Skip to main content

பட்டா மாற்றம்; கொந்தளித்த மக்கள் - அடியோடு ஸ்தம்பிப்பு!

Published on 06/12/2023 | Edited on 06/12/2023

 

patta document issue nellai

 

டவுன் சர்வே ஆவணத்தில் பட்டா மாற்றப்பட்டதால் கடும் கொந்தளிப்பில் இருக்கிறார்கள் தென்காசி மாவட்டம் சங்கரன்கோவில் நகரின் ஒரு பகுதிவாசிகள்.

 

சங்கரன்கோவில் பகுதியில் உள்ள காந்தி நகர், கக்கன் நகர் பகுதியில் ஒரு குறிப்பிட்ட சமூக மக்கள் 10 ஆயிரத்திற்கும் மேற்பட்டோர் காலம் காலமாக வசித்து வருகின்றனர். அந்த மக்கள் அந்தப் பகுதியில் உள்ள நெல் களத்தை விவசாயப் பணிகளுக்காக பலகாலமாகத் தொடர்ந்து பயன்படுத்தி வருகின்றனர். அந்த நிலத்தை அரசு தரப்பில் கையகப்படுத்த திட்டமிட்டு இருப்பதாகத் தெரிந்ததுடன், அதற்காகவே ‘களம்’ என்றிருக்கும் நிலத்தை கழிப்பிடம் என்று டவுன் சர்வே ரிப்போர்ட்டான டி.எஸ்.ஆர். படி பட்டா மாற்றம் செய்யப்பட்டதாகச் சொல்லப்படுகிறது. இதற்கு அப்பகுதி மக்கள் கடும் எதிர்ப்பு தெரிவித்திருக்கிறார்கள்.

 

அதையடுத்து மாவட்ட நிர்வாகம் மற்றும் நகராட்சி நிர்வாகத்தைக் கண்டித்து நகரின் தேரடித் திடலில் தொடர் உண்ணாவிரதப் போராட்டம் நடத்தப் போவதாக அந்தப் பகுதி மக்கள் அறிவித்ததால் அங்கு போலீஸ் பாதுகாப்பு போடப்பட்டது. மேலும் தேரடி திடலில் உண்ணாவிரதமிருக்க போராட்டத்தில் ஈடுபட பொதுமக்களுக்கு அனுமதி மறுத்தது போலீஸ் நிர்வாகம். ஆனாலும் தடையை மீறி நேற்று மைதானத்தில் கக்கன் நகர், காந்தி நகர் பகுதியைச் சேர்ந்த 14 ஊர் நாட்டாமைகள் தலைமையில் ஏராளமான மக்கள் அங்கு திரண்டனர். இதனால், பதற்றம் மற்றும் பரபரப்பான சூழல் ஏற்பட்டுள்ளது. ஏற்கனவே தகவல் போய் தென்காசி மாவட்ட எஸ்.பி.யான சுரேஷ்குமாரும் ஸ்பாட்டுக்கு முன்னதாக வர, அவர் தலைமையில் சுமார் 500க்கும் மேற்பட்ட போலீசார் பாதுகாப்புப் பணியில் ஈடுபடுத்தப்பட்டனர்.

 

patta document issue nellai

 

கொந்தளிப்பான நிலையில் கழுகுமலை சாலையிலிருந்து நெல்லை சாலையை நோக்கி ஊர்வலமாகப் புறப்பட்டனர். சிறிது தூரத்திற்குப் பின்பு பழைய தாலுகா அலுவலகம் முன்னே போலீசார் அந்த மக்களைத் தடுத்து நிறுத்தினர். இதனால் ஆவேசமடைந்த மக்கள் அவர்களிடம் கடும் வாக்குவாதம் செய்ய, போலீசுக்கும் பொதுமக்களுக்குமிடையே தள்ளுமுள்ளு ஏற்பட்டது. கழுகுமலை, நெல்லை பிரதான சாலைகள் மூன்றரை மணி நேரத்திற்கும் மேலாக இதன் காரணமாக மூடப்பட்டன. போக்குவரத்து முற்றிலும் பாதிக்கப்பட்டது. ஆத்திரமான மக்கள் தடுப்புகளை மீறித் தேரடித் திடலுக்குச் சென்றவர்கள் சாலை மறியலில் ஈடுபட்டனர். கோரிக்கைகளை வலியுறுத்தி ஆவேசக் குரலெழுப்பினர்.

