Skip to main content

ஆபாசமாக செல்போனில் பேசி பணம் சம்பாதிக்க சொன்ன கணவர்; மனைவி பரபரப்பு புகார்

Published on 21/11/2023 | Edited on 21/11/2023

 

wife has lodged complaint against her husband with the Villupuram Collector

 

விழுப்புரம் மாவட்டம் அனந்தபுரம் அருகே உள்ள பனையபுரத்தைச் சேர்ந்தவர் தேவநாதன். இவரது மனைவி 23 வயது அஸ்வினி. இவர் தனது குழந்தையுடன் நேற்று மாவட்ட ஆட்சியர் அலுவலகத்தில் நடைபெற்ற மக்கள் குறை கேட்கும் கூட்டத்திற்கு மனு அளிக்க வந்திருந்தார். 

 

அவர் அளித்த மனுவில், “கடந்த 2018 ஆம் ஆண்டு எனக்கும் கடலூர் மாவட்டம் கலசப்பாக்கத்தைச் சேர்ந்த பாலாஜி என்பவருக்கும் பெற்றோர் மற்றும் உறவினர்கள் பார்த்து திருமணம் செய்து வைத்தனர். தற்போது எங்களுக்கு 4 வயதில் ஒரு மகன் உள்ளார். இந்த நிலையில் கணவர் பாலாஜியுடன் ஏற்பட்ட கருத்து வேறுபாடு காரணமாக விவாகரத்து செய்துகொண்டோம். அதன் பிறகு பெரிய தச்சூர் கிராமத்தை சேர்ந்த தேவநாதன் என்பவர் என்னை காதலிப்பதாகவும், அவரை திருமணம் செய்துகொண்டால் என்னையும், முதல் குழந்தையையும் நல்ல முறையில் பார்த்துக் கொள்வதாகவும் உறுதியளித்தார், அதனை நம்பி கடந்த 2021 ஆம் ஆண்டு கோவிலில் வைத்து திருமணம் செய்துகொண்டோம்.

 

இதனைத் தொடர்ந்து இருவரும் புதுச்சேரியில் தனியாக வீடு எடுத்து தங்கி வசித்து வந்தோம். எங்கள் இருவருக்கும் ஒரு பெண் குழந்தை பிறந்தது. இந்த நிலையில் கணவர் தேவநாதன் வேலைக்கு செல்லாமல், குடும்பம் நடத்த வருமானம் இல்லாமல் இருந்து வந்தார். இதனைத் தொடர்ந்து வேலைக்கு செல்லுமாறு நான் எனது கணவரை வற்புறுத்தி வந்தேன். இந்த நிலையில் தான் அவர் தனது செல்போனில் ஆண்களை கவரும் வகையில் ஆபாசமான வார்த்தைகளை பயன்படுத்தி அதை செல்போனில் என்னை பேச வைத்து அதனை அவரது நண்பர்களுக்கும் மற்ற ஆண்களுக்கும் அனுப்பி அதன் மூலம் பணம் சம்பாதிக்கலாம் என்று என்னிடம் கூறினார்.

 

ஆனால் நான் இதுபோன்று இழிவான செயல்களில் ஈடுபட மாட்டேன் என்று உறுதியாக கூறிவிட்டேன். அதற்கு நாங்கள் இருவரும் தனிமையில் இருந்தபோது எனக்கு தெரியாமல் வீடியோவாக பதிவுசெய்து வைத்திருப்பதை சமூக வலைத்தளங்களில் வெளியிட்டு களங்கப்படுத்திவிடுவேன் என்று மிரட்டுகிறார். தொடர்ந்து என்னையும், எனது குழந்தையையும் மிரட்டி சித்திரவதை செய்கிறார். இதுகுறித்து நான் அனைத்து மகளிர் காவல் நிலையத்தில் தேவநாதன் மீது புகார் அளித்தேன் அந்தப் புகாரின் பெயரில் போலீசார் விசாரணைக்கு அழைத்தபோது அவர் அடியாட்களை வைத்து என்னை கொலை செய்து விடுவதாக மிரட்டினார்.

 

இந்த நிலையில் தேவநாதனுடன் தனிமையில் இருந்ததன் காரணமாக தற்போது ஐந்து மாத கர்ப்பமாக உள்ளேன். இதனை அறிந்த தேவநாதன் என்னையும், எனது குழந்தையையும் தீர்த்து கட்டுவதற்கு திட்டமிட்டு வருகிறார். ஆகையால் தேவநாதன் மீது சட்டப்படி நடவடிக்கை எடுக்க வேண்டும்; இல்லையென்றால் ஆதரவற்ற நிலையில் வாழ வழியின்றி தவிக்கும் என்னை நானே கருணை கொலை செய்து கொள்ள அனுமதிக்க வேண்டும் என்று குறிப்பிட்டுள்ளார்.  இந்த மனுவை பெற்றுக் கொண்ட மாவட்ட ஆட்சியர் காவல்துறையினர் விசாரணை நடத்தி நடவடிக்கை எடுக்குமாறு உத்தரவிட்டுள்ளார். 

