Skip to main content

“மீண்டும் அவரை இழக்க மனமில்லை”- கணவரின் அஸ்தியைச் சாப்பிடும் வினோத பெண்!

Published on 23/10/2021 | Edited on 23/10/2021

 

"I don't want to lose him again" - Strange woman eating her husband's ashes


அமெரிக்காவின் டென்னசியைச் சேர்ந்த கேசி எனும் பெண், சீன் என்பவரைக் கடந்த 2009 ஆம் ஆண்டு திருமணம் செய்துகொண்டார். ஆனால் திருமணம் ஆனால் சிறிது காலத்திலேயே சீன் ஆஸ்துமா நோயினால் பாதிக்கப்பட்டு உயிரிழந்தார். இதன் பின்னர் சீனின் உடல் தகனம் செய்யப்பட்டு அவரது அஸ்தியை கேசியிடம் கொடுத்தனர். 

 

தன் கணவர் மீது மிகுந்த அன்பு கொண்ட கேசி, அவரது அஸ்தியைச் செல்லும் இடங்களுக்கெல்லாம்  கொண்டு சென்றார். மேலும் தினமும் தூங்கும்போதும் கூட  தனது கணவரின் அஸ்தியைக் கட்டிப்பிடித்துக் கொண்டு தூங்குவார். ஒரு நாள் தனது கணவரின் சாம்பலைக் கலசத்திற்கு மாற்றம் செய்யும் பொழுது கேசியின் கைகளில் கணவரின் சாம்பல் சிதறியது. அதனையடுத்து அந்த சாம்பலைத் துடைக்க விரும்பாத கேசி அதனைத் தனது நாவினால் சுவைத்துள்ளார். அதிலிருந்து அந்த சாம்பலைச் சுவைப்பதைக் கட்டுப்படுத்த முடியாத கேசி தினமும் குறைந்தது ஐந்து முறையாவது அந்த சாம்பலைச் சுவைக்கத் தொடங்கியுள்ளார். 

 

அமெரிக்காவில் இயங்கி வரும் ஒரு தனியார் தொலைக்காட்சியில் ஒளிபரப்பாகும் பிரபல நிகழ்ச்சியில் இவரின் இந்த வினோதமான செயல் ஒளிபரப்பானது. இந்நிகழ்ச்சியில் கலந்துகொண்ட அவர் தனது செயல்பாடுகள் குறித்து விவரித்தார். அவர் தெரிவித்ததாவது, “இது (அஸ்தி) என்னுடைய கணவர். அவரை அழிக்க விரும்பவில்லை. அதனால் அவரை சுவைக்க ஆரம்பித்தேன். கடந்த இரண்டு மாதங்களாக இந்த செயலை செய்து வருகிறேன். என்னால் அதனை நிறுத்தமுடியவில்லை. அது மணல் போன்று இருந்தாலும் அந்த சுவை எனக்குப் பிடித்திருக்கிறது. அவர் ஏற்கனவே ஒரு முறை இழந்துவிட்டேன். இந்த செயலால் மீண்டும் அவரை இழக்க எனக்கு மனம் இல்லை” என அவர் தெரிவித்துள்ளார். மேலும், இந்த பழக்கத்தால் அவர் தனது உடல் எடையில் 19கிலோ குறைந்துள்ளதாகவும் தெரிவித்திருக்கிறார். 

 

 

 

சார்ந்த செய்திகள்

 

Next Story

இளம்பெண் பாலியல் தொழிலுக்குத் தள்ளப்பட்ட கொடூரம்; விசாரணையில் பகீர்

Published on 11/06/2024 | Edited on 11/06/2024
woman arrested for forcing young girl into wrong profession

ஈரோடு மாவட்டம் கோபிசெட்டிபாளையம் அருகே கரட்டடி பாளையம் பகுதியில் ஒரு வீட்டில் பாலியல் தொழில் நடப்பதாக சப்-இன்ஸ்பெக்டர் சத்யனுக்கு ரகசிய தகவல் வந்தது. அதன் பேரில் சப்-இன்ஸ்பெக்டர் சத்யன் மற்றும் போலீசார் கோபி அடுத்த கரட்டடி பாளையம், சஞ்சீவ் காந்தி வீதியில் உள்ள ஒரு வீட்டில் சோதனையிட சென்றனர். 

