Skip to main content

திருமணத்தை மீறிய உறவு; சிறுமிக்கு பாலியல் தொல்லை கொடுத்த இளைஞர்

Published on 03/12/2022 | Edited on 03/12/2022

 

 youth arrested POCSO Act Cuddalore
கோப்புக்காட்சி

 

கடலூர் மாவட்டம் திட்டக்குடி அருகில் உள்ள ம.புடையூர் கிராமத்தைச் சேர்ந்த கிச்சான் என்பவரது மகன் செந்தில்(27).  இவர் டிரைவராக வேலை பார்த்து வருகிறார். இவருக்கு வெண்ணிலா என்ற பெண்ணுடன் ஏற்கனவே திருமணமாகி இரண்டு குழந்தைகள் உள்ளனர்.

 

இந்த நிலையில் அவரது ஊர் அருகே உள்ள ஆவட்டி கைகாட்டியில் உள்ள ஓட்டலில் திண்டுக்கல் மாவட்டம் மேலத்தின்பட்டியைச் சேர்ந்த 33 வயது பெண் ஒருவர் வேலை பார்த்து வந்திருக்கிறார். ஹோட்டலுக்கு சாப்பிடச் செல்லும்போது அந்தப் பெண்ணுக்கும், செந்திலுக்கும் ஏற்பட்ட அறிமுகம் திருமணத்தை மீறிய உறவாக வளர்ந்துள்ளது. கடந்த ஆறு ஆண்டுகளாக இருவரும் நெருங்கிப் பழகி வந்துள்ளனர்.

 

இதனைத் தொடர்ந்து, கடந்த இரண்டு மாதத்திற்கு முன்பு செந்தில் தனது பெண் தோழியை பெரங்கியும் என்ற கிராமத்தில் ஒரு வீட்டை வாடகைக்கு எடுத்து அதில் தங்க வைத்துள்ளார். அங்கு செந்தில் அடிக்கடி சென்று அவருடன் பழகி வந்துள்ளார்.  அந்த பெண் தோழிக்கு 18 வயதில் ஒரு மகனும், 15 வயதில் ஒரு மகளும் உள்ளனர். மகன் சென்னையில் வேலை செய்ய, மகள் மட்டும் தாயுடன் வசித்து வருகிறார். 

 

இந்த நிலையில் பெண் தோழியின் வீட்டிற்கு அடிக்கடி வந்து செல்லும் செந்தில்,   “பெண் தோழியின் மகளிடம் நான் உன்னை விரும்புகிறேன், என்னுடன் நீ நெருங்கி பழக்க வேண்டும்” என வற்புறுத்தியுள்ளார். இதைக் கேட்டு அதிர்ச்சி அடைந்த அந்த சிறுமி, உடனே இது குறித்து தனது தாயிடம் கூறியுள்ளார். இதைக்கேட்டு செய்வதறியாமல் தவித்து வந்த சிறுமியின் தாயை, செந்தில் காட்டுப் பகுதிக்கு அழைத்துச் சென்று  “உனது மகளை நான் விரும்புகிறேன். அவள் என்னோடு நெருங்கி பழக நீ அவளை வற்புறுத்த வேண்டும். அவளை நான் திருமணம் செய்துகொள்ள முடிவு செய்துள்ளேன்” என்று மிரட்டியுள்ளார். தொடர்ந்து சிறுமிக்கு செந்தில் பாலியல் தொல்லை கொடுக்க, அதை தாங்க முடியாத அவர்  மாவட்ட குற்ற தடுப்பு பிரிவு காவலரின் தொடர்பு எண்ணுக்கு போன் செய்து தனக்கு நடந்த கொடுமைகளை கூறியுள்ளார். 

 

இதைக் கேட்ட போலீசார் உடனே திட்டக்குடி அனைத்து மகளிர் காவல் நிலைய இன்ஸ்பெக்டர் கிருபாலட்சுமிக்கு தகவல் அளித்துள்ளனர். அவர் உடனடியாக சக பெண் போலீசார் உடன் சம்பந்தப்பட்ட இடத்திற்கு சென்று அந்த சிறுமியை மீட்டதோடு அக்கம்பக்கத்தினர்களிடம் விசாரணை நடத்தி சம்பவம் உண்மை என்பதை கண்டறிந்து, செந்தில் மீது போக்சோ சட்டத்தின் படி வழக்குப் பதிவு செய்து கைது செய்து சிறையில் அடைத்துள்ளனர்.

 

 

சார்ந்த செய்திகள்

Next Story

பட்டப்பகலில் பெண் படுகொலை; போலீசார் விசாரணை

Published on 28/03/2024 | Edited on 28/03/2024
nn

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியுள்ளது

Next Story

நீரோடையில் மிதந்த சடலம்; போலீசார் விசாரணையில் அதிர்ச்சி

Published on 27/03/2024 | Edited on 27/03/2024
A body lying in a stream; Police investigation shocked

தந்தையைக் கொலை செய்தவரைப் பழிக்குப் பழி கொலை செய்து நீரோடையில் வீசிய சம்பவம் நெல்லையில் பரபரப்பை ஏற்படுத்தி இருக்கிறது.

நெல்லை மாவட்டம் தெற்கு ஏறாந்தை கிராமத்தில் வசித்து வருபவர் தேவபாலன். லாரி ஓட்டி வந்த தேவபாலன் திடீரென காணாமல் போன நிலையில், உறவினர்கள் அவரைத் தேடி வந்தனர். இறுதியில் ஊருக்கு ஒதுக்குப்புறமாக உள்ள நீரோடை ஒன்றில் சடலம் ஒன்று மிதப்பதாகத் தகவல் பரவியது. இந்த தகவலையடுத்து சம்பவ இடத்திற்கு வந்த திசையன்விளை போலீசார் ஆய்வு செய்ததில், வெட்டுக் காயங்களுடன் ஒருவர் கொலை செய்யப்பட்டு நீரோடையில் வீசப்பட்டது தெரிய வந்தது.

உடலைக் கைப்பற்றி விசாரணை நடத்தியதில், அது காணாமல் போன தேவபாலன் என்பது தெரியவந்தது. இது குறித்து வழக்குப்பதிவு செய்த காவல்துறையினர் சம்பவம் தொடர்பாக விசாரணை நடத்தி வந்தனர். இந்த நிலையில், தேவபாலன் கொலை வழக்கு தொடர்பாக சாத்தூர் நீதிமன்றத்தில் உத்திரகுமார், சுரேஷ்குமார், சேர்மதுரை உள்ளிட்ட மூன்று பேர் சரணடைந்தனர். மூவரும் சகோதரர்கள். அவர்களிடம் நடத்தப்பட்ட விசாரணையில், பழிக்குப் பழியாக லாரி டிரைவரை கொலை செய்தது தெரியவந்தது.

2017 ஆம் ஆண்டு துரைபாண்டியன் என்பவர் கொலை செய்யப்பட்ட சம்பவத்தில் தேவபாலனுக்கு தொடர்பு இருந்ததாகத் தெரிகிறது. ஆனால் நீதிமன்றத்தில் குற்றம் நிரூபணம் ஆகாததால் அவர் விடுவிக்கப்பட்டிருந்தார். இந்நிலையில், துரைபாண்டியனின் மகன்களான சுரேஷ்குமார், உத்திர குமார், சேர்மதுரை ஆகிய மூன்று பேரும் பல வருடங்கள் கழித்து தேவபாலனை வெட்டிக் கொலை செய்தது விசாரணையில் தெரிய வந்தது.