Skip to main content

விற்பனைக்கு வரும் செயற்கை கோழிக்கறி!

Published on 29/12/2020 | Edited on 29/12/2020
artificial chicken

 

 

அமெரிக்காவை சேர்ந்த உணவு நிறுவனமான 'ஈட் ஜஸ்ட்' நிறுவனம், செயற்கை கோழிக்கறியை உருவாக்கியுள்ளது. இயற்கை கோழிக்கறிக்கு மாற்றாக இந்த கோழிக்கறியை, கோழி செல்களின் மூலம் ஆய்வகத்தில் உருவாக்கியுள்ளனர்.

 

இந்த செயற்கை கோழிக்கறிக்கு சிங்கப்பூர் நாடு அனுமதியளித்துள்ளது. இதனைத் தொடர்ந்து சிங்கப்பூரில் விரைவில் இந்த செயற்கை கோழிக்கறி விற்பனைக்கு வரவுள்ளது.

 

தற்போது விற்பனைக்கு வரவுள்ள செயற்கை கோழிக்கறி, இயற்கையான கோழிக்கறி விலையில்தான் விற்பனை செய்யப்படும் எனவும், அதன் பிறகு இதன் விலை குறையும் எனவும் அறிவிக்கப்பட்டுள்ளது.

 

 

சார்ந்த செய்திகள்

 

Next Story

உலக செஸ் சாம்பியன்ஷிப் தொடர்; டிங் லிரென் - குகேஷ் மோதல்!

Published on 01/07/2024 | Edited on 01/07/2024
World Chess Championship Series Ding Liran - Gukesh

உலக செஸ் சாம்பியன்ஷிப் தொடர் வரும் நவம்பர் 20 ஆம் தேதி முதல் டிசம்பர் 15 ஆம் தேதி வரை நடைபெறும் என ஏற்கனவே அறிவிக்கப்பட்டிருந்தது. அதன்படி இந்த செஸ் சாம்பியன்ஷிப் தொடரை நடத்த விரும்புவோர் ஆன்லைனில் விண்ணப்பிக்கலாம் என பிடே (FIDE - International Chess Federation) தெரிவித்திருந்தது. மேலும் செஸ் தொடரை நடத்த குறைந்தபட்ச ஏலத் தொகையாக சுமார் ரூ.68 கோடி நிர்ணயிக்கபட்டிருந்தது.

இந்நிலையில் உலக செஸ் சாம்பியன்ஷிப் தொடர் சிங்கப்பூரில் நடைபெற உள்ளது என அறிவிப்பு வெளியாகியுள்ளது. இது தொடர்பாக பிடே வெளியிடப்பட்டுள்ள அறிவிப்பில், “நடப்பு உலக சாம்பியனான டிங் லிரென் - குகேஷ் விளையாட உள்ளனர். பரபரப்பான இந்த போட்டி  2.5 மில்லியன் அமெரிக்க டாலர் பரிசுத் தொகையைக் கொண்டது. அதன்படி இந்த போட்டி நவம்பர் 20ஆம் தேதி முதல் டிசம்பர் 15ஆம் தேதி வரை நடைபெற உள்ளது. டிங் லிரென் வெற்றி பெற்று தனது பட்டத்தை தக்கவைப்பாரா அல்லது குகேஷ் உலக சாம்பியனாவாரா?. 

World Chess Championship Series Ding Liran - Gukesh

சிங்கப்பூர் செஸ் கூட்டமைப்பு, உலக சாம்பியன்ஷிப் போட்டி 2024ஐ நடத்துவதற்கான வாய்ப்பை வென்றுள்ளது. உலக சாம்பியன்ஷிப் போட்டியை நடத்துவதற்கு மூன்று போட்டி விண்ணப்பங்கள் வந்தன. இந்திய அரசு சார்பில் டெல்லியில் நடத்தவும், தமிழக அரசு சார்பில் சென்னையிலும், மற்றும் சிங்கப்பூர். இந்த ஏலங்களை மதிப்பாய்வு செய்து, போட்டி நடத்துவதற்கான சாத்தியமான அனைத்து நகரங்களையும் அவற்றின் இடங்கள், வசதிகள், நிகழ்ச்சிகள் மற்றும் வாய்ப்புகளை ஆய்வு செய்த பிறகு போட்டியின் தொகுப்பாளராக சிங்கப்பூர் தேர்ந்தெடுக்கப்பட்டுள்ளது” எனத் தெரிவிக்கப்பட்டுள்ளது. 

Next Story

3 மாதங்களுக்குக் கோழி இறைச்சிக் கடைகளுக்குத் தடை!

Published on 16/02/2024 | Edited on 16/02/2024
Ban on chicken shops for 3 months in andhra

ஆந்திரா மாநிலம், நெல்லூர் மாவட்டத்தில் உள்ள கும்மிடிதிப்ப கிராமத்தில் பறவைக் காய்ச்சல் காரணமாக, அங்கு பண்ணைகளில் வளர்க்கப்பட்டு வந்த பல்லாயிரக்கணக்கான கோழிகள் உயிரிழந்துள்ளன. 

இதனையடுத்து, பறவைக் காய்ச்சல் மேலும் பரவாமல் தடுக்கவும் மனிதர்களுக்கு பாதிப்பு ஏற்படாமல் தவிர்க்கவும் நெல்லூர் மாவட்ட ஆட்சியர் சுகாதாரத்துறை அதிகாரிகளுடன் ஆலோசனை நடத்தினார். அதன் பின்னர், பறவைக் காய்ச்சல் பரவி கோழிகள் இறந்த ஊரிலிருந்து 1 கி.மீ சுற்றளவுக்குள் இருக்கும் கிராமங்கள் மற்றும் நகரங்களில் மூன்று மாதங்களுக்கு கோழி இறைச்சி விற்பனைக்கு, மாவட்ட ஆட்சியர் தடை விதித்து உத்தரவிட்டார். 

மேலும், அந்தப் பகுதிகளில் 3 மாதங்களுக்கு கோழி இறைச்சி விற்பனை கடைகளைத் திறக்கவும் தடை விதித்தும், ஒரு கி.மீ முதல் 10 கி.மீ சுற்றளவுக்குள் இருக்கும் பகுதிகளில் வெளியூர்வாசிகள் கோழி இறைச்சியை வாங்கிச் செல்ல 15 நாட்கள் தடை விதித்தும் உத்தரவிட்டார்.