அப்போது போலீசை பார்த்ததும் அந்த வீட்டில் இருந்த ஒரு ஆண் வெளியே தப்பி ஓடினார். பின்னர் போலீசார் வீட்டிற்குள் சென்று பார்த்தபோது 21 வயது மதிக்கத்தக்க பெண் பாலியல் தொழில் ஈடுபட்டது தெரியவந்தது. அந்தப் பெண்ணை விசாரித்த போது சண்முக வடிவு(60) என்பவர் தன்னிடம் ஆசை வார்த்தை பேசி என்னை கட்டாயப்படுத்தி பாலியல் தொழிலில் ஈடுபடுத்தியதாக கூறினார். போலீஸ் விசாரணையில் சண்முக வடிவு பெண் புரோக்கராக செயல்பட்டு இதேபோன்று பல பெண்களை பாலியல் தொழில் தள்ளியது தெரியவந்தது.

பின்னர் இருவரையும் போலீசார் கோபிசெட்டிபாளையம் போலீஸ் நிலையத்திற்கு அழைத்து சென்றனர். அப்போது போலீசாரிடம் அந்தப் பெண்தான் பனியன் கம்பெனியில் வேலை பார்த்த போது சண்முகவடிவுடன் அறிமுகம் ஆகி என்னிடம் ஆசை வார்த்தை கூறி என்னை கட்டாயப்படுத்தி பாலியல் தொழிலில் ஈடுபடுத்தி உள்ளார் என்று கூறினார். இதனையடுத்து சண்முகவடிவை போலீசார் கைது செய்தனர். பின்னர் அவர் நீதிமன்றத்தில் ஆஜர்ப்படுத்தப்பட்டு சிறையில் அடைக்கப்பட்டார். 

பாதிக்கப்பட்ட அந்தப் பெண்ணின் உறவினர்களை வரவழைத்து அந்தப் பெண்ணுக்கு புத்திமதி கூறி போலீசார் அனுப்பி வைத்தனர். மேலும் கோபி பகுதியில் தொடர்ந்து பாலியல் தொழிலில் ஈடுபடும் நபர்களைக் கைது செய்து அவர்கள் குண்டர் தடுப்புச் சட்டத்தில் கைது செய்யப்படுவார்கள் எனக் காவல் துறை சார்பில் எச்சரிக்கை விடுத்துள்ளனர்.

Next Story

திருமணமான சில மாதங்களில் பெண் காவலர் தற்கொலை!

Published on 06/06/2024 | Edited on 06/06/2024
Female police lost their life  within a few months of marriage!

ராயபுரம் காவல் நிலையத்தில், குற்றப்பிரிவு காவலராக பணியாற்றியவர் பிரியங்கா. 27 வயதான இவர், அதே காவல் நிலையத்தில் காவலராகப் பணியாற்றி வந்த 30 வயதான சேகர் என்பவரைக் காதல் திருமணம் செய்துகொண்டார். கடந்த ஜனவரி மாதம் இவர்களது திருமணம் நடைபெற்றுள்ளது. அதன் பிறகு, காவலர் தம்பதியர்.. ராயபுரத்தில் உள்ள காவலர் குடியிருப்பிற்கு குடியேறியுள்ளனர்.

