Skip to main content

தொடங்கியது ரங்க நாச்சியார் ஊஞ்சல் உற்சவம்...

 

thiruchy srirangam temple festival

 

ஸ்ரீரங்கம் ரங்கநாதர் கோவிலில் நடைபெறும் ரங்க நாச்சியார் ஊஞ்சல் உற்சவம் மிகவும் சிறப்பு வாய்ந்தது. ரங்க நாச்சியார் ஊஞ்சல் உற்சவம் இன்று தொடங்கி வருகிற 12-ஆம் தேதி வரை 7 நாட்கள் நடைபெறுகிறது. உற்சவத்தையொட்டி இன்று மாலை 5.30 மணிக்கு ரங்க நாச்சியார் மூலஸ்தானத்தில் இருந்து புறப்பட்டு மாலை 6 மணிக்கு ஊஞ்சல் மண்டபம் வந்தடைகிறார்.

 

அங்கு ரங்க நாச்சியார் இரவு 7 மணி முதல் இரவு 8 மணி வரை பூஞ்சோலை உற்சவம் கண்டருளுகிறார். பின்னர் இரவு 9 மணிக்கு ஊஞ்சல் மண்டபத்தில் இருந்து புறப்பட்டு இரவு 9.30 மணிக்கு மூலஸ்தானம் சென்றடைகிறார். ஊஞ்சல் உற்சவ நாட்களில் காலை 6:30 மணி முதல் காலை 7.30மணி வரை காலை 9 மணி முதல் நண்பகல் 12.30 மணி வரை, மாலை 5.30 மணி முதல் இரவு 8.30 மணி வரை மூலவர் சேவை உண்டு.மாலை 3 மணி முதல் மாலை 5.30 மணி வரையும் இரவு 8.30 மணிக்கு மேல் மூலவர் சேவை கிடையாது என கோவில் நிர்வாகம் தெரிவித்துள்ளது.