Skip to main content

தன்னார்வலர்களின் ஆணி பிடுங்கும் திருவிழா!

Published on 09/12/2019 | Edited on 09/12/2019

மரங்களில் ஆணி அடித்து விளம்பர பதாகைகள் பொருத்தப்படுவது நீண்ட காலமாகவே நடந்து வருகிறது. இதனால் மரங்களின் வளர்ச்சி பாதிக்கப்படுகிறது. ஆணிகள் அடிக்கப்பட்ட மரங்களில் தேனீக்கள் கூடு கட்டாது என்பதில் இருந்தே பசுமைக்கும், பல்லுயிர் சூழலுக்கும் எவ்வளவு பெரிய பாதிப்பை ஏற்படுத்துகிறது என்பது தெளிவாகிறது. 
 

இப்படிப்பட்ட சூழலில் தான், மரங்களில் அடிக்கப்பட்ட ஆணிகளை அகற்றுவதற்காக தேனி மாவட்டத்தில் தன்னார்வலர்கள் பலர் ஒருங்கிணைந்து, 'ஆணி பிடுங்கும் திருவிழா' என்ற பெயரில் புதிய வடிவிலான களப்பணியை தொடங்கி உள்ளனர். சமூக வலைத்தளம் மூலம் தன்னார்வலர்கள் ஒருங்கிணைந்து, மரங்களில் அடிக்கப்பட்ட ஆணிகளை அகற்றும் பணியில் ஈடுபட்டு வருகின்றனர். அந்த வகையில் தேனியில் கடந்த மாதம் 17-ந்தேதி ஆணி பிடுங்கும் திருவிழா தொடங்கியது. 

social Volunteers nail Pulling out festival theni district trees


அதைத் தொடர்ந்து, தேனி, கம்பம், உத்தமபாளையம், சின்னமனூர் உள்ளிட்ட இடங்களிலும் ஆணிகள் பிடுங்கும் களப்பணியை தொடங்கி தீவிரமாய் சேவையாற்றி வருகின்றனர். ஆணியை அகற்றிய இடத்தில், பூச்சி, வண்டுகளால் பாதிப்பு ஏற்படாமல் இருக்க வேப்ப எண்ணெய் மற்றும் மஞ்சள் கலந்த கலவையை தடவி வருகின்றனர். வயது வித்தியாசமின்றி சிறுவர்கள் முதல் முதியவர்கள் வரை இந்த தன்னார்வலர்களின் களப்பணியில் இணைந்து கொள்வதை பார்க்க முடிகிறது. சாதி, மதங்களை கடந்து, அமைப்புகள் என்ற கட்டமைப்பை எல்லாம் புறந்தள்ளி தன்னார்வ இளைஞர்கள் இந்த பணியை முன்னெடுத்துள்ளனர்.
 

தமிழகத்தில் இதுநாள் வரையும் சமூக சேவை என்றால் ஏதாவது தன்னார்வ அமைப்போ, தொண்டு நிறுவனமோ அந்த பணிகளை முன்னெடுக்கும். அதில் தன்னார்வலர்கள் பங்கேற்பார்கள். ஆனால், தேனியில் தன்னார்வ தொண்டர்கள் மற்றும் பத்திரிக்கையாளர்கள் ஆணி பிடுங்கும் திருவிழாவை நடத்துகின்றனர். அதில், பல்வேறு அமைப்புகளை சேர்ந்தவர்கள் பங்கேற்று களப்பணியாற்றுகின்றனர். பசுமை செந்தில், விக்னேஷ்பாபு, பாலசுப்பிரமணியம் உள்ளிட்ட தன்னார்வல இளைஞர்களின் ஒருங்கிணைப்பில் தொடர்ச்சியாக ஆணி பிடுங்கும் பணி நடந்து வருகிறது. பணிகளை தீவிரப்படுத்தும் நோக்கில், "நடைப் பயிற்சி நேர களப்பணி" என்ற பெயரில் தேனி நகரில் உள்ள குடியிருப்புகளில் நிற்கும் மரங்களில் அடிக்கப்பட்ட ஆணிகளை பிடுங்கும் பணியை தினமும் காலை 6.30 மணி முதல் 8 மணி வரை நடத்தி வருகின்றனர். தன்னார்வலர்களின் இந்த முயற்சிக்கு சமூக வலைத்தளங்களில் பாராட்டுகள் குவிந்து வருகிறது. 