 

 

 

 

சார்ந்த செய்திகள்

Next Story

மர்ம மரணத்தில் திடீர் திருப்பம்; கணவன் மனைவியின்  பரபரப்பு வாக்குமூலம்

Published on 22/02/2024 | Edited on 22/02/2024
Wife arrested for indecent old woman for jewelry

ஈரோடு மாவட்டம் பவானிசாகர் அருகே உள்ள தொட்டம்பாளையத்தை சேர்ந்தவர் சுப்ரமணி. இவரது மனைவி யசோதா (64). இவர்களுக்கு இரண்டு மகள்களும், ஒரு மகனும் உள்ளனர். மூன்று பேருக்கும் திருமணமாகி அவரவர் குடும்பத்துடன் வெளியூரில் வசித்து வருகின்றனர். இந்நிலையில் சுப்பிரமணியன் இறந்துவிட்டார். யசோதா மட்டும் தனியாக வசித்து வந்தார்.

இந்நிலையில் நேற்று முன்தினம் வீட்டில் யசோதா மர்மமான முறையில் இறந்து கிடந்தார். இது குறித்து தகவல் கிடைத்ததும் யசோதாவின் மகள்கள் மற்றும் மகன் ஆகியோர் யசோதா வீட்டுக்கு வந்து தாயின் உடலை பார்த்து கதறி அழுதனர். முதலில் வயது முதுமை காரணமாக யசோதா இறந்துவிட்டதாக அவர்கள் நினைத்தனர். பின்னர் யசோதாவின் உடலை அடக்கம் செய்யும் பணியில் உறவினர்கள் ஈடுபட்டுக் கொண்டிருந்தனர். அப்போது யசோதா கழுத்தில் இருந்த இரண்டரை பவுன் சங்கிலி மற்றும் அரை பவுன் கமலுக்கு பதிலாக கவரிங் நகை இருந்ததைக் கண்டு அவர்களுடைய மகள்கள் அதிர்ச்சி அடைந்தனர்.  இதனால் தாயின் சார்வில் மர்மம் இருப்பதாக கருதி அவர்கள் இது குறித்து பவானிசாகர் போலீசில் புகார் அளித்தனர். 

போலீசார் சம்பவ இடத்துக்கு விரைந்து வந்து யசோதாவின் உடலை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். போலீசார் சந்தேக மரணம் என வழக்கு பதிவு செய்து விசாரணை மேற்கொண்டு வந்தனர்.  இந்நிலையில் போலீசாரின் சந்தேக பார்வை யசோதா வீட்டின் அருகே வசித்து வரும் பழனிச்சாமி என்பவர் மீது திரும்பியது. பழனிச்சாமி அடிக்கடி மதுபோதையில் யசோதா வீட்டுக்கு சென்று வந்தது விசாரணையில் தெரியவந்தது. இதனை அடுத்து பழனிச்சாமியிடம் போலீசார் கெடுக்குப்பிடி விசாரணை மேற்கொண்டனர். அப்போது போலீசாரிடம் யசோதாவை கொன்றதை பழனிச்சாமி ஒப்புக்கொண்டார். 

இது குறித்து போலீசார் கூறியதாவது:- மூதாட்டி யசோதா வீட்டின் அருகே பழனிச்சாமி மனைவி தேவியுடன் வசித்து வந்தார். பழனிச்சாமிக்கு குடிப்பழக்கம் இருந்துள்ளது. அதே சமயம் அவருக்கு பண தேவையும் இருந்துள்ளது. இதனால் பண தேவைக்கு என்ன செய்யலாம் என்று யோசித்துக் கொண்டிருந்தபோது யசோதாவின் நகை அவரது பார்வையை உறுத்தியது. இதை அடுத்து நேற்று முன்தினம் பழனிசாமி மது போதையில் யசோதா வீட்டிற்கு சென்றுள்ளார். பழனிச்சாமி உடன் அவரது மனைவியும் உடன் சென்றுள்ளார். அப்போது பழனிச்சாமி யசோதா கழுத்தில் இருந்த நகையை பறிக்க முயன்று உள்ளார். இதனால் அதிர்ச்சி அடைந்த யசோதா தடுத்துள்ளார். இதனால் ஆத்திரம் அடைந்த பழனிச்சாமி மூதாட்டியின் வாயை தனது கையால் பொத்தியுள்ளார். இதில் அவருக்கு மூச்சுத் திணறல் ஏற்பட்டது. பின்னர் வீட்டிலிருந்த தலையணையால் முகத்தில் அமுக்கி உள்ளார். இதற்கு அவரது மனைவியும் உதவியாக இருந்து உள்ளார். சிறிது நேரத்தில் யசோதா பரிதாபமாக இறந்தார். பின்னர் பழனிச்சாமி மூதாட்டி அணிந்திருந்த நகையை கழட்டி விட்டு தாங்கள் கொண்டு வந்த கவரிங் நகையை மூதாட்டிக்கு அணிவித்து  விட்டு ஒன்றும் தெரியாதது போல் சென்றுவிட்டனர். இவ்வாறு அவர்கள் கூறினர்.

