Skip to main content

பள்ளிவாசல் உண்டியலை குறிவைக்கும் மர்ம கும்பல்

Published on 08/04/2019 | Edited on 08/04/2019

மயிலாடுதுறை அருகே உள்ள வடகரை ஜாமியா மஸ்ஜித் பள்ளிவாசலில் உள்ள உண்டியலை மர்ம நபர்கள் திருடிச் சென்ற சம்பவம் பெரும் பரபரப்பை ஏற்படுத்தியுள்ளது.

 

The robbery gang that targets the mosque


 

நாகை மாவட்டம் மயிலாடுதுறை அருகே இஸ்லாமியர்கள் அதிகம் உள்ள  பகுதி வடகரை கிராமம். அங்கு ஜாமியா மஸ்ஜித் பள்ளிவாசலில் விடியற்காலை மர்ம நபர்கள் உண்டியலை உடைத்து பணத்தை திருடி சென்றிருக்கின்றனர். உண்டியலை உடைக்கும் சத்தம் கேட்டு பள்ளிவாசலில் தூங்கிக் கொண்டிருந்த சிலர் கூச்சலிட்டபடி அவர்களை பிடிக்க முயன்றுள்ளனர். ஆனால், திருடவந்தவர்களோ கையில் வைத்திருந்த கடப்பாரையை காட்டி குத்தி விடுவேன், சொருகிவிடுவேன் என மிரட்டிக்கொண்டே பணத்துடன் தப்பி ஓடியுள்ளனர்.
 


இந்த சம்பவம் அப்பகுதியில் பெரும் பரபரப்பை உண்டாக்கியது, செம்பனார்கோயில் காவல் நிலையத்தில் வழக்கு பதிவு செய்து நாகையிலிருந்து மோப்பநாய் வரவழைக்கப்பட்டு சோதனையிட்டனர். ஆனால், அது ஒருபயனும் அளிக்கவில்லை. இதனையடுத்து பள்ளிவாசல் அருகே உள்ள வீடுகளில் இருந்த கண்காணிப்பு கேமராக்கள் பதிவாகியுள்ள உருவத்தை வைத்து காவல்துறையினர் விசாரணை செய்து வருகின்றனர். அதோடு கைரேகை நிபுனர்களை வரவழகைக்கப்பட்டு ஆய்வு செய்யப்படுகிறது.
 


அங்குள்ள பள்ளிவாசலில் உள்ள உண்டியல் வருடத்திற்கு ஒருமுறை திறக்கப்படுவது வழக்கம் எனவே உண்டியல் திறக்கும் நாளுக்கு இந்த திருட்டு நடந்துள்ளது. இதேபோன்று இரண்டு நாட்களுக்குமுன் வடகரை அடுத்துள்ள அரங்கக்குடி பள்ளிவாசலிலும் மற்றும் மயிலாடுதுறை அருகே உள்ள தேரழுந்தூர் பள்ளிவாசலிலும் உள்ள உண்டியல் உடைக்கப்பட்டு பணம் திருடப்பட்டிருக்கிறது. அதே பாணியில் இந்த திருட்டும் நடந்திருப்பது பெரும் அதிர்ச்சிகலந்த அச்சத்தை உண்டாக்கியுள்ளது.
 

 

 

 

சார்ந்த செய்திகள்

 

Next Story

'கோவையில் திருடர்கள்... விருதுநகரில் விஐபிக்கள்...' - பகீர் கிளப்பும் முகமூடி கொள்ளை கும்பல்

Published on 11/07/2024 | Edited on 11/07/2024
 'We are the owner... we are the thief...'- Club is also a masked bandit

கோவையில் ரயில்வே தண்டவாளத்தை ஒட்டியுள்ள குடியிருப்பு பகுதிகளில் முகமூடி அணிந்து கொண்டு 4 நபர்கள் நடமாடும் சிசிடிவி காட்சிகள் அண்மையில் வெளியாகி பரபரப்பை ஏற்படுத்தியிருந்தது. இது தொடர்பாக புகார்கள் அளிக்கப்பட்ட நிலையில் காவல்துறை இது தொடர்பாக முழு விசாரணை மேற்கொண்டது. விசாரணையில் இந்த கொள்ளை கும்பல் தமிழகம் முழுவதும் ரயில் தண்டவாளங்களை ஒட்டியுள்ள வீடுகளை நோட்டமிட்டு திருடி வந்தது தெரிய வந்துள்ளது.

