Skip to main content

கிராம மக்களை சந்தித்த எஸ்.பி; காத்திருந்த அதிர்ச்சி

Published on 23/12/2022 | Edited on 23/12/2022

 

police are shocked by the subsequent theft incident near Velankanni area

 

“சார் எங்க ஊரில் தினமும் திருட்டு சம்பவங்கள் நடக்குது” என கிராம மக்கள் மாவட்ட எஸ்.பியிடம் புகார் அளிக்கும் அதே நேரத்தில் மேலும் ஒரு திருட்டு சம்பவம் அரங்கேறியுள்ளது அப்பகுதியில் பெரும் அதிர்ச்சியை ஏற்படுத்தியுள்ளது. 

 

நாகை மாவட்டம் வேளாங்கண்ணிக்கு அருகே உள்ளது பிரதாபராமபுரம் கிராமம். இந்த பகுதியில் கடந்த சில நாட்களாக தொடர் திருட்டுச் சம்பவங்களும் வழிப்பறிச் சம்பவங்களும் நடைபெற்று வருகிறது. இதனால், அப்பகுதி மக்கள் பெரும் அச்சத்தில் இருக்கின்றனர். மேலும், இத்தகைய திருட்டு சம்பவங்களால் பாதிக்கப்படும் சுற்றுவட்டார கிராம மக்கள் அனைவரும் ஒன்று சேர்ந்து நாகை மாவட்ட எஸ்.பி. ஜவஹரிடம் புகார் மனு அளித்தனர். இதையடுத்து, கிராம மக்களின் மனுவை பெற்றுக்கொண்ட மாவட்ட எஸ்பி  நேரடியாக பிரதாபராமபுரம் கிராமத்தில் ஆய்வு மேற்கொண்டார்.

 

அதுமட்டுமல்லாமல், கிராமத்தின் முக்கியப் பகுதிகளில் கூடுதலாக தனிப்படை போலீசார் ரோந்து பணியில் ஈடுபட வேண்டுமென உத்தரவிட்டார். இது அப்பகுதி மக்களுக்கு ஆறுதலாக இருந்தது. ஆனால், மாவட்ட எஸ்.பி நேரில் வந்து மக்களை சந்தித்துக் கொண்டிருந்த அதே நேரத்தில் பூவைத்தேடி பகுதியைச் சேர்ந்த வெங்கட்ராமன் என்பவரது வீட்டில் மேலும் ஒரு திருட்டு சம்பவம் அரங்கேறியுள்ளது.

 

இதையறிந்த பொதுமக்கள் போலீசார் இருக்கும்போதே திருட்டு நடக்கிறதே என்று அச்சமடைந்தனர். இந்நிலையில், காவல்துறையை கண்டித்து அப்பகுதியை சேர்ந்த இளைஞர்களும் பொதுமக்களும் சாலை மறியல் போராட்டத்தில் ஈடுபட முயன்றனர். அப்போது, போலீசார் அவர்களிடம் பேச்சுவார்த்தை நடத்திய நிலையில், தற்காலிகமாக போராட்டம் கைவிடப்பட்டது. இதுகுறித்து எஸ்.பியிடம் புகார் தெரிவித்த பொதுமக்கள் பேசும்போது, "சாராயத்தையும் கஞ்சாவையும் ஒழித்தாலே போதும்.  திருட்டுச் சம்பவங்களும், வழிப்பறிகளும் நிச்சயமாக குறைந்துவிடும். மேலும், காவல் நிலையம் சென்று புகார் அளித்தால் கூட போலீசார் அலட்சியமாக நடந்து கொள்வதாக அப்பகுதி மக்கள் குற்றம் சாட்டியுள்ளனர். போலீசார் இருக்கும்போதே நடைபெற்ற திருட்டு சம்பவத்தால் வேளாங்கண்ணி பகுதி மக்களிடையே பெரும் பதற்றத்தை காண முடிகிறது.

 

 

 

சார்ந்த செய்திகள்

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.

Next Story

பார் மேற்கூரை இடிந்து 3 பேர் உயிரிழப்பு; 12 பேர் மீது வழக்கு

Published on 29/03/2024 | Edited on 29/03/2024
Bar roof collapses, 3 lost live Case against 12 people

சென்னை ஆழ்வார்பேட்டையில் தனியாருக்குச் சொந்தமான கேளிக்கை விடுதியில் மேற்கூரை இடிந்து விழுந்து ஏற்பட்ட விபத்தில் 3 பேர் உயிரிழந்த நிலையில் போலீசார் வழக்குப்பதிவு செய்து விசாரித்து வருகின்றனர்.

சென்னை ஆழ்வார்பேட்டையில் தனியாருக்குச் சொந்தமாக இயங்கி வந்த பாரின் முதல் தளத்தின் மேற்கூரை நேற்று இரவு திடீரென யாரும் எதிர்பாராத விதமாக இடிந்து விழுந்தது. இதில் திண்டுக்கல்லைச் சேர்ந்த சைக்ளோன் ராஜ் (வயது 45). மணிப்பூரைச் சேர்ந்த மேக்ஸ் (வயது 21) லாலி (வயது 22) ஆகியோர் உயிரிழந்தனர். உயிரிழந்த 3 பேரின் உடல்களும் மீட்கப்பட்டுப் பிரேதப் பரிசோதனைகளுக்காக அரசு மருத்துவமனைக்கு கொண்டு செல்லப்பட்டது.

இந்த விபத்து குறித்து காவல்துறை உயர் அதிகாரி ஒருவர் செய்தியாளர்களைச் சந்தித்தார். அப்போது அவர் பேசுகையில், “விபத்து நடந்தபோது உள்ளே இருந்தவர்களிடம் விபத்து குறித்து விசாரணை நடத்திய போது, விபத்து நடந்த இடத்தின் உள்ளே 3 பேர் மாட்டிக் கொண்டுள்ளதாகத் தகவல் வந்தது. விடுதியின் முதல் தளத்தின் கான்கிரீட் மேற்கூரை இடிந்து விழுந்துள்ளது. இந்த விபத்தில் சிக்கியவர்களை மீட்கும் பணி நடைபெற்று வருகிறது” எனத் தெரிவித்தார்.

தனியார் கேளிக்கை விடுதியின் மேற்கூரை இடிந்து விழுந்த விபத்தில் 3 பேர் உயிரிழந்துள்ள சம்பவம் மக்கள் மத்தியில் அதிர்ச்சியை ஏற்படுத்தியுள்ளது. இதுகுறித்து அபிராமபுரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மெட்ரோ பணியின் போது ஏற்பட்ட அதிர்வின் காரணமாக இந்த கேளிக்கை விடுதியின் மேற்கூரை இடிந்து விழுந்ததாக முதற்கட்ட விசாரணையில் தகவல் வெளியாகி உள்ளதாகவும் கூறப்பட்டது. இந்நிலையில் முதற்கட்டமாக 12 பேர் மீது வழக்குப் பதிவு செய்துள்ள அபிராமபுரம் போலீசார், பாரின் மேலாளர் சதீஷ் உட்பட ஐந்து பேரை பிடித்து விசாரணை நடத்தி வருகின்றனர்.