Skip to main content

அடிப்படை வசதிக்கு ஏங்கும் சதுரகிாி பக்தா்கள்

Published on 26/01/2019 | Edited on 26/01/2019
s1

         

விருதுநகா் மாவட்டம் ஸ்ரீவில்லிபுதூா் அருகே உள்ளது சதுரகிாி மலை.  இங்கு பிரசித்த பெற்ற சந்தன மகாலிங்கம், சுந்தர மகாலிங்கம் மற்றும் சுந்தரமூா்த்தி என மூன்று சிவன் கோவில்கள் உள்ளன. இதில் சந்தன மகாலிங்கம் கோவிலை பலநூறு ஆண்டுகளுக்கு முன் 18 சித்தா்கள் வணங்கி வழிப்பட்டதாக கோவில் வரலாறு கூறுகிறது. 

 

           ஏழு மலைகளை கடந்து உச்சியில் இருக்கும் இந்த கோவிலுக்கு தாணி பாறையில் இருந்து நடந்து செல்ல வேண்டும். வனத்துறை அனுமதியுடன் இங்கிருந்து கரடு முரடான மலையில் 8 கி.மீ சுமாா் 3மணி நேரம்  நடக்க வேண்டும். அதுவே வயதானவா்கள் குழந்தைகள் என்றால் 6 மணி ரேம் கூட ஆகலாம். இங்கு வயது வித்தியாசம் இல்லாமல் சிறுவா்கள், இளைஞா்கள், இளம் பெண்கள் மற்றும் வயதானவா்கள் என எல்லோரும் செல்கிறாா்கள். 

 

s2

         

   இங்கு மாதத்துக்கு 10 நாட்கள் தான் பக்தா்களை அனுமதிக்கிறாா்கள். அது பெளா்ணமிக்கு 5 நாட்கள் மற்றும் அமாவாசைக்கு 5 நாட்கள் தான் மற்ற நாட்கள் அங்கு யாரும் செல்ல மாட்டாா்கள் அனுமதியும் இல்லை.  அதே போல் மாலை 4 மணிக்கு மேல் செல்ல அனுமதியில்லை. இந்த 10 நாட்களில் தினமும்  ஆயிரத்துக்கு மேற்பட்ட பக்தா்கள் கோவிலுக்கு வருகிறாா்கள்.  இந்த சூழ்நிலையில் மலை கற்களுக்கிடையில் கையில் கம்பை ஊன்றிய படி செல்லும் பக்தா்களுக்கு எந்த விதமான பாதுகாப்பு வசதியும் இல்லை. கால் கொஞ்சம் தடுமாறினால் பள்ளத்தில் தான் விழ வேண்டியிருக்கும்.

 

s3

             

 குறிப்பாக தாகம் எடுத்தால் குடிப்பதற்கு தண்ணீா்  இல்லை. வழியில் மூன்று இடங்களில் மட்டும் தண்ணீா் தொட்டி வைத்திருக்கிறாா்கள்.  அதில் சொட்டு சொட்டாக தண்ணீா் வருவதால் ஓரு கப் தண்ணீா் பிடிக்க கால் மணி நேரம் ஆகிறது. இதே போல் மலையேறும் பக்தா்களுக்கு மூச்சு திணறலோ மற்றும் வேறு விதமான  உடல்நிலை கோளாறு  ஏற்பட்டாலோ முதலுதவி செய்ய மருத்துவ முகாம் கூட இல்லை. மேலும் பெண்களுக்கு ஓன் பாத்ரூம் போக கூட இடம் இல்லை அவா்கள் வெட்கத்தையும் கூச்சத்தையும் விட்டு மலைக்குள் மறைவை தேடி செல்கிறாா்கள். 

