Skip to main content

எங்கள் ஓட்டு விற்பனைக்கு அல்ல... வீட்டு சுவரில் சுவரொட்டி ஒட்டும் இளைஞர்கள்

Published on 22/12/2019 | Edited on 22/12/2019

உள்ளாட்சித் தேர்தல் தேதி அறிவிக்கப்பட்டதும் அரசியல் கட்சிகள், அரசியல் கட்சிகளில் வாய்ப்பு கிடைக்காதவர்கள் என்று கிராம ஊராட்சியில் தொடங்கி ஒன்றிய, மாவட்டக்குழு வார்டுகளிலும் போட்டிக்கு நிற்கிறார்கள். இந்தமுறை படித்த பட்டதாரிகள், பொறியாளர்கள், தனியார் பள்ளி ஆசிரியர்கள், மருத்துவர்கள் கூட உள்ளாட்சித் தேர்தலில் போட்டியிடுகின்றனர். இளைஞர்களின் எண்ணிக்கை அதிகமாகவே உள்ளது.

 

 Our vote is not for sale ... poster sticking youngsters on the home wall

 

ஒவ்வொரு இடத்திலும் பணத்தை நம்பி போட்டியிடும் வேட்பாளர்களின் எண்ணிக்கையும் அதிகரித்துள்ளது. சேர்மன் வேட்பாளர்களாக தங்களை நினைத்துக் கொண்டு கிராமங்களுக்கு மொத்தமாக பணம் கொடுப்பது, வாக்காளர்களுக்கு பணம் கொடுப்பது என்று பலரும் பணத்தை நம்பி களமிறங்கி உள்ளனர். கடைசி நாட்களில் பணம் பட்டுவாடா செய்ய குழுக்களும் அமைக்கப்பட்டுள்ளது. ஆனால் இளைஞர்கள் பணம் கொடுக்க வேண்டாம், பணம் வாங்க வேண்டாம் என்று பிரச்சாரங்களை செய்து வருகிறார்கள்.

சட்டமன்ற, பாராளுமன்ற தேர்தல்களைப் போல உள்ளாட்சித் தேர்தலிலும் பணம் விளையாடத் தொடங்கிவிட்டது. இந்த நிலையில் தான் வாய்மொழியாக விழிப்புணர்வு ஏற்படுத்தி வந்த இளைஞர்கள் சுவரொட்டிகள் மூலம் விழிப்புணர்வு ஏற்படுத்தி வருகின்றனர்.

 

 Our vote is not for sale ... poster sticking youngsters on the home wall


புதுக்கோட்டை மாவட்டம் அறந்தாங்கி ஊராட்சி ஒன்றியம் மறமடக்கி கிராமத்தில்கிராம நீர்நிலை பாதுகாப்பிற்காக கடந்த சில மாதங்களுக்கு முன்பு உருவாக்கப்பட்டு நீர்நிலைகளை சீரமைத்த மக்கள் செயல் இயக்கம் என்ற இளைஞர் அமைப்பினர் நமது ஓட்டு விற்பனைக்கு அல்ல என்று பதாகைகள் அச்சடித்து பொது இடங்களில் வைத்ததுடன் தங்கள் வீட்டு சுவர்களில் எங்கள் ஓட்டு விற்பனைக்கு அல்ல..! என்று சுவரொட்டியும் ஒட்டி வைத்துள்ளனர். மேலும் இந்த சுவரொட்டிகள், பதாகைகளை சமூகவலைதளங்கள் மூலமும் பரப்பி வருகின்றனர். மேலும் வீடியோக்கள் மூலமும் விழிப்புணர்வு ஏற்படுத்தி வருகின்றனர்.

இதுகுறித்து மறமடக்கி மக்கள் செயல் இயக்கம் இளைஞர்கள் கூறும் போது,  குடிக்க தண்ணீர் இல்லை என்று கேட்டால் பணம் வாங்கிட்டு தானே ஓட்டு போட்டே என்று கேட்கிறார்கள். வாக்களித்த நமக்கு இந்த அவமானம் தேவையா? அதனால தான் நமது ஓட்டு விற்பனைக்கு அல்ல..! என்றும் எங்கள் ஓட்டு விற்பனைக்கு அல்ல..! என்றும் பதாகை வைத்ததுடன் குவாட்டருக்கு ஆசைப்பட்டு ஓட்டு போட்டுவிட்டு குடிக்கிற தண்ணீருக்காக அலையாதே..! என்று விழிப்புணர்வு வீடியோவையும் சமூக வலைதளங்களில் வெளியிட்டுள்ளோம். இதேபோல ஒவ்வொரு கிராமத்திலும் இளைஞர்கள் முன்வந்தால் பணம் இல்லாமல் வாக்களிக்கும் நமது உரிமையை மீட்டெடுக்க முடியும் என்றனர்.

