Skip to main content

பெண்ணை மிரட்டி பாலியல் பலாத்காரம் செய்த மாஜி விசிக பிரமுகர் கைது! 

Published on 28/09/2019 | Edited on 28/09/2019

சேலம் அருகே, பெண்ணை மிரட்டி பாலியல் பலாத்காரம் செய்த மாஜி விடுதலை சிறுத்தைகள் கட்சி பிரமுகரை காவல்துறையினர் கைது செய்தனர். 
 

auto driver


 

 

சேலம் மாவட்டம் இளம்பிள்ளை அருகே உள்ள செல்லியம்பாளையம் மதுரை வீரன் கோயில் தெருவைச் சேர்ந்தவர் மோகன்ராஜ் (42). ஆட்டோ ஓட்டுநர்.  

கடந்த செப். 25ம் தேதி, இளம்பிள்ளை பேருந்து நிலையம் அருகில் உள்ள பொதுக்கழிப்பறையில் ஒருவரை ஹோமோசெக்ஸூக்கு அழைத்ததாக வந்த புகாரின்பேரில் மோகன்ராஜை மகுடஞ்சாவடி காவல்துறையினர் கைது செய்துள்ளனர். 
 

இதற்கிடையே, சமூக ஊடகங்களில் 35 வயது உடைய திருமணமான ஒரு பெண்ணை மோகன்ராஜ் மிரட்டியும், தாக்கியும் பாலியல் வல்லுறவில் ஈடுபடும் வீடியோ காட்சிகள் பரவின. சந்தேகத்தின்பேரில் அவருடைய செல்போனை காவல்துறையினர் கைப்பற்றி, ஆய்வு செய்தனர். 
 
அப்போது, அந்த செல்போனில் மேற்சொன்ன வீடியோ காட்சிகள் இருந்ததை உறுதி செய்தனர்.  
 
விசாரணையில் மோகன்ராஜ், இளம்பிள்ளையில் விடுதலை சிறுத்தைகள் கட்சி சார்பில் இயங்கி வரும் ஆட்டோ ஓட்டுநர்கள் தொழிற்சங்கத்தில் முக்கிய பொறுப்பில் இருந்துள்ளார். பாலியல் வல்லுறவுக் காட்சியில் சம்பந்தப்பட்டுள்ள அந்தப் பெண், ஒருமுறை தன் கணவருடன் ஏற்பட்ட பிரச்னையை பஞ்சாயத்து பேசி சுமூகமாக தீர்த்தும் வைக்கும்படி மோகன்ராஜை அணுகியுள்ளார். இதை சாக்கிட்டு அவர் அடிக்கடி அந்தப் பெண் வீட்டுக்கு சென்றுள்ளார். 
 
இந்நிலையில்தான், கடந்த ஒரு மாதத்திற்கு முன்பு, உன் குடும்பப் பிரச்னை தொடர்பாக எனக்குத் தெரிந்த காவல்துறை நண்பர்களிடம் கூறிவிட்டேன். அதுகுறித்து பேச வேண்டும் என்று கூறி, தன் வீட்டிற்கு அழைத்துள்ளார். தனியாக வந்த அந்தப் பெண்ணிடம் ஆசைவார்த்தை கூறி, அவருடன் பாலியல் உறவில் ஈடுபட்டுள்ளார். அடிக்கடி இதுபோல் அவரிடம் மோகன்ராஜ் பாலியல் உறவு வைத்துள்ளார்.  
 
ஒருகட்டத்தில், அந்தப் பெண்ணுக்கு மோகன்ராஜியின் சுயரூபம் தெரிந்ததால், அவரிடம் இருந்து ஒதுங்கிக் கொண்டார். மீண்டும் அவரை பலவந்தப்படுத்தி தன் வீட்டிற்கு வரவழைத்த மோகன்ராஜ், அவரை மிரட்டியும், தாக்கியும் பாலியல் வல்லுறவில் ஈடுபட்டுள்ளார். அப்போது அந்தக் காட்சிகளை அவர் தனது செல்போனிலும் திருட்டுத்தனமாக வீடியோவில் பதிவு செய்துள்ளார். அந்த வீடியோவை தன் நண்பர்களுக்கும் பகிர்ந்துள்ளார். அவர்கள் மூலமாகத்தான் மோகன்ராஜியின் பாலியல் வல்லுறவு வீடியோ காட்சிகள் சமூக ஊடகங்களில் பரவியுள்ளது காவல்துறை விசாரணையில் தெரிய வந்துள்ளது.  
 
இது ஒருபுறம் இருக்க, கல்லூரி மாணவிகள் உள்பட 7 பெண்களை மோகன்ராஜ் ஆபாசப்படம் எடுத்து மிரட்டி, பாலியல் வல்லுறவு கொண்டதாக சில மின்னணு மற்றும் அச்சு ஊடகங்களில் செய்திகள் வெளியாயின. 
 
