Skip to main content

மக்களைத் தேடி காவல்துறை...

Published on 19/10/2020 | Edited on 19/10/2020

 

Tamilnadu police department moving forward towards public to rectify problems

 

தமிழகத்தில், காவல்துறை வடக்கு தெற்கு மேற்கு மத்தி என 4 மண்டலங்களாகப் பிரிக்கப்பட்டுள்ளது. இதில் ஒவ்வொரு மண்டல அளவில் ஐ.ஜி ரேங்கில் உயர் அதிகாரிகள் பணிபுரிந்து வருகிறார்கள். அதன்படி வடக்கு மண்டலத்தின் ஐ.ஜியாக உள்ளவர் நாகராஜன். இவரது கட்டுப்பாட்டில் செங்கல்பட்டு, திருவள்ளூர், காஞ்சிபுரம், திருவண்ணாமலை, விழுப்புரம், கடலூர், கள்ளக்குறிச்சி உட்பட 10 மாவட்டங்கள் உள்ளன. 


இந்த மாவட்டங்களில் உள்ள கிராம மக்கள் அவர்களுக்குள் ஏற்படும் பிரச்சனைகள், முன்விரோத தகராறுகள், கணவன் மனைவி கருத்து வேறுபாடு பிரச்சனைகள், அண்ணன் தம்பி மோதல்கள் என பல்வேறு பிரச்சனைகள் காரணமாக காவல் நிலையங்களுக்குச் சென்று புகார் அளிப்பது, காவல்துறை இருதரப்பினரையும் வரவழைத்து விசாரணை செய்து வழக்குப் பதிவு செய்வதே நடைமுறையில் உள்ளது. ஆனால், தற்போது கரோனா பரவல் காரணமாக பொதுமக்கள் காவல் நிலையம் சென்று புகார் அளிப்பது குறைந்துள்ளது. 


காரணம், கிராமங்களில் சட்டம் ஒழுங்கு சரியாக உள்ளதா, அங்கு பிரச்சனைகளே இல்லையா, அனைத்து மக்களும் சுமுகமாக இணக்கமாக வாழ்கிறார்களா, இதனால் கிராமப்புறங்களில் உள்ள பிரச்சனைகள் அனைத்தும் தீர்ந்துவிட்டதா என்றால் அதுதான் இல்லை. பல்வேறு பிரச்சனைகள், குற்றச் சம்பவங்கள் தீர்க்கப்படாமல் அது விஸ்வரூபமெடுத்து பெரிதாகும் நிலையிலும் உள்ளது. 

 

இதையெல்லாம் கருத்தில்கொண்டு வடக்கு மண்டல ஐ.ஜி. நாகராஜன், காவல்துறையினர் கிராமங்களுக்கு நேரடியாகச் சென்று பொதுமக்கள் அளிக்கும் புகார்களுக்கு உரிய விசாரணை செய்து  தீர்வு காணும் திட்டத்தைக் கடந்த இரு வாரங்களுக்கு முன்பு துவக்கி வைத்துள்ளார். அதன்படி பொதுமக்கள் அளிக்கும் புகாரின் அடிப்படையில் போலீசார் சம்பவ இடங்களுக்கு நேரடியாகச் சென்று புகார் கொடுத்தத் தரப்பு, குற்றஞ்சாட்டப்பட்ட தரப்பு ஆகிய இரு தரப்பினர்களிடமும் நேரடியாக பொதுமக்கள் முன்னிலையில் விசாரணை நடத்தி குற்றம் செய்தவர்கள் மீது நடவடிக்கை எடுத்து வருகிறார்கள். நிரபராதிகள் விடுவிக்கப்படுகிறார்கள்.
 

Ad

 

இதனடிப்படையில் வடக்கு மண்டலத்தில் மட்டும், கடந்த இரண்டு வாரங்களில் மட்டும் 7,800 புகார்களுக்குத் தீர்வு காணப்பட்டுள்ளதாக காவல்துறை அதிகாரிகள் தெரிவிக்கின்றனர். மேலும் பொதுமக்கள் அளித்த 7,000 புகார்களுக்கு அதன் புகார் சம்பந்தமான விசாரணைக்கு 600 இடங்களுக்குச் சென்று விசாரணை நடத்தியுள்ளனர். இதில் 4,000 புகார்களுக்கு தீர்வு காணப்பட்டுள்ளன. மீதி 3,800 புகார்களில் சம்பந்தப்பட்ட இருதரப்பினரையும் காவல் நிலையம் வரவழைத்து நடவடிக்கை எடுக்கப்பட்டுள்ளது.
​ ​
இப்படி புகார்களை விசாரிக்க கிராமங்களுக்கே காவல்துறையினர் செல்லும்போது பொதுமக்களுக்கும் காவல்துறையினருக்கும் ஒருவித இணக்கமான சூழ்நிலை ஏற்படுகிறது. வெளிப்படையான விசாரணை நடத்துவதால் புகார் கொடுத்துள்ள நபர்கள், தங்கள் பிரச்சனைகள் தீர்ந்தால் போதும் என்று உணர்கின்றனர். பொதுமக்கள் மத்தியில் இதற்குப் பெரும் வரவேற்பு கிடைத்துள்ளது. மேலும் கைது செய்ய வேண்டிய அளவிற்கு குற்றங்கள் நடைபெற்று இருந்தால் அதற்குரிய சட்ட ரீதியான நடவடிக்கையும் எடுக்கப்பட்டு வருகிறது. 

