Skip to main content

பூச்சி மருந்து குடித்து துணை ஆய்வாளர் தற்கொலை

Published on 25/09/2023 | Edited on 25/09/2023

 

Deputy inspector commits suicide by drinking pesticide

 

தென்காசி மாவட்டம், சுரண்டை அருகே உள்ள பாண்டியாபுரம் பகுதியைச் சேர்ந்தவர் பசுபதி (55). இவர் ஊத்துமலை காவல் நிலையத்தில் காவல் துணை ஆய்வாளராக பணியாற்றி வந்தார். இவருடைய மனைவி பெயர் மணிமேகலை (48). இவர்களுக்கு விக்னேஷ் (29), வினித் (27) ஆகிய இரண்டு மகன்கள் இருக்கின்றனர். காவல் துணை ஆய்வாளர் பசுபதி தனது குடும்பத்தினருடன் சுரண்டை நகராட்சிக்குட்பட்ட கீழ்சுரண்டை பகுதியில் புதிதாக சொந்த வீடு கட்டி குடியிருந்து வந்தார்.

 

இந்த நிலையில், கடந்த 23ஆம் தேதி, பசுபதியின் குடும்பத்தினரான மகன்களும், மனைவி மணிமேகலையும் தங்களது சொந்த வேலைக்காக வெளியே சென்றுள்ளனர். பசுபதி மட்டும் வீட்டில் தனியாக இருந்து வந்துள்ளார். அப்போது அவர், வயலுக்கு அடிக்க வைத்திருந்த பூச்சி மருந்தை எடுத்து குடித்து தற்கொலைக்கு முயன்றுள்ளார். வெளியே சென்ற மணிமேகலை, வீட்டிற்கு வந்த பார்த்த போது நுரை தள்ளிய நிலையில் பசுபதி மயக்க நிலையில் இருந்தார். இதை கண்டு அதிர்ச்சியடைந்த மணிமேகலை, அக்கம்பக்கத்தினரை அழைத்துள்ளார். அதனை தொடர்ந்து அவர்கள், 108 ஆம்புலன்ஸ் மூலம் பசுபதியை அரசு மருத்துவமனையில் சிகிச்சைக்காக அனுமதித்தனர்.

 

அங்கு அவருக்கு தீவிர சிகிச்சை அளிக்கப்பட்டு வந்தது. இந்த சம்பவத்தை அறிந்த சுரண்டை காவல்துறையினர் மருத்துவமனைக்கு சென்று இது குறித்து விசாரணை மேற்கொண்டனர். இதையடுத்து, நேற்று (24-09-23) காலை பசுபதி சிகிச்சை பலனின்றி பரிதாபமாக உயிரிழந்தார். பசுபதி தற்கொலை குறித்து அவரின் குடும்பத்தினரிடம் காவல்துறையினர் விசாரணை நடத்தினர். 

 

அப்போது அவர்கள், பசுபதிக்கு நீண்ட காலமாக நீரிழிவு நோய் இருந்ததால் ஆறாத புண்களால் அவதிப்பட்டு வந்துள்ளார். மேலும், கடந்த சில வாரங்களாக பணியிடத்தில் கடுமையான பணிச்சுமையால் மிகவும் மன அழுத்தத்துடன் காணப்பட்டார் என்று கூறினர். அதனைத் தொடர்ந்து, இந்த சம்பவம் குறித்து காவல்துறையினர் வழக்குப்பதிவு செய்து தீவிர விசாரணை நடத்தி வருகின்றனர். 

 

 

 

சார்ந்த செய்திகள்

 

Next Story

மாடு மோதி விபத்து; சிறப்பு உதவி ஆய்வாளர் பலி!

Published on 15/07/2024 | Edited on 15/07/2024
Cuddalore dt Tittakudi police station ssi Bharathidasan incident

கடலூர் மாவட்டம் திட்டக்குடி காவல் நிலையத்தில் சிறப்பு ஆய்வாளராக பணியாற்றி வந்தவர் பாரதிதாசன். இவர் திட்டக்குடி - விருத்தாசலம் நெடுஞ்சாலையில் தனது இருசக்கர வாகனத்தில் சென்று கொண்டிருந்துள்ளார். அப்போது எதிர்பாராதவிதமாக திடீரென சாலையில் வந்த மாடு ஒன்று பாரதிதாசனின் இரு சக்கர வாகனத்தின் மீது மோதியுள்ளது. இதனால் கீழே விழுந்த சிறப்பு உதவி ஆய்வாளர் பாரதிதாசன் மீது அச்சமயத்தில் அங்கு வந்த அரசு பேருந்து அவர் மீது ஏறியது. இந்த விபத்தில் பாரதிதாசன் சம்பவ இடத்திலேயே உயிரிழந்தார்.

இதுகுறித்து தகவல் அறிந்த சம்பவ இடத்திற்கு வந்து காவல்துறையினர் வழக்குப்பதிவு செய்து விசாரணை நடத்தி வருகின்றனர். இது போன்று சாலைகளில் சுற்றித் திரியும் மாடுகளால் நாள்தோறும் விபத்துகளைச் சந்திப்பதாக அப்பகுதி பொதுமக்கள் வேதனை தெரிவித்துள்ளனர். மேலும் இது குறித்துப் பல முறை புகார் அளித்து முறையான நடவடிக்கை எடுக்கவில்லை என்றும் பொதுமக்கள் குற்றம் சாட்டியுள்ளனர். மாடு மோதிய விபத்தில் சிறப்பு உதவி ஆய்வாளர் ஒருவர் உயிரிழந்த சம்பவம் மக்கள் மத்தியில் பெரும் சோகத்தை ஏற்படுத்தி உள்ளது. 

