Skip to main content

ஆம்புலன்ஸ்களுக்கு எரிபொருள் இலவசம்... ரிலையன்ஸ் நிறுவனத்தின் புதிய முயற்சி...

Published on 13/05/2021 | Edited on 13/05/2021

 

 

தமிழகத்தில் கரோனா பொதுமுடக்கம் அமலில் உள்ள சூழலில், பல்வேறு தனியார் நிறுவனங்களும், தன்னார்வலர்களும், கரோனா தடுப்பு பணிகளுக்கும், ஏழை மக்களின் வாழ்வாதாரத்தை மீட்டெடுக்கவும் தங்களால் முடிந்த உதவிகளைச் செய்து வருகின்றனர். அரசு சார்பிலும் துரிதமான முறையில் நடவடிக்கைகள் எடுக்கப்பட்டாலும் சில பெரிய நிறுவனங்கள் மக்கள் அதிகமாகப் பாதிக்கப்படும் இடங்களுக்கு நேரடியாகச் சென்று நிவாரண உதவிகளைச் செய்தும் வருகின்றன. அந்தவகையில், தற்போது கரோனா பாதிக்கப்பட்டவர்களுக்கான சேவையில் ஈடுபட்டுள்ள ஆம்புலன்ஸ்களுக்கு ரிலையன்ஸ் நிறுவனம் எரிபொருள் இலவசமாக வழங்கியுள்ளது. இந்த உதவித்திட்டத்தை ரிலையன்ஸ் நிறுவன அதிகாரிகள், தமிழக சுகாதாரத்துறை அமைச்சர் மா. சுப்பிரமணியன் ஆகியோர் கொடியசைத்துத் துவங்கி வைத்தனர். 

 

 

 

சார்ந்த செய்திகள்

 

Next Story

தேய்ந்து கிழிந்த டயர்கள்; ஆபத்தான முறையில் இயக்கப்படும் 108 ஆம்புலன்ஸ்கள்!

Published on 27/05/2024 | Edited on 27/05/2024
108 ambulances run with worn out tires

ஏழை எளிய மக்களின் உயிர் காக்க அவசர தேவைகளுக்காக 108 ஆம்புலன்ஸ்களை அரசு ஏற்படுத்தியது. இந்த சேவை மக்களுக்கான பேருதவியாக இருந்து வருகிறது.

இந்த சேவையின் பராமரிப்பை தனியார் நிறுவனங்களிடம் ஒப்படைத்து அதற்கான தொகையையும் அரசாங்கம் வழங்கி வருகிறது. ஆனால் சேவை நிறுவனம் 108 ஊழியர்களுக்கு வழங்க வேண்டிய சலுகைகளை கூட சரியாக வழங்குவதில்லை என  கூறப்படுகிறது. அதே போல 108 வாகனங்களையும் சரியாக பராமரிப்பதில்லை என்ற குற்றச்சாட்டுகளும் தொடர்ந்து எழுந்து கொண்டிருந்தாலும். அதை சம்பந்தப்பட்ட நிறுவனங்கள் கவனத்தில் கொள்வதில்லை என்றும் கூறப்படுகிறது.

இந்த நிலையில், புதுக்கோட்டை மாவட்டத்தில் சில 108 ஆம்புலன்ஸ்களில் டயர்கள் தேய்ந்து கிழிந்து உள்ளதாகவும், அந்த டயர்களை வைத்தே அவசர உதவிக்கு இயக்க வேண்டிய நிலை ஏற்பட்டுள்ளதாக கூறப்படுகிறது.  டயர் மாற்றிக் கொடுங்கள் என்று கேட்டால் ஒப்பந்த நிறுவனம் கண்டுகொள்வதில்லையாம். அதுமட்டுமல்லாமல்  டயர் பஞ்சரானால் ஓட்டுநர்களே பொறுப்பேற்று கடிதம் கொடுக்க வேண்டியுள்ளதாம்.

இது குறித்து 108 ஊழியர்கள் கூறும் போது, “பணி நேரத்தை நிர்ணயிக்க வேண்டும். வாகனங்களை சரியாக பராமரிக்க வேண்டும் என்பன உள்ளிட்ட கோரிக்கைகளை வலியுறுத்தியும் ஒப்பந்த நிறுவனம் கண்டு கொள்வதில்லை. பல வாகனங்களில் டயர்கள் கிழிந்திருந்தாலும் குறிப்பிட்ட கிலோ மீட்டரில் மாற்றாமல் அதையே பயன்படுத்தச் சொல்கிறார்கள். இதனால் விபத்துகள் தான் ஏற்படுகிறது. அவசரத்திற்கு செல்லமுடியவில்லை. அமைச்சர்கள் தொகுதிகளிலேயே இப்படியான நிலையில் தான் 108 வாகனங்கள் உள்ளது” என்கின்றனர்.

Next Story

108-ல் நடந்த பிரசவம்-பணியாளர்களை பாராட்டும் உறவினர்கள்!

Published on 22/05/2024 | Edited on 22/05/2024
108 birth-relatives praise the staff!

புதுக்கோட்டை மாவட்டம்,  அறந்தாங்கி அருகில் உள்ள அரசர்குளம்  கிராமத்திலிருந்து 108 -க்கு அழைப்பு சென்றது. பிரசவ வலியால் துடிக்கும் பெண்ணை அறந்தாங்கி அரசு மருத்துவமனைக்கு கொண்டு போகனும் என்று கூறியுள்ளனர்.

அறந்தாங்கி அரசு மருத்துவமனையில் நின்ற 108 ஆம்புலன்ஸ் விரைந்து சென்று  பிரசவ வலியால் துடித்துக் கொண்டிருந்த சத்யா  (வயது 30 ) என்ற கர்ப்பிணியை ஏற்றி கொண்டு அறந்தாங்கி விரைந்தனர். செல்லும் வழியில் சத்யாவுக்கு பிரசவ வலி அதிகமானதால் ஓட்டுநர் பிரகாஷ் ஆம்புலன்சை ரத்தின கோட்டை அருகில் சாலை ஓரமாக நிறுத்தினார்.

வலி அதிகரித்து துடித்த சத்யாவுக்கு 108  ஆம்புலன்ஸ்  அவசரகால மருத்துவ நிபுணர் கருணாகரன் ஆம்புலன்சிலேயே பிரசவம் பார்த்து முதலுதவி சிகிச்சை அளித்தார். சத்யாவுக்கு அழகான பெண் குழந்தை பிறந்தது. பிறகு மருத்துவ சிகிச்சை அளித்து பாதுகாப்பாக அறந்தாங்கி  அரசு  மருத்துவமனைக்கு  அழைத்து சென்று அங்கு தாய், சேய் இருவரும் பாதுகாப்பாக அனுமதிக்கப்பட்டனர்.

இந்தப் பணியை சிறப்பாக செய்த ஓட்டுநர் பிரகாஷ் மற்றும் மருத்துவ நுட்புனர் கருணாகரன்  ஆகிய 108 ஆம்புலன்ஸ் பணியாளர்களுக்கு உறவினர்கள் மற்றும் அறந்தாங்கி பகுதி பொதுமக்கள் வாழ்த்துக்களையும் பாராட்டுகளையும் தெரிவித்தனர்.