Skip to main content

ஜவுளிக்கடைக்கு வந்த போன் கால்; அலறியடித்து ஓடிய மக்கள்

Published on 04/11/2023 | Edited on 04/11/2023

 

A phone call to the textile shop in kanchipuram

 

பிரபல ஜவுளிக்கடை ஒன்றில் வெடிகுண்டு மிரட்டல் வந்ததால் பதற்றமான சூழ்நிலை உருவாகி பரபரப்பை ஏற்படுத்தியுள்ளது.

 

தீபாவளி பண்டிகை வரும் நவம்பர் 12ஆம் தேதி அன்று இந்தியா முழுவதும் கொண்டாடப்பட உள்ளது. இந்த பண்டிகையை கொண்டாடுவதற்கு ஏராளமான மக்கள் புத்தாடைகளையும், நகைகளையும் வாங்குவதற்காக பல இடங்களில் அலைமோதி வருகின்றனர். இந்த நிலையில், பிரபல ஜவுளிக்கடை ஒன்றில் வெடிகுண்டு மிரட்டல் வந்ததால், கடையில் இருந்த வாடிக்கையாளர்கள் வெளியேறி அலைமோதிய சம்பவம் பதட்டத்தை உருவாக்கியுள்ளது. 

 

காஞ்சிபுரம் மாவட்டம் சேக்குப்பேட்டை பகுதியில் ஒரு பிரபல ஜவுளிக்கடை ஒன்று இயங்கி வருகிறது. எப்போதும் பரபரப்பாக காணப்படும் இந்த கடைக்கு வார இறுதி நாளான இன்று புத்தாடைகளை வாங்குவதற்காக ஏராளமான மக்கள் வந்துள்ளனர். இந்த நிலையில், தொலைபேசி மூலம் இந்த கடைக்கு வெடிகுண்டு மிரட்டல் வந்துள்ளது. இதனால் அதிர்ச்சியடைந்த கடை உரிமையாளர் இது குறித்து காவல்துறையினருக்கு தகவல் அளித்தார். அதன் பேரில், காவல் துணை கண்காணிப்பாளர் ஜூலியட் சீசர் தலைமையிலான போலீஸார் சம்பவ இடத்திற்கு விரைந்து வந்தனர். 

 

அங்கு வந்த காவல்துறையினர் கடையில் இருந்த வாடிக்கையாளர்களை வெளியேறுமாறு அறிவுறுத்தினர். மேலும், அந்த கடையினை சுற்றி இருந்த அனைத்து மக்களையும் 200 மீட்டர் தூரத்திற்கான பாதுகாப்பான இடத்திற்கு செல்லுமாறு அறிவுறுத்தினர். இதனால், அங்கு இருந்த மக்கள் அலறி அடித்து பாதுகாப்பான இடத்தை நோக்கி சென்றனர். இதனையடுத்து, வெடிகுண்டு மிரட்டல் விடுத்த கடையில் வெடிகுண்டு நிபுணர்கள் மற்றும் மோப்பநாய் உதவியுடன் போலீஸார் தீவிர சோதனையில் ஈடுபட்டு வருகின்றனர். இதனால், அந்த பகுதியில் பதட்டமான சூழ்நிலை உருவாகியுள்ளது. 

 

 

சார்ந்த செய்திகள்

 

Next Story

காஞ்சிபுரம் மேயர் மீது நம்பிக்கையில்லா தீர்மானம்!

Published on 09/07/2024 | Edited on 09/07/2024
Resolution of no confidence in Kanchipuram Mayor

கோவை மேயராக பதவி வகித்து வந்த கல்பனா ஆனந்த குமார் தனது பதவியை கடந்த 3 ஆம் தேதி (03.07.2024) ராஜினாமா செய்தார். மாநகராட்சி ஆணையர் சிவகுரு பிரபாகரனிடம் தனது ராஜினாமா கடிதத்தை தனது உதவியாளர் மூலம் வழங்கினார். மேயர் பதவியில் இருந்து கல்பனா ராஜினாமா செய்தது குறித்து மாநகராட்சி ஆணையர் சிவகுரு பிரபாகரன் தெரிவிக்கையில், “உடல் நிலை மற்றும் குடும்பச் சூழ்நிலை போன்ற தனிப்பட்ட காரணங்களுக்காக மேயர் பதவியில் இருந்து கல்பனா ஆனந்த குமார் ராஜினாமா செய்வதாக கடிதம் அனுப்பியுள்ளார்” எனத் தெரிவித்திருந்தார்.

இதனைத் தொடர்ந்து அன்றைய தினமே (ஜூலை 3) நெல்லை மாநகராட்சி மேயராக இருந்த சரவணன் தனது பதவியை ராஜினாமா செய்தார். மாநகராட்சி ஆணையரிடம் தனது ராஜினாமா கடிதத்தை சரவணன், தனிப்பட்ட காரணங்களுக்காக மேயர் பதவியில் இருந்து ராஜினாமா செய்வதாக குறிப்பிடப்பட்டிருந்ததாகக் கூறப்பட்டது. கோவை, நெல்லை என அடுத்தடுத்து ஒரே நாளில் இரு மேயர்கள் ராஜினாமா செய்த சம்பவம் அரசியல் வட்டாரத்தில் பெரும் பரபரப்பை ஏற்படுத்தியிருந்தது.