இந்த விழிப்புணர்வு இருந்தாலே நல்லது செய்ய நினைப்பவர்களை தேர்ந்தெடுக்கலாம்.
 

 

 

சார்ந்த செய்திகள்

 

Next Story

தேர் சரிந்து ஒருவர் பலி! - 5 பேர் காயம்

Published on 24/06/2024 | Edited on 24/06/2024
One lost life, 5 injured as chariot falls in Pudukkottai

புதுக்கோட்டை மாவட்டம் அறந்தாங்கி தாலுகா மாத்தூர் ராமசாமாபுரம் கிராமத்தில் உள்ள முத்துமாரியம்மன் கோயில் திருவிழா கடந்த வாரம் காப்புக்ட்டுதலுடன் தொடங்கி நடந்து வருகிறது.

திருவிழாவின் முக்கிய நிகழ்வான தேரோட்டத் திருவிழா இன்று மாலை 4 மணிக்கு நடக்க இருந்தது. இந்த நிலையில் தேர் அலங்கார சீரமைப்புப் பணிகள் தொடங்கி நடந்தது. இன்று காலை பலர் தேர் அலங்காரப் பணியில் ஈடுபட்டிருந்தனர். அப்போது தேரின் உச்சியில் வைக்கப்பட வேண்டிய பெரிய குடம் ஏற்றப்பட்ட போது தேர் சக்கரத்திற்கு மேலே சரிந்து ஒரு பக்கமாக விழுந்து விபத்து ஏற்பட்டுள்ளது.

அப்போது தேரின் மேல் இருந்து வேலை செய்து கொண்டிருந்தவர்கள் மற்றும் தேருக்கு கீழே நின்றவர்கள் என பலர் சாய்ந்த தேருக்குள் சிக்கிக் கொண்டனர். இதில் மாத்தூர் கிராமத்தைச் சேர்ந்த சபாபதி மகன் மகாலிங்கம் (60) தேருக்குள் சிக்கி உயிரிழந்தார். மேலும், தேர் கட்டுமானப் பணியில் ஈடுபட்டிருந்த கீரமங்கலம் மேற்கு பகுதியைச் சேர்ந்த கணேசன் மகன் கோபு(45), கணபதி (50), சேந்தன்குடி தர்மலிங்கம் மகன் ஆறுமுகம் (46), மற்றும் மாத்தூர் கிராமத்தைச் சேர்ந்த ராமசாமி மகன் அழகர் (46), வீரையா மகன் விஜயகுமார் (36) ஆகியோர் படுகாயமடைந்து பேராவூரணி, புதுக்கோட்டை, திருச்சி ஆகிய ஊர்களில் உள்ள அரசு மற்றும் தனியார் மருத்துவமனைகளில் சிகிச்சை பெற்று வருகின்றனர்.

Next Story

மீண்டும் ஒரு சாத்தன்குளம் சம்பவம்? புதுக்கோட்டையில் பரபரப்பு!

Published on 24/06/2024 | Edited on 24/06/2024
Police beaten a person who was taken for questioning in Pudukkottai

போலிசார் அழைத்துச் சென்ற 18 வயது மகன் தற்போது உடலில் படுகாயங்களுடன் சிறுநீரகம் பாதிக்கப்பட்டு உயிருக்கு ஆபத்தான நிலையில் மருத்துவமனையில் சிகிச்சை பெற்றுவருகிறார். தன் மகன் உயிரை காப்பாற்றவும் தன் மகனை இப்படி தாக்கிய போலிசார் மீது நடவடிக்கை எடுக்க கோரியும் ஒரு தாய் நீதிமன்ற கதவுகளையும், மாவட்ட ஆட்சியர் அலுவலக கதவுகளையும் தட்ட தயாராகி உள்ளார்.

