Skip to main content

அக்.17- ஆம் தேதி கூடுகிறது தமிழக சட்டப்பேரவைக் கூட்டம்! 

Published on 07/10/2022 | Edited on 07/10/2022

 

The Tamil Nadu Legislative Assembly meeting will be held on October 17!

 

சென்னையில் உள்ள தலைமைச் செயலகத்தில் செய்தியாளர்களைச் சந்தித்த தமிழக சட்டப்பேரவையின் சபாநாயகர் அப்பாவு, "வரும் அக்டோபர் 17- ஆம் தேதி அன்று தமிழக சட்டப்பேரவைக் கூட்டம் கூடுகிறது. சட்டப்பேரவைக் கூட்டம் எத்தனை நாட்கள் நடைபெறும் என்பது அலுவல் ஆய்வுக் குழு கூட்டம் நடத்தி முடிவெடுக்கப்படும்.

 

சட்டமன்ற மரபுப்படியே ஓ.பன்னீர்செல்வம், எடப்பாடி பழனிசாமி இருவரும் பேரவையில் அமர வைக்கப்படுவர். சட்டப்பேரவையில் ஓ.பன்னீர்செல்வம், எடப்பாடி பழனிசாமி அணிகளுக்கான இருக்கைகள் குறித்து சட்டப்படி நடவடிக்கை எடுக்கப்படும். துணை நிதிநிலை அறிக்கை இக்கூட்டத்தொடரில் தாக்கல் செய்யப்படும்" எனத் தெரிவித்துள்ளார். 

 

சார்ந்த செய்திகள்

 

Next Story

யாருக்குச் சபாநாயகர் பதவி?; ஐக்கிய ஜனதா தளம் அறிவிப்பு!

Published on 14/06/2024 | Edited on 14/06/2024
United Janata Dal Announcement on Who has the position of Speaker?

ஏழு கட்டங்களாக மக்களவைத் தேர்தல் ஏப்ரல் 19ஆம் தேதி முதல் ஜூன் 1ஆம் தேதி வரை நடைபெற்றது. இந்த தேர்தல் பரப்புரையில், அதிக பெரும்பான்மையாக 400 இடங்களைக் கைப்பற்றி ஆட்சி அமைப்போம் என பா.ஜ.க தொடர்ந்து கூறி வந்தது. ஆனால், ஜூன் 4ஆம் தேதி வெளியான தேர்தல் முடிவுகள் பா.ஜ.கவுக்கு பெரும் ஏமாற்றத்தைப் பெற்றுத் தந்தது. 

543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றுள்ளது. இதில் தேசிய ஜனநாயகக் கூட்டணியில் உள்ள பா.ஜ.க தனித்து 240 தொகுதிகளை மட்டுமே கைப்பற்றியிருந்தது. இதனால் ஆட்சி அமைக்கத் தனிப்பெரும்பான்மை இல்லாத பா.ஜ.கவுக்கு, தேசிய ஜனநாயகக் கூட்டணியில் உள்ள தெலுங்கு தேசம் கட்சி மற்றும் ஐக்கிய ஜனதா தளம் ஆகிய கூட்டணிக் கட்சிகளின் ஆதரவோடு பிரதமர் மோடி மூன்றாவது முறையாக ஆட்சி அமைத்துள்ளார். 

இதற்கிடையில், பா.ஜ.கவுக்கு ஆதரவளித்த தெலுங்கு தேசம் கட்சியும், ஐக்கிய ஜனதா தளம் கட்சியும்,  பல்வேறு நிபந்தனைகள் விதித்துள்ளதாகத் தகவல் வெளியானது. அதில், மூன்றுக்கும் மேற்பட்ட கேபினட் அமைச்சர்கள் பதவியைத் தெலுங்கு தேசம் கட்சிக்கு வழங்க வேண்டும் என்றும் சபாநாயகர் பதவியை எதிர்பார்ப்பதாகவும் தகவல் வெளியானது. அதே போல், ரயில்வே உள்ளிட்ட முக்கிய துறைகளை ஒதுக்க வேண்டும் என்றும், சபாநாயகர் பதவி தங்களுக்கு ஒதுக்க வேண்டும் என்றும் ஐக்கிய ஜனதா தளம் எதிர்பார்ப்பதாகத் தகவல் வெளியானது. 

இதனிடையே, மக்களவையின் முதல் கூட்டத்தொடர் வரும் ஜூன் 24ஆம் தேதி தொடங்கப்படவுள்ளதாக அறிவிக்கப்பட்டது. ஜூன் 24ஆம் தேதி தொடங்கும் மக்களவைக் கூட்டத்தொடர் ஜூலை 3ஆம் தேதி வரை நடைபெறும் எனவும் அறிவிக்கப்பட்டது. அதேபோல், மக்களவை சபாநாயகர் தேர்தல் ஜூன் 26ஆம் தேதி நடைபெறும் என மக்களவை செயலகம் நேற்று அறிவிப்பு வெளியிட்டது. 