social Volunteers nail Pulling out festival theni district trees


இது சம்மந்தமாக தன்னார்வ இளைஞர்களில் ஒருவரான பசுமை செந்திலிடம் கேட்ட போது, மரங்களில் ஆணி அடிப்பதால் அதன் ஆயுள் குறையும். ஆணியை அகற்றி விட்டால், அதன் ஆயுளை பாதுகாக்கலாம். இதுகுறித்து மக்களிடம் விழிப்புணர்வு ஏற்பட வேண்டும் என்பதற்காக ஆணி பிடுங்கும் திருவிழா என்ற பெயரில் களப்பணியாற்றி வருகிறோம். அமைப்புகளுக்கு அப்பாற்பட்டு சமூக வலைத்தளங்கள் மூலம் ஒருங்கிணைந்து தன்னார்வலர்களால் மேற்கொள்ளப்படும் பணி இது. சென்னை மாநகராட்சி முனிசிபில் சட்டம் 1919- ஆம் ஆண்டு 326 விதியின்படி மரங்களில் ஆணி அடிப்பது தண்டனைக்குரிய குற்றமாகும். 

social Volunteers nail Pulling out festival theni district trees


தேனி மாவட்டத்தில் மரங்களில் ஆணி அடிக்கும் சம்பவங்கள் தொடர்கதையாக உள்ளது. சில தனியார் பள்ளி, கல்லூரி நிர்வாகங்கள், நீட், கணினி, வேலைவாய்ப்பு பயிற்சி மையங்கள், உரம், பூச்சிக் கொல்லி மருந்துகள் விற்பனை நிறுவனங்களை சேர்ந்தவர்கள் தான் மரங்களில் அதிக அளவில் ஆணி அடித்து தங்களின் விளம்பர பதாகைகளை தொங்கவிட்டுச் செல்கின்றனர். நெடுஞ்சாலைத்துறையினரும், சாலையோரம் உள்ள மரங்களில் ஆணிகளை அடித்து ஒளிரும் பட்டைகளை பொருத்தி வருகின்றனர். எனவே, மரங்களில் பொருத்தப்பட்டுள்ள விளம்பர பதாகைகளை அகற்ற வேண்டும் என்றும் இனி வரும் காலங்களில் மரங்களில் ஆணி அடிக்காமல் தடுக்க நடவடிக்கை எடுக்க வேண்டும் என்றும் மாவட்ட கலெக்டர் அலுவலகத்தில் கோரிக்கை மனுவும் அளித்துள்ளோம். தேனியை தொடர்ந்து சேலத்தில் ஆணிகளை பிடுங்கும் பணியை தன்னார்வ இளைஞர்கள் முன்னெடுத்துள்ளனர். அடுத்து திருப்பூர், மதுரை, கோவை உள்பட மேலும் சில இடங்களிலும் தொடங்க உள்ளனர் என்று கூறினார்.
 

ஆக தேனி மாவட்டத்தில் தன்னார்வலர்களில் இந்த களப்பணிக்கு காவல் துறையினர் மட்டுமே ஒத்துழைப்பு வழங்கி வருகின்றனர். ஆனால் மாவட்ட நிர்வாகத்திடம் இந்த தன்னார்வ தொண்டர்கள் கோரிக்கை வைத்தும் எந்த ஒரு நடவடிக்கையும் எடுக்கவில்லை.

 

சார்ந்த செய்திகள்

 

Next Story

10 மாவட்டங்களுக்கு மழை அலர்ட் 

Published on 23/06/2024 | Edited on 23/06/2024
nn

தமிழகத்தில் அண்மையில் தென்மேற்கு பருவமழை தொடங்கியது. இதன் காரணமாக மேற்குத் தொடர்ச்சி மலை மாவட்டங்கள் மற்றும் வட மாவட்டங்களில் பரவலாக மழை பெய்து வருகிறது. தமிழகத்தில் கடந்த இரண்டு மாதத்திற்கும் மேலாகக் கோடை வெயில் வாட்டி வதைத்து வந்தது. இத்தகைய சூழலில் கடந்த ஒரு சில வாரங்களாக மழை பொழிந்து வருவதால் மக்கள் மகிழ்ச்சி அடைந்துள்ளனர். கேரளாவில் தென்மேற்கு பருவமழை தொடங்கியிருக்கும் கேரளாவில் நிலையில் பல்வேறு மாவட்டங்களில் அதீத கனமழைக்கு வாய்ப்பிருக்கும் என அறிவிக்கப்பட்டுள்ளது.

