Skip to main content

பை தூக்க மலைச்சாக்க... எதிர்காலம் ரொம்ப ரொம்ப சிக்கலே...

Published on 02/02/2019 | Edited on 02/02/2019
Song release



14 வகையான நெகிழிப் பொருள்களுக்கு தடை விதித்துள்ளது தமிழக அரசு. இதுகுறித்த விழிப்புணர்வை மக்களிடம் ஏற்படுத்த பாடலாசிரியர் எம்.எஸ்.மதுக்குமார் பாடல் ஒன்றை எழுதியுள்ளார். இப்பாட்டின் வெளியீட்டு விழா மணப்பாறை அடுத்த மருங்காபுரி ஒன்றியம் பொன்னம்பட்டி பேரூராட்சி அலுவலகத்தில் நடைபெற்றது.
 

''பை தூக்க மலைச்சாக்கா மக்களே... எதிர்காலம் ரொம்ப ரொம்ப சிக்கலே'' என்ற பாடலை ஷைனி மற்றும் ஜார்ஜ் பாட ஈரோடு சாம் இசையமைத்திருந்தார். மடைவாசல் குழுவை சேர்ந்த ஆம்ஸ்ட்ராங், பிரபாகர், கார்த்தி, காட்வின் மற்றும் சுசி ஒருங்கிணைத்திருந்தனர். 
 

செயல் அலுவலர் சாகுல்ஹமீது, டாக்டர் சுப்புராம் ஆகியோர் தலைமையில் ஆடியோவை பள்ளி மாணவிகள் வெளியிட்டனர். இந்த பாடலின் யூடூப் பதிவினை துப்புரவு தொழிலாளர்கள் வெளியிட்டனர். 
 

பிளாஸ்டிக் தவிர்ப்பு சம்பந்தமான கும்மிப்பாட்டு, பேச்சு போட்டி என களைகட்டிய இந்த நிகழ்வை பற்றி பாடலாசிரியர் எம்.எஸ்.மதுக்குமார் பேசியபோது,

 

''அரியலூர் மாவட்டம் செந்துறையைச் சேர்ந்தவன் நான். ரொம்ப சந்தோஷமா இருக்கு. 2015 முதல் பொன்னம்பட்டி பேரூராட்சி பிளாஸ்டிக் பொருளுக்கு எதிராக போராடிவருகிறது என்பதையறிந்து இந்த மக்களை கௌரவிக்கும் விதமாக பாடலை இங்கு வெளியிட முடிவு செய்தோம். இந்த பாடலை பெருநகர மற்றும் அனைத்து கிராம ஞ்சாயத்து அலுவலர்கள் மூலம் கொண்டு செல்ல அரசு உதவவேண்டும்.
 

 இதனால் நெகிழியால் ஏற்படும் பாதிப்புகளை மக்கள் விரைவில் உணர்ந்து மாற வாய்ப்பு உண்டு. மேலும் கோடிக்கணக்கில் செலவு செய்து விளம்பரம் எடுப்பதை காட்டிலும் இந்த பாடலை மக்கள் கூடும் கடைவீதி, பேருந்து நிலையம், இரயில்நிலையம் மற்றும் பள்ளிகளில்  ஒலிபரப்புபதும், இதன் வீடியோ பதிவை போட்டு காட்டுவதும் மிகவும் எளிது. மனமிருந்தால் மார்கம் உண்டு'' என்றார். 
 

