Skip to main content

சேவை செய்ய வந்த இடத்தில் கொள்ளை; சிக்கிய செவிலியர், ஸ்விக்கி டெலிவரி பாய்

Published on 11/05/2023 | Edited on 11/05/2023

 

 robbery at the place of service; Trapped Nurse, Swiggy Delivery Boy

 

முதிய பெண் ஒருவரை கவனிக்க செவிலியராக சென்ற பெண் தன் ஸ்விக்கி டெலிவரி நண்பருடன் சேர்ந்து நகை மற்றும் பணத்தை கொள்ளையடித்து போலீசில் சிக்கிய சம்பவம் சென்னையில் நிகழ்ந்துள்ளது.

 

சென்னை அசோக் நகரை சேர்ந்தவர் மதுரகவி (85) ஓய்வு பெற்ற பொதுப்பணித்துறை பொறியாளரான இவர் தனது மனைவி சுந்தரவல்லி என்பவருடன் குடியிருப்பில் கீழ் தளத்தில் வசித்து வந்தார். மேல் தளத்தில் அவரது மகன் மற்றும் மருமகள் வசித்து வந்தனர். மதுரகவியின் மருமகள் செங்கல்பட்டு மாவட்ட போக்சோ நீதிமன்றத்தில் நீதிபதியாக உள்ளார். இந்நிலையில் மதுரகவியின் மனைவி சுந்தரவல்லிக்கு உடல்நிலை சரியில்லாததால் கடந்த சில மாதங்களாகவே வீட்டில் வைத்து அவருக்கு மருத்துவம் பார்த்து வந்தனர்.

 

இதற்காக சுழற்சி முறையில் தனியார் ஏஜென்சி மூலம் செவிலியர்களை பணியமர்த்தியிருந்தனர். இந்நிலையில் கடந்த ஆறாம் தேதி மதுரகவி வீட்டில் பீரோவில் இருந்த 185 சவரன் நகை, 50 ஆயிரம் ரொக்கப் பணம் ஆகியவை காணாமல் போயிருந்தது. இது தொடர்பாக மதுரகவி குமரன் நகர் காவல் நிலையத்தில் புகாரளித்தார். தொடர்ந்து குமரன் நகர் காவல் ஆய்வாளர் மணிமாலா வழக்குப்பதிவு செய்து இந்த திருட்டு தொடர்பாக விசாரணை மேற்கொண்டு வந்தார். விசாரணையில் சுந்தரவல்லியை கவனித்து வந்த செவிலியர்களில் ஒருவரான தேவி என்பவர் திடீரென பணியில் இருந்து நின்றது தெரியவந்தது.

 

இதனால் சந்தேகம் அடைந்த போலீசார் தேவியிடம் விசாரணை நடத்த அவரது மொபைலுக்கு கால் செய்தனர். ஆனால் அவரது மொபைல் சுவிட்ச் ஆப் செய்யப்பட்டு இருந்தது. அவர் கொடுத்திருந்த முகவரியில் சென்று பார்த்த பொழுது அது போலியான முகவரி என்பதும் தெரிய வந்தது. தேவியின் மொபைல் எண்ணை வைத்து போலீசார் நடத்திய விசாரணையில் ஒரே நாளில் 50க்கும் மேற்பட்ட முறை தேவியின் மொபைல் போனிலிருந்து ஸ்விக்கி டெலிவரி பாய் ஜெகநாதன் என்பவருக்கு கால் சென்றிருப்பது தெரியவந்தது. அந்த செல்போன் நம்பரை கண்டுபிடித்த போலீசார் விழுப்புரம் அருகே தங்கும் விடுதியில் அறை எடுத்து தங்கியிருந்த தேவியையும் ஸ்விக்கி டெலிவரி பாய் ஜெகநாதனையும் கைது செய்தனர்.

 

இருவரையும் காவல் நிலையம் அழைத்து வந்து விசாரணை நடத்தினர். விசாரணையில் இருவரும் திட்டமிட்டு பணம், தங்க நகைகளை திருடியது தெரிய வந்தது. கடந்த ஐந்தாம் தேதி இருவரும் திட்டமிட்டு நகை மற்றும் பணத்தை திருடி விட்டு போலீசில் சிக்கி கொள்ளக்கூடாது என்பதற்காக திண்டுக்கல், மதுரை, திருச்சி, விழுப்புரம் ஆகிய பல்வேறு இடங்களில் விடுதியில் அறை எடுத்து தங்கி இருந்தது தெரிய வந்தது. தொடர்ந்து ஜெகநாதன் அடையாறில் தங்கி இருந்த வீட்டில் சோதனை நடத்தியதில் வீட்டின் டிவி ஸ்பீக்கரை தட்டிய போது உள்ளே நகை, பணம் இருந்தது தெரியவந்தது. அதில் 207 சவரன் நகைகள் இருந்ததாகவும், 30000 ரூபாய் ரொக்கம் இருந்ததாகவும் போலீசார் தெரிவித்துள்ளனர். 185 சவரன் நகை கொள்ளைபோனதாக புகார் கொடுக்கப்பட்ட நிலையில் 207 சவரன் நகைகள் மீட்கப்பட்டதால் வேறு சில இடங்களிலும் இவர்கள் கொள்ளை அடித்திருக்கலாம் என போலீசார் விசாரணை நடத்தி வருகின்றனர்.

 

 

சார்ந்த செய்திகள்

 

Next Story

சிறுவன் கடத்தல் சம்பவம்; ஐ.ஏ.எஸ் அதிகாரியின் முன்னாள் மனைவி தற்கொலை

Published on 21/07/2024 | Edited on 21/07/2024
Kidnapping incident; Ex-wife of IAS

சிறுவன் கடத்தப்பட்ட வழக்கில் ஐஏஎஸ் அதிகாரியின் முன்னாள் மனைவி தற்கொலை செய்து கொண்ட சம்பவம் பரபரப்பை ஏற்படுத்தி இருக்கிறது.