இது தொடர்பாக சேலம் மாவட்டக் காவல்துறை தரப்பில் விசாரித்தபோது, ''மோகன்ராஜ் ஒரு பெண்ணுடன் பாலியல் வல்லுறவில் ஈடுபடும் காட்சிகள் சமூக ஊடகங்களில் வெளியானதன் பேரில்தான் முன்னெச்சரிக்கையாக அவரை கைது செய்திருக்கிறோம். ஆனாலும், இந்த வீடியோவில் உள்ள பெண் தரப்பில் இரு ந்தும்கூட இதுவரை புகார் ஏதும் வரவில்லை. அதனால், ஹோமோசெக்ஸில் ஈடுபட முயன்றதாக அவர் மீது வழக்குப்பதிவு செய்யப்பட்டுள்ளது. மற்றபடி 7 பெண்களை அவர் பாலியல் பலாத்காரம் செய்ததாக ஊடகங்கள்தான் சொல்கின்றன. காவல்துறை தரப்பில் அப்படியான வீடியோக்கள் கைப்பற்றப்படவில்லை. புகார்களும்  வரவில்லை,'' என்றனர். 
  
இதுகுறித்து விடுதலைச்சிறுத்தைகள் கட்சியின் மாநில செயலாளர் இமயவரம்பனிடம் கேட்டபோது, ''மோகன்ராஜ் ஆட்டோ ஓட்டுநர் தொழிலாளர்களை சாதி ரீதியில் பிளவுபடுத்தியதால் அவரை எங்கள் கட்சியில் இருந்து கடந்த 9.7.2019ம் தேதியே நீக்கிவிட்டோம். அவர் யாராக இருந்தாலும், ஒரு பெண்ணை பாலியல் வல்லுறவு செய்தது குற்றம். அத்துடன், அதை வீடியோவில் பதிவு செய்தல் என்பது அதைவிட பெருங்குற்றம். அவர் மீது சட்டப்படி கடும் நடவடிக்கை எடுக்க வேண்டும்,'' என்றார். 


 

சார்ந்த செய்திகள்

 

Next Story

கடவுள் பேரில் நடந்த மோசடி; சேலத்தில் சிக்கிய அதிகாரி

Published on 04/06/2023 | Edited on 04/06/2023

 

Fraud at the temple; Officer trapped in Salem

 

சேலத்தில், இந்து சமய அறநிலையத்துறை கோயிலுக்கு பூஜை பொருள்கள் வாங்கியதில் 12 லட்சம் ரூபாய் முறைகேடு செய்ததாக பெண் செயல் அலுவலர் மீது லஞ்ச ஒழிப்பு காவல்துறை வழக்குப்பதிவு செய்துள்ளது.

 

சேலம் உடையாபட்டியில், தமிழக அரசின் இந்து சமய அறநிலையத்துறை கட்டுப்பாட்டின் கீழ் கோவிந்தராஜ பெருமாள் கோயில் உள்ளது. இந்த கோயிலில், கடந்த 2008 முதல் 2020 ஆம் ஆண்டு வரை சசிகலா என்பவர் செயல் அலுவலராக பணியாற்றினார். அந்தக் காலகட்டத்தில், பூஜை  பொருள்கள் வாங்கியதில் பல லட்சம் ரூபாய் முறைகேடு நடந்துள்ளதாக சேலம் லஞ்ச ஒழிப்புப் பிரிவு காவல்துறைக்கு புகார்கள் சென்றன. இந்த புகாரின் பேரில், கோவிந்தரராஜ பெருமாள் கோயிலில் குறிப்பிட்ட காலகட்டத்தில் மேற்கொள்ளப்பட்ட வரவு, செலவு ஆவணங்களை லஞ்ச ஒழிப்பு பிரிவு காவல்துறையினர் ஆய்வு செய்தனர்.

 

கோயிலில் வார பூஜை, மாத பூஜை, வருட பூஜை நடத்தியதாகவும், இதற்காக அபிஷேக பொருள்கள், மாலை, அலங்கார பந்தல், அலங்கார விளக்குகள் அமைத்ததாகவும், பக்தர்களுக்கு குடிநீர் வசதி செய்து கொடுத்ததாகவும் போலி ஆவணங்கள் மூலம் 12 லட்சம் ரூபாய் முறைகேடு  செய்திருப்பது முதல்கட்ட விசாரணையில் தெரிய வந்தது. இதையடுத்து, அப்போதைய செயல் அலுவலரான சசிகலா மீது லஞ்ச ஒழிப்பு பிரிவு காவல்துறையினர் வழக்குப்பதிவு செய்தனர். இந்த சம்பவம், இந்து சமய அறநிலையத்துறை வட்டாரத்தில் பரபரப்பை ஏற்படுத்தி உள்ளது.