சார்ந்த செய்திகள்

 

Next Story

‘குத்தாட்டம் போடும் விக்ரம் - பார்வதி’; தங்கலான் பட அப்டேட்டை கொடுத்த படக்குழு

Published on 15/07/2024 | Edited on 15/07/2024
thangalaan first single promo released

தமிழ் சினிமாவின் முன்னணி நடிகரான விக்ரம் நடிப்பில், இயக்குநர் பா.ரஞ்சித் இயக்கத்தில் ‘தங்கலான்’ படம் உருவாகி வருகிறது. இந்தப் படத்தில், பார்வதி, மாளவிகா மோகன், பசுபதி உள்ளிட்ட பலர் நடித்துள்ளனர். ஸ்டூடியோ க்ரீன் நிறுவனம் தயாரிக்க ஜி.வி.பிரகாஷ்குமார் இப்படத்திற்கு இசையமைத்துள்ளார். கோலார் தங்க வயலை மையமாக வைத்து உருவாகியுள்ள இப்படம் தமிழ், ஹிந்தி உள்ளிட்ட 5 மொழிகளில் பான் இந்தியா படமாக வெளியாகவுள்ளதாக அறிவிக்கப்பட்டது. 

இதற்கிடையில், இப்படத்தின் டிரெய்லர் கடந்த 10ஆம் தேதி வெளியானது. அதில், ஆங்கிலேயர் ஆட்சி காலத்தில் ஒரு குறிப்பிட்ட சமூகம் தங்கம் எடுப்பதற்காக அடிமைப்படுத்தப்படுகிறார்கள் போல் தெரிந்தது. அதன் மூலம் வரும் பிரச்சனை தான் இப்படத்தின் கதை என்று யூகிக்க முடிந்தது.  இந்த டிரெய்லரில் ஒளிப்பதிவு மற்றும் பின்னணி இசை மிகவும் ரசிக்கக் கூடிய வகையில் இருந்ததாக ரசிகர்கள் கருத்து தெரிவித்து வந்தனர்.

இந்த டிரெய்லரின் மூலம் இப்படம் தொடர்பாக எதிர்பார்ப்பு ரசிகர்கள் மத்தியில் அதிகரிக்க செய்துள்ளது. இந்த நிலையில், இப்படத்தின் ஃபர்ஸ்ட் சிங்கள் தொடர்பான அறிவிப்பை படக்குழு அறிவித்துள்ளது. அதில், ‘மினிக்கி மினிக்கி’ எனத் தலைப்பு வைக்கப்பட்டுள்ள பாடல் வரும் 17ஆம் தேதி லிரிக்கல் வீடியோ வெளியாகும் எனக் குறிப்பிட்டு ஒரு புரோமோ வீடியோ வெளியிடப்பட்டுள்ளது. அதில், விக்ரம், அவரது ஜோடியான பார்வதி மற்றும் அவர்கள் சார்ந்த மக்கள் பாடி ஆடுவது போல் அமைந்திருக்கிறது. கேட்ட உடனேயே ரசிக்கக்கூடிய இப்பாடலை சிந்துரி விஷால் பாடியிருக்கிறார். இப்படத்தின் இடம்பெறும் பாடலும், பின்னணி இசையும் பெரிதாக பேசப்படும் என்று எதிர்பார்க்கப்படுகிறது. 

Next Story

ஜெயிக்கப் போவது யாரு?- ஃபைனலை நெருங்கிய 'சூப்பர் சிங்கர் சீனியர்-சீசன் 10'  

Published on 22/06/2024 | Edited on 22/06/2024
Who Will Win?- 'Super Singer Senior-Season 10' Closer to Finals

பிரபல தனியார் தொலைக்காட்சியான விஜய் டிவியில் ஒளிபரப்பாகும் சூப்பர் சிங்கர் சீனியர் நிகழ்ச்சியின் 10 சீசன், தற்போது இறுதிக்கட்டத்தை எட்டியுள்ளது. பலதரப்பட்ட பாடகர்கள் கலந்துகொள்ள, களைகட்டிய இந்த சீசனின் இறுதிப் போட்டி,  ஐந்து இறுதிக்கட்ட போட்டியாளர்களுடன், வரும் ஜூன் 23 ஞாயிறு அன்று நேரு உள் விளையாட்டரங்கில் கோலாகலமான கொண்டாட்டத்துடன்  நடைபெறவுள்ளது.

