுக்குத் தடுப்பூசி செலுத்தப்படுவது தாமதமாகலாம் என கருதப்படுகிறது.

 

இதற்கிடையே பைசர் நிறுவனம் இந்த விவகாரம் தொடர்பாக அறிக்கை ஒன்றை வெளியிட்டுள்ளது. அதில் அந்த நிறுவனம், "வழக்கமாகவே மக்கள் தொகையில் குறிப்பிட்ட அளவில் இந்தப் பாதிப்பு ஏற்படும். அந்தக் குறிப்பிட்ட அளவைவிட அதிகமாக பொதுமக்களிடம் இந்தப் பாதிப்பு ஏற்பட்டிருப்பதாக நாங்கள் கண்டறியவில்லை. தடுப்பூசிக்கும், இதய வீக்கத்திற்கும் தொடர்பு இருக்கிறெதென ஆய்வில் உறுதிப்படுத்தப்படவில்லை. தடுப்பூசியால் ஏற்படும் பாதிப்புகள் குறித்து மதிப்பாய்வு செய்யப்படுகிறது. இதுதொடர்பான தரவுகளை ஆய்வு செய்ய பைசர் இஸ்ரேலிய சுகாதார அமைச்சின் தடுப்பூசி பாதுகாப்புத்துறையுடன் தவறாமல் சந்திக்கிறது" என கூறியுள்ளது. 

 

 

சார்ந்த செய்திகள்

 

Next Story

இரவு பகலாகச் சித்ரவதை அனுபவிக்கும் பாலஸ்தீன கைதிகள்; இஸ்ரேல் மீது பரபரப்பு குற்றச்சாட்டு

Published on 02/07/2024 | Edited on 02/07/2024
Palestinian prisoners are tortured day and night in Israel  jails

இஸ்ரேல் - ஹமாஸ் அமைப்பினர் இடையே நடைபெற்று வரும் போரால் மத்திய கிழக்கில் தொடர்ந்து பதற்றமான சூழல் நிலவி வருகிறது. கடந்த ஆண்டு ஆக்டோபர் மாதம் ஹமாஸ் அமைப்பினர் இஸ்ரேல் மீது வான்வெளி தாக்குதல் நடத்தினர். இந்தத் தாக்குதலில் ஆயிரத்திற்கும் மேற்பட்ட இஸ்ரேலியர்கள் உயிரிழந்தனர்.

பதிலுக்கு ஹமாஸ் அமைப்பினரை குறிவைத்து காசா மீது இஸ்ரேல் நடத்தி வரும் தாக்குதலுக்கு இதுவரை 37 ஆயிரம் பாலஸ்தீனியர்கள் கொல்லப்பட்டுள்ளனர். 80 ஆயிரத்திற்கும் மேற்பட்டோர்கள் படுகாயமடைந்துள்ளனர். இதுவரை இந்தப் போரில் 150க்கும் மேற்ப்பட்ட பத்திரிகையாளர்கள் கொல்லப்பட்டுள்ளனர். ஹமாஸ் அமைப்பின் கடைசி நபர் உயிருடன் இருக்கும் வரை இந்த வேட்டை தொடரும் என எச்சரித்த இஸ்ரேல், அதிதீவிர தாக்குதலை நடத்திகொண்டே இருக்கிறது. சர்வதேச நாடுகள் இந்தப் போரை நிறுத்த பல்வேறு முயற்சிகளை மேற்கொண்டு வருகிறது. இருப்பினும் குண்டு சத்தங்களுடன் காசா நகர் எங்கும் மரண ஓலம் கேட்டுக்கொண்டே இருக்கிறது. இந்த நிலையில் இஸ்ரேலில் பாலஸ்தீன கைதிகள் இரவு பகல் பாராது தொடர் சித்ரவதைக்கு உள்ளாக்கப்படுவதாகத் தகவல் வெளியாகியுள்ளது.

இஸ்ரேலிய படைகளால் சிறைபிடிக்கப்பட்ட அல்-ஷிஃபா மருத்துவமனையின் இயக்குநர் டாக்டர் முஹம்மது அபு சல்மியா 8 மாத காவலுக்கு பிறகு விடுவிக்கப்பட்டிருந்தார். இந்த நிலையில் சிறையில் இருந்த தனது அனுபவத்தை பகிர்ந்த அவர், “இஸ்ரேலிய சிறையில் இரவு பகலாக சித்ரவதைக்கு பாலஸ்தீன கைதிகள் உள்ளாக்கப்படுகின்றனர். பல கைதிகள் விசாரணையில் கொல்லப்படுகின்றனர். இஸ்ரேலிய மருத்துவர்களும், செவிலியர்களும் கைதிகளை அடித்து கொடுமைப் படுத்துகின்றனர். சாப்பிடுவதற்கு சரியான உணவு பொருட்கள் கொடுப்பதில்லை. ஒரு நாளைக்கு ஒரு ரொட்டிக்கு மேல் சாப்பிடவில்லை. இஸ்ரேலியர்கள் பாலஸ்தீன கைதிகளை உயிரற்ற பொருளாகவே பார்க்கின்றனர்” என்று கண்கலங்கினார். 

