Skip to main content

போலீஸின் தீவிர விசாரணையில் தெரியவந்த கொலை வழக்கு..! 

Published on 17/05/2021 | Edited on 17/05/2021

 

Person passes away in thindivanam police  revealed the truth

 


திண்டிவனம் அருகே சில மாதங்களுக்கு முன்பு கிணற்றில் பிணமாக மிதந்த வாலிபர் வழக்கில், தற்போது அவர் கொலை செய்யப்பட்டு கிணற்றில் வீசப்பட்டது  வெளியே தெரியவந்துள்ளது. விழுப்புரம் மாவட்டம் திண்டிவனம் அருகிலுள்ள கீழ் சேவூரைச் சேர்ந்த ஆறுமுகம் என்பவரின் மகன் பிரேம்குமார், வயது 35. இவர், தனது குடும்பத்தினருடன் சென்னை பிராட்வே பகுதியில் வசித்துவருகிறார். கடந்த ஆண்டு நவம்பர் 6ஆம் தேதி அதே கீழ்சேவூர் கிராமத்தில் விவசாயக் கிணற்றில் அவர் பிணமாக மீட்கப்பட்டார். 

 

இது தொடர்பாக பிரம்மதேசம் போலீசார் தற்கொலை செய்துகொண்டதாக வழக்குப் பதிவுசெய்து விசாரணை நடத்திவந்தனர். தற்போது இந்த வழக்கில் திடீர் திருப்பம் ஏற்பட்டுள்ளது. பிரேம்குமார், அவரது தாய் லட்சுமி ஆகியோரை கொலை செய்துள்ளது தெரியவந்துள்ளது. சென்னை பிராட்வேயில் பிரேம்குமார் சொந்தமாக காய்கறி கடை நடத்தி வந்துள்ளார். அதனை விற்றுவிட்டு பணம் தரும்படி அதே கீழ்சேவூர் கிராமத்தைச் சேர்ந்த மாணிக்கம் என்பவரது மகன் ராமதாஸ் என்பவரிடம் பிரேம்குமார் கூறியுள்ளார். 

 

அந்தக் கடையை ராமதாஸ் 27 லட்ச ரூபாய்க்கு விற்பனை செய்துள்ளார். அந்தப் பணத்தில் 17 லட்சம் ரூபாய் பணத்தை மட்டுமே பிரேம்குமாரிடம் கொடுத்துவிட்டு, ஏழு லட்ச ரூபாய் பணத்தைத் தான் கடனாக வைத்துக் கொள்வதாகும் சில மாதங்களுக்குப் பிறகு அந்த ஏழு லட்சம் பணத்தை திருப்பித் தருவதாக பிரேம்குமாரிடம் கூறியுள்ளார் ராமதாஸ். ஆனால், மாதங்கள் பல கடந்தன. ராமதாஸ், அந்த ஏழு லட்சம் பணத்தை பிரேம்குமாருக்கு திருப்பித் தராமல் ஏமாற்றிவந்துள்ளார். பிரேம்குமார், அந்த ஏழு லட்சம் பணத்தைத் தருமாறு அடிக்கடி ராமதாசை கேட்டுள்ளார். 

 

அந்தப் பணத்தைத் திருப்பித் தர மனமில்லாத ராமதாஸ், அடிக்கடி பணம் கேட்டு தொல்லை தரும் பிரேம்குமாரை தீர்த்துக்கட்ட முடிவுசெய்துள்ளார். அதன்படி கடந்த நவம்பர் மாதம் 6ஆம் தேதி அந்த ஏழு லட்சம் பணம் தருவதாக கூறி சென்னையிலிருந்து தனது நண்பர்களுடன் ஆட்டோவில் கீழ் சேவூர் கிராமத்திற்கு பிரேம்குமாரை அழைத்துவந்துள்ளார். அங்கு, பிரேம்குமாருக்கு, தனது நண்பர்களுடன் சேர்ந்து ராமதாஸ் அதிக அளவில் மதுவை ஊற்றிக்கொடுத்துள்ளார். 

