Skip to main content

பாலியல் தொல்லைக் கொடுத்த மாமனாரைக் கொலை செய்த மருமகள் கைது!

Published on 21/08/2021 | Edited on 21/08/2021

 

ramanathapuram district father in law incident daughter in law police investigation

ராமநாதபுரம் மாவட்டம், முதுகுளத்தூர் அருகே கேழல் கிராமத்தைச் சேர்ந்த வினோத் ராஜனுக்கும் (வயது 27),  கனிமொழிக்கும் (வயது 25) கடந்த 4 ஆண்டுகளுக்கு முன்பு திருமணம் நடந்துள்ளது. இந்த நிலையில் நான்கு ஆண்டுகள் கடந்தும் குழந்தைகள் இல்லாமல் விரக்தியில் இருந்து உள்ளனர். இதையடுத்து, மருமகள் கனிமொழிக்கு, மாமனார் முருகேசன் வீட்டில் ஆளில்லாத நேரத்தில் பாலியல் தொல்லைக் கொடுத்து வந்ததாகக் கூறப்படுகிறது. இதுப் பற்றி கனிமொழி தனது கணவரிடம் பலமுறை கூறியும் அவர், இதைக் கண்டுக் கொள்ளவில்லை. 

 

இதனால் கனிமொழியிடம் அவரது மாமனாரின் பாலியல் சீண்டல்கள் நாளுக்கு நாள் அத்துமீறியதையடுத்து அவரை கொலை செய்வது என முடிவு செய்துள்ளார். அதன் தொடர்ச்சியாக, கடந்த 20 நாட்களுக்கு முன்பு, மாமனார் சாப்பாட்டில் விஷம் வைத்து கொடுத்துள்ளார். அதைச் சாப்பிட்ட மாமனாருக்கு உடல்நிலை பாதிக்கப்பட்டது. அதைத் தொடர்ந்து, அவர் பரமக்குடி அரசு மருத்துவமனையில் சிகிச்சைக்காக அனுமதிக்கப்பட்டார். அங்கு அவருக்கு மருத்துவர்கள் சிகிச்சை அளித்து வந்தனர். இந்நிலையில், மறுநாளே சிகிச்சைப் பலனின்றி உயிரிழந்தார். யாருக்கும் எதுவும் சந்தேகம் வராததால், அவரது இறுதிச் சடங்குகள் நடந்து முடிந்தது. உணவில் விஷம் வைத்து கொலை செய்த மருமகள் அதனை யாரிடமும் தெரிவிக்காமல் தொடர்ந்து மறைத்து வந்துள்ளார்.

 

மாமனாரை கொலை செய்ததால் கனிமொழி மிகுந்த மன அழுத்தத்தில் இருந்துள்ளார். இந்த நிலையில், கீழக்குளம் கிராம நிர்வாக அலுவலரிடம் சரணடைந்து நடந்த விவரங்களைக் கூறினார். அதைத் தொடர்ந்து, கிராம நிர்வாக அலுவலர் கொடுத்தப் புகாரின் அடிப்படையில் கீழத்தூவல் காவல்துறையினர் கனிமொழியை கைது செய்து தீவிர விசாரணை நடத்தினர். 

 

அப்போது காவல்துறையிடம் கனிமொழி அளித்த வாக்குமூலத்தில் கூறியிருப்பதாவது, "எனக்கு மூன்று ஆண்டுகளாக மாமனார் பாலியல் தொல்லைக் கொடுத்து வந்தார். எத்தனையோ முறை கண்டித்தும் அவர் கேட்கவில்லை; என்னிடம் அத்துமீறி நடந்தார். இதுப் பற்றி கணவரிடம் கூறினேன். அவரும் இதனை கண்டுக் கொள்ளவில்லை. இதனால் இனி மேலும் பொறுக்க முடியாததால் மாமனாருக்கு சாப்பாட்டில் விஷம் வைத்துக் கொடுத்தேன். நடந்த சம்பவத்தை நான் யாரிடமும் சொல்லாமல் மறைத்தேன். ஆனால் எனக்கு மனசு கேட்கவில்லை. இதனால் சரணடைந்தேன்". இவ்வாறு அவர் வாக்குமூலத்தில் கூறியுள்ளதாக காவல்துறையினர் தெரிவித்தனர்.


 

சார்ந்த செய்திகள்

 

Next Story

பட்டப்பகலில் பெண் படுகொலை; பரமக்குடியில் பரபரப்பு

Published on 24/06/2024 | Edited on 24/06/2024
incident in broad daylight; There is excitement in Paramakudi

ராமநாதபுரம் மாவட்டம் பரமக்குடி அருகே பட்டப்பகலில் டீக்கடையில் பணியாற்றி வந்த பெண்ணை இளைஞர் ஒருவர் கத்தியால் குத்தி கொலை செய்த சம்பவம் பரபரப்பை ஏற்படுத்தி இருக்கிறது. அண்மையில் காஞ்சிபுரத்தில் பட்டப்பகலில் பெண் காவலர் ஒருவர் கணவரால் தாக்கப்பட்டு ரத்த வெள்ளத்தில் மீட்கப்பட்ட சம்பவம் பரபரப்பை ஏற்படுத்தி இருந்த நிலையில் ராமநாதபுரம் பகுதியில் நடந்த இந்த கொலை சம்பவம் மேலும் பரபரப்பை ஏற்படுத்தி இருக்கிறது.

