Skip to main content

“எங்களை நிம்மதியாக வாழ விடுங்கள்” - மீண்டும் வெடிக்கும் ராஜ்கிரண் மகள் விவகாரம்

Published on 02/12/2022 | Edited on 02/12/2022

 

rajkiran step daughter issue

 

சினிமா நடிகர் ராஜ்கிரண் துறையூரைச் சேர்ந்த பத்மஜோதி என்கிற கதிஜாவை இரண்டாவது திருமணம் செய்து கொண்டார். பத்மஜோதியின் மகள் ஜனத்பிரியா வயது 38 இவர் சினிமா மற்றும் சீரியல் நடிகர் முனீஸ் ராஜாவை பேஸ்புக் மூலம் காதலித்து திருமணம் செய்து கொண்டார்.

 

இந்நிலையில், ‘ஜனத்பிரியா 17 பவுன் நகை மற்றும் குடும்ப தாலியை எடுத்துச் சென்று விட்டார் என்றும், அத்தோடு எனது கணவர் ராஜ்கிரண் மீது அவதூறு பரப்பி வருகின்றனர் என்றும் ஜனத்பிரியா அவரது கணவர் முனீஸ் ராஜா மற்றும் ஜனத் பிரியாவின் முதல் தந்தை இளங்கோவன் ஆகியோர் மீது சென்னை கமிஷனர் அலுவலகத்தில் பத்மஜோதி புகார் அளித்துள்ளார். இந்த புகாரை முசிறி அனைத்து மகளிர் காவல் நிலையத்திற்கு விசாரணைக்கு அனுப்பி வைத்தனர். இதன் பேரில் ஜனத்பிரியா மற்றும் முனீஸ் ராஜா இருவரையும் அழைத்து முசிறி டிஎஸ்பி யாஸ்மின் மற்றும் அனைத்து மகளிர் காவல் ஆய்வாளர் காவேரி ஆகியோர் DSP அலுவலகத்தில் விசாரணை மேற்கொண்டனர்.

 

அதன் பின்னர் செய்தியாளர்களைச் சந்தித்த ஜனத்பிரியா மற்றும் முனீஸ் ராஜா இருவரும், "நாங்கள் தான் புகார் அளிக்க வேண்டும். எனக்கு எனது தந்தை மற்றும் பாட்டி அளித்த 40 பவுன் நகைகளை அவர்கள் வைத்துக்கொண்டு தரவில்லை. மேலும் எனக்கு 37 வயது வரை திருமணம் செய்து வைக்காமல், அவர்கள் வீட்டில் வேலைக்காரியாகத்தான் நடத்தினர். தற்போது நான் திருமணம் செய்து விட்டதால் அவர்களுக்குக் கஷ்டமாக உள்ளது. அதனால்தான் என் மீது புகார் அளித்துள்ளனர் என ஜனத்பிரியா தெரிவித்தார். மேலும் ராஜ்கிரண் நினைத்திருந்தால் இந்த புகார் வருவதைத் தவிர்த்திருக்கலாம். எங்களது நகைகளை எங்களுக்குக் கொடுத்து விட்டு எங்களை நிம்மதியாக வாழ விடுங்கள் என்றார்.

 

பத்மஜோதி மாலை 5 மணிக்கு வருகிறார்; நீங்களும் மாலை ஐந்து மணிக்கு விசாரணைக்கு ஆஜராக வேண்டும் என ஜனத்பிரியாவிடம் போலீஸ் தரப்பில் கூறியுள்ளனர். இச்சம்பவம் முசிறி டிஎஸ்பி அலுவலகப் பகுதியில் பரபரப்பை ஏற்படுத்தியது.

 

 

சார்ந்த செய்திகள்

Next Story

எல்.முருகன் மீது வழக்குப் பதிவு

Published on 29/03/2024 | Edited on 29/03/2024
Case registered against L. Murugan

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

அரசியல் கட்சிகள் தீவிரமான தேர்தல் பரப்புரையில் இறங்கிய நிலையில், மறுபுறம் தேர்தல் பறக்கும் படையினர் பல்வேறு இடங்களில் அதிரடி சோதனைகளில் இறங்கியுள்ளனர். இந்நிலையில், தேர்தல் நடத்தை வழிமுறைகளை மீறியதாக நீலகிரி பாஜக வேட்பாளர் எல்.முருகன் மீது வழக்குப் பதிவு செய்யப்பட்டுள்ளது.

கடந்த 25 ஆம் தேதி வேட்புமனு தாக்கல் செய்ய வந்த மத்திய இணை அமைச்சரும் நீலகிரி நாடாளுமன்றத் தொகுதி பாஜக வேட்பாளருமான எல்.முருகன் பல்வேறு கோவிலுக்கு சென்று வழிபாடு நடத்தியதுடன் உதகை அருகே உள்ள கிராமம் ஒன்றுக்குச் சென்று எந்த அனுமதியும் பெறாமல் 100க்கும் மேற்பட்டோர் ஆலோசனையில் ஈடுபட்டதாக கூறப்பட்டது. இதுகுறித்து தேர்தல் பறக்கும் படையின் தலைவராக உள்ள துணை வட்டாட்சியர் தனலட்சுமி தேனாடுகம்பை காவல் நிலையத்தில் புகார் அளித்திருந்தார். இந்த புகாரின் அடிப்படையில் தேர்தல் நடத்தைகளை மீறியதாக எல்.முருகன் மீது போலீசார் வழக்குப் பதிவு செய்யப்பட்டுள்ளது.

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.