Skip to main content

போக்குவரத்துத்துறை - ஊதிய உயர்வு ஒப்பந்தம் கையெழுத்தானது

Published on 24/08/2022 | Edited on 24/08/2022

 

 

Transport Department - Wage hike agreement signed!

 

அரசுப் போக்குவரத்து தொழிலாளர்களுக்கான 14ஆவது ஊதிய உயர்வு ஒப்பந்தம் கையெழுத்தானது. 

 

தமிழகத்தில் அரசுப் போக்குவரத்து தொழிலாளர்களுக்கான 14ஆவது ஊதிய உயர்வு குறித்த பேச்சுவார்த்தை, சென்னையில் உள்ள பல்லவன் இல்லத்தில் தமிழக போக்குவரத்துத் துறை அமைச்சர் சிவசங்கர் தலைமையில் ஏழு கட்டங்களாக நடைபெற்றது.  பேச்சுவார்த்தையில் சி.ஐ.டி.யூ., ஏ.ஐ.டி.யூ.சி. என 66 தொழிற்சங்கங்கள் கலந்து கொண்டனர். 

 

போக்குவரத்துத் தொழிலாளர்களின் ஊதிய உயர்வு பேச்சுவார்த்தையில் உடன்பாடு ஏற்பட்டதைத் தொடர்ந்து ஒப்பந்தம் கையெழுத்தானது. அதன்படி, மூன்று ஆண்டுகளுக்கு ஒருமுறை ஊதிய உயர்வு என்பது இனி நான்கு ஆண்டுகளுக்கு ஒருமுறை என மாற்றப்பட்டுள்ளது. 

 

குறைந்தபட்ச ஊதிய உயர்வு ஓட்டுநருக்கு ரூபாய் 2,012, அதிகபட்சம் ரூபாய் 7,981 ஆக நிர்ணயிக்கப்பட்டு கையெழுத்தானது. நடத்துநருக்கு குறைந்தபட்ச ஊதிய உயர்வு ரூபாய் 1,965 ஆகவும், அதிகபட்சம் ரூபாய் 6,640 ஆகவும் உயர்த்தப்பட்டுள்ளது. 

 

பேச்சுவார்த்தையில் 66 தொழிற்சங்கங்கள் கலந்து கொண்ட நிலையில், ஒப்பந்தம் இறுதி செய்ததை சி.ஐ.டி.யூ., ஏ.ஐ.டி.யூ.சி. ஏற்கவில்லை என்பது குறிப்பிடத்தக்கது. 

 

செய்தியாளர்களைச் சந்தித்துப் பேசிய சி.ஐ.டி.யூ.வைச் சேர்ந்த சௌந்தரராஜன், "நான்கு ஆண்டுக்கு ஒருமுறை ஊதிய உயர்வு ஒப்பந்தம் உடன்பாடு இல்லை. பல்வேறு பிரச்சனைகளில் உடன்பாடு எட்டப்பட்டதால் ஒப்பந்தத்தை ஏற்கவுள்ளோம்" எனத் தெரிவித்துள்ளார். 

 

சார்ந்த செய்திகள்

Next Story

‘ஐ.பி.எல். ரசிகர்களுக்கு மகிழ்ச்சி செய்தி’ - சென்னை மாநகர போக்குவரத்து கழகம் முக்கிய தகவல் 

Published on 25/03/2024 | Edited on 25/03/2024
Happy news for IPL fans MTC Important Information

உலக அளவில் புகழ்பெற்ற கிரிக்கெட் தொடரான ஐ.பி.எல். டி20 தொடர் கடந்த 2008 ஆம் ஆண்டு முதல் நடைபெற்று வருகிறது. இதன் 17 ஆவது சீசன் இந்த ஆண்டு (2024) மார்ச், ஏப்ரல் மற்றும் மே மாதங்களில் நடைபெற உள்ளது. இதனையொட்டி இந்த ஆண்டுக்கான ஐ.பி.எல். தொடருக்கான முதற்கட்ட அட்டவணை வெளியிடப்பட்டது. அதாவது முதலில் ஐ.பி.எல். தொடரின் முதல் 17 நாட்களுக்கான அட்டவணை வெளியாகியது. அதன்படி மார்ச் 22 ஆம் தேதி ஐ.பி.எல். தொடர் தொடங்கியது. ஏப்ரல் 7 ஆம் தேதி வரை நடைபெற உள்ள 21 போட்டிகள் முதற்கட்டமாக நடைபெற உள்ளன என அதில் தெரிவிக்கப்பட்டிருந்தது. அந்த வகையில் சென்னை சேப்பாக்கம் மைதானத்தில் மார்ச் 22 இல் நடைபெற்ற ஐ.பி.எல். தொடரின் முதல் போட்டியில் நடப்பு சாம்பியனான சென்னை அணி - பெங்களூரு அணியுடன் பலப்பரீட்சை நடத்தியது. இதில் சென்னை அணி அபார வெற்றி பெற்றது.

