Skip to main content

ரசாயனக் கலவை தெளித்து பழுக்க வைக்கப்பட்ட வாழைப்பழங்கள்... பறிமுதல் செய்த உணவு பாதுகாப்புத் துறையினர்!

Published on 28/02/2020 | Edited on 28/02/2020

ரசாயனக் கலவை தெளித்து பழுக்க வைக்கப்பட்ட வாழைப் பழங்களை பணத்தாசை பிடித்த வியாபாரிகளிடமிருந்து பறிமுதல் செய்து, கேன்சரிலிருந்து மக்களை காப்பாற்றியுள்ளனர் உணவு பாதுகாப்புத் துறையினர்.
 

குறிப்பிட்டக் காலத்தில் தான் வாழைப்பழம் கிடைக்கும் என்கின்ற நிலை இல்லை.! மற்ற பழங்களை போல் விலை அதிகமும் இல்லை.! ஏழைகளுக்கு ஏற்ற பழம் என்கின்ற பலவித நிறைகளைக் கொண்டது முக்கனிகளில் ஒன்றானது வாழைப்பழம் மட்டுமே.! வாழைத்தார்களை அறுவடை செய்து வந்த பிறகு அறைகளில் குவித்து வேப்பிலை மற்றும் தென்னை நார் கொண்டு புகை மூட்டம் போட்டு பழுக்க வைப்பார்கள். இன்று அறைகளில் அடைக்கப்பட்டு புகை மூட்டம் போட்டு பழுக்க வைப்பதற்கு முன்பு அன்றைய நாட்களில் மண்குழியில் குவித்து பழுக்க வைப்பது வழமையான ஒன்று. இந்த வகையில் பழம் பழுக்க வைக்க ஏறக்குறைய மூன்று நாட்களாவது ஆகும். 

SIVAGANGAI DISTRICT CHEMICAL ADDED BANANAS FSSAI OFFICERS

இந்த நாட்கள் அதிகம்.. அதனை விட லாபம் குறைவு என்பதால் பணத்தாசை பிடித்த வியாபாரிகளோ குறுகிய காலத்தில் கொழுத்த லாபம் சம்பாதிக்க ஆரம்பக் காலக்கட்டங்களில் பழங்களை குவிய வைத்து, மூடிய அறைக்குள் கார்பைட் கல் எனப்படும் ரசாயனக் கல்லை வைத்திருப்பார்கள். இவ்வகையில் பழம் பழுக்க ஒரு நாளாவது ஆகும் என்பதால், தற்பொழுது குறிப்பிட்ட ரசாயனக்கலவையைக் கொண்டு வாழைத்தார்களில் ஊசி போடுகிறார்கள். அந்த ரசாயனக் கலவையின் ஈரம் காயுமுன்பே பழங்கள் பழுத்து சந்தைக்கு விற்பனைக்கு வந்து விடுகின்றது. இந்த வகையில் வரும் பழங்களை உண்பதால் கேன்சர் தொற்று அதிகம் என்கின்றது மருத்துவ ஆய்வு ஒன்று. 
 

இந்நிலையில், இன்று (28/02/2020) சிவகங்கை மாவட்டம் சிவகங்கை டவுன் ஆசாத் தெருவில் உள்ள பழ மண்டியில், உணவு பாதுகாப்புத்துறை மாவட்ட நியமன அலுவலர் டாக்டர் ஜெயராமன் பாண்டியன் தலைமையிலான உணவு பாதுகாப்பு துறையினர் நடத்திய அதிரடி சோதனையில் செயற்கை முறையில் ரசாயன கலவை தெளித்து பழுக்க வைக்கப்பட்ட ரூ.15,000 மதிப்புள்ள வாழைப் பழங்களைக் கைப்பற்றி பறிமுதல் செய்தனர். உணவு பாதுகாப்பு துறையினர் செய்கையால் சிவகங்கை மக்கள் பெரிதும் மகிழ்ந்து, "தொடர் நடவடிக்கை வேண்டும்" என கோரிக்கை விடுத்துள்ளது குறிப்பிடத்தக்கது.
 



 

சார்ந்த செய்திகள்

 

Next Story

12 மாணவர்களுக்கு மஞ்சள் காமாலை; அச்சத்தில் வயலோகம் கிராமம்

Published on 11/07/2024 | Edited on 11/07/2024
 12 students with jaundice; Wayalogam village in fear

புதுக்கோட்டையில் ஒரே கிராமத்தைச் சேர்ந்த 12 பள்ளி மாணவர்களுக்கு மஞ்சள் காமாலை தொற்று ஏற்பட்டுள்ள நிலையில் வீடு வீடாகச் சென்று சுகாதாரப் பணியாளர்கள் ஆய்வு மேற்கொண்டு வருகின்றனர்.