Next Story

காசா போர் எதிரொலி; இஸ்ரேலுக்கு எதிராக மாலத்தீவு அதிரடி முடிவு!

Published on 03/06/2024 | Edited on 03/06/2024
Maldives action against Israel!

இஸ்ரேல் - ஹமாஸ் அமைப்பினர் இடையே நடைபெற்று வரும் போர் தொடர்ந்து நீடித்துக் கொண்டே இருக்கிறது. கடந்த ஆண்டு அக்டோபர் 7 ஆம் தேதி காசாவிலிருந்து ஹமாஸ் அமைப்பு இஸ்ரேல் மீது நடத்திய தாக்குதலில் ஆயிரத்திற்கும் மேற்பட்டோர் உயிரிழந்தனர். இந்தப் போரில் அதிகளவில் பெண்களும், குழந்தைகளுமே உயிரிழந்ததாக ஐ.நா கவலை தெரிவித்தது. இதுவரை 30,000க்கும் அதிகமானோர் பலியானதாகவும் 60,000க்கும் மேற்பட்டோர் படுகாயம் அடைந்ததாகவும் தெரிவிக்கப்பட்டது. மேலும், போர் நிறுத்தத்தை முடிவுக்குக் கொண்டு வர, அமெரிக்கா உள்ளிட்ட பல்வேறு நாடுகள் ஏராளமான முயற்சிகளை மேற்கொண்டு வருகின்றன.

அதே வேளையில், உலகில் உள்ள பல்வேறு மாணவர் அமைப்பினர், பொது மக்கள் என பலரும் இந்தப் போரை நிறுத்த வேண்டும் என கோரிக்கை வைத்து அவ்வப்போது போராட்டம் நடத்தி வருகின்றனர். இந்த சூழலில் இஸ்ரேல் படையினர் ஹமாஸுக்கு பதிலடி கொடுக்கும் விதமாக தெற்கு காசாவில் உள்ள ரபா நகரம் மீது அதிரடி வான்வெளி தாக்குதல் நடத்தியுள்ளது. இதில் ரபா பகுதியில் உள்ள முகாம்களில் தங்கவைக்கப்பட்ட 45 பாலஸ்தீன மக்கள் பரிதாபமாக உயிரிழந்தனர். இந்த தாக்குதலுக்கு உலகளவில் பரவலாக பேசப்பட, பலரும் பாலஸ்தீனியர்களுக்கு ஆதரவாக குரல் கொடுத்து வந்தனர். அந்த வகையில் திரைப்பிரபலங்கள் பலரும் உலக மக்களின் கவனத்தை ஈர்க்கும் வகையில் ‘ஆல் ஐஸ் ஆன் ரபா’  ‘ALL EYES ON RAFAH' என்ற போஸ்டரை அவர்களது இன்ஸ்டாகிராம் பக்கத்தில் பகிர்ந்து வந்தனர்.

இந்த நிலையில், பாலஸ்தீனத்திற்கு ஆதரவாக குரல் கொடுக்கும் வகையில் இஸ்ரேலிய மக்கள் மாலத்தீவில் நுழையத் தடை விதித்து அந்நாட்டு அரசு உத்தரவிட்டுள்ளதாக தகவல் வெளியாகியுள்ளது. இது குறித்து மாலத்தீவு உள்துறை அமைச்சர் அலி இஹூசன் செய்தியாளர்களைச் சந்தித்து கூறுகையில், “அதிபர் மொஹமட் முய்ஸு, அமைச்சரவையின் பரிந்துரையைத் தொடர்ந்து, இஸ்ரேலிய பாஸ்போர்ட்டுகளுக்கு தடை விதிக்க முடிவு செய்யப்பட்டுள்ளது. இஸ்ரேலிய குடிமக்கள் நுழைவதைத் தடுக்க இந்நாட்டு சட்டத்தில் திருத்தம் செய்ய அரசு நடவடிக்கை எடுக்கப்பட்டுள்ளது. பொதுமக்களுக்கு எதிரான இத்தகைய ஆக்கிரமிப்பு மற்றும் இனப்படுகொலை நடவடிக்கைகள் சர்வதேச மனிதாபிமான சட்டத்தை முற்றிலும் மீறுவதாகும்” என்று கூறினார். 

மாலத்தீவின் இந்த அறிவிப்பை தொடர்ந்து, இஸ்ரேலிய மக்களுக்கு இந்தியாவில் உள்ள இஸ்ரேலிய தூதரகம் அறிவிப்பு ஒன்றை வெளியிட்டுள்ளது. இது தொடர்பாக கூறுகையில், ‘மாலத்தீவுகள் இனி இஸ்ரேலியர்களை வரவேற்கவில்லை என்பதால், இஸ்ரேலிய சுற்றுலாப் பயணிகளை அன்புடன் வரவேற்கும் மற்றும் மிகுந்த விருந்தோம்பல் உபசரிக்கும் சில அழகான மற்றும் அற்புதமான இந்திய கடற்கரைகள் இங்கே உள்ளன’ என்று அறிவித்துள்ளது.