 

இதில் பிரேம்குமார் அதிகளவில் போதை அடைந்துள்ளார். அந்நிலையில், ராமதாசும் அவரது நண்பர்களும் பிரேம்குமாரை அருகில் இருந்த விவசாய கிணற்றில் தள்ளிவிட்டு கொலை செய்துள்ளனர். சம்பவத்திற்கு மறுநாள் பிரேம்குமார் தாயார் லட்சுமியிடம் செல்ஃபோனில் தொடர்புகொண்ட ராமதாஸ், உங்கள் மகன் பிரேம்குமார் திருவண்ணாமலையைச் சேர்ந்த ஒரு பெண்ணை காதலித்துவந்தார். அந்தப் பெண்ணை தற்போது திருமணம் செய்துகொள்ள இருக்கிறார். எனவே, உங்களை இங்கு அழைத்து வரும்படி பிரேம்குமார் என்னிடம் கூறியுள்ளார். அதற்காக நானும் எனது நண்பர்களும் உங்களை அழைப்பதற்காக சென்னைக்கு வருகிறோம் என்று கூறியதோடு, அதன்படி ஒரு காரில் தனது சக நண்பர்களுடன் ராமதாஸ் சென்னைக்கு சென்றுள்ளார்.

 

அங்கிருந்து லட்சுமியை அந்தக் காரில் அழைத்துவந்துள்ளனர். அப்படி வரும்போது ஆரணி பகுதியில் தனது நண்பர்களுடன் சேர்ந்து லட்சுமியை காரில் இருந்தபடியே கழுத்தை நெரித்துக் கொலை செய்து சாலையோரம் வீசிவிட்டுச் சென்றுள்ளனர். சாலையோரம் கிடந்த லட்சுமியின் உடலை போலீசார் கண்டறிந்து வழக்குப் பதிவுசெய்தனர். இதுகுறித்து திருவண்ணாமலை போலீசார் விசாரணை நடத்திவந்தனர். போலீசாரின் தீவிர விசாரணையில் அப்பகுதியில் சம்பவத்தன்று பயன்படுத்தப்பட்ட செல்ஃபோன்களின் சிக்னலை ஆய்வுசெய்ததில் கொலையாளிகள் சிக்கியுள்ளனர். 

 

அவர்களிடம் நடத்திய தீவிர விசாரணையில், பிரேம்குமாரை கொலை செய்து கிணற்றில் வீசியது தெரியவந்தது. அதையடுத்து திருவண்ணாமலை போலீசார் பிரம்மதேசம் போலீசாருக்குத் தகவல் தெரிவித்தனர். இதனைத்தொடர்ந்து பிரம்மதேசம் போலீசார் திருவண்ணாமலை சென்று அங்கு பிடிப்பட்ட கொலையாளிகளை அழைத்துவந்து விசாரணை நடத்தினார்கள். அந்த விசாரணையில் கொலையாளிகள் அளித்த தகவலின் பேரில் பிரம்மதேசம் போலீசார் சென்னை வியாசர்பாடி எம்.ஜி.ஆர். நகர் பகுதியைச் சேர்ந்த ரங்கசாமி மகன் ராஜன் என்பவரை கைது செய்துள்ளனர். இந்தக் கொலையில் தொடர்புடைய ராமதாஸ் உட்பட மேலும் பலரை பிரம்மதேசம் போலீஸார் தீவிரமாக தேடி வருகிறார்கள். விரைவில் அனைவரையும் கைது செய்வோம் என்கிறார்கள்  போலீசார். ரூ. 7 லட்சம் பணத்திற்காக தாயையும் மகனையும் கொலை செய்த கும்பலின் கொடூர செயல் திண்டிவனம் பகுதியில் உள்ள மக்களிடம் பெரும் அதிர்ச்சியை ஏற்படுத்தியுள்ளது.

 

 

சார்ந்த செய்திகள்

 

Next Story

ரவுடி திருவேங்கடம் என்கவுண்டர்; ‘நடந்தது என்ன?’ -  காவல்துறை விளக்கம்!

Published on 14/07/2024 | Edited on 14/07/2024
Thiruvenkadam incident An explanation has been given by the Chennai Police

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்படார். இது தொடர்பாக 11 பேர் சரணடைந்த நிலையில் 11 பேரும் கைது செய்யப்பட்டு போலீஸ் கஸ்டடி காவலில் விசாரணைக்காக அனுமதிக்கப்பட்டனர். இந்த வழக்கில் கைது செய்யப்பட்ட ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது.