பாடகர்கள் விக்னேஷ், ஜீவிதா, ஜான் ஜோ, வைஷ்ணவி, ஸ்ரீனிதி, ஆகிய ஐந்து ஃபைனலிஸ்ட்ஸ் ஃபைனலில் கலந்துகொள்ளவுள்ளனர்.  விஜய் டிவியில்,  பல வருடங்களாக வெற்றி நடை போட்டு வருகிற சூப்பர் சிங்கர் நிகழ்ச்சி, தமிழ் இசை உலகில் மிகப்பெரும் மாற்றத்தை  ஏற்படுத்தி வருகிறது. இந்நிகழ்ச்சி மூலம் அறிமுகமான திறமையாளர்கள்,  சங்கீதத்தின் அனைத்துத் துறைகளிலும் கோலோச்சி வருகிறார்கள். தமிழ்த் திரையுலகிலும்  பாடகர்களாக சூப்பர் சிங்கர் பாடகர்கள் ஜொலித்து வருகின்றனர்.

சூப்பர் சிங்கர் நிகழ்ச்சி சீனியர், ஜூனியர்  என இரு பிரிவுகளாக இளைஞர்களுக்கும்,சிறு வயதினருக்குமாக நடைபெற்று வருகிறது.  முன்னெப்போதையும் விட இந்த முறை நடந்த சூப்பர் சிங்கர் சீனியர் சூப்பர் சிங்கர் நிகழ்ச்சியின் 10 வது சீசன், பாடகர்களுக்கான முன்கூட்டிய திரைப்பட வாய்ப்புகள்,  சர்ப்ரைஸ் தருணங்கள், பிரபலங்களின் வருகை, நெகிழ்வான சம்பவங்கள் எனக் களை கட்டியது. பல அற்புத தருணங்கள் நிறைந்த இந்த சீசன் மக்களிடம் மிகப்பெரும் வரவேற்பைப் பெற்றது.

இந்நிகழ்ச்சியில்  பாடகர்கள் சுஜாதா, மனோ, அனுராதா மற்றும் இசையமைப்பாளர் ஷான் ரோல்டன்  ஆகியோர் நீதிபதிகளாகப் பங்கேற்றனர். இந்த சீசனில் கலந்து கொண்ட கானா மணிகண்டனுக்கு, இசையமைப்பாளர் ஷான் ரோல்டன் நிகழ்ச்சி முடிவடையும் முன்னதாகவே, திரைப்படத்தில் பாடல் பாடும் வாய்ப்பை வழங்கினார்.  மேலும் டாப் 10 இடம் பிடித்த திறமையாளர்கள் அனைவருக்கும் வாய்ப்பு வழகுவதாக உறுதி அளித்துள்ளார். பாடகர் மனோவின் 40 வருட திரை வாழ்வைக் கொண்டாடும் விதமாக நடந்த சிறப்பு நிகழ்ச்சி, மிகப்பெரும் வரவேற்பைப் பெற்றது.  

பல திறமையாளர்களுக்கான அடையாளமாக மாறி, பல அற்புத தருணங்களால் களைகட்டிய  சூப்பர் சிங்கர் சீனியர் சீசன் 10 ஃபைனல்ஸ் வரும் ஜூன் 23 ஞாயிறு மாலை நேரு உள் விளையாட்டரங்கத்தில் கோலாகலமாக நடைபெறவுள்ளது. பலதரப்பட்ட பின்னணியிலிருந்து கலந்துகொண்டு தங்கள் திறமையால் இறுதிக்கட்டத்தை எட்டியுள்ள விக்னேஷ், ஜீவிதா, ஜான் ஜோ, வைஷ்ணவி, ஸ்ரீனிதி, ஆகிய ஐந்து ஃபைனலிஸ்ட்ஸ் கலந்துகொள்ளும் ஃபைனல்ஸ் ஸ்டார் விஜய் தொலைக்காட்சியில் நேரடி ஒளிபரப்பு செய்யப்படவுள்ளது.