 

காலை 10 மணிக்கு ஆரம்பித்த மக்களின் மறியல் போராட்டம் மதியம் இரண்டு மணி வரை நீடித்தது. சுமார் மூன்றரை மணி நேரப் போராட்டத்திற்குப் பிறகே மக்கள் கலைந்து சென்றனர். ஆனாலும் பதற்றம் தொடர்ந்த வண்ணமிருக்கிறது.

 

 

சார்ந்த செய்திகள்

Next Story

விபத்தில் சிக்கியவரைக் காப்பாற்றிய காவலர்; நேரில் அழைத்துப் பாராட்டிய கமிஷனர்!

Published on 22/02/2024 | Edited on 22/02/2024
The policeman who saved the incident victim The commissioner called and praised in person

சென்னை பெருநகர காவல்துறையின் ஆயுதப்படை மோட்டார் வாகன பிரிவில் இரண்டாம் நிலைக் காவலரான விக்னேஷ் பாண்டி என்பவர் காசிமேடு காவல் வாகனத்தின் ஓட்டுநராக பணிபுரிந்து வருகிறார். இவர் கடந்த 20 ஆம் தேதி மாலை (20.02.2024) மாலை சுமார் 06.30 மணியளவில் காசிமேடு எஸ். என்.செட்டி ரோட்டில் காவல் வாகனத்தில் ரோந்து பணியில் இருந்துள்ளார்.

அச்சமயம் அவ்வழியே நடந்து சென்ற நபர் மீது ஒரு ஆட்டோ மோதியதில் அந்த நபர் நிலைதடுமாறி சாலையில் விழுந்து சுயநினைவின்றி கிடந்துள்ளார். இதனைக் கண்ட காவலர் விக்னேஷ் பாண்டி சுயநினைவின்றி கீழே விழுந்தவருக்கு முதலுதவி சிகிச்சை அளித்துள்ளார். இதனால் அவருக்கு சுயநினைவு திரும்பியது. அதன் பின்னர் தன்னுடன் பணியில் இருந்த காவலர் மற்றும் பொதுமக்கள் உதவியுடன் விபத்தில் சிக்கியவருக்கு குடிநீர் கொடுத்து 108 ஆம்புலன்ஸ் வரவழைக்கப்பட்டு சிகிச்சை அளிக்கப்பட்டது.

இந்நிலையில் விபத்தில் சிக்கி சுயநினைவின்றி கிடந்தவருக்கு முதலுதவி அளித்து காப்பாற்றிய காவலர் விக்னேஷ் பாண்டி சென்னை பெருநகர காவல் ஆணையாளர் சந்தீப் ராய் ரத்தோர் நேரில் அழைத்து பாராட்டு தெரிவித்துள்ளார். இது குறித்து சென்னை பெருநகர காவல் துறையின் எக்ஸ் சமூக வலைத்தளத்தில், “விபத்தில் சிக்கியவருக்கு சி.பி.ஆர். மற்றும் முதலுதவி கொடுத்து ஒரு உயிரைக் காப்பாற்றிய இரண்டாம் நிலை காவலர் விக்னேஷ் பாண்டிக்கு ஒரு பெரிய சல்யூட். காவல் ஆணையாளர் சந்தீப் ராய் ரத்தோர், காவலர் விக்னேஷ் பாண்டியின் வீரச் செயலைப் பாராட்டினார். விக்னேஷ் பாண்டி உங்களை நினைத்து பெருமை கொள்கிறோம்” எனத் தெரிவிக்கப்பட்டுள்ளது. 

Next Story

மர்ம மரணத்தில் திடீர் திருப்பம்; கணவன் மனைவியின்  பரபரப்பு வாக்குமூலம்

Published on 22/02/2024 | Edited on 22/02/2024
Wife arrested for indecent old woman for jewelry

ஈரோடு மாவட்டம் பவானிசாகர் அருகே உள்ள தொட்டம்பாளையத்தை சேர்ந்தவர் சுப்ரமணி. இவரது மனைவி யசோதா (64). இவர்களுக்கு இரண்டு மகள்களும், ஒரு மகனும் உள்ளனர். மூன்று பேருக்கும் திருமணமாகி அவரவர் குடும்பத்துடன் வெளியூரில் வசித்து வருகின்றனர். இந்நிலையில் சுப்பிரமணியன் இறந்துவிட்டார். யசோதா மட்டும் தனியாக வசித்து வந்தார்.

