Skip to main content

கூடுதல் விலைக்கு மது விற்பனை; 'சஸ்பெண்ட்' நாடகம் போடும் டாஸ்மாக் அதிகாரிகள்!

Published on 16/09/2023 | Edited on 16/09/2023

 

 sale of alcohol at a surcharge; Tasmac officials who play 'suspend'!

 

சேலம் மாவட்டத்தில் 200க்கும் மேற்பட்ட டாஸ்மாக் மதுபானக் கடைகள் இயங்கி வருகின்றன. இந்த கடைகளில் கூடுதல் விலைக்கு மதுபானம் விற்பனை செய்வோர் மீது நடவடிக்கை எடுக்கப்படும் என ஏற்கனவே மாவட்ட ஆட்சியர், காவல்துறை அதிகாரிகள் எச்சரித்துள்ளனர்.

 

சில மாதங்களுக்கு முன்பு, சிலர் அனைத்து டாஸ்மாக் கடைகளிலும் மாதம் 50 ஆயிரம் ரூபாய் வரை மாமூல் கேட்பதால், அதைச் சரிக்கட்டும் வகையில் மதுபானங்களைக் கூடுதல் விலைக்கு விற்பனை செய்வதாக டாஸ்மாக் ஊழியர்கள் தரப்பில் சொல்லப்பட்ட காணொளி பதிவுகளும் உலா வந்தன.

 

இந்த விவகாரம் விஸ்வரூபம் எடுத்ததை அடுத்து, எம்ஆர்பி விலைக்கு மேல் விற்பனை செய்யக்கூடாது என அனைத்து டாஸ்மாக் கடைகளுக்கும் கடும் எச்சரிக்கை விடுக்கப்பட்டது. ஆனாலும் அந்த உத்தரவை எந்த ஊழியரும் மதிப்பதில்லை. ஊழியர்கள் எப்போதும் போலவே, கூடுதல் விலைக்கு மதுபானங்களை விற்று வருகின்றனர்.

 

இந்நிலையில், சேலம் மாவட்ட டாஸ்மாக் மாவட்ட மேலாளர் குப்புசாமி தலைமையில் அலுவலர்கள், வாழப்பாடி பகுதியில் மதுபானக் கடைகளில், செப். 13ம் தேதி திடீர் ஆய்வு மேற்கொண்டனர். ஒரு கடையில், எம்ஆர்பி விலையை விட பாட்டிலுக்கு கூடுதலாக 10 ரூபாய் விலை வைத்து 270 ரூபாய்க்கு மதுபானம் விற்பனை செய்தது தெரிய வந்தது. இதையடுத்து அந்த கடையின் விற்பனையாளர் கண்ணனை பணியிடை நீக்கம் செய்து மாவட்ட மேலாளர் உத்தரவிட்டார்.

 

டாஸ்மாக் கடைகளில் கூடுதல் விலைக்கு மது விற்பனை செய்வது தெரிய வந்தால் கடும் நடவடிக்கை எடுக்கப்படும் என அதிகாரிகள் மீண்டும் எச்சரித்து, அனைத்து மதுபானக் கடைகளுக்கும் சுற்றறிக்கை அனுப்பி உள்ளனர். இது ஒருபுறம் இருக்க, அனைத்து டாஸ்மாக் கடைகளிலும் இப்போதும் தொடர்ந்து குவார்ட்டர் பாட்டிலுக்கு 10 ரூபாயும், ஃபுல் மதுபான பாட்டிலுக்கு 40 ரூபாய் வரையிலும் கூடுதல் விலை வைத்துதான் விற்பனை செய்கின்றனர். ஆனால், டாஸ்மாக் மேலாளர் உள்ளிட்ட அதிகாரிகள் பெயரளவுக்கு யாராவது ஓரிருவரை பணியிடை நீக்கம் செய்து நாடகம் ஆடுகின்றனர் என்று மது வாங்குவோர் அதிருப்தி தெரிவித்துள்ளனர்.

 

அதேநேரம், பணியிடை நீக்கம் செய்யப்பட்ட ஊழியரிடம் இருந்து மீண்டும் பணம் கையூட்டு பெற்றுக்கொண்டு அவர் மீதான தண்டனையை ரத்து செய்து விடுவதாகவும் கூறுகின்றனர்.

 

 

சார்ந்த செய்திகள்

 

Next Story

2023-24 டாஸ்மாக் வருமானம் அதிகரிப்பு

Published on 21/06/2024 | Edited on 21/06/2024
2023-24 TASMAC Income Increase

தமிழகத்தில் 2023 மற்றும் 2024 ஆம் ஆண்டில் டாஸ்மாக் வருமானம் 45,885.67 கோடி ரூபாய் அதிகரித்திருப்பதாக தமிழக அரசின் கொள்கை விளக்க குறிப்பில் தெரிவிக்கப்பட்டுள்ளது.