இந்நிலையில் தமிழகத்தில் நள்ளிரவு ஒரு மணி வரை 10 மாவட்டங்களில் லேசான மழைக்கு வாய்ப்பு இருக்கும் என சென்னை வானிலை ஆய்வு மையம் அறிவித்துள்ளது. சென்னை வானிலை ஆய்வு மையத்தின் அறிவிப்பின்படி கோவை, நீலகிரி, தேனி, திருப்பூர், திண்டுக்கல், தென்காசி, விருதுநகர், கன்னியாகுமரி, மதுரை, திருநெல்வேலி ஆகிய 10 மாவட்டங்களில் நள்ளிரவு ஒரு மணி வரை மிதமான மழைக்கு வாய்ப்பு இருக்கும் என அறிவிக்கப்பட்டுள்ளது.

Next Story

'பாஜகவின் அதிகார வெறி இதன் மூலம் தெரிகிறது''-செல்வப்பெருந்தகை பேட்டி

Published on 18/06/2024 | Edited on 18/06/2024
"BJP's hunger for power is evident through this" - Selvaperunthakai interview

மேற்கு வங்க மாநிலம் டார்ஜிலிங் மாவட்டத்தில் உள்ள பனிஷ்தேவா பகுதியில் கடந்த 17.06.2024 அன்று காலை 9 மணியளவில் நின்று கொண்டிருந்த சீல்டா - கஞ்சன்ஜங்கா எக்ஸ்பிரஸ் மீது அந்த வழியாக வந்த சரக்கு ரயில் மோதி ஏற்பட்ட பயங்கர விபத்தில் 5 பேர் உயிரிழந்த நிலையில் இந்த ரயில் விபத்து சம்பவம் பரபரப்பை ஏற்படுத்தியது.

இந்நிலையில் சென்னையில் செய்தியாளர்களைச் சந்தித்த தமிழக காங்கிரஸ் கமிட்டி தலைவர் செல்வப்பெருந்தகை பேசுகையில், ''உபகரணங்கள் வாங்குவதற்கு பதிலாக, பாதுகாப்பிற்கு செலவு செய்வதற்கு பதிலாக, ஆடம்பர வீடுகள் கட்டுவதும், சுற்றுலா மாளிகை கட்டுவதும், அந்தச் சுற்றுலா மாளிகை பங்களா வீடுகளுக்கு விலை உயர்ந்த பர்னிச்சர்களை வாங்குவதிலும் இவர்கள் கவனம் செலுத்துகிறார்கள். பாதுகாப்பு குறைபாடுகள் உள்ள இடத்தில் இவர்கள் கவனம் செலுத்தவில்லை என்று தொடர்ந்து 6 ஆண்டுகளுக்கு சிஏஜி அறிக்கை சொல்கிறது. ஆனால் மெத்தனபோக்கோடு இப்படி விபத்துகளை தொடர்ந்து பாஜக அரசு அனுமதித்து இருக்கிறது.

காங்கிரஸ் இயக்கத்தின் தலைவராகவும், ரயில்வேதுறை அமைச்சராகவும் இருந்த ஓ.வி.அழகேசன் அரியலூர் விபத்து ஏற்பட்டவுடன் பதவியை ராஜினாமா செய்தார். சாஸ்திரியும் ராஜினாமா செய்திருக்கிறார். மம்தா பானர்ஜியும் ரயில்வேதுறை அமைச்சராக இருந்த பொழுது விபத்து நடத்தவுடன் ராஜினாமா செய்தார். நிதிஷ்குமார் ரயில்வே துறை அமைச்சராக இருந்த பொழுது ராஜினாமா செய்தார். ஏன் பாஜக அமைச்சர்கள் மட்டும் ராஜினாமா செய்ய மறுக்கிறார்கள். பிடிவாதமாக இருக்கிறார்கள். அதிகார வெறி என்பது இதன் மூலமாக தெரிகிறது. ஆகவே இனி வரும் காலங்களில் இப்படிப்பட்ட விபத்துக்களை தவிர்க்க வேண்டும். சிஏஜி அறிவுரைகளை ஏற்றுக்கொள்ள வேண்டும். மக்களின் பாதுகாப்பிற்காக ஒதுக்கப்படும் லட்சக்கணக்கான கோடி நிதியை அதற்காக மட்டுமே பயன்படுத்த வேண்டும்''என்றார்.