ராமநாதபுரம் மாவட்டம் பரமக்குடி பகுதியில் பரபரப்பாக இயங்கிக் கொண்டிருந்த டீக்கடையில் மேகலா என்ற பெண் பணியாரம் சுட்டுக் கொண்டிருந்தார். அப்போது அங்கு வந்த அதே பகுதியைச் சேர்ந்த மணிகண்டன் என்பவர் எதிர்பாராத விதமாக மறைத்து வைத்திருந்த கத்தியால் மேகலாவை சரமாரியாக குத்தினார். ரத்த வெள்ளத்தில் கீழே விழுந்த மேகலா அங்கேயே துடிதுடித்து உயிரிழந்தார். உடனடியாக மணிகண்டனை பிடித்த அக்கம்பக்கத்தினர் அவனை போலீசாரிடம் ஒப்படைத்தனர்.

incident in broad daylight; There is excitement in Paramakudi

இது தொடர்பான விசாரணையில் கருத்து வேறுபாட்டால் கணவனை பிரிந்து இரண்டு குழந்தைகளுடன் தாய் வீட்டில் வசித்து வந்த மேகலா அந்தப் பகுதியில் உள்ள டீக்கடையில் பணியாற்றி வந்தார். அப்போது அதே பகுதியைச் சேர்ந்த மணிகண்டன் என்பவருக்கும் மேகலாவிற்கும் இடையே தொடர்பு ஏற்பட்டுள்ளது. அதேபோல் இருவருக்கும் இடையே பணம் கொடுக்கல் வாங்கல் தகராறும் இருந்ததாகக் கூறப்படுகிறது. இது குறித்து மேகலா ஏற்கனவே காவல் நிலையத்தில் புகார் அளித்திருந்தார். இருதரப்பையும் அழைத்த போலீசார் இருவரையும் கண்டித்து அனுப்பி வைத்திருந்தனர். இந்நிலையில் ஆத்திரத்தில் இருந்த மணிகண்டன் டீக்கடையில் பணியாரம் சுட்டுக் கொண்டிருந்த மேகலாவை கத்தியால் குத்தியது தெரிய வந்தது. பட்டப்பகலில் டீக்கடையில் பணியாற்றிக்கொண்டிருந்த பெண் கத்தியால் குத்தி கொலை செய்யப்பட்ட சம்பவம் அங்குப் பரபரப்பை ஏற்படுத்தியுள்ளது.

Next Story

கள்ளக்குறிச்சி விவகாரம்; மேலும் ஒருவர் உயிரிழப்பு!

Published on 24/06/2024 | Edited on 24/06/2024
Forgery issue One more person was added

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 5 பெண்கள் உட்பட 50க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்து பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

இந்த விவகாரம் தொடர்பான வழக்கு சிபிசிஐடி விசாரணைக்கு மாற்றப்பட்டு 10 தனிப்படைகள் அமைக்கப்பட்டு சிபிசிஐடி போலீசார் வழக்குப்பதிவு செய்து விசாரணை மேற்கொண்டு வருகின்றனர். இதற்கிடையே கள்ளச்சாராயம் விற்பனை செய்த கண்ணுக்குட்டி என்கிற கோவிந்தராஜ், அவரது மனைவி விஜயா, சகோதரர் தாமோதரன் உள்ளிட்ட மூவரும் கைது செய்யப்பட்டனர். மெத்தனால் விற்பனையாளர்களான சின்னதுரை, மதன், ஜோசப்ராஜ் ஆகிய மூவரும் கைது செய்யப்பட்டனர். இந்த வழக்கில் ராமர், மாதேஷ் எனப் பலரும் கைது செய்யப்பட்டிருந்தனர். அதோடு கள்ளச்சாராயத்தில் மெத்தனால் கலந்த விவகாரத்தில் ராமர், சின்னதுரை மற்றும் ஜோசப் ராஜா ஆகிய 3 பேர் மீதும் கொலைவழக்கு பதிவு செய்யப்பட்டது. அதனைத் தொடர்ந்து மாதேஷ் நண்பர்களான பண்ருட்டி பகுதியைச் சேர்ந்த ஹோட்டல் உரிமையாளர் சக்திவேல், கள்ளக்குறிச்சியைச் சேர்ந்த மீன் வியாபாரி கண்ணன் என இந்தச் சம்பவம் தொடர்பாக 12 பேர் கைது செய்யப்பட்டனர். 

Forgery issue One more person was added

இந்நிலையில் கள்ளச்சாராயம் குடித்து கள்ளக்குறிச்சி அரசு மருத்துவக் கல்லூரி மருத்துவமனையில் சிகிச்சை பெற்று வந்த மணிகண்டன் என்பவர் உயிரிழந்தார்.  இதனால் கள்ளச்சாராயம் குடித்து உயிரிழந்தவர்களின் எண்ணிக்கை 58 ஆக உயர்ந்துள்ளது. சிகிச்சையில் இருக்கும் 12 பேர் முழுமையாக கண்பார்வையை இழந்திருப்பதாக மருத்துவர்கள் தகவல் தெரிவித்துள்ளனர். இதற்கிடையே கள்ளச்சாராய மரணங்களுக்கு காரணமான மெத்தனால் விற்பனை தொடர்பாக மேலும் 2 பேர் கைது செய்யப்பட்டுள்ளனர். மெத்தனால் விற்பனையில் ஈடுபட்ட மாதேஷ்க்கு உதவியதாக அய்யாச்சாமி, தெய்வரா ஆகிய 2 பேர் கள்ளக்குறிச்சியில் கைது செய்யப்பட்டுள்ளனர்.