Skip to main content

போக்சோ வழக்கு: சிறையிலிருந்து ஜாமீனில் வெளியே வந்த வாலிபர் தற்கொலை!

Published on 22/01/2022 | Edited on 22/01/2022

 

Pocso case: Man released on bail  who made wrong decision

 

அரியலூர் மாவட்டம் மீன்சுருட்டி அருகிலுள்ளது நெல்லித்தோப்பு கிராமம். இந்த கிராமத்தைச் சேர்ந்த பால குரு என்பவரது மகன் வசந்தகுமார்(21). இவர் உறவினர் சக்திவேல் என்பவருடன் கடலூர் மாவட்டம் திட்டக்குடி அருகிலுள்ள கொடிக்களம் பகுதியில் உள்ள ஒரு செங்கல் சேம்பரில் வேலை செய்து வந்துள்ளார். கடந்த ஆண்டு செப்டம்பர் 15ஆம் தேதி அதே பகுதியை சேர்ந்த 17 வயது சிறுமியை காதலித்து அச்சிறுமியை திருமணம் செய்து கொள்வதாக ஆசை வார்த்தை கூறி அழைத்து சென்றுள்ளார். இதுகுறித்து அந்த சிறுமியின் தாயார் ஆவினங்குடி காவல்நிலையத்தில் புகார் அளித்துள்ளார்.

 

அந்த புகாரின் பேரில் சிறுமியை கடத்திச் சென்றதாக வசந்தகுமார் மீது போக்சோ சட்டத்தில் வழக்குப்பதிவு செய்த போலீசார் அவரை கைது செய்து நீதிமன்ற உத்தரவின்படி சிறையில் அடைத்துள்ளனர். இந்த நிலையில் கடந்த மாதம் 28ஆம் தேதி நீதிமன்றத்தில் நிபந்தனை ஜாமீனில் வெளியே வந்துள்ள அவர் தினசரி ஆவினங்குடி காவல்நிலையத்தில் கையெழுத்திட்டு வர வேண்டும் என்று நீதிமன்றம் உத்தரவிட்டிருந்தது. அதன்படி தினசரி ஆவினன்குடி காவல் நிலையம் சென்று கையெழுத்திட்டு வந்த வசந்தகுமார் நேற்று முன்தினம் காலை 10 மணி அளவில் காவல் நிலையத்தில் கையெழுத்து போட்டு விட்டு நேரடியாக அவர் ஏற்கனவே வேலை செய்து வந்த செங்கல் சூளை சேம்பருக்கு சென்றுள்ளார்.

 

பிறகு மாலை தனது சொந்த ஊரான நெல்லித்தோப்பு செல்வதாக தனது உறவினர் சக்திவேல் இடம் கூறிவிட்டு புறப்பட்டுச் சென்றுள்ளார். ஆனால் அவரது சொந்த ஊருக்குச் செல்ல தயங்கிய வசந்தகுமார் அதிகாலை 3 மணி அளவில் அப்பகுதியில் உள்ள மரத்தில் தூக்கில் தொங்கி உள்ளார். இது குறித்த தகவல் ஆவினங்குடி காவல் நிலையத்திற்கு தெரிவிக்கப்பட்டது. போலீசார் உடனடியாக சம்பவ இடத்திற்கு விரைந்து வந்தனர். வசந்தகுமாரை மீட்டு திட்டக்குடி அரசு மருத்துவமனைக்கு கொண்டு சென்றனர். அங்கு வசந்தகுமாரை பரிசோதித்த மருத்துவர்கள் அவர் இறந்துவிட்டதாக தெரிவித்துள்ளனர்.

 

இதுகுறித்து வசந்தகுமாரின் தாயார் சங்கீதா கொடுத்த புகாரின் பேரில் வழக்குப்பதிவு செய்த போலீசார் வசந்தகுமார் தற்கொலை செய்துகொண்டாரா? அல்லது கொலை செய்யப்பட்டாரா? அவரது இறப்புக்கு வேறு ஏதேனும் காரணம் உண்டா? என்பது குறித்து தீவிர விசாரணை நடத்தி வருகிறார்கள். கைதாகி ஜாமீனில் வெளியே வந்தவர் தற்கொலை செய்து கொண்ட சம்பவம் திட்டக்குடி பகுதியில் பெரும் பரபரப்பை ஏற்படுத்தி உள்ளது.

 

 

சார்ந்த செய்திகள்

 

Next Story

சிறுமிகளுக்கு பாலியல் வன்கொடுமை; 15 பேருக்கு அறிவிக்கப்பட்ட தீர்ப்பு; கதறி அழுத உறவினர்கள்

Published on 16/07/2024 | Edited on 16/07/2024
Judgment announced for 15 person ; Weeping relatives

திண்டிவனத்தில் சிறுமிகள் பாலியல் வன்கொடுமைக்கு உள்ளாக்கப்பட்ட சம்பவத்தில் கைது செய்யப்பட்ட 15 பேருக்கு கடும் தண்டனையை நீதிமன்றம் அறிவித்திருக்கும் நிலையில் கைது செய்யப்பட்டவர்களின் உறவினர்கள் கதறி அழுதது பரபரப்பு ஏற்படுத்தியது.