கோவை மட்டுமல்லாது தமிழகத்தின் பல்வேறு இடங்களிலும் கொள்ளையில் ஈடுபட்டுள்ள இந்த கும்பல் குறித்து பல்வேறு அதிர்ச்சி தகவல்களை காவல்துறையினர் வெளியிட்டுள்ளனர். கொள்ளை சம்பவத்தில் ஈடுபட்ட முக்கிய நபரான மூர்த்தி கைது செய்யப்பட்டுள்ளார். அவரிடம் நடத்தப்பட்ட விசாரணையில் கோவை மாநகரில் மட்டும் 18 கொள்ளையில் ஈடுபட்டுள்ளது தெரிய வந்துள்ளது. வீடுகளை உடைத்து கொள்ளை சம்பவத்தில் ஈடுபட்டுள்ளனர்.

தமிழ்நாடு முழுவதும் 68 மேற்பட்ட ஹவுஸ் பிரேக்கிங் (வீடு உடைப்பு)  மற்றும் ராபரியில் ஈடுபட்டது தெரிய வந்துள்ளது. மேலும் தமிழகம் முழுவதும் கொள்ளையை அரங்கேற்றிய இந்த கும்பல் விருதுநகரில் நான்கு கோடி ரூபாய்க்கு ஸ்பின்னிங் மில் வாங்கி  நடத்தி விஐபிக்களாக  சுற்றிவந்துள்ளனர் என்பது தெரியவந்துள்ளது. மூன்று மாதங்களாக நடைபெற்ற தீவிர தேர்தல் வேட்டைக்கு பிறகு இப்படிப்பட்ட ஒரு கும்பல் பிடிக்கப்பட்டுள்ளது. மூர்த்திக்கு ராட் மேன் என்ற பெயரும் உள்ளதாம். கொள்ளையடிக்க வீட்டின் கதவுகளை உடைக்க ராட் பயன்படுத்தியதால் மூர்த்திக்கு ராட் மேன் என பெயர் வந்துள்ளது என மூர்த்தியை கைது செய்துள்ள ராஜபாளையம் போலீசார் தெரிவித்துள்ளனர். மேலும் இந்த சம்பவம் தொடர்பாக  மேலும் பலரைத்  தேடி வருவதாகவும் தெரிவிக்கப்பட்டுள்ளது.

Next Story

'ஒரு மாதத்தில் திரும்பத் தந்து விடுகிறேன்' - கடிதம் எழுதிவைத்துவிட்டு கொள்ளை

Published on 03/07/2024 | Edited on 03/07/2024
 'I will give it back in a month' - robbery after writing a letter

'உங்கள் வீட்டில் கொள்ளையடித்த பணம், நகைகளை ஒரு மாதத்தில் திருப்பி தந்து விடுகிறேன்' எனக் கடிதம் எழுதி வைத்துவிட்டு வீட்டில் கொள்ளையடிக்கப்பட்ட சம்பவம் தூத்துக்குடியில் பரபரப்பை ஏற்படுத்தி இருக்கிறது.

தூத்துக்குடி மாவட்டம் மெஞ்ஞானபுரம் ஊராட்சி ஐந்தாவது வார்டு பகுதியில் வசித்து வருபவர் சித்திரைச் செல்வன். சென்னையில் உள்ள தன்னுடைய மகனைப் பார்க்க வேண்டும் என்பதற்காக  சித்திரைச் செல்வனும் அவரது மனைவியும் சென்றுள்ளனர். வீட்டின் சாவியை அதே பகுதியைச் சேர்ந்த செல்வி என்பவரிடம் கொடுத்துவிட்டு சென்றுள்ளனர் என்று கூறப்படுகிறது. இந்நிலையில் செல்வி வீட்டை சுத்தம் செய்ய வந்தபோது வீட்டின் பூட்டு உடைக்கப்பட்டிருந்தது. உடனடியாக சித்திரச் செல்வனுக்கு தகவல் கொடுக்கப்பட்டது. காவல் நிலையத்திலும் புகார் கொடுக்கப்பட்டது. காவல்துறை நடத்திய விசாரணையில் பீரோவில் இருந்த 60 ஆயிரம் ரூபாய் ரொக்க பணம், நகைகள் கொள்ளையடிக்கப்பட்டது தெரிந்தது.

 'I will give it back in a month' - robbery after writing a letter

மேலும் அங்கு ஒரு கடிதமும் கைப்பற்றப்பட்டது. அதில் 'என்னை மன்னித்து விடுங்கள் நான் இன்னும் ஒரு மாதத்தில் கொள்ளையடித்த பணம், நகையைத் திரும்ப தந்து விடுகிறேன். என் வீட்டில் உள்ளவர்களுக்கு உடல்நிலை சரியில்லை' என எழுதப்பட்டிருந்தது. இந்தச் சம்பவம் தொடர்பாக போலீசார் தொடர்ந்து விசாரணை மேற்கொண்டு வருகின்றனர்.