பின்னர் பவானிசாகர் போலீசார் மர்மசாவு வழக்கை கொலை வழக்காக மாற்றி பழனிச்சாமி அவரது மனைவி தேவி ஆகியோரை கைது செய்தனர். பின்னர் அவர்கள் நீதிமன்றத்தில் ஆஜர்படுத்தப்பட்டு கோவை மத்திய சிறையில் அடைக்கப்பட்டனர்.

Next Story

மாட்டிறைச்சி கொண்டுவந்த மூதாட்டியை இறக்கிவிட்ட சம்பவம்; பாய்ந்தது வன்கொடுமை வழக்கு

Published on 22/02/2024 | Edited on 22/02/2024
The incident where the old lady who brought the beef was dropped off; police case

தர்மபுரி மாவட்டம் மொரத்தூர் அருகே வசித்து வரும் பாஞ்சாலை என்ற பெண் அந்த பகுதியில் சிறிய அளவில் மாட்டிறைச்சி பக்கோடா விற்பனை செய்யும் தொழிலை மேற்கொண்டு வருகிறார். அதோடு ஆரூருக்கும் மாட்டிறைச்சியை எடுத்துச் சென்று விற்பனை செய்து வருகிறார். அந்த வகையில் அண்மையில் வழக்கம்போல் தனது சொந்த ஊரிலிருந்து மாட்டிறைச்சியை எடுத்துக்கொண்டு அரூர் செல்லும் அரசுப் பேருந்தில் ஏறியுள்ளார்.

பேருந்தில் ஏறி சில கிலோமீட்டர் சென்ற பின் நடத்துநர் ரகு, என்ன எடுத்து வர்றீங்க... என்று கேள்வி எழுப்பியுள்ளார். அதற்கு மாட்டிறைச்சி எடுத்து வருவதாகப் பாஞ்சாலை பதிலளிக்க, இதெல்லாம் பேருந்தில் எடுத்து வரக்கூடாது என்று கூறி மோப்புப்பட்டி என்ற வனப்பகுதியில் பேருந்தை நிறுத்தி பாஞ்சாலத்தை இறக்கி விட்டுள்ளார்.

பாஞ்சாலை அடுத்த பேருந்து நிறுத்தத்திலாவது இறக்கி விடுங்கள்; இங்கே இறக்கி விடாதீர்கள் என்று கேட்டுள்ளார். ஆனால் அதனையெல்லாம் கண்டுகொள்ளாத நடத்துநர் ரகு, பாஞ்சாலையை பாதியிலேயே இறக்கிவிட்டுச் சென்றுள்ளார். இதனையடுத்து பாஞ்சாலை நடந்தே பேருந்து நிறுத்தம் சென்று வேறு பேருந்தில் ஏறி வீட்டிற்குச் சென்றுள்ளார்.

வீட்டிற்குச் சென்ற அவர், நடந்த சம்பவத்தைத் தனது உறவினர்களிடம் எடுத்துக் கூறியுள்ளார். இதனால் ஆத்திரமடைந்த உறவினர்கள் அந்த பேருந்து திரும்பி அந்த வழியாக வந்த பிறகு வழிமறித்து நியாயம் கேட்டுள்ளனர். இதனைத் தொடர்ந்து நடந்த சம்பவம் குறித்து போக்குவரத்து துறையில் புகார் அளிக்கப்பட்டது. அதன்பேரில் பெண் பயணியின் பாதுகாப்பை உறுதி செய்யாமல் நடுவழியில் இறக்கி விட்டதற்காக ஓட்டுநர் சசிகுமார் மற்றும் நடத்துநர் ரகு இருவரும் பணியிடை நீக்கம் செய்யப்பட்டனர்.

சமூக வலைத்தளங்களில் இது தொடர்பான வீடியோக்கள் வைரலான நிலையில் தற்போது பாதிக்கப்பட்ட மூதாட்டி பஞ்சாலை கொடுத்த புகாரின் பேரில் பேருந்து நடத்துநர் ரகு மற்றும் ஓட்டுநர் சசிகுமார் ஆகியோர் மீது வன்கொடுமை தடுப்பு சட்டத்தின் கீழ் போலீசார் வழக்குப்பதிவு செய்துள்ளனர்.