Published on 11/06/2019 | Edited on 11/06/2019
புதுச்சேரி முதலியார்பேட்டை 100 அடி சாலையில் உள்ள மதுபான கடையை மூடக் கோரியும், ஜெயமூர்த்திராஜா நகர் சந்திப்பில் (சன்வே ஓட்டல் எதிரில்) சாலை நடுவில் தடுப்புகள் வைத்ததால் ஜெயம் நகர்¸ அண்ணாலையார் நகர்¸ ஜெயமூர்த்திராஜா நகர்¸ இன்ஜினியர்ஸ் காலணி¸ திருப்பூர் குமரன் நகர், வேல்ராம்பட்டு ஆகிய பொதுமக்கள் மிகவும் சிரமத்திற்கு ஆளாகியுள்ளனர். அந்த தடுப்புகளை அகற்ற கோரியும் பொதுமக்கள் சாலை மறியலில் ஈடுப்பட்டனர்.
![p](http://image.nakkheeran.in/cdn/farfuture/IKcwUzg_RVb3cSCnRYEF6m5tYA_RhAY1ZvZyq8med00/1560228324/sites/default/files/inline-images/pandy2.jpg)
இதனை அறிந்த முதலியார்பேட்டை சட்டமன்ற உறுப்பினர் ஆ.பாஸ்கர் பொது மக்களிடம் பேச்சு வார்த்தை நடத்தினார். மேலும் முதலியார்பேட்டை காவல் நிலைய ஆய்வாளர் செந்தில்குமாரிடம் தொலைப்பேசியில் தொடர்பு கொண்டு, நேரில் வரவைத்து புகார் கூறினார். அதையடுத்து பொதுமக்களுக்கு பாதிப்பு ஏற்படுத்திய தடுப்புகள் அகற்றப்பட்டது.
![p](http://image.nakkheeran.in/cdn/farfuture/nJ2BtCDCCy0pBWjclnZQ1Sco5iBZPrRPYt4lcMwLf50/1560228381/sites/default/files/inline-images/pandy1.jpg)