Skip to main content

மொட்டையடிப்பதில் தொழில் போட்டி - சிசிடிவியில் பதிவான கத்தரிக்கோல் குத்து காட்சிகள்!

Published on 21/01/2023 | Edited on 21/01/2023

 

Professional competition in shaving - CCTV footage of scissor stabbing!

 

விருதுநகர் மாவட்டம் திருச்சுழியில் சலூன் கடை நடத்தி வருபவர்கள் சத்தியமூர்த்தி மற்றும் மாதவன். திருச்சுழியில் உள்ள மாரியம்மன் கோவில் திருவிழாவுக்கு வரும் பக்தர்களுக்கு மொட்டையடிப்பதில் உறவினர்களான சத்தியமூர்த்திக்கும் மாதவனுக்கும் முன்பகை இருந்துள்ளது. கடந்த 15 வருடங்களாக சத்தியமூர்த்தி தான் அத்திருவிழாவில் முடியெடுக்கும் பணியினைச் செய்து வந்திருக்கிறார். இந்நிலையில், இந்த வருடம் திருவிழாவில் மொட்டையடிக்கும் வேலையை தான் பார்த்துக் கொள்வதாக மாதவன் கூறியிருக்கிறார்.

 

Professional competition in shaving - CCTV footage of scissor stabbing!

 

இந்த விவகாரம் தொடர்பாக சத்தியமூர்த்தியின் சலூன் கடைக்குள் இருவருக்கும் வாய்த்தகராறு ஆனது. கடைக்கு வெளியில் வந்த பிறகு தகராறு பெரிதாகிவிட, முதலில் மாதவன் சத்தியமூர்த்தியின் கையில் கத்தரிக்கோலால் குத்தித் தாக்கியுள்ளார். பதிலுக்கு சத்தியமூர்த்தி இன்னொரு கத்தரிக்கோலால் மாதவனின் மார்பில் குத்தித் தாக்கியுள்ளார். இவையனைத்தும் அந்தப்பகுதியில் பொருத்தப்பட்டிருந்த சிசிடிவி கேமராவில் பதிவாகியுள்ளது. தாக்குதலில் படுகாயமடைந்த மாதவன் மதுரை அரசு மருத்துவமனையில் சிகிச்சை பெற்று வருகிறார். சத்தியமூர்த்தி அருப்புக்கோட்டை அரசு மருத்துவமனையில் அனுமதிக்கப்பட்டுள்ளார்.

 

இதையடுத்து, மாதவனின் மனைவி லட்சுமி அளித்த புகாரின் பேரில், சிசிடிவி காட்சிகளின் அடிப்படையில் திருச்சுழி போலீசார் வழக்குப்பதிவு செய்து விசாரணை நடத்துகின்றனர்.     

 

 

சார்ந்த செய்திகள்

 

Next Story

தீவிரமெடுக்கும் ஆம்ஸ்ட்ராங் வழக்கு; பாஜகவில் இருந்து அஞ்சலை நீக்கம்

Published on 18/07/2024 | Edited on 18/07/2024
 Armstrong Case; anjalai Delete  from BJP

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 5 ஆம் தேதி (05.07.2024) இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இது தொடர்பாக சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுன்டர் செய்யப்பட்டது பரபரப்பை ஏற்படுத்தியது.

 Armstrong Case; anjalai Delete  from BJP

மீதமுள்ள 10 பேர் பூவிருந்தவல்லி தனி கிளைச் சிறையில் அடைக்கப்பட்டுள்ளனர். தொடர்ச்சியாக இந்த கொலை சம்பவம் தொடர்பாக அரசியல் கட்சியில் தொடர்புடையவர்கள் கைது செய்யப்பட்டு வருகின்றனர்.  இதில் வழக்கறிஞர் ஹரிஹரன் என்பவரும், தாதாவின் மனைவி மலர்க்கொடி என்பவரும் கைது செய்யப்பட்டதாக தகவல்கள் வெளியாகி இருந்தது. இந்த கொலை தொடர்பாக பாஜகவினுடைய வட சென்னை மேற்கு மாவட்ட துணைத் தலைவர் பதவியிலிருந்த அஞ்சலை என்பவரை போலீசார் தேடி வருகின்றனர்.

இந்நிலையில் பாஜகவின் வட சென்னை மேற்கு மாவட்ட துணைத் தலைவர் பதவியில் இருந்து அஞ்சலை நீக்கப்படுவதாக கட்சியின் மாநில துணைத் தலைவர் கரு நாகராஜன் பாரதிய ஜனதா கட்சி சார்பில் அறிக்கை ஒன்றை வெளியிட்டுள்ளார். அதில் கட்சியின் நற்பெயருக்கு களங்கம் விளைவிக்கும் வகையில் செயல்பட்டதால் அஞ்சலையை அனைத்து பொறுப்புகளில் இருந்தும் உடனடியாக விடுவிக்கப்படுவதாக தெரிவிக்கப்பட்டுள்ளது.

Next Story

குழந்தையைக் கடித்துக் குதறிய தெருநாய்; பதைபதைக்க வைக்கும் வீடியோ

Published on 17/07/2024 | Edited on 17/07/2024
A stray dog ​​that bit a child; shocking video

தெரு நாய்களால் பெரியவர்கள் முதல் சிறியவர்கள் வரை பாதிக்கப்படுவது தொடர்பான செய்திகள் அவ்வப்போது வெளியாகி பரபரப்பை ஏற்படுத்தி வருகிறது. இந்நிலையில் சமூக வலைத்தளங்களில் வெளியான வீடியோ ஒன்று தற்போது இணையத்தில் பெரும் பரபரப்பை ஏற்படுத்தி இருக்கிறது. அதில் சாலையில் ஓடி விளையாடிக் கொண்டிருந்த சிறுவனை தெருநாய் ஒன்று கடித்துக் குதறியதோடு இழுத்துச் செல்லும் அந்த வீடியோ காட்சிகள் பார்க்கவே பதைபதைப்பை ஏற்படுத்துகிறது.

A stray dog ​​that bit a child; shocking video

தெலுங்கானா மாநிலம் மங்கிலி என்ற பகுதியில் இந்தச் சம்பவம் நிகழ்ந்ததாக தெரிகிறது. சாலையில் ஓடிக் கொண்டிருந்த ஒன்றரை வயது ஆண் குழந்தையை அந்த வழியாக வந்த தெருநாய் ஒன்று கடித்துக் குதறியதோடு இழுத்துக் கொண்டு ஓட முயன்றது. உடனடியாக அங்கிருந்த முதியவர் ஒருவர் நாயை விரட்டி விட்டார். பின்னர் குழந்தை மற்றும் முதியவரின் அலறல் சத்தத்தைக் கேட்டு அக்கம் பக்கத்தில் இருந்தவர்கள் ஓடிவந்தனர். இந்தச் சம்பவம் தொடர்பான சிசிடிவி காட்சி தற்பொழுது இணையத்தில் வேகமாக பரவி வருகிறது.

தெருநாய் கடித்ததில் பாதிக்கப்பட்ட 18 மாத  குழந்தை தற்போது மருத்துவமனையில் தீவிர சிகிச்சை பிரிவில் அனுமதிக்கப்பட்டு சிகிச்சைப் பெற்று வருவதாகவும் தகவல்கள் வெளியாகி உள்ளது.

The website encountered an unexpected error. Please try again later.