Skip to main content

மாட்டுவண்டிக்கு மணல் குவாரி வேண்டும்: தொழிலாளர்கள் உண்ணாவிரதம்.

Published on 26/09/2019 | Edited on 26/09/2019

கும்பகோணம் சிஐடியுவை சேர்ந்த மாட்டு வண்டி தொழிலாளர்கள் மணல் குவாரி அமைத்து தரக்கோரி கும்பகோணம் பொதுப்பணித்துறை அலுவலகம் முன்பு உண்ணாவிரதப் போராட்டத்தில் ஈடுபட்டனர்.

 

tanjore protest

 

"தஞ்சை பொதுப்பணித்துறை அலுவலகத்தில் 16.8.2019 அன்று பொதுப்பணித்துறை அதிகாரிகள், செயற்பொறியாளர், சிஐடியு தலைவர்களுடன் நடத்திய அமைதி பேச்சுவார்த்தையில் உறுதியளித்தபடி மாட்டுவண்டி தொழிலாளர்களுக்கு தேவனோடை குவாரியில் மணல் எடுக்க வழங்கப்பட்ட அனுமதியை உடனே அமல்படுத்த வேண்டும். வேலை இழந்து வருமானமின்றி வாழ்விழந்த வறுமையோடு போராடும் மாட்டுவண்டி தொழிலாளர்களின் வாழ்வாதாரத்தை பாதுகாத்திட கொள்ளிடம் ஆற்றில் தனி மணல் குவாரி அமைத்திட வேண்டும். மாட்டுவண்டி தொழிலாளர்களுக்கு அடையாள அட்டை வழங்க வேண்டும். லாரிகள் மூலம் மணல் எடுப்பதை அனுமதிக்க கூடாது" என்பன உள்ளிட்ட கோரிக்கைகளை வலியுறுத்தினர். 

போராட்டத்தில் இருந்தவர்களையும் சிஐடியு தலைவர்களையும் கும்பகோணம் வட்டாட்சியர் மற்றும் பொதுப்பணித்துறை உதவி செயற்பொறியாளர் உள்ளிட்ட அதிகாரிகள் மாட்டுவண்டி தொழிலாளர்களிடம் அமைதி பேச்சுவார்த்தை நடத்தினர்.

இதையே பேச்சுவார்த்தையிலும் கூறினர், அதற்கு பொதுப்பணித் துறையின் சார்பில் தேவனோடை பகுதியில் மாட்டுவண்டிகள் தொழிலாளர்கள் மணல் எடுத்துக் கொள்ள அனுமதி வழங்கப்படுகிறது.கொத்தங்குடி பகுதியில் மாட்டுவண்டி மணல் குவாரி அமைக்க கனிமவளத்துறை க்கு ஆய்வு அறிக்கை அனுப்பி வைக்கப்பட்டுள்ளது விரைவில் குவாரி திறக்க நடவடிக்கை எடுக்கப்படும், தொழிற்சங்கத்தின் சார்பில் ஏற்கனவே அளிக்கப்பட்ட மாட்டுவண்டி பட்டியலில் உண்மை தன்மையை கண்டறிந்து உரிய நடவடிக்கை எடுக்கப்படும். திருவிடைமருதூர் வட்டம் முள்ளங்குடி கிராமத்தில் மாட்டு வண்டி குவாரி திறக்க உரிய ஆய்வு அறிக்கை கனிம வளத் துறைக்கு அனுப்பி நடவடிக்கை எடுக்கப்படும். மாட்டுவண்டி அனைத்திற்கும் அடையாள அட்டை வழங்கப்படும். அதன் விபரப்படி மணல் எடுக்க டோக்கன் வழங்கப்படும்  என அரசு அதிகாரி தரப்பில் தெரிவிக்கப்பட்டது. இதனைத் தொடர்ந்து உண்ணாவிரத்தை கைவிட்டுள்ளனர்.

சார்ந்த செய்திகள்

 

Next Story

பழனி கோவில் நிர்வாகத்தை கண்டித்து போராட்டம் அறிவிப்பு

Published on 10/07/2024 | Edited on 10/07/2024
Notice of protest against Palani temple management

பழனி தேவஸ்தான நிர்வாகத்தை கண்டித்து ஜூலை 13 தேதி கவன ஈர்ப்பு கடையடைப்பு நடைபெறும் என பழனி நகர் மன்றம் சார்பில் அறிவிப்பு வெளியாகியுள்ளது.

திண்டுக்கல்லில் அமைந்துள்ள பிரசித்தி பெற்ற கோவிலான பழனி தண்டாயுதபாணி முருகன் கோவிலின் கிரிவலப் பாதை 1948 ஆம் ஆண்டு முதல் பழனி நகராட்சி நிர்வாகத்திற்கு கட்டுப்பாட்டில் இருந்தது. இந்நிலையில் அண்மையில் நீதிமன்றத்தில் தொடுக்கப்பட்ட வழக்கு ஒன்றில் பழனி கிரிவலப் பாதையில் உள்ள ஆக்கிரமிப்புகளை அகற்றவும், கிரிவலப் பாதையில் எந்த விதமான வாகனங்கள் செல்லவும் தடை விதித்து தனி நீதிபதி உத்தரவிட்டிருந்தார்.