 

               செல்லும் வழியில் தான் இந்த பிரச்சினை என்றால் கோவிலுக்கு சென்ற பிறகும் இதே நிலை தான். அங்கு கட்டப்பட்டியிருக்கும் ஓய்வறை கூட பூட்டியே தான் கிடக்கிறது. இதனால் பாறைகளில் படுத்து ஓய்வெடுத்து கொள்கிறாா்கள். பெயருக்கு இரண்டு பாத்ரூம் மட்டும் இருக்கிறது. அங்கு நீண்ட வாிசையாக தான் உள்ளது. அதே போல் குளித்து விட்டு உடை மாற்றக்கூட தனி அறை இல்லை.

 

s4

           

  எந்த நேரமும் அன்னதானம் கிடைப்பதால் வயிற்று பசிக்கு எந்த ஒரு குறையும் இல்லை. ஆனால் முக்கிய மான அடிப்படை வசதிகள் தான் குறையாக இருக்கிறது. இது அங்கு செல்லும் எல்லா பக்தா்களுக்கும் ஏக்கத்தை ஏற்படுத்தியுள்ளது. 

 

              இதனால் அறநிலையத்துறை நடவடிக்கை எடுத்து பக்தா்களுக்கு அடிப்படை வசதியை ஏற்படுத்தி கொடுக்க வேண்டுமென்று எதிா் பாா்க்கிறாா்கள்.

 

 

சார்ந்த செய்திகள்

 

Next Story

எதிர்பாராத ட்விஸ்ட்; குற்றவாளியுடன் இருந்த பெண் இன்ஸ்பெக்டர் - அதிர்ந்துபோன போலீசார்

Published on 30/05/2024 | Edited on 30/05/2024
Police arrested 2 people including female inspector and put them in jail

விருதுநகர் மாவட்டம், ஸ்ரீவில்லிபுத்தூர் அன்னை சத்தியாநகரைச் சேர்ந்தவர் ராமர். 60 வயதான இவருக்கும், அதே பகுதியைச் சேர்ந்த 65 வயதான ராமசாமி  குடும்பத்துக்கும் பணம் கொடுக்கல் வாங்கல் தொடர்பாக முன்விரோதம் இருந்ததாக சொல்லப்படுகிறது.

இந்த நிலையில், கடந்த மே 21 ஆம் தேதி நடைபெற்ற முத்து மாரியம்மன் கோயில் திருவிழாவில் சிங்கம் சிலை வைக்க வேண்டும் என ராமசாமி மகன் ராம்குமார் கூறியுள்ளார். அதற்கு ராமர் எதிர்ப்புத் தெரிவித்ததால், இரு குடும்பத்துக்கும் இடையே மீண்டும் பிரச்சினை ஏற்பட்டது. அப்போது ராமசாமி, அவரது மகன்களான ராம்குமார், ராஜேந்திரன் மற்றும் இரு பெண்கள் சேர்ந்து கற்கள் மற்றும் இரும்புக் கரண்டியால் தாக்கினர். இதில் காயமடைந்த ராமர், மதுரை அரசு மருத்துவ மனையில் அனுமதிக்கப்பட்டார்.

இதுகுறித்த புகாரில் ஸ்ரீ வில்லிபுத்தூர் நகர் போலீஸார் கொலை முயற்சி வழக்கு பதிவுசெய்து, விசாரணை மேற்கொண்டனர். இதற்கிடையில், கடந்த மே 25 ஆம் தேதி சிகிச்சை பலனின்றி ராமர் உயிரிழந்தார். இதையடுத்து, இந்த வழக்கை கொலை வழக்காக மாற்றிய போலீசார், ராமசாமி, ராஜேந்திரன், ஜெயலட்சுமி ஆகியோரைக் கைதுசெய்தனர். தொடர்ந்து, தலைமறைவான ராம்குமார் மற்றும் பெண் ஒருவரை தேடி வந்தனர்.