விழுப்புரம் மாவட்டம் திண்டிவனம் அடுத்துள்ள பிரம்மதேசம் காவல் நிலையத்திற்கு உட்பட்ட ஒரு கிராமத்தில் வசித்து வந்தவர் கோமதி. இவருக்கு ஒன்பது வயதிலும், ஏழு வயதிலும் இரு மகள்கள் உள்ளனர். புதுச்சேரியில் கூலிவேலை செய்து வந்த கோமதி தன்னுடைய இரண்டு மகள்களையும் பாட்டியின் கண்காணிப்பில் வளர்த்து வந்தார். கடந்த 2019 ஆம் ஆண்டு ஜூலை மாதம் 18ம் தேதி பிரம்மதேசம் காவல் நிலையத்திற்கு கோமதி தரப்பிலிருந்து ஒரு புகார் கொடுக்கப்பட்டது. அந்த புகாரில் தன்னுடைய இரண்டு மகள்களை அதே கிராமத்தைச் சேர்ந்த 15 பேர் பாலியல் வன்கொடுமை செய்ததாக புகார் கொடுத்திருந்தார். அதில் இளைஞர்கள் முதல் 70 வயது கொண்ட முதியவர் வரை இருந்தனர். இது தொடர்பாக நடத்தப்பட்ட விசாரணை அடிப்படையில் வழக்குப்பதிவு செய்யப்பட்டு தொடர்ந்து விசாரணை மேற்கொள்ளப்பட்டது. 15 பேரையும் காவல்துறை கைது செய்தது. விழுப்புரம் போக்சோ நீதிமன்றத்தில் வழக்கு தொடர்ந்து நடைபெற்று வந்தது. ஜாமீனில் 15 பேரும் வெளியே இருந்த நிலையில் தொடர்ந்து விசாரணை நடைபெற்று வந்தது.

இந்நிலையில் 15 பேருக்கும் இன்று தீர்ப்பு வழங்கப்பட்டது. இந்த வழக்கை விசாரித்த போக்சோ நீதிமன்ற நீதிபதி வினோதா, 15 பேருக்கும் மொத்தம்  மூன்று பிரிவுகளின் கீழ் 40 ஆண்டுகள் சிறைத்தண்டனை விதித்து உத்தரவிட்டதோடு, தலா 32 ஆயிரம் ரூபாய் அபராதம் விதித்து உத்தரவிட்டார். கைது செய்யப்பட்டவர்களின் உறவினர்களும் நீதிமன்ற வளாகத்தில் கூடியிருந்தனர். சிறை தண்டனை அறிவிக்கப்பட்டதைத் தொடர்ந்து அங்கிருந்த கைது செய்யப்பட்டவர்களின் உறவினர்கள் கதறி அழுதனர். பின்னர் 15 பேரும் சிறைக்கு அழைத்து செல்லப்பட்டனர். 

Next Story

சிறுமி பாலியல் வன்கொடுமை; காவலர் கைது!

Published on 15/07/2024 | Edited on 15/07/2024
Mayiladuthurai Dt Perambur Police Station constable Thirunavukarasu incident

மயிலாடுதுறை மாவட்டம் பெரம்பூர் காவல் நிலையத்தில் காவலராக பணியாற்றி வருபவர் திருநாவுக்கரசு. இவர் அதே பகுதியில் உள்ள காவலர் குடியிருப்பில் வசித்து வருகிறார். இந்நிலையில் கடந்த சில தினங்களுக்கு முன்பு அப்பகுதியைச் சேர்ந்த 16 வயது சிறுமிக்கு மது கொடுத்து பாலியல் வன்கொடுமை செய்ததாக கூறப்படுகிறது. பின்னர் இதுகுறித்து சென்னையில் உள்ள குழந்தைகள் பாதுகாப்பு அமைப்புக்கு தகவல் கிடைத்துள்ளது.

இந்தப் புகாரின் அடிப்படையில், மயிலாடுதுறை மாவட்ட குழந்தைகள் பாதுகாப்பு அலுவலர், பெரம்பூர் காவல் நிலையத்தில் புகார் அளித்தார். இது தொடர்பாக காவல் நிலைய ஆய்வாளர் தலைமையில் விசாரணை மேற்கொள்ளப்பட்டது. மேலும் சிறுமிக்கு மருத்துவ பரிசோதனை மேற்கொள்ளப்பட்டதில் சிறுமி பாலியல் வன்கொடுமைக்கு உள்ளானது தெரியவந்தது.

இதனையடுத்து காவலர் திருநாவுகரசை போலீசார் அதிரடியாக கைது செய்தனர். மேலும் இச்சம்பவம் குறித்து தகவல் அறிந்த மாவட்ட காவல் கண்காணிப்பாளர் மீனா பாலியல் குற்றச்சாட்டுக்கு ஆளான காவலர் திருநாவுக்கரசை சஸ்பெண்ட் செய்து உத்தரவிட்டுள்ளார். 

The website encountered an unexpected error. Please try again later.