Skip to main content

மரங்களை வளர்த்தெடுக்க புதுப் புது யுக்திகளை முன்னெடுக்கும் இளைஞர்கள்.. ஊக்குவிக்கும் காவல்துறை!

Published on 02/09/2020 | Edited on 02/09/2020

 

tree

 

மரங்களை வளர்த்தெடுப்பது என்பது சவாலான பணி. அரியலூர் மாவட்ட காவல் கண்காணிப்பாளர் ஆலோசனையின் பேரில், போக்குவரத்து காவல்துறை ஆய்வாளரின் முன்னெடுப்பில், பல ஆண்டுகள் பழமை வாய்ந்த ஆலமரம் - அரச மரங்களை மாவட்ட கல்லூரி வளாகத்தில் வைத்து, பசுமையை மீட்டெடுக்க பல அரிய செயலைச் செய்து வருகிறது அரியலூர் மாவட்ட காவல்துறை. ஒவ்வொரு மாவட்ட காவல்துறைக்கும் முன்னோடியாய் விளங்கும் அரியலூர் மாவட்ட காவல்துறையை 'பச்சை மனிதன்' தங்க சண்முக சுந்தரம் பாராட்டுக்குரியது என பல கூட்டங்களில் சொல்லி வருகிறார்.

 

அரியலூர் மாவட்டத்தில் ஏராளமான வரலாற்றுப் புகழ் பெற்ற சான்றுகள் உள்ளன. அந்த வரிசையில் தற்போது கடந்த 10 வருடங்களாக இளைஞர்களின் பசுமையை மீட்டெடுக்கும் முயற்சி பலராலும் பாராட்டப்பட்டு வருகிறது. இந்நிலையில் இயற்கை வேளாண் விஞ்ஞானி நம்மாழ்வார் வழியில் மழை வர வைக்கும் மரங்களை நடுவது என முடிவெடுத்து ஆலமரம், அரசமரம், வேம்பு, புங்கன், புளியமரம், பனை விதைப்பது என இடையக்குறிச்சி கிராமத்தில் 2 கி.மீ தூரத்திற்கு நூற்றுக்கணக்கான நாட்டு வகை மரங்களை வைத்து பராமரித்து வரும் இளைஞர்களின் செயல் பாராட்டுக்குரியது என அப்பகுதி மக்கள் தெரிவிக்கின்றனர்.

 

குழந்தைகளுக்கு பிறந்தநாள் நினைவாக மரக்கன்றுகள் வழங்குவதும், ஒவ்வொரு கிராமத்திலும் புதிதாக திருமணமாகும் தம்பதிகளைக் கொண்டு மரக்கன்றுகள் நடுவதும், மரங்களைப் போற்றிப் பாதுகாக்கும் வகையில் மஞ்சள் துணியைப் போர்த்தி சூலம் நட்டு மரங்களை வணங்குவதும் என 'மரங்களின் நண்பர்கள்அமைப்பு எடுக்கும் முயற்சி பலராலும் பாராட்டப்பட்டு வருகிறது. அதேபோல, பறவையினங்கள் கூடுகட்டி வாழ அட்டைப்பெட்டி பானையில் கூடுகட்டி உதவிசெய்வது என விதவிதமான முறையில் இயற்கையை மீட்டெடுக்க முயற்சிசெய்து வருவது அனைவரது புருவங்களையும் உயர்த்திப் பார்க்க வைத்துள்ளது.

 

 

 

சார்ந்த செய்திகள்

Next Story

எல்.முருகன் மீது வழக்குப் பதிவு

Published on 29/03/2024 | Edited on 29/03/2024
Case registered against L. Murugan

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

அரசியல் கட்சிகள் தீவிரமான தேர்தல் பரப்புரையில் இறங்கிய நிலையில், மறுபுறம் தேர்தல் பறக்கும் படையினர் பல்வேறு இடங்களில் அதிரடி சோதனைகளில் இறங்கியுள்ளனர். இந்நிலையில், தேர்தல் நடத்தை வழிமுறைகளை மீறியதாக நீலகிரி பாஜக வேட்பாளர் எல்.முருகன் மீது வழக்குப் பதிவு செய்யப்பட்டுள்ளது.

கடந்த 25 ஆம் தேதி வேட்புமனு தாக்கல் செய்ய வந்த மத்திய இணை அமைச்சரும் நீலகிரி நாடாளுமன்றத் தொகுதி பாஜக வேட்பாளருமான எல்.முருகன் பல்வேறு கோவிலுக்கு சென்று வழிபாடு நடத்தியதுடன் உதகை அருகே உள்ள கிராமம் ஒன்றுக்குச் சென்று எந்த அனுமதியும் பெறாமல் 100க்கும் மேற்பட்டோர் ஆலோசனையில் ஈடுபட்டதாக கூறப்பட்டது. இதுகுறித்து தேர்தல் பறக்கும் படையின் தலைவராக உள்ள துணை வட்டாட்சியர் தனலட்சுமி தேனாடுகம்பை காவல் நிலையத்தில் புகார் அளித்திருந்தார். இந்த புகாரின் அடிப்படையில் தேர்தல் நடத்தைகளை மீறியதாக எல்.முருகன் மீது போலீசார் வழக்குப் பதிவு செய்யப்பட்டுள்ளது.

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.