Skip to main content

நாளை ரம்ஜான் - தலைமை காஜி அறிவிப்பு

Published on 21/04/2023 | Edited on 21/04/2023

 

 Ramzan tomorrow- Chief Qazi announcement

 

ரம்ஜான் என்று அழைக்கப்படும் நோன்பு பெருநாள் பண்டிகை உலகம் முழுவதும் வாழும் இஸ்லாமியர்களால் கொண்டாடப்படுகிறது. ஈகைத் திருநாள் என்று தமிழ் மக்களால் அழைக்கப்படும் இந்த நாளில் ஏழை மக்களுக்கு அரசி, கோதுமை உள்ளிட்டவற்றை அளித்து ஈகையை வெளிப்படுத்தும் நன்னாளாக கொண்டாடப்பட்டு வருகிறது.

 

பிறை தென்படுவதன் அடிப்படையில் ரமலான் மாதம் 29 நாட்களா அல்லது 30 நாட்களா என்பது முடிவு செய்யப்படுகிறது.  இந்நிலையில் தமிழ்நாடு முழுவதும் பல்வேறு இடங்களில் இன்று பிறை தென்பட்டதால் நாளை ரம்ஜான் பண்டிகை கொண்டாடப்படும் என அரசு தலைமை காஜி சலாவுதீன் முகமத் அயூப் அறிவித்துள்ளார். உலகம் முழுவதும் இஸ்லாமியர்களால் ரம்ஜான் பண்டிகையானது உற்சாகமாக கொண்டாடப்பட்டு வருகிறது. 

 

 

சார்ந்த செய்திகள்

Next Story

மாசி மகம்; 132 ஆண்டுகளாக பூவராக சுவாமிக்கு, இஸ்லாமியர்கள் வரவேற்பு!

Published on 24/02/2024 | Edited on 24/02/2024
For 132 years in front of Masi Magam Near Chidambaram, Muslims welcome Bhuvaraha Swami!

கடலூர் மாவட்டம் கிள்ளையில் ஆண்டுதோறும் மாசி மகம் சிறப்பாக  நடைபெறுவது வழக்கம். இதில் கிள்ளை மற்றும் அதனைச் சுற்றியுள்ள கிராமங்களில் இருந்து 100-க்கும் மேற்பட்ட சாமி சிலைகள் மேளதாளம் முழங்க கிள்ளை கடற்கரை பகுதிக்கு கொண்டுவரப்பட்டு,  தீர்த்தவாரி நடைபெறும். இந்த நிலையில் கிள்ளையில் மாசி மக விழா நடைபெற்றது.

கிள்ளை மற்றும் அதனைச் சுற்றியுள்ள கிராமங்களில் இருந்து ஏராளமான சுவாமிசிலைகள் கிள்ளை கடற்கரைக்கு கொண்டுவரப்பட்டு தீர்த்தவாரி நடைபெற்றது. மாசி மகத்தை முன்னிட்டு ஏராளமான பொதுமக்கள் கலந்து கொண்டு சாமி தரிசனம் செய்தனர். பலர் கடலில் குளித்துவிட்டு முன்னோர்களுக்கு தர்ப்பணம் தந்தனர்.

ஆண்டுதோறும் கிள்ளை கடற்கரைக்கு மாசி மகத் திருவிழாவிற்கு ஸ்ரீமுஷ்ணம் பூவராக சாமி தீர்த்தவாரிக்கு வருவது வழக்கம். இந்த ஆண்டு கடற்கரைக்கு வழக்கம்போல தீர்த்தவாரிக்கு வந்தது. கிள்ளை தைக்கால் பகுதியில் தர்க்கா டிரஸ்ட் நிர்வாகி சையது சக்ஹாப் தலைமையில் ஏராளமான இஸ்லாமியர்கள், பேரூராட்சி மன்ற துணைத்தலைவர் கிள்ளை ரவீந்திரன் உள்ளிட்டோர் இணைந்து சாமியை வரவேற்று பட்டு சாத்தினார்கள். பின்னர் பூவராகசாமி கொண்டுவந்த பிரசாதத்தை மேளதாளம் முழங்க அதே பகுதியில் உள்ள தர்ஹாவிற்கு எடுத்துச்சென்று உலக நன்மைக்காகவும், மக்களின் நலனுக்காகவும் பாத்தியா ஓதப்பட்டது. 