புதுக்கோட்டை மாவட்டம் மணமேல்குடி தாலுகாவில் கடந்த 9 ஆம் தேதி முகமூடி அணிந்த 3 பேர் கொண்ட ஒரு கும்பல் ஒரு பெண்ணை தாக்கி தங்க நகைகளை பறித்துக் கொண்டு செல்ல, அந்தச் சம்பவம் குறித்த புகார் மணமேல்குடி காவல் நிலையம் வந்துள்ளது. புகார் கொடுத்தவர்களே சில சந்தேக நபர்களையும் அடையாளம் சொல்ல போலிசார் விச்சூர் அருகே உள்ள அம்மாபட்டினம் அஞ்சல் ஆதிபட்டினம் கிராமத்தைச் சேர்ந்த ரவி மகன் பாண்டியன் (வயது 18) மற்றும் அவரது 17 வயது கூட்டாளியை விசாரணைக்கு அழைத்துச் சென்றுள்ளனர். ஆனால் விசாரனையில் நகைகள் கிடைக்கவில்லை.

சில நாட்கள் வரை விசாரணைக்காக அழைத்துச் செல்லப்பட்டவர்கள் வீடும் திரும்பவில்லை. சிறைக்கும் அனுப்பவில்லை என்பதால் பாண்டியனின் தாயார் காளியம்மாள் மணமேல்குடி, மீமிசல் காவல் நிலையங்களுக்கு சென்று விசாரித்துள்ளார். ஆனால் அங்கே இல்லை என்று போலிசார் கூறியுள்ளனர். அதே நேரத்தில் திருட்டு போன நகை பற்றி எந்தத் தகவலும் கிடைக்கவில்லை. போலீசார் அழைத்துச் சென்ற தன் மகனை காணவில்லை என மாவட்ட ஆட்சியருக்கு மனு அனுப்பியதுடன் நீதிமன்றத்தில் ஆட்கொணர்வு மனுத்தாக்கல் செய்ததுடன் வட்ட சட்டப்பணிகள் குழுவிலும், மாவட்ட ஆட்சியரிடமும் புகார் மனு கொடுத்துள்ளார். 

அதன் பிறகு போலிசார் பாண்டியனை வீட்டிற்கு அழைத்து வந்த போது மயங்கி கீழே விழுந்த பாண்டியன் பின்பக்கத்தில் பலத்த அடி காயம் ஏற்பட்டிருந்தது. அத்தோடு மீண்டும் காவலர்களே அழைத்துச் சென்ற நிலையில்  18 ஆம் தேதி கொள்ளுவயல் ஆற்றுப்பால் அருகே 1.150 கிலோ கிராம் கஞ்சாவுடன் வந்த பாண்டியனை கிராம நிர்வாக அலுவலர் முன்னிலையில் கைது செய்ததாக வழக்கு பதிவு, ரேக்ளா பந்தயம் பார்க்கப் போன இடத்தில் பாண்டியனுக்கு காயமடைந்துள்ளதாக வாக்குமூலம் பதிவு செய்து மருத்துவச் சான்றும் பெற்று நீதிமன்றத்திலும் ஆஜர்படுத்தி உள்ளனர். நீதிமன்ற சிறையில் அடைக்க உத்தரவிட்ட நிலையில் புதுக்கோட்டை சிறை நிர்வாகம் காயத்துடன் உள்ளவரை சிறையில் வைக்க முடியாது என்று புதுக்கோட்டை மருத்துவக்கல்லூரி மருத்துவமனைக்கு அனுப்பிவிட்டனர்.

மருத்துவமனையில் சேர்த்த பிறகு மருத்துவர்கள் சோதனையில் பாண்டியனின் பின்புறம் இரு பக்கமும் பலத்த காயம் ஏற்பட்டு இதனால் உப்பின் அளவு அதிகரித்து சிறுநீரகம் பாதிக்கப்பட்டு டயாலிஸ் செய்து வருகின்றனர். இந்த நிலையில்தான் போலீசார் விசாரனை என்ற பெயரில் தன் மகனை உணவு, தண்ணீர் கொடுக்காமல் அடித்ததால் சிறுநீரகம் வரை பாதிக்கப்பட்டுள்ளது. அதனால் என் மகன் உயிரை காப்பாற்ற உயர் சிகிச்சை அளிக்க வேண்டும் என்று நீதிமன்றம் மற்றும் மாவட்ட ஆட்சியரை அணுக தயாராகி வருகின்றார்.

சாத்தன்குளம் போல புதுக்கோட்டை மணமேல்குடி சம்பவம் நடந்துள்ளதாக கூறுகின்றனர்.