 

போலீசார் நேரடியாகக் கிராமங்களுக்கே சென்று விசாரணை நடத்துவதால் இடைத்தரகர்கள் பணம் சம்பாதிப்பது தடுக்கப்பட்டுள்ளது. இதே திட்டம் தமிழகம் முழுவதும் நடைமுறைப்படுத்துவதற்கு, காவல்துறை அதிகாரிகள் தரப்பில் ஆலோசனை நடைபெற்று வருவதாகக் கூறப்படுகிறது. போலீசாரை தேடிச்சென்று புகார் கொடுக்கும் காலம் மாறி, போலீசாரே மக்களின் பிரச்சனைகளை நேரடியாகச் சென்று பார்த்து, புகாரைப் பெற்று தீர்வு காணும் நடைமுறை வந்துள்ளது. இதற்கு மக்கள் மத்தியில் பெரும் வரவேற்பு கிடைத்துள்ளது என்கிறார்கள் களப்பணியில் ஈடுபட்டுள்ள காவல் துறையினர்.
 

 

 

 

சார்ந்த செய்திகள்

Next Story

கேளிக்கை விடுதி விபத்து; மெட்ரோ ரயில் நிர்வாகம் விளக்கம்!

Published on 28/03/2024 | Edited on 28/03/2024
Metro Rail Admin Explanation on Alwarpet hotel incident

சென்னை ஆழ்வார்பேட்டையில் தனியாருக்குச் சொந்தமான கேளிக்கை விடுதி ஒன்று செயல்பட்டு வருகிறது. இந்த விடுதியின் முதல் தளத்தின் மேற்கூரை திடீரெனெ யாரும் எதிர்பாராத விதமாக இடிந்து விழுந்துள்ளது. அப்போது அங்கு இருந்த 3 பேர் உயிரிழந்தனர். திண்டுக்கல்லைச் சேர்ந்த சைக்ளோன் ராஜ் (வயது 45). மணிப்பூரைச் சேர்ந்த மேக்ஸ் (வயது 21) மற்றும் லாலி (வயது 22) ஆகியோர் உயிரிழந்ததாக போலீஸ் தரப்பில் இருந்து தகவல் தெரிவிக்கப்பட்டுள்ளது. மேலும் உயிரிழந்த 3 பேரின் உடல்களும் மீட்கப்பட்டு பிரேத பரிசோதனைகளுக்காக அரசு மருத்துவமனைக்கு கொண்டு செல்லப்பட்டுளளன.

இந்த கட்டட விபத்து குறித்து தகவல் அறிந்து சம்பவ இடத்திற்கு விரைந்து வந்த 20 பேர் கொண்ட தேசிய பேரிடர் மீட்பு படையினர் மீட்புப்பணியில் ஈடுபட்டுள்ளனர். இதுகுறித்து அபிராமபுரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மெட்ரோ பணியின்போது ஏற்பட்ட அதிர்வின் காரணமாகக் இந்த கேளிக்கை விடுதியின் மேற்கூரை இடிந்து விழுந்ததாக முதற்கட்ட விசாரணையில் தகவல் வெளியாகி இருந்தது.

இது விபத்து குறித்து சென்னை மாநகர கூடுதல் காவல் ஆணையர் பிரேமானந்த் சின்ஹா செய்தியாளர்களை சந்தித்தார். அப்போது அவர் பேசுகையில், “விபத்து நடந்தபோது உள்ளே இருந்தவர்களிடம் விபத்து குறித்து விசாரணை நடத்திய போது, விபத்து நடந்த இடத்தின் உள்ளே 3 பேர் மாட்டிக்கொண்டுள்ளதாக தகவல் வந்தது. விடுதியின் முதல் தளத்தின் கான்கிரீட் மேற்கூரை இடிந்து விழுந்துள்ளது. இந்த விபத்தில் சிக்கியவர்களை மீட்கும் பணி நடைபெற்று வருகிறது” எனத் தெரிவித்தார். தனியார் கேளிக்கை விடுதியின் மேற்கூரை இடிந்து விழுந்த விபத்தில் 3 பேர் உயிரிழந்துள்ள சம்பவம் மக்கள் மத்தியில் சோகத்தையும் அதிர்ச்சியையும் ஏற்படுத்தியுள்ளது.