Cuddalore dt Tittakudi police station ssi Bharathidasan incident

முன்னதாக விருத்தாசலம் அருகே பரவலூர் - கோமங்கலம் இடையே பைக்கில் சென்ற இரு இளைஞர்கள் லாரி மோதிய விபத்தில் உயிரிழந்தனர். இந்த விபத்தை வேடிக்கை பார்க்க அப்பகுதியில் குவிந்த கூட்டத்தின் மீது கார் ஒன்று மோதியது. இதில் 17 பேர் காயமடைந்து மருத்துவமனையில் சிகிச்சைக்காக அனுமதிக்கப்பட்டுள்ளனர். இந்த விபத்தில் தொடர்புடைய லாரி ஓட்டுநர் அங்கிருந்து தப்பி ஓடிவிட்டார். அதே சமயம் மற்றொரு விபத்திற்குக் காரணமாக கார் ஓட்டுநரைப் பிடித்து அங்கிருந்தவர்கள் சரமாரியாகத் தாக்கினர். மேலும் இந்த விபத்து குறித்து போலீசார் வழக்குப்பதிவு செய்து விசாரணை மேற்கொண்டு வருகின்றனர். இந்த விபத்து சம்பவம் காரணமாக விருத்தாசலம் - சேலம் சாலையில் ஒரு மணி நேரம் போக்குவரத்து பாதிக்கப்பட்டதால் வாகன ஓட்டிகள் வெகுவாக அவதியடைந்தனர். 

Next Story

உதவி ஆய்வாளர் டிராக்டர் ஏற்றிக் கொலை; போலீசார் தீவிர விசாரணை!

Published on 05/05/2024 | Edited on 05/05/2024
Police serious investigation for mp Assistant inspector issue 

மத்தியப் பிரதேசம் மாநிலத்தின் சாதோல் மாவட்டத்தில் மணல் கடத்தலைத் தடுக்க முயன்ற காவல் உதவி சார்பு ஆய்வாளர் (ASI -ASSISTANT SUB INSPECTOR) மகேந்திர பக்ரி என்பவர் மணல் மாபியா கும்பலால் டிராக்டர் ஏற்றிக் கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. இச்சம்பவம் தொடர்பாக டிராக்டர் ஓட்டுநர் உள்பட 3 பேர் கைது செய்யப்பட்டுள்ளனர். மத்திய பிரதேசத்தில் மணல் மாஃபியாவால் ஏஎஸ்ஐ கொல்லப்பட்டதாகக் கூறப்படும் ஷாஹ்டோலின் நௌதியா என்ற இடத்தில் காவல்துறை உயர் அதிகாரிகள் ஆய்வு மேற்கொண்டனர்.

இது குறித்து போலீஸ் ஏடிஜிபி ஷாதோல், டிசி சாகர் ஆகியோர் கூறுகையில், “ஏஎஸ்ஐ மகேந்திர பக்ரி மற்றும் அவரது குழுவினர் குற்றவாளியை கைது செய்ய வாரண்டுடன் சென்றனர். அங்கு ஏஎஸ்ஐ மகேந்திர பக்ரி டிராக்டர் மூலம் தாக்கப்பட்டார். இந்த டிராக்டரின் ஓட்டுநரை கைது செய்து போலீசார் விசாரணை நடத்தி வருகின்றனர். இந்த விசாரணையில் டிராக்டரின் உரிமையாளரின் மகனும் இதில் ஈடுபட்டிருப்பது தெரியவந்தது. இந்திய தண்டனைச் சட்டப்பிரிவு ( I.P.C.- ஐ.பி.சி.) 302/34, 414, 379 மற்றும் பல்வேறு சுரங்கச் செயல்களின் கீழ் முதல் தகவல் அறிக்கை (எஃப்.ஐ.ஆர்.) பதிவு செய்யப்பட்டுள்ளது.

மேலும் மணல் மாஃபியாவால் ஏ.எஸ்.ஐ. கொல்லப்பட்டது குறித்து மத்திய பிரதேச மாநில காங்கிரஸ் தலைவர் ஜிதேந்திரா பட்வாரி கூறுகையில், “மத்திய பிரதேசத்தில் குற்றம் மற்றும் ஊழல் தொடர்பான அரசு உள்ளது. என்.சி.ஆர்.பி தரவுகளின்படி மாநிலத்தில் ஒவ்வொரு நாளும் 17 பாலியல் வன்புணர்வு சம்பவங்கள் நடக்கின்றன, நான் இந்த பிரச்சனைகளை எழுப்பும்போது அவர்கள் பயத்தை ஏற்படுத்த என் மீது எஃப்.ஐ.ஆர் பதிவு செய்கிறார்கள். காங்கிரஸின் இரத்தம் என்னுள் இருக்கிறது. எனவே நான் பயப்பட மாட்டேன்” எனத் தெரிவித்துள்ளார்.