இந்த நிலையில், காதல் திருமணம் செய்துகொண்ட காவலர் தம்பதியின் வாழ்க்கையில் அடிக்கடி குடும்ப விவகாரம் தொடர்பாக தகாறு ஏற்பட்டுள்ளது. காவலர் சேகர் தினம்தோறும் மது அருந்திவிட்டு மனைவி பிரியங்காவிடம் சண்டையிட்டு வந்ததாகக் கூறப்படுகிறது. இந்நிலையில், கடந்த 31 ஆம் தேதி மதியம் ஏற்பட்ட சண்டையில், கணவர் சேகர் வீட்டை விட்டு வெளியே சென்றுள்ளார். பின்னர், திரும்பி வந்து பார்த்தபோது, வீட்டின் வரவேற்பறை மின்விசிறியில்.. பிரியங்கா தூக்கிட்ட நிலையில், சடலமாகக் கிடந்தாக கணவர் சேகர் போலீசாருக்கு தகவல் கொடுத்தார். தகவலின் பேரில், சம்பவ இடத்திற்கு வந்த ராயபுரம் போலீஸார்... பிரியங்காவின் உடலை கைப்பற்றி, அரசு ஸ்டான்லி மருத்துவமனைக்கு அனுப்பி வைத்தனர். தொடர்ந்து காவலர் தற்கொலை மரணம் குறித்து, விசாரணை நடத்தி வந்த நிலையில்.. மகளின் மரணத்தில் சந்தேகம் இருப்பதாக பிரியங்காவின் பெற்றோர் ராயபுரம் காவல் நிலையத்தில் பரபரப்பு புகார் அளித்தனர். அதில், தனது மகளின் கணவன் சேகர், தினமும் குடித்துவிட்டு மகள் பிரியங்காவை அவதூறாகப் பேசி வந்ததாகக் கூறியுள்ளனர். மேலும், மகள் இறந்ததாகக் கூறும் முந்தைய நாள் இரவு மகள் பிரியங்கா ஃபோன் செய்தபோது, ''கணவர் சேகர் குடித்துவிட்டு தகராறு செய்கிறார். அவர் என்னைக் கொடுமைப்படுத்துகிறார்.

நான் செத்தால்தான் விடிவு காலம் பிறக்கும்..' என்று அழுதுகொண்டே கூறியதாகப் புகாரில் பெண்ணின் பெற்றோர் கூறியுள்ளனர். அப்போது, ஆறுதல் தெரிவித்து போனை வைத்ததாகவும், அதன் பிறகு செல்போனில், `எனக்கும் மாமாவுக்கும் ஒரு வாரமா சண்டை' என்று மெசேஜ் அனுப்பியதாகவும் புகாரில் தெரிவித்துள்ளனர். ஆனால் எப்போதும் போல நடந்த சண்டை என்று பிரியங்காவின் பெற்றோர்கள் நினைத்திருக்க, கடந்த 31 ஆம் தேதி மதியம் முதலில் மருத்துவமனை மூலம் மகள் இறந்தத் தகவல் கிடைத்ததால் துடித்துப்போனோம் எனப் பெற்றோர்கள் கூறுகின்றனர். அந்தத் தகவலை கூட மகளின் கணவர் சேகர், சொல்லவில்லை என்பதால், மரணத்தில் சந்தேகம் இருப்பதாகப் புகாரில் பெற்றோர்கள் தெரிவித்தனர்.

இதையடுத்து, பிரியங்காவை தற்கொலைக்குத் தூண்டியதாக வழக்குப் பதிந்த போலீசார், கணவர் சேகரை கைது செய்தனர். பின்னர், அவரை நீதிமன்றத்தில் ஆஜர்படுத்தி புழல் சிறையில் அடைத்தனர். இதனிடையே, உடற்கூறாய்வு முடிந்து பெண் காவலர் உடல் பெற்றோரிடம் அளிக்கப்பட்டது. இறந்த பிரியங்காவிற்கு திருமணமாகி சில மாதங்களே ஆவதால், ஆர்.டி.ஓ விசாரணைக்கும் போலீஸார் பரிந்துரை செய்துள்ளனர்.

ராயபுரம் பெண் காவலர் தற்கொலை வழக்கில் அவரின் கணவரான காவலர் சேகரை போலீஸார் கைது செய்த சம்பவம் அதிர்ச்சியை ஏற்படுத்தியுள்ளது.