மேலும் கிரிவலப் பாதையில் உள்ள ஆக்கிரமிப்புகளை அகற்றவும், அதனை ஆய்வு செய்யவும் ஓய்வு பெற்ற நீதிபதி பாரதிதாசன் தலைமையில் குழு ஒன்று அமைக்கப்பட்டது. அதனைத் தொடர்ந்து பழனி அடிவாரம் பகுதியில் உள்ள 150க்கும் மேற்பட்ட ஆக்கிரமிப்பு கட்டிடங்கள் அகற்றப்பட்டது. இதனால் ஆயிரக்கணக்கான சிறு குறு வியாபாரிகள் பாதிக்கப்பட்டதாக போராட்டங்கள் எழுந்தது. இதற்கான மாற்று ஏற்பாடுகளை செய்ய வேண்டும் என நகராட்சி மன்ற கூட்டத்தில் பழனி கோவில் நிர்வாகத்திற்கு எதிராக தீர்மானங்கள் நிறைவேற்றப்பட்டது. இந்நிலையில் கோவில் நிர்வாகத்தைக் கண்டித்து நகர்மன்றம் சார்பில் ஜூலை 13ம் தேதி அனைத்து கடைகளும் அடைக்கப்பட்டு கவன ஈர்ப்பு போராட்டம் நடைபெறும் என அறிவிக்கப்பட்டுள்ளது. ஜூலை 13ஆம் தேதி ஓய்வு பெற்ற நீதிபதி பாரதிதாசன் தலைமையிலான குழு வர உள்ள நிலையில், அந்த தேதியில் போராட்டம் அறிவிக்கப்பட்டது குறிப்பிடத்தகுந்தது.

Next Story

25 மீனவர்கள் கைது; காப்பாற்றக்கோரி மண்டியிட்டு கதறி அழும் பெண்கள்

Published on 01/07/2024 | Edited on 01/07/2024
25 fishermen arrested; Women who kneel and cry to be saved

அண்மையாகவே தொடர்ந்து தமிழக மீனவர்கள் இலங்கை கடற்படையால் கைது செய்யப்பட்டு வரும் நிலையில் மிக அண்மையில் தமிழக மீனவர்கள் 20 பேர் கைது செய்யப்பட்டிருந்தது பரபரப்பை ஏற்படுத்தி இருந்தது. இந்நிலையில் இன்று மேலும் 25 பேரை இலங்கை கடற்படை கைது செய்துள்ளது அதிர்ச்சியை ஏற்படுத்தியுள்ளது.

ராமேஸ்வரம் தனுஷ்கோடியில் இருந்து மீன் பிடிக்கச் சென்ற மீனவர்கள் 25 பேர் எல்லை தாண்டி மீன்பிடித்ததாக இலங்கை கடற்படை கைது செய்துள்ளது. 25 மீனவர்கள் கைது செய்யப்பட்டதோடு அவர்கள் நாட்டு படகுகளையும் இலங்கை கடற்படை பறிமுதல் செய்துள்ளது. தற்போது 25 மீனவர்களையும் இலங்கை காங்கேசன் துறைமுகத்தில் வைத்து இலங்கை கடற்படை விசாரணை நடத்தி வருவதாக முதற்கட்ட தகவல்கள் வெளியாகியுள்ளது.

25 fishermen arrested; Women who kneel and cry to be saved

தொடர்ந்து ராமநாதபுரம் மீனவர்கள் சிறைபிடிக்கப்பட்டு வருவது அந்த பகுதி மீனவர்களுக்கு அதிர்ச்சி கொடுத்திருக்கும் நிலையில் இன்று  இலங்கை கடற்படை 25 மீனவர்களை விரட்டிப்பிடித்து கைது செய்திருப்பதாக வெளியான செய்தி அந்த பகுதி மக்களுக்கு மேலும் பேரதிர்ச்சியை கொடுத்துள்ளது. இந்நிலையில் கைது செய்யப்பட்ட மீனவர்களின் உறவினர்கள் மற்றும் அவர்களுடைய குடும்பத்தை சேர்ந்தவர்கள் தேசிய நெடுஞ்சாலையில் இறங்கி கண்ணீர் விட்டு மண்டியிட்டு அழுதபடி ஆர்ப்பாட்டத்தில் ஈடுபட்டுள்ளனர். அதேபோல் மீனவ அமைப்புகள் இன்று பாம்பன் வட கடல் பகுதியில் கடலில் இறங்கி ஆர்ப்பாட்டத்தில் ஈடுபட்டு வருகின்றனர்.