இந்த நிலையில், கடந்த மே 28 ஆம் தேதி பெங்களூருவில் பதுங்கியிருந்த ராம் குமாரை தனிப்படை போலீசார் சுற்றி வளைத்து கைது செய்தனர். அவருடன் முதியவர் ராமர் கொலை வழக்கில் தொடர்புடைய பெண்ணையும் கைது செய்த போலீசார் ஸ்ரீவில்லிபுத்தூருக்கு அழைத்து வந்து விசாரணை மேற்கொண்டனர். அதில், தான் பல அதிர்ச்சி தகவல் தெரிய வந்தது. முதியவர் ராமர் கொலை வழக்கில் கைது செய்யப்பட்ட 45 வயதான பெண் சத்திய ஷீலா ராமநாதபுரம் மாவட்டம் மண்டபம் இலங்கைத் தமிழர் முகாமில் இன்ஸ்பெக்டராக பணி புரிந்து வருவதை போலீசார் உறுதி செய்தனர். தொடர்ந்து இருவரிடம் மேற்கொண்ட விசாரணையில், ராம்குமாரும், சத்திய ஷீலாவும் திருமணம் செய்யாமல் ஒன்றாக சேர்ந்து வசித்து வந்ததாக கூறப்படுகிறது. மேலும், இருவரும் சேர்ந்து வட்டிக்கு பணம் கொடுத்து வந்துள்ளனர். ஆரம்பத்தில் முன்னாள் அமைச்சர் ராஜேந்திரபாலாஜியின் ஆதரவாளராக ராம்குமார் இருந்ததாக சொல்லப்படுகிறது.

ஆனால், அதன் பிறகு தவறாக வீடியோ வெளியிட்ட விவகாரத்தில் ராம்குமார் அவரிடம் இருந்து விரட்டி அடிக்கப்பட்டுள்ளார். பின்னர், மதுரையைச் சேர்ந்த ஒரு டிஎஸ்பியுடன் டிக் டாக்கில் வீடியோ வெளியிட்டு, பேசி வந்ததாக சொல்லப்படுகிறது. மறுபுறம் டிஎஸ்பியுடன் பழக்கம் இருக்கும்போதே பெண் இன்ஸ்பெக்டருடன் ராம்குமார் வாழ்ந்ததாக சொல்லப்படுகிறது. ஆனால், சில மாதங்களுக்கு முன்னர் டிஎஸ்பிக்கும், ராம்குமாருக்கும் மோதல் ஏற்பட்டு பிரிந்துள்ளனர்.

இதற்கிடையில் பெண் இன்ஸ்பெக்டர் மீது தொடர்ந்து புகார்கள் வந்ததால், அவர் ராமநாதபுரம் மாவட்டம் மண்டபம் காவல்நிலையத்துக்கு மாற்றம் செய்யப்பட்டது விசாரணையில் தெரிய வந்தது. இந்த நிலையில, அதிரடியாக ராமநாதபுரம் டிஐஜி துரை, பெண் இன்ஸ்பெக்டர் சத்ய ஷீலாவை சஸ்பெண்ட் செய்து உத்தரவிட்டார். அதே நேரத்தில் கொலை வழக்கில் பெண் இன்ஸ்பெக்டர்  மற்றும் ராம்குமாரை  கைது செய்த ஸ்ரீவில்லிபுத்தூர் போலீசார், இருவரையும் ஸ்ரீவில்லிபுத்தூர் நீதிமன்றத்தில் ஆஜர்படுத்தி, மாஜிஸ்திரேட் உத்தரவின்படி சிறையில் அடைத்தனர்.

ஸ்ரீவில்லிபுத்தூர் கோயில் திருவிழாவில் முதியவர் ஒருவரை அடித்துக் கொன்றதாக பெண் இன்ஸ்பெக்டர், காதலனுடன் கைது செய்யப்பட்ட சம்பவம் பரபரப்பை ஏற்படுத்தியுள்ளது.

Next Story

வாட்டி வதைக்கும் வெயிலுக்கு நடுவே குளிர வைக்கும் மழை!

