Skip to main content

பள்ளி மாணவியை கடத்தி கட்டாயத் திருமணம்; வாலிபர் போக்சோவில் கைது!

Published on 24/03/2023 | Edited on 24/03/2023

 

Youth arrested for kidnapping school girl and forcing her into marriage

 

கிருஷ்ணகிரி மாவட்டம் ஊத்தங்கரை அருகே பத்தாம் வகுப்பு படித்து வந்த மாணவியை கடத்திச் சென்று கட்டாயத் திருமணம் செய்த வாலிபரை காவல்துறையினர் போக்சோ சட்டத்தின் கீழ் கைது செய்தனர்.

 

கிருஷ்ணகிரி மாவட்டம் ஊத்தங்கரை அருகே உள்ள வடுகாசம்பட்டியைச் சேர்ந்த 15 வயது மாணவி அப்பகுதியில் உள்ள அரசுப்பள்ளியில்  பத்தாம் வகுப்பு படித்து வந்தார். கடந்த பிப்ரவரி மாதம் 22ம் தேதி பள்ளிக்குச் சென்ற சிறுமி மீண்டும் வீடு திரும்பவில்லை. பல்வேறு இடங்களில் தேடியும் சிறுமி கிடைக்கவில்லை. இதனால் அதிர்ச்சி அடைந்த சிறுமியின் பெற்றோர் இதுகுறித்து ஊத்தங்கரை மகளிர் காவல்நிலையத்தில் புகார் அளித்தனர்.

 

புகாரில், ஆலந்தூர் அருகே உள்ள செங்கம்பட்டியைச் சேர்ந்த பொக்லைன் இயந்திர இயக்குநராக வேலை செய்து வரும் சதீஷ் (24) என்பவர் தங்கள் மகளைக் கடத்திச் சென்று திருமணம் செய்துகொண்டதாகக் கூறியிருந்தனர். அதன் பேரில் விசாரணை நடத்திய காவல்துறையினர் சதீஷ் மீது போக்சோ சட்டத்தின் கீழ் வழக்குப் பதிந்து கைது செய்தனர். அவரிடம் இருந்து சிறுமியை மீட்டு மருத்துவப் பரிசோதனைக்காக அரசு மருத்துவமனைக்கு அனுப்பி வைத்தனர்.  

 

 

சார்ந்த செய்திகள்

Next Story

மாணவர்களுக்கு ராஷ்மிகா வாழ்த்து

Published on 28/02/2024 | Edited on 28/02/2024
rashmika abut school students

பத்தாம் வகுப்பு, பிளஸ் 1 மற்றும் பிளஸ் 2 பொதுத் தேர்வுகளுக்கான செய்முறைத் தேர்வுகள் நடைபெற்று வருகின்றன.  பத்தாம் வகுப்பு பொதுத் தேர்வுகள் மார்ச் 26ஆம் தேதி தொடங்கி ஏப்ரல் 8 வரை நடைபெறவுள்ளது. பிளஸ் 1 பொதுத்தேர்வு மார்ச் 4 ஆம் தேதி தொடங்கி மார்ச் 25 ஆம் தேதி வரை நடைபெறவுள்ளது. 12 ஆம் வகுப்பு பொதுத்தேர்வு மார்ச் 1 ஆம் தேதி தொடங்கி மார்ச் 22 ஆம் தேதி வரை நடைபெறவுள்ளது. பத்தாம் வகுப்பு தேர்வு முடிவுகள் மே 10ஆம் தேதியும், பிளஸ் 1 - 14ம் தேதி,  பிளஸ் 2 - 6ம் தேதி வெளியிடப்படுகிறது. 

இந்த நிலையில் பொதுத் தேர்வு எழுதும் மாணவர்களுக்கு வாழ்த்து தெரிவித்துள்ளார் ராஷ்மிகா மந்தனா. இது தொடர்பாக அவர் வெளியிட்டுள்ள எக்ஸ் பதிவில், “தேர்வு நடந்து கொண்டிருக்கும் அனைவருக்கும்.. ஆல் தி பெஸ்ட். அனைவரும் நன்றாக பண்ணுங்க” என குறிப்பிட்டுள்ளார். ராஷ்மிகா இப்போது தனுஷின் 51வது படம், அல்லு அர்ஜுனின் புஷ்பா 2, லீட் ரோலில் ரெயின்போ உள்ளிட்ட சில படங்களில் நடித்து வருகிறார். 

Next Story

உயிரைப் பறித்த 'அதிவேகம்'-பள்ளி மாணவனுக்கு நேர்ந்த சோகம் 

Published on 25/02/2024 | Edited on 25/02/2024
School student lose their live after getting caught in the wheel of a private bus

பேருந்து சக்கரத்தில் சிக்கி பள்ளி மாணவன் உயிரிழந்த சம்பவம் புதுக்கோட்டையில் பரபரப்பை ஏற்படுத்தியுள்ளது.

புதுக்கோட்டை பாலநகர் ராசாக்கண்ணு மகன் பாலமுருகன் (வயது 17). இவர் திருக்கோகர்ணம் பகுதியில் உள்ள ஒரு தனியார் பள்ளியில் பன்னிரண்டாம் படித்து வந்தார். சில நாட்களில் பொதுத் தேர்வு நடக்க உள்ளது.

இந்நிலையில் சனிக்கிழமை இரவு தனது நண்பன் சபரீசன் உள்பட 3 பேர் ஒரு மோட்டார் சைக்கிளில் புதுக்கோட்டை நகர் நோக்கி வந்துள்ளனர். அப்போது திருச்சியில் இருந்து புதுக்கோட்டை நோக்கிச் சென்ற ஒரு தனியார் பேருந்து சென்றது. அதை முந்திச் செல்ல மாணவன் தனது பைக்கை வேகமாக ஓட்ட, பைக் நிலைதடுமாறி தனியார் பேருந்தின் முன்பக்க சக்கரத்தில் சிக்கிக் கொண்டது.  இதில் தனியார் பள்ளி மாணவன் பாலமுருகன் விபத்தில் பலியானார். மற்ற இருவரும் காயங்களுடன் தப்பியதால் சிகிச்சைபெற்று வருகின்றனர். விபத்து குறித்து தகவலறிந்து வந்த திருக்கோகர்ணம் போலீசார் பாலமுருகன் சடலத்தைக் கைப்பற்றி பிரேதப் பரிசோதனைக்காக அனுப்பி வைத்தனர். இந்த சம்பவம் அங்கு பரபரப்பை ஏற்படுத்தியுள்ளது.