இந்நிலையில் நேற்று முன்தினம் வீட்டில் யசோதா மர்மமான முறையில் இறந்து கிடந்தார். இது குறித்து தகவல் கிடைத்ததும் யசோதாவின் மகள்கள் மற்றும் மகன் ஆகியோர் யசோதா வீட்டுக்கு வந்து தாயின் உடலை பார்த்து கதறி அழுதனர். முதலில் வயது முதுமை காரணமாக யசோதா இறந்துவிட்டதாக அவர்கள் நினைத்தனர். பின்னர் யசோதாவின் உடலை அடக்கம் செய்யும் பணியில் உறவினர்கள் ஈடுபட்டுக் கொண்டிருந்தனர். அப்போது யசோதா கழுத்தில் இருந்த இரண்டரை பவுன் சங்கிலி மற்றும் அரை பவுன் கமலுக்கு பதிலாக கவரிங் நகை இருந்ததைக் கண்டு அவர்களுடைய மகள்கள் அதிர்ச்சி அடைந்தனர்.  இதனால் தாயின் சார்வில் மர்மம் இருப்பதாக கருதி அவர்கள் இது குறித்து பவானிசாகர் போலீசில் புகார் அளித்தனர். 

போலீசார் சம்பவ இடத்துக்கு விரைந்து வந்து யசோதாவின் உடலை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். போலீசார் சந்தேக மரணம் என வழக்கு பதிவு செய்து விசாரணை மேற்கொண்டு வந்தனர்.  இந்நிலையில் போலீசாரின் சந்தேக பார்வை யசோதா வீட்டின் அருகே வசித்து வரும் பழனிச்சாமி என்பவர் மீது திரும்பியது. பழனிச்சாமி அடிக்கடி மதுபோதையில் யசோதா வீட்டுக்கு சென்று வந்தது விசாரணையில் தெரியவந்தது. இதனை அடுத்து பழனிச்சாமியிடம் போலீசார் கெடுக்குப்பிடி விசாரணை மேற்கொண்டனர். அப்போது போலீசாரிடம் யசோதாவை கொன்றதை பழனிச்சாமி ஒப்புக்கொண்டார். 

இது குறித்து போலீசார் கூறியதாவது:- மூதாட்டி யசோதா வீட்டின் அருகே பழனிச்சாமி மனைவி தேவியுடன் வசித்து வந்தார். பழனிச்சாமிக்கு குடிப்பழக்கம் இருந்துள்ளது. அதே சமயம் அவருக்கு பண தேவையும் இருந்துள்ளது. இதனால் பண தேவைக்கு என்ன செய்யலாம் என்று யோசித்துக் கொண்டிருந்தபோது யசோதாவின் நகை அவரது பார்வையை உறுத்தியது. இதை அடுத்து நேற்று முன்தினம் பழனிசாமி மது போதையில் யசோதா வீட்டிற்கு சென்றுள்ளார். பழனிச்சாமி உடன் அவரது மனைவியும் உடன் சென்றுள்ளார். அப்போது பழனிச்சாமி யசோதா கழுத்தில் இருந்த நகையை பறிக்க முயன்று உள்ளார். இதனால் அதிர்ச்சி அடைந்த யசோதா தடுத்துள்ளார். இதனால் ஆத்திரம் அடைந்த பழனிச்சாமி மூதாட்டியின் வாயை தனது கையால் பொத்தியுள்ளார். இதில் அவருக்கு மூச்சுத் திணறல் ஏற்பட்டது. பின்னர் வீட்டிலிருந்த தலையணையால் முகத்தில் அமுக்கி உள்ளார். இதற்கு அவரது மனைவியும் உதவியாக இருந்து உள்ளார். சிறிது நேரத்தில் யசோதா பரிதாபமாக இறந்தார். பின்னர் பழனிச்சாமி மூதாட்டி அணிந்திருந்த நகையை கழட்டி விட்டு தாங்கள் கொண்டு வந்த கவரிங் நகையை மூதாட்டிக்கு அணிவித்து  விட்டு ஒன்றும் தெரியாதது போல் சென்றுவிட்டனர். இவ்வாறு அவர்கள் கூறினர்.

பின்னர் பவானிசாகர் போலீசார் மர்மசாவு வழக்கை கொலை வழக்காக மாற்றி பழனிச்சாமி அவரது மனைவி தேவி ஆகியோரை கைது செய்தனர். பின்னர் அவர்கள் நீதிமன்றத்தில் ஆஜர்படுத்தப்பட்டு கோவை மத்திய சிறையில் அடைக்கப்பட்டனர்.