புதுக்கோட்டை மாவட்டம் வயலோகம் கிராமத்தில் வசித்து வரும் 12 பள்ளி மாணவர்களுக்கு அடுத்தடுத்து மஞ்சள் காமாலை நோய் இருப்பது உறுதி செய்யப்பட்டது. இதில் ஒரு சிறுவன் உயிரிழந்ததாகத் தகவல்கள் வெளியான நிலையில், அந்த செய்தி வயலோகம் பகுதி கிராம மக்களுக்கு அதிர்ச்சியைக் கொடுத்துள்ளது. இதனைத் தொடர்ந்து பகுதியில் உள்ள அனைத்து வீடுகளிலும் சுகாதாரத்துறை அதிகாரிகள் ஆய்வு மேற்கொண்டு வருகின்றனர்.

குடிநீர் தொட்டியின் சுகாதாரமின்மையால் தொற்று ஏற்பட்டுள்ளதாக தகவல்கள் பரவ, ஊராட்சி நிர்வாகம் சார்பில் சம்பந்தப்பட்ட குடிநீர் தொட்டியில் இருந்து தண்ணீரை நிறுத்தி விட்டு வாகனத்தில் கொண்டுவரப்படும் தண்ணீர் டேங்க் மூலம் குடிநீர் சேவை வழங்கப்பட்டு வருகிறது. சுகாதாரத்துறை சார்பில் மருத்துவ முகாம் அமைக்கப்பட்டுள்ளது. உடனடியாக  நடவடிக்கைகள் மேற்கொள்ளப்பட வேண்டும் என வயலோகம் கிராம மக்கள் கோரிக்கை வைத்து வருகின்றனர்.

Next Story

'பஞ்சுமிட்டாயை அடுத்து பானி பூரியால் புற்றுநோய்'-ரெய்டுக்கு தயாராகும் உணவு பாதுகாப்புத்துறை

Published on 03/07/2024 | Edited on 03/07/2024
'Panipuri after panchamitai' - Food security department prepares for raid


அண்மையில் பஞ்சுமிட்டாயில் இடம்பெற்றுள்ள செயற்கை நிறமி புற்றுநோயை உருவாக்கும் கூறுகளைக் கொண்டது என கண்டறியப்பட்ட நிலையில் அவை தடை செய்யப்பட்டுள்ளது. இதன் தொடர்ச்சியாக பல்வேறு இடங்களில் உணவு பாதுகாப்புத்துறை அதிகாரிகள் சோதனை மேற்கொண்டு வருகின்றனர். இந்நிலையில் கர்நாடகாவில் புற்றுநோய்க்கு வழிவகுக்கும் செயற்கை நிறமிகள் பானி பூரி மசாலாவில் கலக்கப்படுவதாக தகவல்கள் வெளியான நிலையில் தீவிர சோதனைகள் நடைபெற்று வருகிறது.

அந்த வகையில் தமிழகத்திலும் சோதனையை தீவிரப்படுத்த உணவு பாதுகாப்புத் துறை அதிகாரிகள் ஆயத்தமாகி வருகின்றனர். சென்னை மெரினா கடற்கரையில் உணவு பாதுகாப்புத்துறை அதிகாரிகள் ஆய்வு செய்து அங்குள்ள பானி பூரி கடைகளில் மசாலாவில் கலந்துள்ள கலவைகள் குறித்து கேட்டறிந்தனர். முறையான அனுமதி பெற்று பானி பூரி கடை நடத்தப்படுகிறதா? என்ற ஆய்வு செய்த அதிகாரிகள், பானிபூரி, சாட் உணவுகள் ஆகியவற்றை ஆய்வு செய்தனர். அங்குள்ள கடைகளில் இருந்த பானி பூரி மசாலாவின் மாதிரிகளை சேகரித்த அதிகாரிகள் அதனை ஆய்வுக்காக அனுப்பி வைத்துள்ளனர்.

ஒருவேளை புற்றுநோயை உருவாக்கும் நிறமிகள், ரசாயன ரசாயனங்கள் சேர்க்கப்பட்டது உறுதி செய்யப்பட்டால் சம்பந்தப்பட்ட கடைகள் மீது நடவடிக்கை எடுக்கப்படும் எனவும் தெரிவிக்கப்பட்டது. குழந்தைகள் விரும்பி சாப்பிடும் உணவாக இருக்கும் பானிபூரியில் ரசாயனங்கள் சேர்ப்பது தண்டனைக்குரிய குற்றம் எனவும் அதிகாரிகள் எச்சரித்துள்ளனர்.

'Panipuri after panchamitai' - Food security department prepares for raid

இந்த அதிரடி ஆய்வுக்கு பிறகு செய்தியாளர்களைச் சந்தித்த உணவு பாதுகாப்புத்துறை அதிகாரி சதீஷ்குமார், ''சென்னையை பொறுத்தவரை இப்பொழுதுதான் ஆரம்பித்துள்ளோம். இன்னும் மூன்று, நான்கு நாட்களுக்குள் சென்னை முழுவதும் ஆய்வு முடித்து விடுவோம். தமிழ்நாடு முழுக்க உணவு பாதுகாப்புத் துறை ஆய்வு செய்ய இருக்கிறார்கள். இரண்டு, மூன்று நாட்களில் மாதிரிகள் எடுக்கப்பட்டு அந்த மாதிரிகளின் அடிப்படையில் கிடைக்கும் முடிவுகளை வைத்து நடவடிக்கைகள் எடுக்கப்படும்'' என தெரிவித்துள்ளார்.