Skip to main content

போலி பர்மிட்டுடன் கிராவல் மண் ஏற்றிச் சென்ற லாரிகள்; சுற்றி வளைத்த தனிப்படை!

Published on 04/06/2024 | Edited on 04/06/2024
Special police seized trucks carrying gravel with fake permits

புதுக்கோட்டை மாவட்டத்தில் தொடர்ச்சியாக பர்மிட் இல்லாமல் மண், மணல், கிராவல் மண் ஆகியவை இரவு பகலாக ஏற்றிச் செல்லப்படுகிறது. இது போன்ற புகார்கள் அதிகமாக வரத் தொடங்கியுள்ள நிலையில் மாவட்ட காவல் கண்காணிப்பாளர் வந்திதா பாண்டே தனிப்படை போலீசாரை நியமித்து கண்காணிக்கச் செய்து வருகிறார்.

இந்த நிலையில் நேற்று காலை உதவி ஆய்வாளர் நாமிக் இப்ராகிம் தலைமையிலான தனிப்படை போலீசார் வடகாடு பகுதியில் கண்காணிப்பில் இருந்த போது அந்த வழியாக கிராவல் மண் ஏற்றி வந்த 2 டாரஸ் லாரிகளை நிறுத்தி சோதனை செய்த போது பர்மிட் இருப்பதாக காட்டியுள்ளனர். போலீசார் அந்த பர்மிட்களை ஆய்வு செய்து போது சந்தேகம் எழுந்ததால் பர்மிட்களின் கார்பன் நகலை கொண்டுவரச் சொல்லி ஆய்வு செய்த போது கார்பன் நகலில் பேனாவில் தேதிகள் திருத்தப்பட்டிருந்தது தெரிய வந்தது.

போலி பர்மிட் வைத்துக் கொண்டு கிராவல்மண் ஏற்றிச் சென்ற 2 டாரஸ் லாரிகளையும் வடகாடு காவல் நிலையத்தில் ஒப்படைத்த தனிப்படை போலீசார் லாரி ஓட்டுநர்களான வாழமங்கலம் அழகன் மகன் பழனி (வயது 31), அறந்தாங்கி புதுக்கோட்டை ரோடு செல்வராஜ் மகன் சரவணன் (வயது 38) ஆகிய இருவரையும் காவல் நிலையத்தில் ஒப்படைத்தனர். சம்பவம் குறித்து விசாரணை செய்த வடகாடு போலீசார் போலி பர்மிட்டுகளுடன் கிராவல் மண் ஏற்றிச் சென்ற அறந்தாங்கியைச் சேர்ந்த 2 டாரஸ் லாரிகளையும் பறிமுதல் செய்த போலீசார் வழக்கு பதிவு செய்து லாரி ஓட்டுநர்களையும் கைது செய்து நீதிமன்றத்தில் ஆஜர்படுத்தினர்.

இதே போல கடந்த வாரம் கீரமங்கலம் பகுதியில் பர்மிட் இல்லாமல் கிராவல் மண் ஏற்றிச் சென்ற ஆலங்குடியை சேர்ந்த ஒரு டாரஸ் லாரியை தனிப்படை போலீசார் பிடித்து கீரமங்கலம் காவல் நிலையத்தில் ஒப்படைத்துள்ளனர்.

சார்ந்த செய்திகள்

 

Next Story

ரவுடிகள் வேட்டை; சரணடைந்த சாமி ரவி

Published on 15/07/2024 | Edited on 16/07/2024
owdies hunting; Surrendered Sami Ravi

தமிழகத்தில் பகுஜன் சமாஜ் கட்சி தலைவர் ஆம்ஸ்ட்ராங் படுகொலை செய்யப்பட்டதைத் தொடர்ந்து தமிழகம் முழுவதும் போலீசார் ரவுடிகளை கைது செய்து வருகின்றனர். பல்வேறு இடங்களில் தீவிர கண்காணிப்பு ஏற்பாடுகள் மேற்கொள்ளப்பட்டு வருகிறது. ஆம்ஸ்ட்ராங் கொலை வழக்கில் சரணடைந்த 11 பேரில் திருவேங்கடம் என்ற ரவுடி போலீசார் விசாரணையின் பொழுது தப்பிக்க முயன்றதோடு பதுக்கி வைத்திருந்த துப்பாக்கியால் போலீசாரை நோக்கி சுட முயன்றதால் என்கவுன்டர் செய்யப்பட்டது பரபரப்பை ஏற்படுத்தி இருந்தது. இந்த என்கவுன்டர் ரவுடிகள் மத்தியில் கலக்கத்தை ஏற்படுத்தியுள்ளது.

இந்நிலையில் தஞ்சை மாவட்டம் திருக்காட்டுப்பள்ளி காவல் நிலையத்தில் பிரபல ரவுடி சாமி ரவி சரணடைந்துள்ளதாக தகவல் வெளியாகி உள்ளது. ராமஜெயம் கொலை வழக்கில் சம்பந்தப்பட்டவர் என்று கூறப்படுபவரும், பல்வேறு குற்றச் சம்பவங்களில் தொடர்புடையவராகவும் உள்ள சாமி ரவி காவல் நிலையத்தில் சரணடைந்துள்ளதாக தகவல்கள் வெளியாகி உள்ளது. அதேபோல் ராக்கெட் ராஜா மீதுள்ள வழக்கு ஒன்றிற்காக காவல்துறை அழைத்து விசாரித்து அனுப்பியதாகவும் தகவல் வெளியாகியுள்ளது.

