ஐ.எம்.டி.பி என்ற இணையதளம் உலகத் திரைப்படங்கள், வெப் தொடர்கள் உள்ளிட்ட பலவற்றைப் பற்றிய தகவல்களை வழங்கும் ஒரு பிரபலமான இணையதளம். மேலும், ஆன்லைன் மூலம் மக்கள் அளிக்கும் புள்ளிகளை வைத்து சிறந்த படம் குறித்த பட்டியலை மக்களுக்கு தொகுத்து வழங்குகிறது. இந்த இணையதளத்தில் டாப் இடத்தில் இடம்பெறுவது ஒரு அங்கீகாரமாகக் கருதப்படுகிறது. இதில் பொதுமக்களில் யார் வேண்டுமானாலும் தங்கள் கருத்துகளையும் ரேட்டிங்கையும் பதிவு செய்ய முடியும் என்பது குறிப்பிடத்தக்கது. 

இந்த இணையதளம் ஒவ்வொரு ஆண்டின் இறுதியில், மக்களின் பெரும் கவனங்களைப் பெற்ற படங்களின் பட்டியலை வெளியிட்டு வருகிறது. அந்த வகையில், 2023 ஆம் ஆண்டு திரையரங்குகளில் வெளியான டாப் 10 மிகவும் பிரபலமான இந்திய படங்களின் பட்டியலை தற்போது வெளியிட்டுள்ளது. அதில் இரண்டு தமிழ்ப் படங்கள் இடம்பெற்றுள்ளது. முழு பட்டியல் விவரம் பின்வருமாறு...

1. ஜவான் (இந்தி)

2. பதான் (இந்தி)

3. ராக்கி அவுர் ராணி கி பிரேம் கஹானி (இந்தி)

4. லியோ (தமிழ்)

5. ஓஎம்ஜி 2 (இந்தி)

6. ஜெயிலர் (தமிழ்)

7. கதார் 2 (இந்தி)

8. தி கேரளா ஸ்டோரி (இந்தி) 

9. து ஜோதி மெயின் மக்கார் (இந்தி)

10. போலா (இந்தி)
 

ரஜினிகந்த தற்போது தனது 170வது படத்தில் நடித்து வருகிறார். லைகா தயாரிக்கும் இப்படத்தை ஜெய் பீம் பட இயக்குநர் த.செ. ஞானவேல் இயக்கி வருகிறார். சென்னையில் படப்பிடிப்பு முழு வீச்சில் நடைபெற்று வருகிறது. இப்படம் 2024 ஆம் ஆண்டுக்குள் வெளியாகவுள்ளது. இதனிடையே, ஐஸ்வர்யா ரஜினிகாந்த் இயக்கும் 'லால் சலாம்' படத்தில் சிறப்பு தோற்றத்தில் நடித்து முடித்துள்ளார். இப்படம் 2024ஆம் ஆண்டு பொங்களுக்கு வெளியாகவுள்ளது. 

இப்படத்தை தொடர்ந்து 171வது படத்திற்காக லோகேஷ் கனகராஜுடன் கை கோர்த்துள்ளார். சன் பிக்சர்ஸ் தயாரிக்கும் இப்படத்திற்கு அனிருத் இசையமைக்கிறார். ஸ்டண்ட் மாஸ்டர்களாக அன்பரிவ் இணைந்துள்ளனர். இப்படத்தின் கதை எழுதும் பணிகள் நடைபெற்று வருவதாக திரை வட்டாரங்கள் தெரிவிக்கிறது. அடுத்த ஆண்டு ஏப்ரல் மாதம் படப்பிடிப்பு தொடங்க திட்டமிடப்பட்டுள்ளது. 

இப்படத்தில் ராகாவா லாரன்ஸ் வில்லன் கதாபாத்திரத்தில் நடிக்கவுள்ளதாக தகவல் வெளியானது. இந்த நிலையில், சிவகார்த்திகேயன் நடிக்க வாய்ப்புள்ளதாக தகவல் வெளியாகியுள்ளது. முக்கிய கதாபாத்திரத்தில் நடிக்க அவரிடம் தற்போது பேச்சு வார்த்தை நடந்து வருவதாகவும் சமூக வலைத்தளங்களில் கூறப்படுகிறது.