Skip to main content

கள்ளத்துப்பாக்கி விவகாரத்தில் மருத்துவர் உள்ளிட்ட மூவர் கைது!

Published on 21/03/2020 | Edited on 21/03/2020

கும்பகோணம் அருகே அரசியல் கட்சி பிரமுகர் ஒருவரோடு, மருத்துவர் ஒருவர் கள்ளத்துப்பாக்கி விவகாரத்தில் கைதாகி இருப்பது பெரும் பரபரப்பை  ஏற்படுத்தியுள்ளது. 

 

Thanjavur incident

 



தஞ்சை மாவட்டம் கும்பகோணத்தை அடுத்துள்ள சோழபுரத்தைச் சேர்ந்தவர் மருத்துவர் ராம்குமார். ரஷ்யாவில் மருத்துவம் படித்தவர் சொந்த கிராமத்திற்கு சேவகனாக இருக்கும் வகையில் உள்ளூரிலேயே மருத்துவமனை வைத்துக்கொண்டு, சொந்த நிலத்தில் விவசாயத்தையும் கவனித்துவருகிறார். இவரது மனைவி கும்பகோணம் அரசு மருத்துவமனையில் மருத்துவராக இருந்துவருகிறார். டாக்டர் ராம்குமார் சிறுவயது முதலே துப்பாக்கி சுடுவதில் ஆர்வம் கொண்டவராக இருந்துவருகிறார். பெரம்பலூரில் உள்ள துப்பாக்கிச்சுடும் கிளப்பில் உறுப்பினராக இருந்துவருகிறார். அந்தவகையில் இவரிடம் பல்வேறு வகையான துப்பாக்கிகள் புழகத்தில் இருந்திருக்கின்றன.  துப்பாக்கிக்கான உரிமம் சிலமாதங்களுக்கு முன்பு காலாவதியானது, அதனை புதுபிக்காமல் போனதால் போலீஸாரிடம் சிக்கி சிறைக்கு சென்றிருக்கிறார்.

இது குறித்து காவல்துறையில் விசாரித்தோம்," தன்னிடமுள்ள ஒரு துப்பாக்கியை விளந்தகண்டம் பகுதியைச் சேர்ந்த தனது நண்பர் சக்திவேல் என்பவரிடம் கொடுத்து 80 ஆயிரம் ரூபாய்க்கு விற்று தரும்படி கூறியிருக்கிறார். ஏற்கனவே சக்திவேல் மீது சிலை கடத்தல் வழக்கு நிலுவையில் இருப்பதால், அவரை போலீஸார் தீவிரமாக கண்காணித்தபடியே இருந்தனர். இந்தநிலையில் கள்ளத்துப்பாக்கியை சக்திவேல் விற்க முயற்சிப்பது, ரகசியமா தகவல் கிடைத்தது, பிறகு அவரை தீவிரமாக கண்காணிக்க ஆரம்பித்தோம். சக்திவேல் தனது நண்பரான திருப்பனந்தாள் அருகே உள்ள முட்டக்குடியை சேர்ந்த நாம் தமிழர் கட்சியின் முன்னாள் மாவட்ட செயலாளர் அரவிந்தன் என்பவர் மூலமாக கள்ளத்துப்பாக்கி விற்பனைக்கு கொண்டு சென்றபோது அவர்களை மடக்கிப் பிடித்து ராம்குமார், சக்திவேல், அரவிந்தன் ஆகிய 3 பேரையும் கைது செய்து சிறையில்  அடைத்துள்ளோம்." என்கிறார்கள்.

இது குறித்து சோழபுரம் பகுதியில் விசாரித்தோம். அப்பகுதி மக்கள்" டாக்டர் ராம்குமார் வசதியாகத்தான் இருக்கிறார். அவரும் அவரது மனைவியும் கை நிறைய சம்பாதிக்கின்றனர். அதோடு சொந்தமாக ஏகப்பட்ட விவசாயம் நிலம் இருக்கிறது. இதில் பொறாமை கொண்ட யாரோ அவரை சிக்கவைத்துவிட்டனர்" என தெரிவித்தனர்.

 

  

சார்ந்த செய்திகள்

Next Story

எல்.முருகன் மீது வழக்குப் பதிவு

Published on 29/03/2024 | Edited on 29/03/2024
Case registered against L. Murugan

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

அரசியல் கட்சிகள் தீவிரமான தேர்தல் பரப்புரையில் இறங்கிய நிலையில், மறுபுறம் தேர்தல் பறக்கும் படையினர் பல்வேறு இடங்களில் அதிரடி சோதனைகளில் இறங்கியுள்ளனர். இந்நிலையில், தேர்தல் நடத்தை வழிமுறைகளை மீறியதாக நீலகிரி பாஜக வேட்பாளர் எல்.முருகன் மீது வழக்குப் பதிவு செய்யப்பட்டுள்ளது.

கடந்த 25 ஆம் தேதி வேட்புமனு தாக்கல் செய்ய வந்த மத்திய இணை அமைச்சரும் நீலகிரி நாடாளுமன்றத் தொகுதி பாஜக வேட்பாளருமான எல்.முருகன் பல்வேறு கோவிலுக்கு சென்று வழிபாடு நடத்தியதுடன் உதகை அருகே உள்ள கிராமம் ஒன்றுக்குச் சென்று எந்த அனுமதியும் பெறாமல் 100க்கும் மேற்பட்டோர் ஆலோசனையில் ஈடுபட்டதாக கூறப்பட்டது. இதுகுறித்து தேர்தல் பறக்கும் படையின் தலைவராக உள்ள துணை வட்டாட்சியர் தனலட்சுமி தேனாடுகம்பை காவல் நிலையத்தில் புகார் அளித்திருந்தார். இந்த புகாரின் அடிப்படையில் தேர்தல் நடத்தைகளை மீறியதாக எல்.முருகன் மீது போலீசார் வழக்குப் பதிவு செய்யப்பட்டுள்ளது.

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.