மதுரை மாவட்டம் எஸ்.எஸ் காலனி, விவேகானந்தர் தெரு பகுதியைச் சேர்ந்தவர் மைதிலி ராஜேந்திரன். இவருடைய 14 வயது மகன் மர்ம கும்பலால் கடத்தப்பட்டார். கடத்தலில் ஈடுபட்ட நபர்கள் இரண்டு கோடி ரூபாய் கொடுத்தால் தான் சிறுவனை விடுவோம். இல்லையெனில் கண்டம் துண்டமாக வெட்டி கொலை செய்து விடுவோம் என மிரட்டல் விட்டனர்.

உடனடியாக இது குறித்து காவல் துறையில் புகார் அளிக்கப்பட்டது. எஸ்.எஸ் காலனி காவல் துறையினர் நடத்திய தீவிர விசாரணையின் அடிப்படையில் பணி நீக்கம் செய்யப்பட்ட காவலர் செந்தில்குமார், ரவுடி அப்துல் காதர், காளிராஜ், வீரமணி ஆகிய நான்கு பேரை போலீசார் கைது செய்தனர். விசாரணையில் பணம் கொடுக்கல் வாங்கல் தகராறில் இந்த கடத்தல் நடைபெற்றது தெரியவந்தது. மேலும் இந்த சம்பவத்தை நிகழ்த்திய முக்கிய நபர்களான ஹைகோர்ட் மகாராஜன் மற்றும் சூர்யா என்ற ஐஏஎஸ் அதிகாரியின் முன்னாள் மனைவியையும் போலீசார் தேடி வந்தனர்.

இருவரும் போலீஸ் பிடியில் சிக்காமல் இருக்க தப்பி பெங்களூரில் பதுங்கி வந்ததாக கூறப்படுகிறது. இந்நிலையில் பெங்களூரில் இருந்து குஜராத் சென்ற நிலையில் சூர்யா குஜராத்தில் தூக்கிட்டு தற்கொலை செய்து கொண்டதாக அவர்களுடைய பெற்றோர் போலீசாருக்கு தகவல் தெரிவித்துள்ளனர். சூர்யாவின் மரணம் குறித்து விசாரிக்கத் தனிப்படை போலீசார் தற்போது குஜராத்துக்கு விரைந்துள்ளனர். சிறுவன் கடத்தப்பட்ட வழக்கில் ஐஏஎஸ் அதிகாரியின் முன்னாள் மனைவி தூக்கிட்டு தற்கொலை செய்து கொண்டது பரபரப்பை ஏற்படுத்தி இருக்கிறது

Next Story

கல்வராயன் மலையில் ட்ரோன் விட்டு சோதனை

Published on 21/07/2024 | Edited on 21/07/2024

 

  kallakurichi incident; Drone test on kalvarayan Hill

அண்மையில் கள்ளக்குறிச்சி கருணாபுரம் பகுதியில் கள்ளச்சாரமருந்திய 60க்கும் மேற்பட்டோர் உயிரிழந்தது பரபரப்பை ஏற்படுத்தியிருந்தது. இது தொடர்பாக பல்வேறு நபர்கள் கைது செய்யப்பட்டு விசாரணை நடைபெற்ற வருகிறது.

இந்நிலையில் கள்ளக்குறிச்சி கல்வராயன் மலைப்பகுதியில் ஏ.டி.ஜி.பி டேவிட்சன் தேவாசீர்வாதம் மற்றும் வடக்கு மண்டல ஐஜி அஸ்ராகார்க் உள்ளிட்ட உயர் அதிகாரிகள் தலைமையில் திடீர்  ஆய்வு நடைபெற்று வருகிறது. கள்ளக்குறிச்சி சம்பவத்தை தொடர்ந்து அதிகாரிகள் மாற்றப்பட்டிருந்தார்கள் குறிப்பாக வடக்கு மண்டல ஐஜி அஸ்ராகார்க் இங்கு நியமிக்கப்பட்டிருந்தார். சட்ட ஒழுங்கு கூடுதல் ஏ.டி.ஜி.பியாக டேவிட்சன் தேவாசீர்வாதம் கள்ளக்குறிச்சியில் முகாமிட்டு கள்ளச்சாராய ஒழிப்பு நடவடிக்கைகள் குறித்த உத்தரவுகளை முடுக்கிவிட்டிருந்தார்.

இந்நிலையில் நேரில் சென்று கல்வராயன் மலைப் பகுதிக்கு சென்றுள்ள ஏ.டி.ஜி.பி டேவிட்சன் தேவாசீர்வாதம் மற்றும் வடக்கு மண்டல ஐஜி அஸ்ராகார்க் உள்ளிட்ட உயர் அதிகாரிகள் கல்வராயன் மலை, கரியாலூர், வெள்ளிமலை ஆகிய பகுதிகளில் ஆய்வு நடத்திய நிலையில் சேராப்பட்டு பகுதியில் டிரோன்களை பார்க்க விட்டு ஆய்வு செய்து வருகின்றனர். இனி கல்வராயன் மலைப்பகுதியில் இது போன்ற கள்ளச்சாராயம் காய்ச்சும் நடவடிக்கைகளோ அல்லது வேறு தவறான நடவடிக்கைகளோ நிகழாத வண்ணம் கண்காணிப்புகளை தீவிரப்படுத்த போலீசார் நடவடிக்கைகளை மேற்கொண்டு வருகின்றனர்.