இதற்கிடையே நாடாளுமன்ற மக்களவைத் தேர்தல் அட்டவணை வெளியான பிறகு 2 ஆம் கட்ட அட்டவணை வெளியாகும் எனக் கூறப்பட்டது. அதன்படி நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டது. மொத்தமாக ஏழு கட்டங்களாகத் தேர்தல் அறிவிக்கப்பட்டுள்ள நிலையில், முதற்கட்டமாக ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. இத்தகைய சூழலில் நடப்பு ஐபிஎல் தொடரின் மீதமுள்ள போட்டிகளுக்கான இரண்டாம் கட்ட, கால அட்டவணை வெளியாகியுள்ளது. அதன்படி மே 26ஆம் தேதி சென்னை சேப்பாக்கம் மைதானத்தில் இறுதிப் போட்டி நடைபெறுகிறது என அதிகாரப்பூர்வ அறிவிப்பு வெளியாகியுள்ளது. முன்னதாக மே 21ஆம் தேதி முதல் தகுதிச் சுற்று அகமதாபாத்திலும், மே 24 ஆம் தேதி இரண்டாம் தகுதிச் சுற்று சென்னையிலும் நடைபெற உள்ளது. இதற்கிடையே எலிமினேட்டர் சுற்று மே 22ஆம் தேதி அகமதாபாத்திலும் நடைபெற உள்ளது.

இந்நிலையில் ஐ.பி.எல். டிக்கெட்டை காண்பித்து சென்னை மாநகர பேருந்துகளில் பயணிக்கலாம் என மாநகர போக்குவரத்து கழகம் அறிவித்துள்ளது. இது குறித்து சென்னை மாநகர போக்குவரத்து கழகத்தின் மேலாண் இயக்குநர் சார்பில் எக்ஸ் சமூக வலைத்தளத்தில் வெளியிட்டுள்ள பதிவில், “சென்னை சேப்பாக்கம் எம்.ஏ. சிதம்பரம் விளையாட்டு மைதானத்தில் நாளை (26.03.2024) நடைபெற உள்ள ஐ.பி.எல். கிரிக்கெட் போட்டியை  காணவரும் பார்வையாளர்கள், தங்களது  ஐ.பி.எல். கிரிக்கெட் போட்டிக்கான நுழைவுச் சீட்டை காண்பித்து மாநகர பேருந்துகளில் பயணம் மேற்கொள்ளலாம். மேலும், மாநகர போக்குவரத்துக் கழகம் போட்டி முடிந்த பின்பும் சிறப்பு பேருந்துகள் இயக்கிட உள்ளது.

Happy news for IPL fans MTC Important Information

போக்குவரத்து நெரிசலை குறைக்கும் விதமாகவும், கூட்ட நெரிசலை கட்டுப்படுத்தும் விதமாகவும், பொது போக்குவரத்து பயன்பாட்டினை அதிகரிக்கும் விதமாகவும் சென்னை சூப்பர் கிங்ஸ் நிர்வாகத்திடம் (Chennai Super Kings Cricket Limited) நிறுவனத்திடம் சென்னை மாநகர போக்குவரத்து கழகம் உரிய பயண கட்டணம் பெற்றுக்கொண்டதன் அடிப்படையில் இந்த வசதியானது ஏற்படுத்தப்பட்டுள்ளது. மேலும், 22.03.2024 அன்று நடைபெற்ற போட்டியின் போது வழங்கிய ஒத்துழைப்பு போல் இந்த போட்டிக்கும் முழு ஒத்துழைப்பு வழங்குமாறு மாநகர போக்குவரத்துக் கழகம் சார்பில் கேட்டுக் கொள்ளப்படுகிறது” எனத் தெரிவிக்கப்பட்டுள்ளது. 

Next Story

படியில் பயணம்; மீண்டும் நிகழ்ந்த சோக சம்பவம்

Published on 14/03/2024 | Edited on 14/03/2024
The tragedy happened again in bus travel

பேருந்தில் பயணிக்கும் சில பள்ளி, கல்லூரி மாணவர்கள் அபாயகரமாக படிக்கட்டுகளில் தொங்கியபடி செல்லும் வீடியோ காட்சிகள் அண்மையாகவே சமூக வலைத்தளங்களில் வெளியாகி வைரலாகி வருகிறது. இந்நிலையில், பள்ளி மாணவன் ஒருவன் பேருந்தின் படியில் இருந்து விழுந்த விபத்து சம்பவம் நிகழ்ந்துள்ளது பரபரப்பை ஏற்படுத்தியுள்ளது.

கடந்த 12 ஆம் தேதி செங்கல்பட்டு மாவட்டம் மதுராந்தகம் அருகே திருநாவலூரில் தனியார் பேருந்தின் படியில் கல்லூரி மாணவர்கள் தொங்கிக் கொண்டு பயணித்ததாகக் கூறப்படுகிறது. பேருந்து திருச்சி-சென்னை தேசிய நெடுஞ்சாலையில் சென்று கொண்டிருந்தபோது பின் தொடர்ந்து வந்த கண்டெய்னர் லாரி உரசியதில் படியில் தொங்கியபடி பயணித்த 4 பேர் உடல் நசுங்கி உயிரிழந்தனர். 

இந்த சம்பவம் பெரும் சோகத்தை ஏற்படுத்தியிருந்த நிலையில் சென்னை மதுரவாயல் பகுதியில், பேருந்தில் படியில் தொங்கியபடி சென்ற பள்ளி மாணவன் தவறி விழுந்து படுகாயம் அடைந்துள்ளான். அதனைத் தொடர்ந்து அந்த பகுதி மக்கள் சிறுவனை மீட்டு 108 ஆம்புலன்ஸ் மூலமாக மருத்துவமனைக்கு அனுப்பி வைத்தனர். இது தொடர்பான வீடியோ காட்சிகள் சமூக வலைத்தளங்களில் தற்போது வைரலாகி வருகிறது.