இந்நிகழ்வில் பேரூராட்சி உறுப்பினர்கள், முக்கிய பிரமுகர்கள்,  பூவராகசாமி கோயில் செயல் அலுவலர் ராஜ்குமார், பொதுமக்கள் உள்ளிட்டவர்கள் கலந்து கொண்டனர். இந்நிகழ்வு கடந்த 132 ஆண்டுகளாக மதங்களை கடந்த மகம் என இந்து - முஸ்லீம் ஒற்றுமையை பறைசாற்றும் வகையில் அமைந்து வருவது அனைவரது மத்தியிலும் வரவேற்பைப் பெற்றுள்ளது.

Next Story

ரம்ஜான் உணவுத் திருவிழாவுக்கு திடீர் போர்க்கொடி!

Published on 23/02/2024 | Edited on 23/02/2024
A sudden war flag for the Ramadan food festival at bangalore

வருகிற மார்ச் 12ஆம் தேதி இஸ்லாமியர்கள் பண்டிகையான ரம்ஜான் நோன்பு காலம் தொடங்குவதால், ஒவ்வொரு பகுதியிலும் ‘உணவுத் திருவிழா’வுக்கான ஏற்பாடுகள் நடைபெற்று வருகின்றன. அந்த வகையில், கர்நாடகா மாநிலம் பெங்களூர், பிரேசர் டவுனில் உள்ள எம்.எம்.ரோடு, மசூதி ரோடு மற்றும் அதனை சுற்றுவட்டாரப் பகுதிகளில் ஆண்டுதோறும் ‘ரம்ஜான் உணவுத் திருவிழா’ என்பது வெகுவிமரிசையாக நடத்தப்பட்டு வருகிறது. 

இந்த திருவிழாவின் போது, ரம்ஜான் காலத்தில் இஸ்லாமியர்கள்  அருந்தும் வெவ்வேறு வகையான உணவு பதார்த்தங்கள் விற்பனை செய்யப்படும். இந்த திருவிழாவில் ஏராளமான மக்கள் கலந்து கொள்வார்கள். இந்த நிலையில், இந்த உணவுத் திருவிழாவுக்கு தடை விதிக்க வேண்டும் என்று பிரேசர் டவுன் குடியிருப்போர் நலச் சங்கத்தினர் கோரிக்கை வைத்துள்ளனர். இது தொடர்பாக, இந்த சங்கத்தின் சார்பில் 3,500 பேர் கையெழுத்திட்டு, காங்கிரஸ் எம்.எல்.ஏ ஏ.சி.சீனிவாடாவிடம் மனு ஒன்றை அளித்துள்ளனர். 

அந்த மனுவில் அவர்கள் கூறியிருப்பதாவது, ‘ரம்ஜான் உணவுத் திருவிழாவில் கலந்து கொள்ள ஏராளமான மக்கள் இங்கு வருகிறார்கள். இதன் காரணமாக பிரேசர் டவுன் பகுதியில் 40 நாட்களுக்கு கடும் போக்குவரத்து நெரிசல் ஏற்படுகிறது. கடந்த ஆண்டே, இந்த உணவுத் திருவிழாவை நிறுத்த வேண்டும் என்ற பிரச்சாரத்தை தொடங்கினோம். ஆனால், அதனையும் மீறி உணவுத் திருவிழா நடத்தப்பட்டது.

கடந்த ஆண்டு, இந்த திருவிழாவின் போது ஒரு கடையில் சிலிண்டர் வெடித்து விபத்து ஏற்பட்டது. இந்த விபத்தில் சிக்கி காயமடைந்தவர்களை மீட்க, ஆம்புலன்ஸ் வர முடியாத நிலைக்கு கூட்ட நெரிசல் இருந்தது. மேலும், இந்த திருவிழாவினால், குப்பை, புகை, கழிவுநீர் போன்ற சுகாதாரக் கேடுகள் ஏற்படுகின்றன. இங்கு விற்பனை செய்யும் இறைச்சி உணவு வகைகள் தூய்மையற்ற முறையில் சமைக்கப்படுவதால், இதனை உண்ணும் மக்கள் உடல்நலக்குறைவுக்கு ஆளாகின்றனர். எனவே, ரம்ஜான் உணவுத் திருவிழாவை பிரேசர் டவுன் பகுதியில் நடத்தக்கூடாது’ என்று தெரிவித்துள்ளனர். இஸ்லாமிய பண்டிகையான ‘ரம்ஜான் உணவுத் திருவிழாவுக்கு’ அங்கு உள்ள மக்கள் எதிர்ப்பு தெரிவித்தது பெரும் பரபரப்பை ஏற்படுத்தியுள்ளது.