Skip to main content

மூன்று கொலைகள் செய்தவருக்கு 3 ஆயுள் தண்டனை! விழுப்புரம் மகிளா நீதிமன்றத்தில் தீர்ப்பு!

Published on 17/07/2020 | Edited on 17/07/2020
Villupuram court

 

விழுப்புரம் அருகே மூன்று பேரைக் கொலை செய்த வழக்கில், குற்றவாளிகளுக்கு மகிளா நீதிமன்ற நீதிபதி சாந்தி மூன்று ஆயுள் தண்டனை மற்றும் ரூ.75,000 அபராதம் விதித்தார்.

 

விழுப்புரம் மாவட்டம் எம். குச்சிப்பாளையத்தை சேர்ந்த முருகன் என்பவர், தனது சகோதரர் மதியரசன், மூர்த்தி ஆகியோருடன் இணைந்து கடந்த 2009 ஆம் ஆண்டு ‘நல்லாண்பிள்ளை பெற்றாள்’ பகுதியைச் சேர்ந்த சேகர், லாவன்யா, சிலம்பரசன் ஆகியோரைக் கொலை செய்து தனது வீட்டின் பின்புறமுள்ள கிணற்றில்  புதைத்திருந்தார்.

 

இக்கொலை சம்பவம் வெளியே தெரியாமல் இருந்த நிலையில், 2010ல் முருகன் தனது மனைவி ராஜேஸ்வரியிடம் கொலை செய்த சம்பவங்களைக் கூறியுள்ளார். கணவன் என்பதால் ராஜேஸ்வரியும் இச்சம்பவத்தை மறைத்துள்ளார்.

 

கடந்த 2012 ம் ஆண்டு முருகனின்  மகளான பார்கவி சதீஷ்  என்பவரைக் காதலிப்பதாகவும், அவரைத் திருமணம் செய்து வைக்கக்கோரி தனது தந்தை முருகனிடம் தெரிவித்துள்ளார். திருமணத்திற்கு முருகன் எதிர்ப்பு தெரிவித்ததுமில்லாமல் சதீஷை திருமணம் செய்தால் வீட்டின் பின்புறம் மூன்று பேரை கொன்று புதைத்தது போன்று உன்னையும் கொன்று புதைத்து விடுவேன் என மிரட்டியுள்ளார். இதனால் பயந்துபோன பார்கவி தனியார் தொலைக்காட்சியை நாடி தனக்கு திருமணம் செய்து வைக்கக்கோரியும், தனது தந்தை 2012 ஆம் ஆண்டு மூன்று பேரைக் கொலை செய்ததாகவும் தெரிவித்தார்.

 

அதன் பின்னர் கொலை செய்யப்பட்ட சேகரின் மனைவி ஜீவா, விழுப்புரம் தாலுகா காவல் நிலையத்தில் தனது கணவன், மகளைக் காணவில்லை என புகார் தெரிவித்ததின் பேரில், காவல்துறை விசாரணை செய்து மூன்று உடல்களைத் தோண்டி எடுத்தனர். இது தொடர்பான வழக்கில் முருகன், மதியரசன், மூர்த்தி ஆகியோரைக் கைது செய்தனர்.

 

இச்சம்பவம் தொடர்பான வழக்கு விழுப்புரம் மகிளா நீதிமன்றத்தில் நடைபெற்று வந்த நிலையில் இன்று நீதிபதி சாந்தி முதல் குற்றவாளியான முருகனுக்கு 3 ஆயுள் தண்டனை மற்றும் 75 ஆயிரம் அபராதமும், கொலைக் குற்றத்தை மறைத்ததற்காக கூடுதலாக 2 வருடம் சிறை எனவும் தீர்ப்பு வழங்கினார்.

 

இதே போன்று இரண்டாவது குற்றவாளியான மதியரசனுக்கு ஒரு ஆயுள் தண்டனை, 25 ஆயிரம் அபராதம் மற்றும் கொலைக் குற்றத்தை மறைத்ததாக 2 வருடம் தண்டனையும் வழங்கினார். மூர்த்தி என்ற மூன்றாவது குற்றவாளி இறந்து விட்டார் என்பது குறிப்பிடதக்கது.

 

 

சார்ந்த செய்திகள்

Next Story

மறைந்த எம்.எல்.ஏ. புகழேந்தி உடலுக்கு முதல்வர் மு.க.ஸ்டாலின் அஞ்சலி

Published on 07/04/2024 | Edited on 07/04/2024
Late MLA pugazhendhi Tribute to CM MK Stalin

விழுப்புரம் மாவட்டம் விக்கிரவாண்டி தொகுதியில் தி.மு.க சார்பில் எம்.எல்.ஏ வாக பொறுப்பு வகித்து வந்தவர் புகழேந்தி (வயது 71). இத்தகைய சூழலில் விழுப்புரம் விக்கிரவாண்டி வி.சாலையில் பொதுக்கூட்டத்தில் கலந்து கொள்வதற்காக தமிழக முதலமைச்சரும், தி.மு.க. தலைவருமான மு.க.ஸ்டாலின் நேற்று முன்தினம் (05.04.2024) இரவு விழுப்புரம் வந்திருந்தார். இந்த பொதுக்கூட்டத்தில் கலந்துகொள்வதற்காக கடந்த 4 ஆம் தேதி மருத்துவமனையில் சிகிச்சை பெற்று வீடு திரும்பிய எம்.எல்.ஏ புகழேந்தி வந்திருந்தார்.