இத்தகைய சூழலில் தான் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் இந்த வழக்கு தொடர்பான திடுக்கிடும் தகவல்களையும், அதற்கான சதி திட்டம் தீட்டிய இடத்தில் நாட்டு வெடிகுண்டுகள் பதுக்கி வைக்கப்பட்டுள்ளது குறித்தும் தெரிவித்துள்ளார். இதனையடுத்து அவரை இன்று (14.07.2024) அதிகாலை புழல் வெஜிடேரியன் நகருக்கு அழைத்துச் சென்று தடயங்கள் ஏதேனும் உள்ளதா? என்பது குறித்து கண்டறிவதற்காக காவல்துறையினர் சென்றனர். அப்போது அவர்களின் பிடியில் இருந்து ரவுடி திருவேங்கடம் தப்பிச் சென்று, அப்பகுதியில் உள்ள இரும்பு தகடு வேயப்பட்ட சிறு கூரையின் உள்ளே பதுங்கிக் கொண்டு அங்கு மறைத்து வைத்திருந்த துப்பாக்கியால் காவல்துறையினரை நோக்கி சுட்டுள்ளார்.

Thiruvenkadam incident An explanation has been given by the Chennai Police

அப்போது சரணடையும்படி எச்சரிக்கை விடுத்தும் சரணடையாமல் வெளியே வர மறுத்து தப்பி செல்ல திட்டம் தீட்டியதாக தெரிகிறது. இதனால் வேறு வழியின்றி காவல்துறையினர் ரவுடி திருவேங்கடத்தை இரண்டு முறை துப்பாக்கியால் சுட்டதில் மார்பிலும், வயிற்றிலும் துப்பாக்கி குண்டு பாய்ந்ததில் சுருண்டு விழுந்துள்ளார். அதனைத் தொடர்ந்து அவரை மீட்டு மாதவரத்தில் உள்ள தனியார் மருத்துவமனை கொண்டு சென்றனர். அங்கு திருவேங்கடத்தின் உடலைப் பரிசோதித்த மருத்துவர்கள் ஏற்கனவே இறந்து விட்டதாக தெரிவித்துள்ளனர். பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் கொலை வழக்கில் தொடர்புடைய முக்கிய குற்றவாளியை காவல்துறையினர் துப்பாக்கியால் சுட்டு கொன்ற சம்பவம் சென்னையில் பெரும் பரபரப்பை ஏற்படுத்தியுள்ளது.

இந்நிலையில் இந்த என்கவுண்டர் சம்பவம் தொடர்பாக பெருநகர சென்னை காவல்துறை சார்பில் விளக்கம் அளிக்கப்பட்டுள்ளது. அதில், “பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் (52 வயது) கடந்த 5 ஆம் தேதி (05.07.2024) கொலை செய்யப்பட்டார். இது தொடர்பாக கே - 1 செம்பியம் காவல் நிலையத்தில் வழக்கு பதிவு செய்து விசாரணை மேற்கொள்ளப்பட்டது. இந்த விசாரணையில் சென்னை   குன்றத்தூர், பகுதியைச் சேர்ந்த கண்ணன் என்பவரின் மகன் திருவேங்கடம் (வயது 33) உட்பட 11 நபர்கள் கைது செய்யப்பட்டு சிறையில் அடைக்கப்பட்டனர். 

Thiruvenkadam incident An explanation has been given by the Chennai Police

இவ்வாறு கைது செய்யப்பட்ட திருவேங்கடம் உட்பட 11 நபர்கள் விசாரணைக்காக போலீஸ் காவலில் எடுக்கப்பட்டனர். அதில் திருவேங்கடம் இந்த கொலை வழக்கு தவிர இரண்டு கொலை வழக்குகள் மற்றும் வழிப்பறி, கொடுங்காய வழக்கு உள்ளிட்ட ஐந்து வழக்குகளில் சம்பந்தப்பட்டுள்ளார். அவரது வாக்குமூலத்தின் அடிப்படையில் இன்று (14.07.2024) அதிகாலை போலீஸ் காவலில் இருந்த திருவேங்கடத்தை இந்த வழக்கில் சம்பந்தப்பட்ட ஆயுதங்களை கைப்பற்ற எதிரி தங்கியிருந்த மணலியில் உள்ள வீட்டிற்கு தக்க பாதுகாப்புடன் அரசு வாகனத்தில் அழைத்து செல்லப்பட்டார். அவ்வாறு அழைத்து செல்லும்போது, இயற்கை உபாதைக்காக ரெட்டேரி ஏரிக்கரை ஆட்டு மந்தை செல்லும் வழியில் போலீஸ் வாகனத்தை நிறுத்தினர்.