Published on 13/05/2024 | Edited on 13/05/2024
A cooling rain amidst the scorching sun

தமிழகத்தில் பல்வேறு மாவட்டங்களில் கோடை மழை பொழிந்து வருகிறது. பல பகுதிகளில் மாலை வேளையில் பலத்த காற்றுடன் கனமழை பொழிந்து வருகிறது. இந்நிலையில் தமிழகத்தில் அடுத்த நான்கு நாட்களுக்கு கனமழை எச்சரிக்கை கொடுக்கப்பட்டுள்ளது.

மே 17ஆம் தேதி வரை தமிழகத்தின் பல்வேறு மாவட்டங்களில் கனமழைக்கு வாய்ப்பு இருக்கும் என சென்னை வானிலை ஆய்வு மையம் அறிவுறுத்தியுள்ளது. இந்நிலையில்  தமிழகத்தில் 19 மாவட்டங்களில் அடுத்த மூன்று மணி நேரத்தில் மழைக்கு வாய்ப்பு இருக்கும் எனச் சென்னை வானிலை மையம் அறிவித்துள்ளது. அறிவிப்பின்படி திருவள்ளூர், ராணிப்பேட்டை, காஞ்சிபுரம், ஈரோடு, நாமக்கல், பெரம்பலூர் மாவட்டங்களில் மழை பெய்யக்கூடும். அதேபோல் திருச்சி, நீலகிரி, கரூர், கோவை, திருப்பூர், திண்டுக்கல், மதுரை மாவட்டங்களிலும் மிதமான மழைக்கு வாய்ப்பு இருப்பதாக அறிவிக்கப்பட்டுள்ளது.

தேனி, விருதுநகர், தென்காசி, நெல்லை, கன்னியாகுமரி ஆகிய மாவட்டங்களில் ஒரு சில இடங்களில் மழைக்கு வாய்ப்புள்ளதாகவும் அறிவிக்கப்பட்டுள்ளது. பொள்ளாச்சி பகுதியில் பெய்த கனமழையால் பல்லடம், உடுமலை சாலைகளில் வெள்ளப்பெருக்கு ஏற்பட்டுள்ளது. இதனால் வாகன ஓட்டிகள் கடும் அவதிக்கு உள்ளாகியுள்ளனர். அதேபோல் விருதுநகர் மாவட்டம் ஸ்ரீவில்லிபுத்தூர் மற்றும் அதன் சுற்றுவட்டாரப் பகுதிகளில் கனமழை பெய்து வருகிறது. இந்திராநகர், கிருஷ்ணன்கோவில், ராமச்சந்திராபுரம், மம்சாபுரம் உள்ளிட்ட இடங்களில் சூறைக்காற்றுடன் மழை பொழிந்து வருகிறது. சேலத்தில் சேலம் மற்றும் அதன் புறநகர் பகுதிகளில் 20 நிமிடம் மிதமான மழை பெய்தது. சேலம் குகை, களரம்பட்டி உள்ளிட்ட பகுதிகளில் பலத்த மழை பெய்ததால் வெப்பம் தணிந்து பொதுமக்களும் மகிழ்ச்சி அடைந்துள்ளனர். அதேபோல் திண்டுக்கல் மாவட்டம் மற்றும் அதன் சுற்றுவட்டார இடங்களில் மழை பெய்து வருகிறது. நாகல்நகர், பேகம்பூர், ஆர்.எம்.காலனி, ராஜாக்கப்பட்டி, செட்டிநாயக்கன்பட்டி, முருகபவனம் உள்ளிட்ட இடங்களில் மழை பொழிந்து வருகிறது. ஈரோட்டில் பன்னீர்செல்வம், பூங்கா, ரயில் நிலையம், வீரப்பன்சத்திரம், மாணிக்கம்பாளையம் உள்ளிட்ட பகுதிகளில் கனமழை பொழிந்து வருகிறது.