Skip to main content

பிதாமகன் திரைப்பட தயாரிப்பாளர் வி.ஏ.துரை காலமானார்

Published on 03/10/2023 | Edited on 03/10/2023

 

Pitamagan film producer V. Ethurai passed away

 

சில ஆண்டுகளாகவே உடல்நலக் குறைவு காரணமாக சிகிச்சை பெற்று வந்த பிரபல திரைப்பட தயாரிப்பாளர் வி.ஏ.துரை இன்று காலமானார்.

 

பிரபல திரைப்பட தயாரிப்பாளர் வி.ஏ.துரை (69). இவர் விக்ரம், சூர்யா நடிப்பில் வெளியான பிதாமகன், விஜயகாந்தின் கஜேந்திரா, என்னம்மா கண்ணு உள்ளிட்ட படங்களை தயாரித்தவர். அதேபோல் நடிகர் ரஜினிகாந்த் நடித்த 'பாபா' திரைப்படத்தின் தயாரிப்பு பணிகளிலும் இவர் முக்கிய பங்காற்றியுள்ளார். கடந்த சில ஆண்டுகளாகவே நீரிழிவு நோயால் பாதிக்கப்பட்ட வி.ஏ.துரை, அண்மையில், தான் வறுமையில் வாடி வருவதாகவும் மருத்துவ தேவைக்காக தனக்கு உதவி செய்ய வேண்டும் என திரைத்துறையினர்களுக்கும், நடிகர்களுக்கும் வேண்டுகோள் விடுத்து இருந்தார். அதனைத் தொடர்ந்து நடிகர் ரஜினிகாந்த், ராகவா லாரன்ஸ், சூர்யா, கருணாஸ் உள்ளிட்ட நடிகர்கள் அவருடைய சிகிச்சைக்காக உதவி புரிந்திருந்தனர். சென்னை வளசரவாக்கத்தில் உள்ள வீட்டில் இருந்தபடியே சிகிச்சை பெற்று வந்த வி.ஏ.துரை சிகிச்சை பலனின்றி உயிரிழந்துள்ளார்.

 

 

சார்ந்த செய்திகள்

Next Story

திரிஷாவின் கண்டனம்; சில மணிநேரத்தில் வீடியோ வெளியிட்ட ஏ.வி. ராஜு

Published on 20/02/2024 | Edited on 20/02/2024
Trisha's Condemnation; AV released the video within an hour. Raju

அதிமுகவிலிருந்து நீக்கப்பட்ட முன்னாள் நிர்வாகியான ஏ.வி. ராஜு அண்மையில் செய்தியாளர்களுக்கு அளித்த பேட்டியில், ‘கூவத்தூர் விவகாரத்தில் நடிகை த்ரிஷாவை தொடர்புப்படுத்திப் பேசியிருந்தார். மேலும் தன்னை அதிமுகவிலிருந்து நீக்க எடப்பாடி பழனிசாமிக்கு எந்த அதிகாரமும் இல்லை. அதிமுகவின் சட்ட விதிகளைத் தெரியாமல் எடப்பாடி பழனிசாமி உள்ளார்’ எனப் பல்வேறு குற்றச்சாட்டுகளை வைத்திருந்தார்.

இந்நிலையில், கூவத்தூர் விவகாரத்தில் தன்னை தொடர்புப்படுத்தி இழிவாகப் பேசிய அதிமுக முன்னாள் நிர்வாகி ஏ.வி. ராஜுவிற்கு கடும் கண்டனம் தெரிவித்துள்ள நடிகை த்ரிஷா, இது தொடர்பாக டிவிட்டர் பக்கத்தில் வெளியிட்டுள்ள பதிவில், 'கவனம் ஈர்ப்பதற்காக எந்த அளவுக்கும் தரம் தாழ்ந்து பேசுபவர்களை பார்ப்பதற்கே அறுவறுப்பாக உள்ளது. அவதூறு பேச்சுக்கு எதிரான கடுமையான நடவடிக்கை எடுக்கப்படும். தமது வழக்கறிஞர்கள் தேவையான நடவடிக்கை எடுப்பார்கள்' எனத் தெரிவித்துள்ளார்.