இந்நிலையில் காஞ்சிபுரம் மாநகராட்சி மேயர் மகாலட்சுமி யுவராஜ் மீது வரும் 29 ஆம் தேதி (29.07.2024) காலை 10 மணிக்கு நம்பிக்கையில்லா தீர்மான கூட்டம் நடைபெறும் என மாநகராட்சி ஆணையர் கண்ணன் தெரிவித்துள்ளார். காஞ்சிபுரம் மாநகராட்சியின் முதல் பெண் மேயர் என்ற சிறப்பை பெற்றவர் மகாலட்சுமி ஆவார். காஞ்சிபுரம் மாநகராட்சியில் 51 கவுன்சிலர்கள் மொத்தம் உள்ளனர். இவர்களில் மேயருக்கு எதிராக 33 திமுக மற்றும் அதிமுக கவுன்சிலர்கள் நம்பிக்கையில்லா தீர்மானம் கொண்டு வர கடந்த ஒரு மாதத்திற்கு முன்னதாகவே காஞ்சிபுரம் மாவட்ட ஆட்சியர், மாநகராட்சி மேயர் ஆணையர் கண்ணன் உள்ளிட்டோரிடம் மனு அளித்திருந்தனர். இந்த மனுவின் அடிப்படையில் மேயர் மகாலட்சுமி மீது 29 ஆம் தேதி நம்பிக்கையில்லா தீர்மானம் கொண்டு வரப்பட உள்ளது. 

Next Story

‘திருமணமான பெண்களுக்குப் பணி மறுப்பு?’ - பாக்ஸ்கான் நிறுவனம் விளக்கம்!

Published on 27/06/2024 | Edited on 27/06/2024
Job Denial to Married Women Explained by Foxconn 
கோப்புப்படம்

காஞ்சிபுரம் மாவட்டம் ஸ்ரீபெரும்புதுாரில் உள்ள சுங்குவார்சத்திரம் என்ற பகுதியில் பாக்ஸ்கான் என்ற தனியார் தொழிற்சாலை செயல்பட்டு வருகிறது. இங்கு செல்போன்களுக்கு தேவையான உதிரி பாகங்கள் தயாரிக்கப்பட்டு வருகின்றன. இந்தத் தொழிற்சாலையில் வெளிமாநிலம் மற்றும் வெளிமாவட்டங்களைச் சேர்ந்த ஏராளமான பணியாளர்கள் பணியாற்றி வருகின்றனர்.

கடந்த 2021 ஆம் ஆண்டு ஸ்ரீபெரும்புதுார் பாக்ஸ்கான் ஆலையின் தங்கும் விடுதில் வழங்கப்பட்ட தரமற்ற உணவை சாப்பிட்ட 100க்கும் மேற்பட்டோர் உடல்நலக் குறைவு ஏற்பட்டு மருத்துவமனையில் அனுமதிக்கப்பட்டனர். இது தொடர்பாக 17 மணி நேரம் சென்னை - பெங்களூரு நெடுஞ்சாலையில் போராட்டத்தில் ஈடுபட்டனர். அப்போதைய மாவட்ட ஆட்சியர் பேச்சுவார்த்தை நடத்தி உடன்பாடு ஏற்பட்டு போராட்டத்தை கைவிட்டனர். இத்தகைய சூழலில் தான் இந்த ஆலையின் ஆட்சேர்ப்பின் போது திருமணமான பெண்களுக்கு பணி மறுக்கப்டுவதாகபுகார் எழுந்தது. இது குறித்து மத்திய தொழிலாளர் மற்றும் வேலைவாய்ப்புத்துறை அமைச்சகம் சார்பில் தமிழக அரசுக்கு நோட்டீஸ் அனுப்பப்பட்டது. இதனால் பாக்ஸ்கான் ஆலை மீண்டும் சர்ச்சையில் சிக்கியது.

இந்நிலையில் இந்தக் குற்றச்சாட்டிற்கு பாக்ஸ்கான் நிறுவனம் விளக்கம் அளித்துள்ளது. அதில், “சமீபத்தில் வேலைக்கு எடுத்தவர்களில் 25 சதவீதம் பேர் திருமணம் ஆனவர்கள். ஆட்சேர்ப்பின் போது புதிதாக வேலைக்கு சேர்க்கப்பட்டவர்களில் 25 சதவீதம் பேர் திருமணம் ஆனவர்கள் ஆவர். திருமணம் ஆன பெண்களை வேலைக்கு எடுப்பது இல்லை என்ற நிபந்தனை தொழிற்சாலையின் கொள்கையே கிடையாது. ஆட்சேர்ப்பின் போது வேலைக்கு தேர்வு ஆகாத சிலர் இது போன்ற குற்றச்சாட்டை முன்வைத்துள்ளனர். மேலும் தொழிலாளர்களின் பாதுகாப்பு நலன் கருதி, பாலினம் மற்றும் மதம் பார்க்காமல் அனைத்து பணியாளர்களும் தங்கம் உள்ளிட்ட எந்த உலோக பொருட்களையும் அணிவதைத் தவிர்க்க வேண்டும் என்ற விதி பின்பற்றப்படுகிறது” எனத் தெரிவிக்கப்பட்டுள்ளது.