சட்டப்பேரவை கூட்டத் தொடரின் இரண்டாம் நாள் கூட்டம் இன்று (21.06.2024) காலை 10 மணிக்குத் தொடங்கி நடைபெற்று வருகிறது. மதுவிலக்கு மற்றும் ஆயத்தீர்வை துறையின் மானிய கோரிக்கை மீதான விவாதம் இன்று சட்டப்பேரவையில் மாலை நடைபெற்று வருகிறது. இதன் மூலமாக ஆயத்தீர்வை துறைக்கு கீழ் இருக்கக்கூடிய டாஸ்மாக் நிறுவனத்தின் மூலமாக தமிழக அரசுக்கு கிடைத்திருக்க கூடிய வருவாய் தொடர்பான பட்டியல் தற்போது கிடைத்திருக்கிறது. அதன் அடிப்படையில் கொள்கை விளக்க குறிப்பில் கிடைத்துள்ள தகவலின்படி 2023-24 ஆம் ஆண்டில் டாஸ்மாக் வருமானம் 45,855.67 கோடி ரூபாய் அதிகரித்துள்ளது. கடந்தாண்டை விட 1734.54 கோடி ரூபாய் கூடுதலாக டாஸ்மாக் வருமானம் கிடைத்துள்ளது இதன் மூலம் தெரிய வந்துள்ளது.

Next Story

13 பேர் உயிரிழப்பு; 9 பேர் கூண்டோடு சஸ்பெண்ட்; சிபிசிஐடிக்கு மாற்றம்

Published on 19/06/2024 | Edited on 19/06/2024
13 people lost their lives; 9 suspended with cage; Transfer to CBCID

கள்ளக்குறிச்சி நகரப் பகுதியான ஏழாவது வார்டில் கருணாபுரம் பகுதியில் கள்ளச்சாராயம் விற்பனை செய்வது தொடர்ந்து வருவதாக குற்றம் சாட்டபடுகிறது. இந்நிலையில் நேற்று அப்பகுதியில் கள்ளச்சாராயம் விற்கப்பட்டதாகவும், இதனைப் பலர் வாங்கி குடித்ததாகவும் கூறப்படுகிறது. முதலில் 4 பேர் உயிரிழந்த நிலையில் தற்போது உயிரிழப்பு 13 ஆக உயர்ந்துள்ளது.

இந்த சம்பவத்தில் பாதிக்கப்பட்ட 60 க்கும் மேற்பட்டோர்  ஜிப்மர் மருத்துவமனையில் அனுமதிக்கப்பட்டு தீவிர சிகிச்சை பெற்று வருகின்றனர். முதல்வரின் அறிவுறுத்தலின் பேரில் தமிழக மருத்துவத்துறை அமைச்சர் மா.சுப்பிரமணியன், பொதுப்பணித்துறை அமைச்சர் எ.வ.வேலு ஆகியோர் கள்ளக்குறிச்சி விரைந்துள்ளனர்.

13 people lost their lives; 9 suspended with cage; Transfer to CBCID

இந்நிலையில்உயிரிழப்புக்கு பாக்கெட் கள்ளச்சாராயம் காரணமாக இருக்கலாம் என தமிழக அரசு தெரிவித்துள்ளது. மேலும் இறந்தவர்களின் உடல்கள் உடற்கூறு ஆய்வு செய்யப்பட்ட பிறகே  முழுமையான காரணம் தெரிய வரும் எனவும் தமிழக அரசு தெரிவித்துள்ளது. அதேநேரம் கள்ளக்குறிச்சி மாவட்ட ஆட்சியர் ஷ்ரவன் குமார் பணியிட மாற்றம் செய்யப்பட்டு புதிய ஆட்சியராக எம்.எஸ்.பிரசாந்த் நியமனம்  செய்யப்பட்டுள்ளார். அதேபோல் கள்ளக்குறிச்சி மாவட்ட காவல் கண்காணிப்பாளர் உட்பட 9 பேர் பணியிடை நீக்கம் செய்யப்பட்டுள்னர். கள்ளக்குறிச்சி மாவட்ட காவல் கண்காணிப்பாளர் சமய்சிங் மீனா தற்காலிகமாக பணி நீக்கம் செய்யப்பட்டுள்ளார். புதிய மாவட்ட காவல் கண்காணிப்பாளராக ரஜத் சதுர்வேதி நியமனம் செய்யப்பட்டுள்ளார்.

மதுவிலக்கு அமலாக்க பிரிவைச் சேர்ந்த காவல்துறை கண்காணிப்பாளர் தமிழ்ச்செல்வன், மதுவிலக்கு பிரிவைச் சேர்ந்த கவிதா, பாண்டி, செல்வி,பாரதி, ஆனந்தன், சிவச்சந்திரன், காவல் உதவி ஆய்வாளர் பாஸ்கரன், மனோஜ் உள்ளிட்டோரையும் பணியிடை நீக்கம் செய்து தமிழக அரசு அறிவித்துள்ளது. மேலும் இந்த வழக்கு சிபிசிஐடிக்கு மாற்றப்பட்டுள்ளது.

உயிரிழந்தவர்களின் விவரம்: சுரேஷ், பிரவீன், சேகர், கந்தன், ஆறுமுகம், ஜெகதீஷ், மணிகண்டன், மணி, கிருஷ்ணமூர்த்தி, இந்திரா, நாராயணசாமி, ராமு, சுப்பிரமணி.