ஏற்கனவே அதிமுக நிர்வாகி ஏ.வி. ராஜுவின் பேச்சுக்கு பல்வேறு சினிமா பிரபலங்களும் கண்டங்கள் தெரிவித்து வந்த நிலையில், த்ரிஷா இதை உறுதிப்படுத்தி உள்ளார்.

mm

இந்நிலையில் ஏ.வி.ராஜு இது தொடர்பாக வீடியோ ஒன்றை வெளியிட்டுள்ளார். அந்த வீடியோவில், ''என்னைப் பற்றி சமூக வலைத்தளங்களில், சில ஊடகங்களில் திரைப்படத் துறையினரை அவதூறாக நான் பேசியதாக தகவல்கள் வெளியாகி உள்ளது. நான் பேசியது அரசியல் ரீதியாக மட்டும் தான் பேசினேன். அந்த இடத்தில் பேட்டியை முடித்த பின்பு ஒரு சிலர் கேட்ட கருத்துக்கு நான் அந்த விளக்கத்தை சொன்னேன். எந்த இடத்திலும் திரைத்துறையினரை வருத்தப்படும் அளவிற்கு பேசக் கூடியவர் நான் அல்ல.

ஒருவேளை அப்படி பேசியதாக தகவல்கள் உங்களுக்கு தவறாக கிடைத்திருந்தால், நான் உங்கள் அனைவருக்கும், பெப்சிக்கும், திரைப்பட நடிகர் சங்கத்திற்கும் மற்றும் சம்பந்தப்பட்ட திரிஷாவுக்கும் என்னுடைய வருத்தத்தை தெரிவித்துக் கொள்கிறேன். ஒருவேளை மனம் புண்படும்படி இருந்திருந்தால் என் சார்பாக வருத்தத்தை தெரிவித்துக் கொள்கிறேன்'' எனத் தெரிவித்துள்ளார்.

Next Story

“தொழிலை தாண்டி சினிமா என்பது காதல்” - மேகா ஷெட்டி

Published on 20/02/2024 | Edited on 20/02/2024
kannada actress megha shetty about tamil cinema

தமிழ் சினிமாவில் புதுவரவாக நடிகை மேகா ஷெட்டி இணைந்துள்ளார். கன்னட சினிமாவில் இருந்து வந்த மேகா ஷெட்டி, சினிமா மீதான ஆர்வத்தில் தொலைக்காட்சி சீரியல் மூலம் தனது நடிப்பு பயணத்தை தொடங்கினார். மேலும் ஒரு தொலைக்காட்சி சீரிஸையும் இணை தயாரிப்பு செய்துள்ளார். 

இதைத் தொடர்ந்து வெள்ளித்திரையிலும் அவர் நடித்துள்ளார். மேகா ஷெட்டிக்குப் பிடித்த ஜானர் மற்றும் அவர் நடிக்க விரும்பும் கதாபாத்திரங்கள் பற்றி கேட்டபோது, ​​"எனது நடிப்புத் திறனை வெளிப்படுத்தும் வகையிலான கதாபாத்திரங்களில் நடிப்பதை நான் விரும்புகிறேன். தமிழ் படங்கள் கதாநாயகிகளுக்கு அப்படியான கதாபாத்திரங்களை கொடுத்து வருகிறது. நானும் அதைப்போன்ற கதாபாத்திரங்களை ஆர்வத்துடனும் நம்பிக்கையுடனும் எதிர்பார்த்துள்ளேன். நடிப்பு தவிர, திரைப்படங்களைத் தயாரிக்கவும், எதிர்காலத்தில் திரைப்பட ஆர்வலர்களுக்கு தரமான கதைகளை கொடுக்கவும் விரும்புகிறேன். இது எனது குடும்பத் தொழில். தொழில் என்பதையும் தாண்டி இது என்னுடைய காதல்" என்றார்.