Metro Rail Admin Explanation on Alwarpet hotel incident

இந்நிலையில் இந்த விபத்து குறித்து சென்னை மெட்ரோ ரயில் நிறுவனம் விளக்கமளித்துள்ளது. இது குறித்து எக்ஸ் சமூக வலைத்தளத்தில் வெளியிட்டுள்ள பதிவில், “சென்னை ஆழ்வார்பேட்டையில் உள்ள தனியாருக்கு சொந்தமான பொழுதுபோக்கு கிளப்பில் உள்ள மெஸ்ஸானைன் தளம் இடிந்து விழுந்த சம்பவம் தொடர்பாக விளக்கமிக்க வேண்டிய தேவை உள்ளது. இந்த துரதிர்ஷ்டவசமான சம்பவம் தற்போது நடந்து கொண்டிருக்கும் மெட்ரோ ரயில் பணிகளால் அல்ல என்பதை  சென்னை மெட்ரோ ரயில் நிறுவனம் (CMRL) தெளிவுபடுத்த விரும்புகிறது.

ஏனெனில் மெட்ரோ ரயில் பணியானது, விபத்து நிகழ்ந்த கட்டிடத்திலிருந்து கிட்டத்தட்ட 240 அடி தொலைவில் உள்ளது. மேலும் விபத்து நிகழ்ந்த கட்டடத்தில் அதிர்வுகள் எதுவும் காணப்படவில்லை. சென்னை மெட்ரோ ரயில் நிறுவன அதிகாரிகள் சம்பவ இடத்தில் விசாரணை மேற்கொண்டு வருகின்றனர். மீட்புப் பணிகளில் தமிழ்நாடு தீயணைப்பு மற்றும் மீட்புப் பணி அதிகாரிகளுக்கு உதவி செய்ய உள்ளதாகவும் சென்னை மெட்ரோ ரயில் நிறுவனம் தெரிவிக்க விரும்புகிறது” எனத் தெரிவிக்கப்பட்டுள்ளது.

Next Story

கேளிக்கை விடுதியின் மேற்கூரை இடிந்து விபத்து; 3 பேர் உயிரிழந்த சோகம்!

Published on 28/03/2024 | Edited on 28/03/2024
Chennai Alwarpet hotel top roof incident

சென்னை ஆழ்வார்பேட்டையில் தனியாருக்குச் சொந்தமான கேளிக்கை விடுதி ஒன்று செயல்பட்டு வருகிறது. இந்த விடுதியின் முதல் தளத்தின் மேற்கூரை திடீரெனெ யாரும் எதிர்பாராத விதமாக இடிந்து விழுந்துள்ளது. அப்போது அங்கு இருந்த 3 பேர் உயிரிழந்தனர். திண்டுக்கல்லைச் சேர்ந்த சைக்ளோன் ராஜ் (வயது 45). மணிப்பூரைச் சேர்ந்த மேக்ஸ் (வயது 21) மற்றும் லாலி (வயது 22) ஆகியோர் உயிரிழந்ததாக போலீஸ் தரப்பில் இருந்து தகவல் தெரிவிக்கப்பட்டுள்ளது. மேலும் உயிரிழந்த 3 பேரின் உடல்களும் மீட்கப்பட்டு பிரேத பரிசோதனைகளுக்காக அரசு மருத்துவமனைக்கு கொண்டு செல்லப்பட்டுளளன.

இந்த கட்டட விபத்து குறித்து தகவல் அறிந்து சம்பவ இடத்திற்கு விரைந்து வந்த 20 பேர் கொண்ட தேசிய பேரிடர் மீட்பு படையினர் மீட்புப்பணியில் ஈடுபட்டுள்ளனர். இதுகுறித்து அபிராமபுரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மெட்ரோ பணியின்போது ஏற்பட்ட அதிர்வின் காரணமாகக் இந்த கேளிக்கை விடுதியின் மேற்கூரை இடிந்து விழுந்ததாக முதற்கட்ட விசாரணையில் தகவல் வெளியாகியுள்ளதாகவும் கூறப்படுகிறது.

இது விபத்து குறித்து காவல் துறை உயர் அதிகாரி ஒருவர் செய்தியாளர்களை சந்தித்தார். அப்போது அவர் பேசுகையில், “விபத்து நடந்தபோது உள்ளே இருந்தவர்களிடம் விபத்து குறித்து விசாரணை நடத்திய போது, விபத்து நடந்த இடத்தின் உள்ளே 3 பேர் மாட்டிக்கொண்டுள்ளதாக தகவல் வந்தது. விடுதியின் முதல் தளத்தின் கான்கிரீட் மேற்கூரை இடிந்து விழுந்துள்ளது. இந்த விபத்தில் சிக்கியவர்களை மீட்கும் பணி நடைபெற்று வருகிறது” எனத் தெரிவித்தார். தனியார் கேளிக்கை விடுதியின் மேற்கூரை இடிந்து விழுந்த விபத்தில் 3 பேர் உயிரிழந்துள்ள சம்பவம் மக்கள் மத்தியில் சோகத்தையும் அதிர்ச்சியையும் ஏற்படுத்தியுள்ளது.