இந்த நிலையில், மக்களவை சபாநாயகர் தேர்தலில் பா.ஜ.க வேட்பாளருக்கு ஆதரவளிப்பதாக ஐக்கிய ஜனதா தளம் தெரிவித்துள்ளது. இது குறித்து, ஐக்கிய ஜனதா தளம் கட்சியின் தலைவர் கே.சி.தியாகி கூறுகையில், “ஐக்கிய ஜனதா தளம் கட்சி,  தெலுங்கு தேசம் ஆகிய கட்சிகள் தேசிய ஜனநாயகக் கூட்டணியில் வலுவாக உள்ளன.  சபாநாயகர் பதவிக்கு பா.ஜ.க பரிந்துரைக்கும் வேட்பாளரை நாங்கள் ஆதரிப்போம்” என்று கூறினார். 

Next Story

'சபாநாயகர் பதவி' - சந்திரபாபு, நிதீஷ் போட்டா போட்டி

Published on 06/06/2024 | Edited on 06/06/2024
Speaker post - Chandrababu, Nitish Bhota contest

இந்தியாவில் ஏழு கட்டங்களாக ஏப்ரல் 19ஆம் தேதி முதல் ஜூன் 1ஆம் தேதி வரை மக்களவைத் தேர்தல் நடைபெற்றது. இதற்கான தேர்தல் முடிவுகள் 04-06-24 அன்று வெளியாகின. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றுள்ளது. இதில் தேசிய ஜனநாயகக் கூட்டணியில் உள்ள பா.ஜ.க தனித்து 240 தொகுதிகளை மட்டுமே கைப்பற்றியிருந்தாலும், கூட்டணிக் கட்சிகளின் தயவால் பா.ஜ.க கூட்டணி மூன்றாவது முறையாக ஆட்சியை அமைக்கவுள்ளது.

இந்நிலையில் பாஜக கூட்டணியில் இருக்கும் சந்திரபாபு நாயுடுவின் தெலுங்கு தேசம் மற்றும் நிதிஷ்குமாரின் ஐக்கிய ஜனதா தளம் ஆகிய கட்சிகள் பாராளுமன்ற சபாநாயகர் பதவிக்குப் போட்ட போட்டியில் உள்ளதாகத் தகவல்கள் வெளியாகி உள்ளது. இந்தியாவில் பாராளுமன்றத்தில் மிகவும் முக்கியத்துவம் வாய்ந்த மற்றும் அதிகாரம் மிக்க பதவிகளில் ஒன்று சபாநாயகர் பதவி.  சபாநாயகரே பேரவையை நடத்துபவர், கண்காணிப்பவர் மற்றும் அவையின் அலுவல்களைக் கவனிக்கும் அதிகாரம் கொண்டவர். குறிப்பாக நாடாளுமன்றத்தில் கொண்டுவரப்படும் சட்டங்கள், தீர்மானங்கள் சபாநாயகரின் அனுமதியின்றி பேரவையில் தாக்கல் செய்ய முடியாது.

சபாநாயகர் கொடுக்கும் இசைவின் அடிப்படையில்தான் விவாதங்கள் நிகழ்த்தப்படும். இசைவு இல்லை எனில் விவாதங்கள் தள்ளுபடி செய்யப்படும். அதேபோல் தகுதி நீக்கம் செய்யும் அளவிற்கு அதிகாரம் கொண்ட பதவியாகச் சபாநாயகர் பதவி இருக்கிறது. எடுத்துக்காட்டாகத் தமிழகத்தில் 2016-21 அதிமுக ஆட்சிக்காலத்தில் 2017 ஆம் ஆண்டு 18 எம்எல்ஏக்களை தகுதிநீக்கம் செய்து அப்போதைய சபாநாயகர் தனபால் உத்தரவிட்டார். இதுதொடர்பான வழக்கில் உயர்நீதிமன்றம் சபாநாயகரின் அதிகாரம் சரியானது எனத் தீர்ப்பளித்தது. சட்டமன்ற உறுப்பினர், பாராளுமன்ற உறுப்பினர்களைத் தகுதி நீக்கம் செய்யும் அளவிற்கு அதிகாரம் கொண்டது சபாநாயகர் பதவி. பாராளுமன்றத்தில் ராகுல் காந்தி குஜராத் நீதிமன்றத்தில் தண்டிக்கப்பட்ட போது 24 மணி நேரத்தில் அவருடைய பதவி சபாநாயகரால் பறிக்கப்பட்டது. அந்த அளவுக்கு முக்கியத்துவம் வாய்ந்த சபாநாயகர் பதவிக்கு இரண்டு தரப்பிலிருந்து போட்டாபோட்டி நடைபெற்று வருகிறது.