 

 

Next Story

ரயில் நிலையத்தில் காவல்துறையினர் மீட்ட தங்கமகள்; 3 மாத பெண் குழந்தைக்கு ஏற்பட்ட சோகம்

Published on 07/05/2023 | Edited on 07/05/2023

 

Girl child recovered by the police at the railway station; Tragedy of a 3-month-old baby girl

 

சேலம் மாவட்டத்தைச் சேர்ந்த சுந்தரி (63) என்பவர் (03.05.2023) இரயிலுக்காக வேலூர் மாவட்டம் காட்பாடி இரயில் நிலையத்தில் நடை மேடை எண் ஒன்றில் காத்துக்கொண்டிருந்தார். அப்போது அவரிடம் கைக் குழந்தையுடன் வந்த பெண்மணி ஒருவர், தனது 6 மாத பெண் குழந்தையைக் கொடுத்துவிட்டு சிறிது நேரம் பார்த்துக் கொள்ளும்படியும், ஐந்து நிமிடத்தில் வந்துவிடுவதாகவும் கூறிவிட்டுச் சென்றுள்ளார். ஆனால் நீண்ட நேரம் ஆகியும் குழந்தையைக் கொடுத்த பெண் வராததால் பதற்றம் அடைந்த சுந்தரி காட்பாடி ரயில் நிலையத்தில் உள்ள இரும்புப் பாதை காவல் நிலையத்தில் ஒப்படைத்துள்ளார். இதனை அடுத்து காவல்துறையினர் ரயில் நிலையத்தில் உள்ள சிசிடிவி கேமராக்களை ஆய்வு செய்தபோது பெரும் அதிர்ச்சி காத்திருந்தது.

 

அதில் ஆறு மாத பெண் குழந்தையை மூதாட்டி சுந்தரியிடம் ஒப்படைத்துச் செல்லும் பெண்மணி வெளியில் காத்துக் கொண்டிருந்த தனது கணவர் மற்றும் இரண்டு குழந்தைகளை அழைத்துக் கொண்டு வேக வேகமாக ஆட்டோவில் ஏறிச் சென்றுள்ளார். இந்த சிசிடிவி காட்சிகளை அடிப்படையாக வைத்து காட்பாடி இரும்புப் பாதை காவலர்கள் விசாரணை மேற்கொண்டு வருகின்றனர். மேலும் குழந்தையை விட்டுச் சென்ற பெண்மணி மற்றும் அவரது கணவர் ஏறிச் சென்ற ஆட்டோ ஓட்டுநர்களிடமும் விசாரணை மேற்கொள்ளப்பட்டு வருகிறது. தற்போதைக்கு ஆறு மாத குழந்தையை வேலூர் மாவட்ட ஆட்சியர் அலுவலகத்தில் உள்ள குழந்தைகள் நலக் குழுமத்தில் ஒப்படைத்துள்ளனர். வேலூர் காட்பாடி ரயில் நிலையத்தில் கடந்த 3 ஆம் தேதி 3 மாத பெண் கைக்குழந்தையைப் பெற்ற தாயே அனாதையாக விட்டுச் சென்ற சம்பவம் பெரும் பரபரப்பு ஏற்படுத்தியது குறிப்பிடத்தக்கது.

 

Girl child recovered by the police at the railway station; Tragedy of a 3-month-old baby girl

 

இதனைத் தொடர்ந்து மூன்று தனிப்படைகள் அமைக்கப்பட்டு குழந்தையை விட்டுச் சென்றவர்கள் குறித்து காவல்துறையினர் விசாரணை நடத்தினர். குழந்தையை விட்டுச் சென்ற, திருவண்ணாமலை மாவட்டம் கண்ணமங்கலம் பகுதியைச் சேர்ந்த குழந்தையின் பெற்றோர் விஜய் மற்றும் கலைச்செல்வியை 24 மணி நேரத்தில் வேலூர் காட்பாடி ரயில்வே காவல் நிலைய போலீசார் கண்டுபிடித்தனர்.

 

Girl child recovered by the police at the railway station; Tragedy of a 3-month-old baby girl

 

பெற்றோரை வேலூர் காட்பாடி ரயில் நிலையத்தில் உள்ள காட்பாடி ரயில்வே காவல் நிலையத்திற்கு அழைத்து வந்த போலீசார், விஜய் மற்றும் கலைச்செல்விக்கு அறிவுரை கூறினர். குழந்தைக்கு சென்னை ரயில்வே எஸ்.பி பொன்ராமு தங்கமகள் எனப் பெயர் சூட்டினார். பின்னர் குழந்தையை வேலூர் குழந்தைகள் நலக் குழுமத்தில் போலீசார் ஒப்படைத்த நிலையில், குழந்தையின் பெற்றோரான விஜய் மற்றும் கலைச்செல்வியிடம் குழந்தைகள் நல குழுமத்தினர் விசாரணை நடத்தி காப்பகத்தில் ஒப்படைக்கலாமா அல்லது பெற்றோருடன் அனுப்பலாமா என முடிவு செய்வார்கள் என இன்ஸ்பெக்டர் சித்ரா தெரிவித்துள்ளார்.