அப்போது, புகழேந்திக்கு திடீரென மயக்கம் ஏற்பட்டதால் அவர் உடனடியாக, விழுப்புரம் அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டார். அங்கு அவருக்கு தீவிர அளிக்கப்பட்டு வந்தது. இதனையடுத்து நேற்று (06.04.2024) காலை, மருத்துவமனையில் சிகிச்சை பெற்று வந்த நிலையில் எம்.எல்.ஏ புகழேந்தி சிகிச்சை பலனின்றி உயிரிழந்தார். விக்கிரவாண்டி திமுக எம்.எல்.ஏவான புகழேந்தி, விழுப்புரம் தெற்கு மாவட்ட திமுக செயலாளராக இருந்தவர் ஆவார். எம்.எல்.ஏ புகழேந்தி மறைவுக்கு பலரும் அஞ்சலி செலுத்தினர்.

இந்நிலையில், தமிழ்நாடு முதலமைச்சர் மு.க. ஸ்டாலின் நேற்று (06.04.2024) இரவு விழுப்புரத்தில் உள்ள கலைஞர் அறிவாலயத்திற்கு நேரில் சென்று, உடல்நலக் குறைவால் காலமான விக்கிரவாண்டி சட்டமன்ற உறுப்பினர் நா. புகழேந்தியின் உடலுக்கு மலர்மாலை வைத்து அஞ்சலி செலுத்தினார். அவரது குடும்பத்தினருக்கு ஆறுதல் கூறினார்.  அப்போது அமைச்சர்கள் கே.என். நேரு, க. பொன்முடி, எம்.ஆர்.கே. பன்னீர்செல்வம், எஸ்.எஸ். சிவசங்கர், அன்பில் மகேஷ் பொய்யாமொழி, சி.வி. கணேசன், விடுதலை சிறுத்தைகள் கட்சித் தலைவரும் நாடாளுமன்ற உறுப்பினருமான தொல்.திருமாவளவன், நாடாளுமன்ற, சட்டமன்ற உறுப்பினர்கள் எனப் பலரும் உடன் இருந்தனர். 

Next Story

விழுப்புரத்தில் முதல்வர் மு.க. ஸ்டாலின் தேர்தல் பரப்புரை!

Published on 05/04/2024 | Edited on 05/04/2024
Cm MK Stalin election campaign In Villupuram 

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி, முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே, அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதே சமயம் தமிழக அரசியல் கட்சிகள் வேட்பாளர்களை அறிவித்து பிரச்சாரங்களை தொடங்கியுள்ளன.

இதற்கிடையே தமிழகத்தில் உள்ள 39 மக்களவைத் தொகுதிகளுக்கான இறுதி வேட்பாளர் பட்டியலை தேர்தல் ஆணையம் வெளியிட்டிருந்தது. அதன்படி, 39 மக்களவை தொகுதிகளில் 1085 வேட்பு மனுக்கள் ஏற்கப்பட்ட நிலையில், 135 மனுக்கள் திரும்பப் பெறப்பட்டன. இதன் மூலம் 39 தொகுதிகளில் மொத்தம் 950 பேர் போட்டியிடுகின்றனர். தமிழ்நாட்டில் மொத்தமாக 874 ஆண்களும், 76 பெண்களும் போட்டியிடுகின்றனர். அதிகபட்சமாக, கரூர் மக்களவை தொகுதியில் 54 பேர் களம் காண்கின்றனர். குறைந்தபட்சமாக, நாகப்பட்டினம் தொகுதியில் 9 பேர் மட்டுமே போட்டியிடுகின்றனர். மேலும், தேர்தலையொட்டி தமிழகத்தில் பல்வேறு ஆலோசனைக் கூட்டங்கள் மற்றும் தொடர் நடவடிக்கைகள் தேர்தல் ஆணையம் சார்பில் எடுக்கப்பட்டு வருகிறது.

அதே சமயம் தி.மு.க. மற்றும் அதன் கூட்டணிக் கட்சிகளின் வேட்பாளர்களை ஆதரித்து தமிழக முதலமைச்சர் மு.க.ஸ்டாலின் தொடர்ந்து பிரச்சாரம் மேற்கொண்டு வருகிறார். இந்நிலையில், தமிழக முதல்வர் மு.க. ஸ்டாலின் இன்று (05.04.2024) விழுப்புரத்தில் தேர்தல் பரப்புரை மேற்கொள்ள உள்ளார். இதனையொட்டி விழுப்புரம் மாவட்டம் விக்கிரவாண்டியில் இன்று மாலை நடைபெறும் தேர்தல் பிரச்சார பொதுக் கூட்டத்திலும் கலந்து கொண்டு முதல்வர் மு.க. ஸ்டாலின் உரையாற்ற உள்ளார். அப்போது விழுப்புரம் மக்களவைத் தொகுதி வி.சி.க. வேட்பாளர் ரவிக்குமார் மற்றும் கடலூர் தொகுதியில் போட்டியிடும் காங்கிரஸ் வேட்பாளர் விஷ்ணு பிரசாத்தை ஆதரித்து முதல்வர் வாக்கு சேகரிக்க உள்ளார்.