Next Story

ஜன்னல் வழியே வெளியான புகை; எரித்து கொல்லப்பட்ட மூவர்;காவல்துறை தீவிர விசாரணை

Published on 15/07/2024 | Edited on 15/07/2024
Smoke from the window; Three were burnt to death

கடலூரில் ஒரே குடும்பத்தில் 3 பேரை கொலை செய்து உடல்கள் எரிக்கப்பட்ட சம்பவம் பரபரப்பை ஏற்படுத்திய சம்பவம் தொடர்பாக போலீசார் விசாரணை நடத்தி வருகின்றனர். ராஜஸ்தான் மாநிலத்தைச் சேர்ந்த கமலேஸ்வரி, சுரேஷ்குமார் தம்பதியினர் சுரேஷ்குமார் நெல்லிக்குப்பத்தில் உள்ள இஐடி சர்க்கரை ஆலையில் மருந்தாளுனராக பணியாற்றி ஓய்வு பெற்றுள்ளார். இவருக்கு 70 வயதான நிலையில் வயது மூப்பின் காரணமாக கடந்த 6 மாதங்களுக்கு முன் உயிரிழந்தார்.

இவர்கள் நெல்லிக்குப்பம் அருகே உள்ள காராமணிக்குப்பம் ஜோதி  நகரில் வாடகை வீட்டில் பல ஆண்டுகளாக வசித்து வருகின்றனர். தற்சமயம் கமலேஸ்வரி அவரது மகன் சுகந்தகுமார், பேரன் இஷான் ஆகியோர் வசித்து வருகின்றனர். சுகந்த குமார் திருமணம் ஆகி சில வருடங்களிலேயே அவர் மனைவி பிரிந்து சென்று விவாகரத்து பெற்று சென்றுவிட்டார். சுகந்தகுமார் ஹைதராபாத்தில் உள்ள ஐடி நிறுவனத்தில் பணி செய்து வரும் நிலையில் 15 நாட்கள் அலுவலகத்திலும் 15 நாட்கள் வீட்டில் இருந்தும் பணி செய்து வந்துள்ளார். இவர் கடந்த வெள்ளிக்கிழமை இரவு ஹைதராபாத்தில் இருந்து  வீட்டிற்கு வந்ததாக கூறப்படுகிறது.

இந்நிலையில் அதே தினம் கமலேஸ்வரி அவரது உறவினர் வீட்டிற்கு துக்க நிகழ்ச்சிக்கு சென்று விட்டு அவரும் இரவு 8 மணிக்கு வீட்டிற்கு வந்துள்ளார். இவர்களின் வீட்டு வேலை செய்யும் பணி பெண் சனிக்கிழமை காலை வீட்டிற்கு வந்து பார்க்கும் பொழுது வெளி இரும்பு கேட் பூட்டி இருந்த நிலையில் அவர் மீண்டும் சென்றுள்ளார்.  அதன் பிறகு அவரும் தொலைபேசியில் தொடர்பு கொண்ட பொழுது தொலைபேசி எண் சுவிட்ச் ஆப் செய்யப்பட்டிருந்ததால் அவரும் இரண்டு நாள் வேலைக்கு வரவில்லை.

திங்கட்கிழமை வீட்டின் ஜன்னல் பகுதியில் இருந்து லேசாக புகை வந்ததால் அக்கம்பக்கத்தினர் காவல் துறைக்கு தகவலளித்தனர். இதையடுத்து சம்பவம் குறித்து நெல்லிக்குப்பம் போலீசார்  தீயணைப்புத் துறைக்கு தகவல் கொடுத்தனர். இதையடுத்து வீட்டின் கதவை உடைத்து உள்ளே சென்று பார்க்கும் பொழுது, ஒவ்வொரு பகுதியிலும் கொலை செய்யப்பட்டு ரத்த வெள்ளத்தில் எரிந்த நிலையில் உடல்களை கண்டு அதிர்ந்து போன போலீசார் உடனடியாக மாவட்ட காவல் கண்காணிப்பாளருக்கு தகவல் அளித்தனர்.

Smoke from the window; Three were burnt to death

சம்பவ இடத்திற்கு மோப்ப நாய் கைரேகை நிபுணர்கள் வரவழைக்கப்பட்டு தடயங்கள் சேகரிக்கும் பணியில் போலீசார் ஈடுபட்டனர். சம்பவ இடத்திற்கு மாவட்ட காவல் கண்காணிப்பாளர் ராஜாராம் நேரடியாக வந்து விசாரணை செய்தார். சுமார் 3 மணி நேரம்  விசாரணை செய்தார். அதில் வீட்டில் பணிபுரியும் பெண் மற்றும் உறவினர்கள் வீட்டைச் சுற்றியுள்ள பலரிடம் தனித்தனியாக விசாரணை செய்தார். விசாரணை மேற்கொள்ள  5 தனிப்படை அமைக்கப்பட்டுள்ளதாகவும், முதல்கட்ட விசாரணையில் இது கொலையாக இருக்கும் என தெரிவித்தார். பின்னர் 3 பேர்களின் உடல்களைக் கைப்பற்றி பிரேதப் பரிசோதனைக்காக கடலூர் தலைமை அரசு மருத்துவமனைக்கு கொண்டு சென்று உள்ளனர். ஒரே குடும்பத்தைச் சேர்ந்த 3  பேர் கொலை செய்து எரிக்கப்பட்ட சம்பவம் சுற்றுவட்டப் பகுதியில் பரபரப்பை ஏற்படுத்தியது.