அப்போது பாதுகாப்பில் இருந்த காவலர்களை தள்ளிவிட்டு திருவேங்கடம் தப்பி ஓடிவிட்டார். உடனடியாக பாதுகாவலாக சென்ற காவலர்கள் அவரை பிடிக்க முயற்சித்தும் பிடிக்க இயலவில்லை. புழல் காவல் நிலைய எல்லைக்குட்பட்ட வெஜிடேரியன் வில்லேஜ் என்ற இடத்தில் மறைந்திருந்த திருவேங்கடத்தை பிடிக்க முயற்சித்தபோது  தான் மறைத்து வைத்திருந்த கள்ளத்துப்பாக்கியை எடுத்து காவலர்களை நோக்கி சுட்டுள்ளார். உடனடியாக காவல் ஆய்வாளர் திருவேங்கடத்தை தற்காப்பிற்காக துப்பாக்கியால் சுட்டதில், காயமடைந்த திருவேங்கடம் உடனடியாக மெரிடியன் மருத்துவமனைக்கு அழைத்து செல்லப்பட்டார். அவரை பரிசோதித்த மருத்துவர்கள் அவர் இறந்துவிட்டதாக தெரிவித்தனர். இது சம்பந்தமாக எம் - 3 புழல் காவல் நிலையத்தில் வழக்கு பதிவு செய்யப்பட்டு முதல் தகவல் அறிக்கை நீதிமன்ற நிதிபதி விசாரணைக்காக அனுப்பப்பட்டுள்ளது” எனத் தெரிவித்துள்ளார். 

Next Story

‘பயணிகளின் கவனத்திற்கு’ - மின்சார ரயில் சேவையில் மாற்றம்!

Published on 13/07/2024 | Edited on 13/07/2024
'Attention of passengers'- change in Chennai electric train service!

பராமரிப்புப் பணி காரணமாக சென்னை கடற்கரை - தாம்பரம் இடையேயான மின்சார ரயில்கள் அனைத்தும் எழும்பூரில் இருந்து நாளை (14.07.2024) இயக்கப்படும் என அறிவிப்பு வெளியாகியுள்ளது. இந்நிலையில் மின்சார ரயில் பயணிகள் நலன் கருதி சென்னை கடற்கரை முதல் எழும்பூர் ரயில் நிலையம் வரை நாளை கட் சர்வீஸ் பேருந்துகளை இயக்க சென்னை மாநகர் போக்குவரத்துக் கழகம் நடவடிக்கை எடுத்துள்ளது.

இது தொடர்பாக சென்னை மாநகர் போக்குவரத்துக் கழகம் வெளியிட்டுள்ள அறிவிப்பில், “நாளை (14.07.2024) தென்னக ரயில்வேயின் பராமரிப்பு பணிகள் சென்னை கடற்கரை ரயில் நிலையத்திற்கும் பூங்கா ரயில் நிலையத்திற்கும் இடையே நடைபெற உள்ளது. இதனால் தென்னக ரயில்வே சென்னை கடற்கரை ரயில் நிலையத்திலிருந்து தாம்பரம் ரயில் நிலையம் வரை இயக்கப்படும் ரயில்கள் அனைத்தும் எழும்பூர் இரயில் நிலையத்திலிருந்து  இயக்கப்படும் என்று அறிவித்துள்ளது. 

'Attention of passengers'- change in Chennai electric train service!

பயணிகள் நலன் கருதி மாநகர் போக்குவரத்துக் கழகம் கடற்கரை ரயில் நிலையம் முதல் எழும்பூர் ரயில் நிலையம் வரை கட் சர்வீஸ் பேருந்துகளை இயக்கப்படவும், முக்கிய பேருந்து நிலையங்களில் அலுவலர்களை நியமித்து பேருந்துகள் இயக்கத்தினை கண்காணிக்கவும் நடவடிக்கை எடுக்கப்பட்டுள்ளது” எனத் தெரிவிக்கப்பட்டுள்ளது.